10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ

10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ - 02 1 - 10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ
10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ - 174233 - 10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ

     ການແຕ່ງດອງເປັນພຽງຈຸດເລີ່ມຕົ້ນຂອງຄວາມຮັກບົດໃໝ່ ທີ່ທ່ານທັງສອງມີສະຖານະ (ທາງກົດໝາຍ) ທີ່ປ່ຽນໄປ, ຈາກແຟນເປັນຜົວເມຍ ແລະ ນຳມາເຊິ່ງຄວາມຮັບຜິດຊອບຫລວງຫລາຍທີ່ຕ້ອງອາໄສຄວາມຮັກ ແລະ ຄວາມເຂົ້າໃຈກັນເປັນພະລັງງານຫລໍ່ລ້ຽງໃຫ້ຊີວິດຄູ່ໝັ້ນຄົງຍືນຍາວ ແລະ ເປັນເກາະປ້ອງກັນບັນຫາຕ່າງໆທີ່ບໍ່ຄາດຄິດ.

10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ - 100203 2020 - 10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ

     ສະນັ້ນແລ້ວ ມາເບິ່ງວິທີທີ່ ດຣ. GlebTsipurskyນັກຈິດຕະວິທະຍາ ໄດ້ສະຫລຸບ 10 ເລື່ອງງ່າຍໆທີ່ເຮົາຈະເຮັດເພື່ອສ້າງຄວາມສຸກໃຫ້ຊີວິດຄູ່ ແລະ ມີຄອບຄົວທີ່ອົບອຸ່ນກັນດີກ່ວາ ເຊິ່ງສິ່ງເຫລົ່ານີ້ກໍຈະເປັນສັນຍານບອກວ່າຄວາມສຳພັນຂອງທ່ານມີໂອກາດຈະຢູ່ຍືນຍາວນຳອີກ.

