ຊາຍຊາວຈີນປົວເຊົາຈາກ Covid-19 ແລ້ວກັບມາປ່ວຍອີກຈົນເສຍຊີວິດ

- 4 4 - ຊາຍຊາວຈີນປົວເຊົາຈາກ Covid-19  ແລ້ວກັບມາປ່ວຍອີກຈົນເສຍຊີວິດ
- Untitled design - ຊາຍຊາວຈີນປົວເຊົາຈາກ Covid-19  ແລ້ວກັບມາປ່ວຍອີກຈົນເສຍຊີວິດ

     ສຳນັກ​ຂ່າວ The Paper ຂອງ​ຈີນລາຍ​ງານ​ວ່າ: ຊາຍ​ໄວ 36 ປີ​ຈາກ​ເມືອງ​ອູ່​ຮັ່ນ​ເສຍ​ຊີວິດ​ຈາກ​ລະບົບ​ຫາຍ​ໃຈ​ລົ້ມ​ເຫ​ລວ ຫລັງ​ປິ່ນປົວ​ເຊົາ​ຈາກ​ໂຣກ Covid-19 ​ແລະ ​ໄດ້​ຮັບ​ອະນຸຍາດ​ໃຫ້​ອອກ​ຈາກ​ໂຮງໝໍ​ພຽງ 5 ວັນ.

     ລາຍ​ງານ​ລະບຸ​ວ່າ: ຜູ້​ເສຍ​ຊີວິດ​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ຊົ່ວຄາວ​ໃນ​ເມືອງ​ອູ່​ຮັ່ນ​ແຕ່​ວັນ​ທີ 12 ກຸມພາ​ຜ່ານ​ມາ ​ແລະ ​ໄດ້​ຮັບ​ອະນຸຍາດ​ໃຫ້​ອອກ​ຈາກ​ໂຮງໝໍ​ໃນ​ອີກ 2 ອາທິດ​ຕໍ່​ມາ ​ໂດຍ​ແພດ​ຍັງ​ສັ່ງ​ໃຫ້​ລາວ​ກັກ​ຕົວ​ໃນ​ໂຮງ​ແຮມ​ອີກ 14 ວັນ ​ເພື່ອ​ໃຫ້​ແນ່​ໃຈ​ວ່າ​ຈະ​ບໍ່​ແຜ່​ເຊື້ອ​ໃຫ້​ຜູ້​ອື່ນ.

     ບໍ່​ເທົ່າ​ໃດ​ວັນ​ຫລັງ​ອອກ​ຈາກ​ໂຮງໝໍ ຜູ້​ເສຍ​ຊີວິດ​ເລີ່​ມຮູ້ສຶກ​ບໍ່​ສະບາຍ ​ແລະ ຕ້ອງ​ກັບ​​ໄປ​ໂຮງໝໍ​ອີກ​ໃນ​ວັນ​ທີ 2 ມີນາ ຈາກ​ອາການ​ປາກ​ແຫ້ງ ​ແລະ ມີ​ແກັສ​ໃນ​ກະ​ເພາະ​ອາຫານ ກ່ອນ​ຈະ​ເສຍ​ຊີວິດ​ໃນ​ວັນ​ດຽວ​ກັນ.

      ຄະນະ​ກຳມະການ​ສຸຂະພາບ​ເມືອງ​ອູ່​ຮັ່ນ ລະບຸ​ວ່າ: ລາວ​ເສຍ​ຊີວິດ​ຈາກ​ອາການ​ລະບົບ​ທາງ​ເດີນ​ຫາຍ​ໃຈ​ລົ້ມ​ເຫ​ລວ ​ເຊິ່ງກ່ຽວຂ້ອງ​ໂດຍ​ກົງ​ກັບ Covid-19.

- Wave100S AD to Website 2020 0 - ຊາຍຊາວຈີນປົວເຊົາຈາກ Covid-19  ແລ້ວກັບມາປ່ວຍອີກຈົນເສຍຊີວິດ

     ​ເຫດການ​ດັ່ງກ່າວ​ສົ່ງ​ຜົນ​ໃຫ້​ໂຮງໝໍ​ຢູ່​ເມືອງ​ອູ່​ຮັ່ນອອກ​ປະກາດ​ສຸກ​ເສີນ​ລະບຸ​ວ່າ: ຜູ້​ປ່ວຍ​ທີ່ປິ່ນປົວ​ເຊົາ​ຈາກ Covid-19 ຫລາຍ​ຄົນ​ກັບ​ມາ​ຕິດ​ເຊື້ອ​ໂຄ​ໂຣນາ​ອີກ ​ແລະ ຕ້ອງ​ກັບ​ເຂົ້າມາ​ປິ່ນປົວ​ຢູ່​ໂຮງໝໍ​ອີກ, ພ້ອມ​ທັງ​ມີ​ຄຳ​ສັ່ງ​ໃຫ້​ແພດ​ກວດ​ພູມ​ຕ້ານທານ​ຂອງ​ຜູ້​ປ່ວຍ​ທຸກ​ຄົນ​ກ່ອນ​ອະນຸຍາດ​ໃຫ້​ກັບ​ເຮືອນ ​ເພື່ອ​ໃຫ້​ແນ່​ໃຈ​ວ່າ​ທຸກ​ຄົນ​​ເຊົາ​ດີ​ແລ້ວ.

- WhatsApp Image 2020 05 27 at 5 - ຊາຍຊາວຈີນປົວເຊົາຈາກ Covid-19  ແລ້ວກັບມາປ່ວຍອີກຈົນເສຍຊີວິດ
- WhatsApp Image 2020 05 27 at 5 - ຊາຍຊາວຈີນປົວເຊົາຈາກ Covid-19  ແລ້ວກັບມາປ່ວຍອີກຈົນເສຍຊີວິດ
error: Alert: ເນື້ອຫາຂ່າວມີລິຂະສິດ !!