ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ

ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ - Untitled design - ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ

ລູກເມືອງພວນ

ກົດເພື່ອຟັງຂ່າວ

ປັດຈຸບັນ ນັກຮຽນໃນຈີນໄດ້ພັກຮຽນ ເພື່ອຫຼີກລ່ຽງການຕິດເຊື້ອໄວຣັສ ໂຄວິດ-19, ແຕ່ເພື່ອບໍ່ໃຫ້ການຮຽນຂາດບັ້ນຂາດຕອນ ມີຫຼາຍແຂວງໄດ້ຈັດຕັ້ງກັນຮຽນທາງອອນລາຍ. ການຮຽນທາງອອນລາຍມີທັງດ້ານຕັ້ງໜ້າ ແລະ ມີທັງດ້ານຫຍໍ້ທໍ້, ການຮຽນທາງອອນລາຍກໍຍັງມີຫຼາຍບັນຫາ ໂດຍສະເພາະແມ່ນຕໍ່ກັບນັກຮຽນຜູ້ທີ່ພົບຄວາມຫຍຸ້ງຍາກທາງດ້ານເສດຖະກິດ.

ວັນທີ 29 ກຸມພາຜ່ານມາ ນັກຮຽນຍິງຊັ້ນມັດທະຍົມຕົ້ນ ຢູ່ບ້ານ ເທືອງແຢງ ເທສະບານເມືອງ ເຈືອງ ນະຄອນ ດັງເຈົາ ແຂວງ ຮ່ານາມ ໄດ້ກິນຢາຂ້າແມງໄມ້ຂ້າຕົວເອງ ພາຍຫຼັງທີ່ໄດ້ມີການຖົກຖຽງກັນກັບຜູ້ເປັນເອື້ອຍ ກ່ຽວກັບການຢືມໂທລະສັບຂອງເອື້ອຍຮຽນໜັງສືທາງອອນລາຍ. ແຕ່ກໍໂຊກດີ ຍ້ອນຮູ້ໄດ້ທັນທີ ຈຶ່ງສາມາດກູ້ເອົາຊີວິດຂອງນ້ອງໄວ້ໄດ້.

ທ່ານ ລີ້ (ຜູ້ເປັນພໍ່ຂອງນ້ອງນັກຮຽນ) ເລົ່າຕໍ່ນັກຂ່າວ ປັກກິງ ຮູ້ວ່າ: ຄອບຄົວຂອງເຂົາເປັນຄອບຄົວທີ່ຍາກຈົນ, ຜູ້ເປັນເມຍກໍເສຍອົງຄະ, ໝົດເຮືອນມີໂທລະສັບແຕ່ອັນດຽວ. ໃນຂະນະດຽວກັນໃນຄອບຄົວຂອງເຂົາມີລູກສາວເຖິງ 3 ຄົນ ທີ່ຢູ່ໃນໄວຮຽນທັງນັ້ນ, ໃນເມື່ອທາງໂຮງຮຽນຮຽກຮ້ອງໃຫ້ນັກຮຽນທາງອອນລາຍ, 3 ເອື້ອຍນ້ອງຈຶ່ງໄດ້ແບ່ງເວລາກັນຮຽນນຳໂທລະສັບໜ່ວຍດຽວ.

ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ - Wave100S AD to Website 2020 0 - ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ

ມື້ເກີດເຫດ 3 ເອື້ອຍນ້ອງໄດ້ມີການຖົກຖຽງກັນກ່ຽວກັບການນຳໃຊ້ໂທລະສັບ ເພື່ອເຂົ້າຮ່ວມການຮຽນສາຍຕົງ. ຫຼັງຈາກນັ້ນລູກສາວຜູ້ໃຫ່ຍກໍເປັນຜູ້ນຳໃຊ້ໂທລະສັບ, ເມື່ອນຳໃຊ້ແລ້ວແລ້ວ ຜູ້ເປັນເອື້ອຍກໍເອົາໃຫ້ນ້ອງຜູ້ທີສອງນຳໃຊ້ ໃນເມື່ອນັ້ນກໍເຫັນເຂົາກິນຢາຂ້າແມງໄມ້ແລ້ວ. ເຖິງຢ່າງໃດກໍດີ ຍັງບໍ່ທັນຮູ້ສາເຫດທີ່ແນ່ນອນຂອງການຂ້າຕົວເອງ. ແຕ່ນ້ອງໄດ້ຮັບການປະຖົມພະຍາບານເບື້ອງຕົນຈາກກູ້ໄພຢ່າງຮີບດ່ວນ ຈຶ່ງສາມາດກູ້ຊີວິດໄວ້ໄດ້.

ເມື່ອຮູ້ຂ່າວວ່າ ສະພາບເສດຖະກິດຂອງຄອບຄົວລຸງລີ້ ພົບຄວາມຫຍຸ້ງຍາກຝືດເຄືອງ ຊາວບ້ານໄດ້ເກັບແຜ່ເງິນກັນເພື່ອສວຍຄ່າຮຽນໃຫ້ລູກສາວຂອງພໍ່ເຖົ້າ.

ຕໍ່ສະພາບເຫດການດັ່ງກ່າວ, ເຊົ້າວັນທີ 2 ມີນານີ້ ພະແນກສຶກສາແຂວງ ຮານາມ ໄດ້ຮຽກຮ້ອງໃຫ້ບັນດາໂຮງຮຽນ ກວດກາຄືນສະພາບການຮຽນທາງອອນລາຍຂອງນັກຮຽນ ແລະ ສ້າງຕັ້ງກົນໄກເພື່ອໃຫ້ການຊ່ວຍເຫຼືອ ຕໍ່ກັບນັກຮຽນທີ່ມີສະພາບເສດຖະກິດຫຍຸ້ງຍາກ.

ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ - WhatsApp Image 2020 05 27 at 5 - ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ
ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ - WhatsApp Image 2020 05 27 at 5 - ກິນຢາຂ້າແມງໄມ້ຂ້າຕົນເອງຕາຍຍ້ອນບໍ່ມີໂທລະສັບຮຽນທາງອອນລາຍ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!