10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ - Wave100S AD to Website 2020 0 - 10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ
10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ - 080203 2020 - 10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ
  1. ມີຄວາມປະນີປະນອມໃຫ້ແກ່ກັນ : ການມີຈຸດຢືນຂອງຕົນເອງເປັນສິ່ງທີ່ດີ,​ ແຕ່ສຳລັບຊີວິດຄູ່ແລ້ວ ທ່ານຕ້ອງຍອມຜ່ອນສັ້ນຜ່ອນຍາວ, ຫລຸດອັກຄະຕິຂອງຕົນເອງລົງ ເຖິງວ່າທ່ານຈະບໍ່ມັກສິ່ງທີ່ເຂົາເຮັດກໍຕາມ ແຕ່ເພື່ອຄົນຮັກແລ້ວ ທ່ານກໍຕ້ອງຍອມ ແລ້ວຫາຈຸດປະນີປະນອມທີ່ໜ້າເພິງພໍໃຈຮ່ວມກັນໃຫ້ໄດ້ ແລະ ທັງສອງຝ່າຍກໍຈະກາຍເປັນຜູ້ຊະນະດ້ວຍກັນທັງຄູ່ ເພາະໃນຄວາມສຳພັນທີ່ດີນັ້ນບໍ່ມີການແພ້ – ຊະນະ.
  2. ໃຫ້ຄວາມສຳຄັນກັບຄວາມສຳເລັດຂອງຄູ່ຮັກ : ບໍ່ມີຫຍັງຮ້າຍແຮງໄປກ່ວາການໃຊ້ຊີວິດກັບຄົນທີ່ເບິ່ງບໍ່ເຫັນຄວາມສຳຄັນຂອງທ່ານ, ແຕ່ຖ້າທ່ານຊົມເຊີຍ ແລະ ໃຫ້ຄວາມສຳຄັນກັບຄວາມສຳເລັດ ຫລື ສະໜັບສະໜູນຄວາມຝັນຂອງກັນ ແລະ ກັນ ມັນກໍປຽບດັ່ງເປັນການສ້າງແຮງບັນດານໃຈໃຫ້ກັນເພື່ອບັນລຸເປົ້້າໝາຍໃໝ່ໆ ແລະ ມັນຈະເຮັດໃຫ້ທ່ານທັງສອງມີຄວາມຮູ້ສຶກທີ່ດີຕໍ່ກັນຫລາຍຂຶ້ນຕື່ມອີກ.
  3. ຜິດຖຽງກັນແນ່ກໍດີ : ຄູ່ຮັກກໍປຽບດັ່ງລີ້ນກັບແຂ້ວ ຫລື ຖ້ວຍກັບບ່ວງທີ່ມັນກໍຕ້ອງມີກະທົບກະແທກກັນແດ່ເປັນເລື່ອງທຳມະດາ ພຽງແຕ່ວ່າເມື່ອຜິດຖຽງກັນແລ້ວກໍຕ້ອງຍອມຮັບຟັງເຫດຜົນເຊິ່ງກັນ ແລະ ກັນ, ບໍ່ໃຊ້ອາລົມນຳໜ້າສະໝອງ, ແລ້ວພະຍາຍາມໄກ່ເກ່ຍເຮັດຄວາມເຂົ້າໃຈກັບອີກຝ່າຍ ກໍຈະເຮັດໃຫ້ເຮົາເຂົ້າໃຈກັນ ແລະ ກັນຫລາຍຂຶ້ນ, ແຕ່ໃນຂະນະດຽວກັນ ຄູ່ຮັກທີ່ບໍ່ເຄີຍຜິດຖຽງກັນເລີຍ ກໍບໍ່ແມ່ນວ່າຈະສົ່ງຜົນດີຕໍ່ຊີວິດຄູ່ ເພາະການບໍ່ເວົ້າ ແລະ ເກັບຄວາມຮູ້ສຶກເອົາໄວ້ ມີໂອກາດສູງວ່າຫາກຜິດຖຽງກັນເທື່ອດຽວ ກໍຈະເຮັດໃຫ້ບັນຫາລຸກລາມບານປາຍຈົນເລີກລາຢ່າຮ້າງກັນໄດ້ເລີຍກໍມີ.
  4. ຮັກຄອບຄົວຂອງເຂົານຳ : ເຄີຍໄດ້ຍິນຫລືບໍ່ວ່າ ການແຕ່ງດອງແມ່ນການແຕ່ງກັບຄອບຄົວ ແລະ ຍາດພີ່ນ້ອງຂອງເຂົານຳ. ດັ່ງນັ້ນ, ນອກຈາກເຮົາຈະຮັກ ແລະ ເບິ່ງແຍງຜົວ – ເມຍຂອງເຮົາແລ້ວ ເຮົາກໍຕ້ອງເຮັດແບບນີ້ເພື່ອຮັກສາຄວາມສຳພັນທີ່ດີກັບຄອບຄົວຂອງເຂົານຳ ເຊິ່ງຖ້າຫາກໄປມີບັນຫາກັນຕະຫລອດ ກໍບໍ່ຕ້ອງບອກກໍຄົງຈະຮູ້ວ່າໃນຄວາມສຳພັນຂອງທ່ານ ແລະ ເຂົາຈະເປັນແນວໃດ.
  5. ໃຫ້ເວລາຄົນຮັກອອກໄປພົບໝູ່ແດ່ : ໝູ່ເປັນສ່ວນສຳຄັນສ່ວນໜຶ່ງໃນຊີວິດຂອງຄົນທຸກຄົນ ຖ້າຫາກທ່ານຫ້າມເຂົາອອກໄປພົບໝູ່ ຈົນພວກເຂົາຕ້ອງຫ່າງກັນອອກ ເຂົາກໍອາດຈະຮູ້ສຶກບໍ່ດີທີ່ຕ້ອງສູນເສຍໝູ່ໄປ ແລະ ອາດຈະເລືອກຖິ້ມທ່ານໄປແທນ. ເລື່ອງນີ້ກໍລອງຄິດເຖິງໃຈເຂົາໃຈເຮົານຳ, ເຮົາດີກັບໝູ່ເຂົາ ເຂົາກໍດີກັບໝູ່ເຮົາ ພຽງເທົ່ານີ້ມິດຕະພາບກໍໝັ້ນຄົງຍືນຍາວໄດ້.
