ລັດຖະບານຊອກຫາຊ່ອງທາງຂະແຫນງການທ່ອງທ່ຽວທີ່ຖືກຜົນກະທົບຈາກການລະບາດຂອງພະຍາດ COVID-19

-                                   - ລັດຖະບານຊອກຫາຊ່ອງທາງຂະແຫນງການທ່ອງທ່ຽວທີ່ຖືກຜົນກະທົບຈາກການລະບາດຂອງພະຍາດ COVID-19
- 174233 - ລັດຖະບານຊອກຫາຊ່ອງທາງຂະແຫນງການທ່ອງທ່ຽວທີ່ຖືກຜົນກະທົບຈາກການລະບາດຂອງພະຍາດ COVID-19

ເມື່ອບໍ່ດົນມານີ້, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຮ່ວມກັບພາກສ່ວນທຸລະກິດຈັດກອງປະຊຸມເພື່ອປະເມີນຜົນກະທົບຈາກການແຜ່ລະບາດຂອງພະຍາດ COVID-19 ທີ່ມີຕໍ່ບໍລິສັດທ່ອງທ່ຽວ, ໂຮງແຮມ ແລະ ຮ້ານອາຫານ, ໂດຍການເຂົ້າຮ່ວມຂອງ ທ່ານ ສູນ ມະນີວົງ ຫົວໜ້າກົມພັດທະນາການທ່ອງທ່ຽວ.

      ຫົວໜ້າກົມພັດທະນາການທ່ອງທ່ຽວ ໃຫ້ຮູ້ວ່າ: ປັດຈຸບັນ ຜູ້ປະກອບການ ທຸລະກິດທ່ອງທ່ຽວ, ໂຮງແຮມ ແລະ ຮ້ານອາຫານ ໄດ້ຮັບຜົນກະທົບຢ່າງໜັກ, ນັກທ່ອງທ່ຽວຫລຸດລົງພາຍຫລັງມີການລະບາດຂອງພະຍາດ COVID-19, ປັດຈຸບັນໂຮງແຮມຢູ່ນະຄອນຫຼວງວຽງຈັນ, ໄດ້ຮັບຜົນກະທົບເປັນວົງກວ້າງ, ຍ້ອນການລະບາດຂອງພະຍາດດັ່ງກ່າວ, ແຂກທີ່ເຂົ້າຮ່ວມກອງປະຊຸມ ແລະ ນັກທ່ອງທ່ຽວທີ່ຈອງຫ້ອງແລ້ວກໍຍົກເລີກທັງໝົດ, ຫລຸດຈາກເມື່ອກ່ອນບໍ່ທັນເກີດພະຍາດ 80%, ປັດຈຸບັນ ໂຮງແຮມສ່ວນໃຫຍ່ໄດ້ມີມາດຕະການໃຫ້ພະນັກງານມາວຽກແຕ່ເຊົ້າ ແລະ ຖ້າເຮັດວຽກຂອງຕົນເອງສຳເຫລັດແລ້ວກໍສາມາດເລີກວຽກກ່ອນໂມງໄດ້, ເພື່ອປະຢັດນ້ຳປະປາ ແລະ ໄຟຟ້າ, ເນື່ອງຈາກບໍ່ມີແຂກມາພັກເຊົາຫລາຍ, ແຕ່ພະນັກງານກໍຈະໄດ້ເງີນເດືອນປົກກະຕິ, ໃນຂະນະດຽວກັນ ບໍລິສັດທ່ອງທ່ຽວສ່ວນຫລາຍ ໄດ້ໃຫ້ພະນັກງານຜັດປ່ຽນກັນເຮັດວຽກຜູ້ລະສອງອາທິດຕໍ່ເດືອນ ແລະ ພັກສອງອາທິດ ແລະ ໄດ້ຮັບເງີນເດືອນເຄີ່ງມື້ນເທົ່ານັ້ນ.

- Wave100S AD to Website 2020 0 - ລັດຖະບານຊອກຫາຊ່ອງທາງຂະແຫນງການທ່ອງທ່ຽວທີ່ຖືກຜົນກະທົບຈາກການລະບາດຂອງພະຍາດ COVID-19

    ກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ ໃຫ້ຮູ້ວ່າ: ຈາກຜົນກະທົບດັ່ງກ່າວ, ກຳລັງຄົ້ນຄວ້ານຳສະເຫນີນຕໍ່ລັດຖະບານ ໂດຍສະເພາະແມ່ນ, ກະຊວງການເງີນ, ກະຊວງແຮງງານ ແລະ ສະຫວັດດີການສັງຄົມ, ລວມເຖິງພາກສ່ວນທະນາຄານ ໃນການຊ່ວຍແກ້ໄຂສະຖານະການ, ເປັນຕົ້ນແມ່ນການຍົກເວັ້ນ, ຫລຸດຜ່ອນ ແລະ ເລື່ອນການເກັບອາກອນຕ່າງໆໃຫ້ເຫມາະສົມ, ໃນກໍລະນີບໍລິສັດຫາກຂາດທຶນ ຫລື ບໍ່ມີກຳໄລ, ຈະຫລຸດຄ່າໄຟຟ້າ, ນ້ຳປະປາໃນລະດັບໃດໜຶ່ງໃຫ້ພາກສ່ວນທຸລະກິດ, ຫລຸດຜ່ອນ ຫລື ຍົກເລີກການເກັບຄ່າກວດກາຄົນເຂົ້າ-ອອກເມືອງລ່ວງໜ້າໃຫ້ແກ່ຜູ້ໂດຍສານຂອງສາຍການບິນຕ່າງໆ, ຫລຸດຜ່ອນຄ່າຈອດຍົນ ແລະ ການເລື່ອນເກັບຄ່າປະກັນສັງຄົມ ລວມເຖິງບັນຫາການພັກວຽກຂອງພະນັກງານ ຫລື ຫລຸດຜ່ອນເວລາເຮັດວຽກລົງ ເພື່ອຫລຸດຜ່ອນຄ່າໃຊ້ຈ່າຍອື່ນໆລົງ.

- WhatsApp Image 2020 05 27 at 5 - ລັດຖະບານຊອກຫາຊ່ອງທາງຂະແຫນງການທ່ອງທ່ຽວທີ່ຖືກຜົນກະທົບຈາກການລະບາດຂອງພະຍາດ COVID-19
error: Alert: ເນື້ອຫາຂ່າວມີລິຂະສິດ !!