ຮອງນາຍົກລັດຖະມົນຕີ ສອນໄຊ ສີພັນດອນ ແນະນໍາແຂວງອັດຕະປືເອົາໃຈໃສ່ແກ້ໄຂສິ່ງຫຍໍ້ທໍ້ຮັບປະກັນໃຫ້ເສດຖະກິດຂະຫຍາຍຕົວ 7%

- WhatsApp Image 2017 06 06 at 7 - ຮອງນາຍົກລັດຖະມົນຕີ ສອນໄຊ ສີພັນດອນ ແນະນໍາແຂວງອັດຕະປືເອົາໃຈໃສ່ແກ້ໄຂສິ່ງຫຍໍ້ທໍ້ຮັບປະກັນໃຫ້ເສດຖະກິດຂະຫຍາຍຕົວ 7%
- Untitled design - ຮອງນາຍົກລັດຖະມົນຕີ ສອນໄຊ ສີພັນດອນ ແນະນໍາແຂວງອັດຕະປືເອົາໃຈໃສ່ແກ້ໄຂສິ່ງຫຍໍ້ທໍ້ຮັບປະກັນໃຫ້ເສດຖະກິດຂະຫຍາຍຕົວ 7%

ພາຍຫລັງສໍາເລັດການຢ້ຽມຢາມແຂວງສາລະວັນແລ້ວ, ໃນວັນທີ 5 ມິຖຸນານີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ໄດ້ສືບຕໍ່ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອັດຕະປື.

ໂອກາດນີ້, ທ່ານຮອງນາຍົກລັດຖະມົນຕີ ກໍໄດ້ໃຫ້ກຽດພົບປະໂອ້ລົມການນໍາ ແລະ ພະນັກງານຫລັກແຫລ່ງແຂວງດັ່ງກ່າວ, ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ໝາກຜົນແຫ່ງການພັດທະນາເສດຖະກິດ-ສັງຄົມທີ່ແຂວງອັດຕະປືຍາດມາໄດ້ໃນໄລຍະຜ່ານມາ. ແຕ່ຄຽງຄູ່ກັນນັ້ນ, ໃນຕໍ່ໜ້ານີ້ຊຶ່ງອາດມີສິ່ງທ້າທາຍທົດສອບ ແລະ ຂໍ້ຫຍຸ້ງຍາກນາໆປະການ, ດັ່ງນັ້ນຈຶ່ງຮຽກຮ້ອງໃຫ້ການນໍາແຂວງເອົາໃຈໃສ່ແກ້ໄຂບາງບັນຫາຫຍໍ້ທໍ້ໃນສັງຄົມ ເຊັ່ນ: ບັນຫາຢາເສບຕິດ, ການຄ້າຂາຍເຖື່ອນ, ການລັກລອບຕັດໄມ້, ລັກລອບຂຸດຄົ້ນບໍ່ແຮ່ ແລະ ການນຳໃຊ້ສັງຄົມອອນລາຍ ເພື່ອຫັນປ່ຽນແນວຄິດເຮັດໃຫ້ເກີດຄວາມບໍ່ສະຫງົບໃນສັງຄົມ ແລະ ພ້ອມດຽວກັນນັ້ນ ກໍຕ້ອງເອົາໃຈໃສ່ຄຸ້ມຄອງ ແລະ ຂຶ້ນຖະບຽນແຮງງານຕ່າງໆປະເທດໃຫ້ເຂົ້າສູ່ລະບຽບກົດໝາຍຂອງລາວ, ສືບຕໍ່ສຸມໃສ່ເຮັດໃຫ້ເສດຖະກິດຂອງແຂວງມີການຂະຫຍາຍຕົວບໍ່ໃຫ້ຫລຸດ 7%, ເກັບລາຍຮັບງົບປະມານໃຫ້ໄດ້ຕາມແຜນການທີ່ວາງໄວ້, ຕິດຕາມກວດກາຄືນການລົງທຶນ ໃຫ້ສາມາດປະຕິບັດຕາມລະບຽບກົດໝາຍ, ຄົ້ນຄວ້າແກ້ໄຂບັນຫາການນຳໃຊ້ທີ່ດິນທີ່ຕິດພັນກັບວຽກງານກະສິກຳ, ເອົາໃຈໃສ່ໃນການແກ້ໄຂຄວາມທຸກຍາກຂອງປະຊາຊົນທັງການນຳໃຊ້ທ່າແຮງບົ່ມຊ້ອນຂອງແຂວງ, ໃຫ້ປະຊາຊົນມີສ່ວນຮ່ວມກັບບັນດາໂຄງການໃຫຍ່ໆຂອງແຂວງ, ການນຳໃຊ້ແຫລ່ງນ້ຳຈາກບັນດາເຂື່ອນໃຫ້ເກີດປະໂຫຍດສູງສຸດຕິດພັນກັບວຽກງານ 3 ສ້າງໄປພ້ອມໆກັບການປັບປຸງຮາກຖານໃຫ້ເຂັ້ມແຂງ, ພ້ອມກັນຈັດຕັ້ງເຊື່ອມຊຶມ ແລະ ສະຫຼອງ 2 ວັນປະຫວັດສາດ ລາວ-ຫວຽດນາມ ໃຫ້ມີຄວາມໝາຍເລິກເຊິ່ງບົນຈິດໃຈປະຢັດ ແລະ ພ້ອມກັນກວດກາຄືນຜົນການຈັດຕັ້ງປະຕິບັດບັນດານິຕິກຳທີ່ລັດຖະບານວາງອອກໃນແຕ່ລະໄລຍະໃຫ້ປະກົດຜົນເປັນຈິງ.