  6. ເປົ້າໝາຍໃນຊີວິດ : ເປົ້າໝາຍ, ຄວາມປາຖະໜາ ແລະ ແຮງບັນດານໃຈຂອງທ່ານບໍ່ຄືກັນ ມັນຈະດີກ່ວາຖ້າທ່ານສຶກສາເປົ້າໝາຍໃນຊີວິດ ແລະ ຄວາມສຳເລັດຂອງຄູ່ຮັກຂອງທ່ານວ່າເປັນແນວໃດ ເພາະຖ້າທ່ານທັງສອງມີເປົ້າໝາຍໃນຊີວິດຄູ່ແຕກຕ່າງກັນ ການໃຊ້ຊີວິດຄູ່ກໍຄົງບໍ່ມີຄວາມສຸກ ແລະ ອາດຕ້ອງແຍກທາງກັນກໍໄດ້. ດັ່ງນັ້ນ, ທ່ານຈຶ່ງຄວນລົມກັນ ຫລື ວາງແຜນຊີວິດຄູ່ຮ່ວມກັນຕັ້ງແຕ່ຫົວທີເລີຍຈະດີກ່ວາ ຈະໄດ້ບໍ່ຕ້ອງມານັ່ງເຊັດນຳ້ຕາໃນພາຍຫລັງ.
  7. ໃຫ້ພື້ນທີ່ສ່ວນໂຕ : ຖ້າທ່ານຍັງເຮັດໂຕຕິດກັນຕະຫລອດເວລາ ທ່ານທັງສອງຈະຕ້ອງເຮັດກິດຈະກຳຄືກັນທຸກຢ່າງຕະຫລອດ ຈົນກິດຈະກຳເຫລົ່ານັ້ນອາດກາຍເປັນກິດຈະວັດປະຈຳວັນທົ່ວໄປກໍໄດ້. ດັ່ງນັ້ນ, ທ່ານຄວນປ່ອຍໃຫ້ແຕ່ລະຝ່າຍໄດ້ເຮັດສິ່ງທີ່ມັກ ແລະ ຫາເວລາປະມານ 1 – 2 ມື້ຕໍ່ອາທິດ ເພື່ອມາເຮັດກິດຈະກຳແປກໃໝ່ນຳກັນ ເພາະນັກວິທະຍາສາດສະຫລຸບແລ້ວວ່າ : “ການສ້າງຄວາມຊົງຈຳດີໆຮ່ວມກັນຈະຊ່ວຍປະຄັບປະຄອງຄວາມຮັກຂອງທ່ານໃຫ້ໄປໄດ້ໄກ”.
  8. ກ້າທີ່ຈະຂໍ : ຢ່າຄາດຫວັງວ່າອີກຝ່າຍຈະຮູ້ໃຈທ່ານໄປໝົດ ວ່າທ່ານຄິດ ຫລື ຢາກໄດ້ຫຍັງ. ດັ່ງນັ້ນ, ທ່ານກໍຄວນຈະເອີ່ຍປາກບອກໄປເລີຍວ່າທ່ານຢາກໄດ້ຫຍັງ ເມື່ອເຂົາຮັບຮູ້ ຈະໄດ້ເຮັດຕາມຄວາມຕ້ອງການຂອງທ່ານໄດ້ຢ່າງຖືກຕ້ອງ, ແຕ່ເມື່ອເຂົາຮັບຟັງແລ້ວກໍຢ່າຂັດລັງໃຫ້ເຂົາຕ້ອງເຮັດຕາມສິ່ງທີ່ທ່ານຕ້ອງການໄປໝົດທຸກເລື່ອງ ຖ້າເຂົາປະຕິເສດມາ ກໍຈົ່ງຮັບຟັງເຫດຜົນຂອງເຂົານຳ.
  9. ເຄົາລົບໃນຄວາມຄິດເຫັນທີ່ແຕກຕ່າງ : ແຕ່ລະຄົນກໍມີຄວາມຄິດເຫັນ, ຄວາມມັກ ແລະ ທັດສະນະຄະຕິຕໍ່ສິ່ງຕ່າງໆເປັນຂອງຕົນເອງ ເຖິງວ່າຈະມີຄວາມຄິດເຫັນໃກ້ຄຽງກັນປານໃດ ກໍເຜື່ອໃຈໄວ້ນຳວ່າ ຄວາມຄິດ ແລະ ຄວາມຮູ້ສຶກຂອງເຂົາ ແລະ ທ່ານກໍອາດຂັດແຍ່ງກັນໄດ້. ດັ່ງນັ້ນ, ຢ່າຕັດສິນໃຈຫຍັງແທນກັນໂດຍເດັດຂາດ, ການລົມກັນ, ປັບຄວາມເຂົ້າໃຈ ແລະ ໃຊ້ເວລາຢູ່ນຳກັນໃຫ້ຫລາຍກໍຊ່ວຍໃຫ້ຄວາມສຳພັນຂອງທ່ານທັງສອງຄ່ອງແຄ້ວໄດ້ບໍ່ຍາກ.
  10. ການຊ່ວຍກັນຮັບມືໃນສະຖານະການກົດດັນ : ບາງເທື່ອເຮົາຕ້ອງພົບພໍ້ກັບສະຖານະການທີ່ຍາກຈະຮັບມື, ການຢູ່ຄຽງຂ້າງກັນ ຄຽງບ່າຄຽງໄຫລ່ ຊ່ວຍກັນຮັບມື ແລະ ແກ້ໄຂ ຈະສະໜັບສະໜູນໃຫ້ຄວາມຮັກຂອງທ່ານທັງສອງແຂງແກ່ນ ແລະ ເຂົ້າໃຈກັນຫລາຍຍິ່ງຂຶ້ນ. ຍົກໂຕຢ່າງເຊັ່ນ : ຫາກຄູ່ຮັກຂອງທ່ານອາລົມຮ້ອນເມື່ອພົບກັບສະຖານະການກົດດັນ ທ່ານກໍຕ້ອງເປັນນຳ້ເຢັນເຂົ້າລູບໃຫ້ເຂົາໃຈເຢັນ ແລະ ສາມາດປະຄັບປະຄອງຊີວິດຄູ່ໃຫ້ດຳເນີນຕໍ່ໄປໄດ້.
10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ - WhatsApp Image 2020 05 27 at 5 - 10 ເລື່ອງງ່າຍໆປະຄອງຊີວິດຄູ່ໃຫ້ມີຄວາມສຸກຢູ່ສະເໝີ ຈົນໃຜໆກໍອິດສາ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!