ກຽມສ້າງຫໍສະພາແຫ່ງຊາດຫລັງໃໝ່ ໃນກາງເດືອນກໍລະກົດນີ້

- advert banner 728 90 728x90 - ກຽມສ້າງຫໍສະພາແຫ່ງຊາດຫລັງໃໝ່ ໃນກາງເດືອນກໍລະກົດນີ້

ໂຄງການກໍ່ສ້າງຫໍສະພາແຫ່ງຊາດຫລັງໃໝ່ ຈະເລີ່ມລົງມືກໍ່ສ້າງ ໃນກາງເດືອນກໍລະກົດ ນີ້, ທີ່ນະຄອນຫລວງວຽງຈັນ, ຄາດວ່າຈະໃຊ້ເວລາໃນການກໍ່ສ້າງປະມານ 3 ປີ, ໂດຍທຶນຊ່ວຍເຫລືອລ້າຈາກ ສສ ຫວຽດນາມ ເພື່ອຮອງຮັບໃຫ້ແກ່ການປະຕິບັດໜ້າທີ່ວຽກງານຂອງ ສະພາແຫ່ງຊາດຊຸດຕໍ່ໄປມີຄວາມສະດວກດີຂຶ້ນ.

ທ່ານ ນາງ ສວນສະຫວັນ ວິຍະເກດ ກຳມະການຄະນະປະຈຳສະພາແຫ່ງຊາດ, ເລຂາທິການສະພາແຫ່ງຊາດ ໃຫ້ຮູ້ວ່າ: ຫໍສະພາແຫ່ງຊາດຫລັງໃໝ່ ຈະສ້າງເປັນອາຄານ 5 ຊັ້ນ ປະກອບດ້ວຍ ຫ້ອງປະຊຸມໃຫຍ່ ຫ້ອງໂຖງ, ຫ້ອງກຽດຕິຍົດ, ຫ້ອງປະຊຸມຂະໜາດກາງ-ນ້ອຍ, ຫ້ອງເຮັດວຽກຂອງບັນດາຄະນະປະຈຳສະພາແຫ່ງຊາດ ແລະ ອື່ນໆ.

ທ່ານ ນາງ ສວນສະຫວັນ ວິຍະເກດ ໃຫ້ຮູ້ຕື່ມວ່າ: ການຮື້ຖອນ ຫໍສະພາແຫ່ງຊາດ ຫລັງເກົ່າ ແລະ ປຸກສ້າງຫໍສະພາແຫ່ງຊາດຫລັງໃໝ່ ລ້ວນແຕ່ເປັນວຽກງານທີ່ສຳຄັນ ເພາະສະຖານທີ່ແຫ່ງນີ້ ເປັນຈຸດລວມຂອງຄວາມມຸ້ງມາດປາຖະໜາ ຂອງປະ ຊາຊົນລາວບັນດາເຜົ່າ, ເປັນບ່ອນທີ່ມີຄວາມສັກສິດ ໃນການຄຸ້ມຄອງບໍລິຫານລັດ, ເປັນບ່ອນປະຕິບັດໜ້າທີ່ການເມືອງ ຂອງສະມາຊິກສະພາແຫ່ງຊາດ ທີ່ເປັນຕົວແທນຂອງປະຊາຊົນບັນດາເຜົ່າ ແຕ່ເນື່ອງຈາກວ່າ ຜ່ານການນຳໃຊ້ຫໍສະພາດັ່ງກ່າວ ເຂົ້າໃນການປະຕິບັດໜ້າທີ່ວຽກງານ ຂອງສະພາແຫ່ງຊາດ ໃນໄລຍະເວລາ 26 ປີ ຜ່ານມາ ມີຫລາຍຈຸດເກີດການເພພັງ, ຮົ່ວຊຶມ, ກົງຈັກການຈັດຕັ້ງຂອງສະພາແຫ່ງຊາດ ມີການຂະຫຍາຍຕົວຕາມຄວາມຮຽກ ຮ້ອງຕ້ອງການຂອງວຽກງານ, ຈຳນວນສະມາຊິກສະພາ, ພະນັກງານ-ລັດຖະກອນ ຂອງສະ ພາແຫ່ງຊາດມີຈຳນວນເພີ່ມຂຶ້ນ, ການຈັດວາງຫ້ອງປະຊຸມ, ຫ້ອງເຮັດວຽກມີຄວາມຈຳເປັນຕ້ອງປັບປຸງ, ກໍ່ສ້າງ, ຈັດວາງໃຫ້ສອດຄ່ອງກັບລັກສະນະຂອງລັດຖະສະພາ ແລະ ຕອບສະໜອງຄວາມຮຽກຮ້ອງຕ້ອງການ ໃນການຍົກສູງປະສິດທິພາບ ໃນການປະຕິບັດບົດບາດຂອງສະພາແຫ່ງຊາດ.

- 1 1 - ກຽມສ້າງຫໍສະພາແຫ່ງຊາດຫລັງໃໝ່ ໃນກາງເດືອນກໍລະກົດນີ້
- Tiger Head 728x90 - ກຽມສ້າງຫໍສະພາແຫ່ງຊາດຫລັງໃໝ່ ໃນກາງເດືອນກໍລະກົດນີ້

 

error: Content is protected !!