ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ

- 3 5 - ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ
- Untitled design - ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ

     ອີຣານຢືນຢັນ​ໂອ​ເປັກມີ​ມະຕິ​ຫລຸດ​ການ​ຜະລິດ​ນ້ຳມັນ​ອີກ 1,5 ລ້ານ​ບາ​ເຣລຕໍ່​ວັນ, ຂະນະ​ລໍ​ທ່າ​ທີຣັດ​ເຊຍ.

- 750x422 869422 1583450783 - ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ

     ທ່ານ ບິ​ຈານ ຊານ​ກາ​ເນ ລັດຖະມົນຕີ​ນ້ຳມັນ​ອີຣານ ຢືນຢັນ​ວ່າ: ກຸ່ມ​ປະ​ເທດ​ຜູ້​ສົ່ງ​ອອກ​ນ້ຳມັນ (​ໂອ​ເປັກ) ​ເຫັນ​ພ້ອມ​ກັນຈະ​ຫລຸດ​ກຳລັງ​ການ​ຜະລິດ​ອີກ 1,5 ລ້ານ​ບາ​ເຣລຕໍ່​ວັນ ​ເພື່ອ​ທົດ​ແທນ​ອຸປະ​ສົງ​ນ້ຳມັນ​ທີ່​ຫລຸດ​ລົງ ​ເນື່ອງ​ຈາກ​ການ​ແຜ່​ລະບາດ​ຂອງ​ໄວຣັສ​ໂຄ​ວິດ-19.

     ທ່ານ ຊານ​ກາ​ເນ ຍັງ​ກ່າວ​ວ່າ: ​ໂອ​ເປັກ​ຕ້ອງການ​ໃຫ້​ປະ​ເທດ​ພັນທະ​ມິດ​​ໃຫ້ການ​ຮ່ວມ​ມື​ຫລຸດ​ການ​ຜະລິດ​ນ້ຳມັນ​ຈຳນວນ 500.000 ບາ​ເຣລຕໍ່​ວັນ ຈາກ​ຈຳນວນ 1,5 ລ້ານ​ບາ​ເຣລຕໍ່​ວັນ​ ທີ່​ກຳນົດ​ໄວ້.

     ທັງ​ນີ້ ທ່ານ ຊານ​ກາ​ເນ ກ່າວ​ວ່າ: ຫລັງ​ກອງ​ປະຊຸມ​ໂອ​ເປັກ​ຢູ່​ນະຄອນຫລວງ​ວຽນ​ນາ ປະ​ເທດ​ໂອ​ຕຣິດ ​ໃນ​ວັນ​ທີ 5 ມີນາ ກ່ອນ​ໂອ​ເປັກ​ຈະ​ປະຊຸມ​ຮ່ວມ​ກັບ​ອີກ 10 ປະ​ເທດ​ພັນທະ​ມິດ ນຳ​ໂດຍຣັດ​ເຊຍ ​ໃນ​ວັນ​ທີ 6 ມີນາ​ນີ ຕາມ​ເວລາ​ທ້ອງ​ຖິ່ນ.

- Wave100S AD to Website 2020 0 - ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ

     ຜ່ານ​ມາ ຣັດ​ເຊຍ ມີ​ທ່າ​ທີ​ຄັດຄ້ານ​ຂໍ້​ສະ​ເໜີ​ທີ່​ໃຫ້​ໂອ​ເປັກ ​ແລະ ພັນທະ​ມິດ​ຫລຸດ​ກຳລັງ​ການ​ຜະລິດ​ຫລາຍ​ຂຶ້ນ ​ໂດຍ​ເຫັນ​ວ່າ​ຄວນ​ມີ​ການ​ຂະຫຍາຍ​ເວລາ​ໃນ​ການ​ຫລຸດ​ກຳລັງ​ການ​ຜະລິດ​ຕາມ​ໂກ​ຕ້າ​ເກົ່າ​ໃນ​ປັດຈຸບັນ​​ໄປ​ຈົນ​ເຖິງ​ໄຕ​ມາດ 2.

     ​ໃນ​ກອງ​ປະຊຸມ​ຂອງ​ກຸ່ມ​ໂອ​ເປັກ ​ແລະ ພັນທະ​ມິດ​ໃນ​ປີຜ່ານມາ ກອງ​ປະຊຸມ​ມີ​ມະຕິ​ຫລຸດ​ກຳລັງ​ການ​ຜະລິດ​ອີກ 500.000 ບາ​ເຣລຕໍ່​ວັນ ລວມ​ເປັນ 1,7 ລ້ານ​ບາ​ເຣລຕໍ່​ວັນ ​ໃນ​ໄລຍະ​ເດືອນ​ມັງກອນ-ມີນາ​ປີ​ນີ້.

- WhatsApp Image 2020 05 27 at 5 - ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ
- WhatsApp Image 2020 05 27 at 5 - ໂອເປັກ ຫລຸດການຜະລິດນ້ຳມັນເພີ່ມ 1,5 ລ້ານບາເຣລຕໍ່ວັນ
error: Alert: ເນື້ອຫາຂ່າວມີລິຂະສິດ !!