WHO ເຕືອນໃຊ້ທະນະບັດ-ຫລຽນ ສ່ຽງຕິດ COVID-19

who ເຕືອນໃຊ້ທະນະບັດ-ຫລຽນ ສ່ຽງຕິດ covid-19 - 8 - WHO ເຕືອນໃຊ້ທະນະບັດ-ຫລຽນ ສ່ຽງຕິດ COVID-19
who ເຕືອນໃຊ້ທະນະບັດ-ຫລຽນ ສ່ຽງຕິດ covid-19 - Untitled design - WHO ເຕືອນໃຊ້ທະນະບັດ-ຫລຽນ ສ່ຽງຕິດ COVID-19

      ອົງການ​ອະນາ​ໄມ​ໂລກ ​ເຕືອນ ປະຊາຊົນ​ຫລີກ​ເວັ້ນການ​ສຳຜັດ​ທະນະ​ບັດ ຫລື ​ເງິນ​ຫລຽນ ສ່ຽງ​ຕິດ​ເຊື້ອ​ໂຄ​ວິດ-19 ​ແນະນຳ​ຈ່າຍ​ເງິນ​ອອນ​ລາຍ ຫລື ບັດ​ເຄຣດິດ​ແທນ.

      ທ່ານ ຄຣິສຕຽນ ລິນ​ເມ​ເອີ ​ໂຄສົກ​ອົງການ​ອະນາ​ໄມ​ໂລກ (WHO) ຖະ​ແຫລ​ງ​ໃນ​ວັນ​ທີ 5 ມີນາ​ວ່າ: ຂໍ​ໃຫ້​ປະຊາຊົນ​ຫລີກ​ເວັ້ນການ​ສຳຜັດ​ທະນະ​ບັດ ​ແລະ ​ຫລຽນ​ເພື່ອ​ໃຊ້​ຊື້ສິນຄ້າ​ໃນ​ໄລຍະ​ທີ່​ມີ​ການ​ແຜ່​ລະບາດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ເນື່ອງ​ຈາກ​ທະນະ​ບັດ ​ແລະ ຫລຽນ​ຖືກ​ປ່ຽນ​ມື​ໄປ​ຢ່າງ​ວ່ອງ​ໄວ ​ແລະ ອາດ​ມີ​ເຊື້ອ​ໄວຣັສ ຫລື ​ແບັກ​ທີ​ເຣຍຕິດ​ຢູ່​ເປັນ​ເວລາ​ຫລາຍ​ວັນ ​ໂດຍ​ໄລຍະ​ນີ້​ຈະ​ປອດ​ໄພ​ກວ່າ​ຖ້າ​ປ່ຽນ​ໄປ​ໃຊ້​ຈ່າຍ​ເງິນ​ອອນ​ລາຍ ຫລື ຈ່າຍ​ຜ່ານ​ບັດ​ເຄຣດິດ​ແທນ.

      ກ່ອນ​ໜ້າ​ນີ້ ຜູ້​ຊ່ຽວຊານ​ດ້ານ​ສາທາລະນະ​ສຸກ ອອກ​ມາ​ເຕືອນ​ວ່າ: ​ເຊື້ອ​ໄວ​ຣັສທີ່​ຍັງ​ບໍ່​ຕາຍ​ສາມາດ​ເກາະ​ຕິດ​ຢູ່​ທະນະ​ບັດ ​ແລະ ຫລຽນ ລວມ​ໄປ​ຜິວ​ວັດ​ສະດຸ​ອື່ນໆ​ ​ໄດ້​ເປັນ​ເວລາ​ຫລາຍ​ວັນ ​ເຮັດ​​ໃຫ້​ເກີດ​ຄວາມ​ສ່ຽງ​ຈະ​ຕິດ​ໂຄ​ວິດ-19 ຜ່ານ​ການ​ສຳຜັດ​ທະນະ​ບັດ​ໄດ້ ​ເຖິງ​ວ່າ​ຈະ​ເປັນຄວາມ​ສ່ຽງ​ໜ້ອຍ​ກວ່າ​ການ​ແຜ່​ກະຈາຍ​ຈາກ​ຄົນ​ສູ່​ຄົນ.

who ເຕືອນໃຊ້ທະນະບັດ-ຫລຽນ ສ່ຽງຕິດ covid-19 - Wave100S AD to Website 2020 0 - WHO ເຕືອນໃຊ້ທະນະບັດ-ຫລຽນ ສ່ຽງຕິດ COVID-19

     ​ເຖິງ​ຢ່າງ​ໃດ​ກໍ​ຕາມ, ຄະນະ​ກຳມະການ​ເບິ່ງ​ແຍງ​ຂະ​ແໜງ​ທະນາຄານ ​ແລະ ປະກັນ​ໄພ​ແຫ່ງ​ຊາດ​ຈີນ (CBIRC) ​ໄດ້​ສັ່ງ​ໃຫ້​ທະນາຄານ​ຕ່າງໆ​ຂ້າ​ເຊື້ອທະນະ​ບັດ​ທັງ​ໝົດ ​ແລະ ​ເກັບ​ທະນະ​ບັດ​ທີ່​ຜ່ານ​ການ​ຂ້າ​ເຊື້ອ​ແລ້ວ​ໄວ້​ບ່ອນ​ແຫ້ງ​ເປັນ​ເວລາ 7 ວັນ ​ເຊິ່ງການ​ດຳ​ເນີນ​ດັ່ງກ່າວ​ເປັນ​ສ່ວນ​ໜຶ່ງ​ຂອງ​ມາດ​ຕະການ​ກຳຈັດ​ໂຄ​ວິດ-19 ທີ່​ກຳລັງ​ແຜ່​ລະບາດ​ຢູ່​ປັດຈຸບັນ.

who ເຕືອນໃຊ້ທະນະບັດ-ຫລຽນ ສ່ຽງຕິດ covid-19 - WhatsApp Image 2020 05 27 at 5 - WHO ເຕືອນໃຊ້ທະນະບັດ-ຫລຽນ ສ່ຽງຕິດ COVID-19
who ເຕືອນໃຊ້ທະນະບັດ-ຫລຽນ ສ່ຽງຕິດ covid-19 - WhatsApp Image 2020 05 27 at 5 - WHO ເຕືອນໃຊ້ທະນະບັດ-ຫລຽນ ສ່ຽງຕິດ COVID-19
error: Alert: ເນື້ອຫາຂ່າວມີລິຂະສິດ !!