ຮ້າງທໍລະມານ

ຮ້າງທໍລະມານ - 362 - ຮ້າງທໍລະມານ
ຮ້າງທໍລະມານ - 174233 - ຮ້າງທໍລະມານ

ພາຍຫຼັງຮ້າງກັນໄດ້ສອງເດືອນ, ໂຕຂອງເຂົາຈ່ອຍຜອມລົງຍັງເຫຼືອພຽງແຕ່ໜັງຫຸ້ມກະດູກ. ເຫັນແລ້ວ ຂ້ອຍສຸດແສນທໍລະມານ ແລະ ອີດູຕົນເຂົາ

ພວກຂ້ອຍເຄີຍມີຄວາມສຸກຢູ່ຮ່ວມສາຍຄາດຽວກັນມາໄດ້ສອງປີ. ຜົວຂອງຂ້ອຍເຂົາເປັນຄົນດີຫຼາຍ ເບິ່ງແຍງດູແລ ແລະ ເອົາໃຈຂ້ອຍທຸກຢ່າງ ແຕ່ພໍ່ ແມ່ ແລະ ອ້າຍເອື້ອຍນ້ອງຂອງຜົວຊໍ້າບໍ່ເປັນແນວນັ້ນ.

ເມື່ອແຕ່ງງານກັນແລ້ວ ຂ້ອຍຫຼິງເຫັນອຸປະສັກທຸກຢ່າງທີ່ຈະຕ້ອງໄດ້ຜ່ານຜ່າ ອຸປະສັກທີ່ໜ້າຢ້ານກົວທີ່ສຸດກໍຄື ພໍ່ ແມ່ ອ້າຍເອື້ອຍນ້ອງຂອງຜົວເປັນຄົນອາດຍາສິດ, ເຄັ່ງຄັດກິກິກີກີ, ສ່ວນຜູ້ເປັນເອື້ອຍຂອງຜົວແຕ່ລະມື້ມີແຕ່ຂໍຢືມເງິນນຳນ້ອງໃພ້. ພວກຂ້ອຍແຕ່ງງານກັນໄດ້ 2 ປີ ແຕ່ບໍ່ມີລູກນຳກັນ, ນັ້ນຄືສາເຫດທີ່ເຂົາອ້າງຮ້າງຂ້ອຍ. ເຖິງແມ່ນຂ້ອຍຈະຮ້ອງຂໍແນວໃດກໍບໍ່ໄດ້. ໃນທີ່ສຸດກໍຕ້ອງແຍກທາງກັນ.

ພາຍຫຼັງພວກເຮົາແຍກທາງກັນໄດ້ສອງເດືອນ ຜົວຂອງຂ້ອຍໄດ້ນັດພົບກັບຂ້ອຍຢູ່ຮ້ານອາຫານແຫ່ງໜຶ່ງ ໃນຂະນະນັ້ນເຂົາໄດ້ເອົາບັດເງິນຝາກ ເອທີເອັມ ຂອງເຂົາຢື່ນໃຫ້ຂ້ອຍທັງເວົ້າວ່າ: “ນີ້ແມ່ນບັດເງິນຝາກ ເອທີເອັມຂອງອ້າຍ.  ລະຫັດຂອງມັນກໍຄື ວັນເກີດຂອງນ້ອງເອງ. ອ້າຍອາດຈະມີຊີວິດຢູ່ບໍ່ທໍ່ໃດອີກແລ້ວ. ຢ້ານວ່າເມື່ອບໍ່ມີອ້າຍແລ້ວ ຢ້ານພໍ່ແມ່ຂອງອ້າຍຈະຊໍ້າເຕີມເຮັດໃຫ້ນ້ອງນ້ອງມີຄວາມເຈັບຊໍ້າຕື່ມອີກ, ອ້າຍຄິດວ່າດ້ວຍເງິນຈຳນວນທີ່ອ້າຍໃຫ້ນ້ອງນີ້ອາດຈະເຮັດໃຫ້ຊີວິດນ້ອງດີຂຶ້ນ. ຍິ່ງໄປກວ່ານັ້ນ ເຮົາບໍ່ທັນມີລູກນຳກັນ ເມື່ອນ້ອງຈະເອົາຜົວໃໝ່ກໍຈະສະດວກສະບາຍຂຶ້ນ”

ຮ້າງທໍລະມານ - Wave100S AD to Website 2020 0 - ຮ້າງທໍລະມານ

ຂ້ອຍບໍ່ນຶກບໍ່ຝັນເລີຍວ່າຈະມີຄຳເວົ້າທີ່ຮັກແທ້ອອກມາແບບນີ້ ແລະ ບໍ່ນຶກບໍ່ຝັນເລີຍວ່າພາຍຫຼັງຢ່າຮ້າງກັນແລ້ວເຂົາຈະປ່ວຍໂຊລົງແບບນີ້ ທີ່ຍັງແຕ່ໜັງຫຸ້ມກະດູກ. ຂ້ອຍຮ້ອງຂໍນຳເຂົາອີກເທື່ອໜຶ່ງວ່າ ຢາກເຮັດພັນທະຂອງຜູ້ເປັນເມຍທີ່ດີອີກຄັ້ງ ແຕ່ເຂົາກໍໄດ້ແຕ່ແກ່ວງຫົວປະຕິເສດ.

ວັນເວລາທີຍັງເຫຼືອຢູ່ ຂ້ອຍພະຍາຍາມເບິ່ງແຍງດູແລເຂົາຢູ່ທີ່ໂຮງໝໍ ແຕ່ເຂົາກໍປະຕິເສດ ແລະ ບອກໃຫ້ຂ້ອຍເມືອ ເພາະເຂົາບໍ່ຢາກໃຫ້ຂ້ອຍເຫັນຄວາມເຈັບຊໍ້າ. ສ່ວນພໍ່ແມ່ຂອງຜົວເຂົາຫາວ່າຂ້ອຍປະຖິ້ມຜູ້ເປັນຜົວ. ແຕ່ລະເທື່ອທີ່ຂ້ອຍໄປຢາມເຂົາຢູ່ໂຮງໝໍ ກໍແມ່ນແຕ່ລະເທື່ອທີ່ຂ້ອຍຕ້ອງປວດຊໍ້າໜໍ່າໃຈກັບຄືນເມືອ ເພາະຖືກພໍ່ແມ່ຜົວດູຖູກດູແຄນ ປ້ອຍດ່າຂ້ອຍສາລະພັດ.

ບໍ່ຮູ້ວ່າຂ້ອຍຄວນຈະໄປເບິ່ງແຍງເຂົາອີກຫຼືບໍ່?

ຮ້າງທໍລະມານ - WhatsApp Image 2020 05 27 at 5 - ຮ້າງທໍລະມານ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!