ໃນໄລຍະຢ້ຽມຢາມ, ທ່ານຮອງນາຍົກລັດຖະມົນຕີໄດ້ລົງໄປກວດກາເບິ່ງໄມ້ ທີ່ນຳມາເກັບໄວ້ທີ່ສະໜາມ 2 ແລະ ຢ້ຽມຢາມໂຮງງານຜະລິດໄມ້ຝານ-ໄມ້ອັດ ຂອງບໍລິສັດ ເຊັນເຈີ້ລີພລີ ລາວ ຈຳກັດ, ເຊິ່ງເລີ່ມສ້າງຕັ້ງມາແຕ່ປີ 2015, ເປັນການລົງທຶນຂອງນັກທຸລະກິດອິນເດຍມີມູນຄ່າການຫລາຍກວ່າ 28 ຕື້ກີບ ປະກອບມີ 6 ສາຂາ ໃນ 6 ແຂວງທາງພາກກາງ ແລະ ພາກໃຕ້ລາວ, ໂດຍໄດ້ທຳການຜະລິດໄມ້ຝານ, ໄມ້ອັດ ແລະ ໄມ້ວິເນຍເພື່ອສົ່ງອອກ.

- Wave100S AD to Website 2020 0 - ຮອງນາຍົກລັດຖະມົນຕີ ສອນໄຊ ສີພັນດອນ ແນະນໍາແຂວງອັດຕະປືເອົາໃຈໃສ່ແກ້ໄຂສິ່ງຫຍໍ້ທໍ້ຮັບປະກັນໃຫ້ເສດຖະກິດຂະຫຍາຍຕົວ 7%
- WhatsApp Image 2020 05 27 at 5 - ຮອງນາຍົກລັດຖະມົນຕີ ສອນໄຊ ສີພັນດອນ ແນະນໍາແຂວງອັດຕະປືເອົາໃຈໃສ່ແກ້ໄຂສິ່ງຫຍໍ້ທໍ້ຮັບປະກັນໃຫ້ເສດຖະກິດຂະຫຍາຍຕົວ 7%
- WhatsApp Image 2020 05 27 at 5 - ຮອງນາຍົກລັດຖະມົນຕີ ສອນໄຊ ສີພັນດອນ ແນະນໍາແຂວງອັດຕະປືເອົາໃຈໃສ່ແກ້ໄຂສິ່ງຫຍໍ້ທໍ້ຮັບປະກັນໃຫ້ເສດຖະກິດຂະຫຍາຍຕົວ 7%
error: Alert: ເນື້ອຫາຂ່າວມີລິຂະສິດ !!