ແພດຈີນຢືນຢັນ ພົບຜູ້ປ່ວຍຄົນທຳອິດ “ຕິດໂຄວິດ-19” ໃນລະບົບປະສາດ

- 5 4 - ແພດຈີນຢືນຢັນ ພົບຜູ້ປ່ວຍຄົນທຳອິດ “ຕິດໂຄວິດ-19” ໃນລະບົບປະສາດ
- 174233 - ແພດຈີນຢືນຢັນ ພົບຜູ້ປ່ວຍຄົນທຳອິດ “ຕິດໂຄວິດ-19” ໃນລະບົບປະສາດ

    ຄະນະ​ແພດ​ຈີນ​ອອກ​ມາ​ຢືນຢັນ​ເປັນຄັ້ງທຳ​ອິດ​ວ່າ: ​ໄວ​ຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ອາດ​ສ້າງ​ຄວາມ​ເສຍ​ຫາຍ​ຕໍ່​ລະບົບ​ປະສາດ​ສ່ວນ​ກາງ​ໄດ້ ຫລັງ​ຈາກ​ມີ​ການ​ປິ່ນປົວ​ຜູ້​ຕິດ​ເຊື້ອຄົນ​ໜຶ່ງ​ໃນ​ວັນ​ທີ 5 ມີນາ.

     ສຳນັກ​ຂ່າວ​ຊິນ​ຮົວ ລາຍ​ງານ​ວ່າ: ​ແພດ​ຈາກ​ໂຮງໝໍ​ປັກ​ກິ່ງ ຕີ້​ຖານ (Beijing Ditan Hospital) ​ໃນ​ເຄືອ​ມະຫາວິທະຍາ​ໄລ​ແຄ​ພິທັລ ​ເມ​ດິຄັລ (CMU) ​ເຊິ່ງ​ເປັນ​ສະ​ຖາ​ບັນທີ່​ກຳນົດ​ໃຫ້​ຮອງ​ຮັບ​ຜູ້​ຕິດ​ເຊື້ອ​ໄວຣັສ​ໂຄ​ວິດ-19 ຖະ​ແຫລ​ງຂ່າວ​ການ​ປິ່ນປົວ​ຜູ້​ຕິດ​ເຊື້ອຜູ້​ຊາຍ​ຄົນ​ໜຶ່ງ ​ເຊິ່ງຖືກ​ກວດ​ພົບ​ເຊື້ອ​ໄວຣັສ​ໂຄ​ວິດ -19 ​ໃນ​ນ້ຳຫລໍ່ລ້ຽງ​ສະໝອງ​ໄຂ​ສັນຫລັງ (cerebrospinal fluid).

     ການ​ສຶກສາກ່ອນ​ໜ້າ​ນີ້​ຊີ້​ວ່າ: ​ໄວຣັສ COVID-19 ອາດ​ສ້າງ​ຄວາມ​ເສຍ​ຫາຍ​ຕໍ່​ອະ​ໄວ​ຍະ​ວະ​ຫລາຍ​ສ່ວນ​ເຊັ່ນ: ​ໄຕ, ຕັບ, ຫົວ​ໃຈ ​ແຕ່​ບໍ່​ມີ​ການ​ບັນທຶກ​ກໍລະນີ​ທີ່​ພົບ​ໃນ​ລະບົບ​ປະສາດ​ສ່ວນ​ກາງ.

     ຄະນະ​ແພດ​ກ່າວ​ວ່າ: ຜູ້​ຕິດ​ເຊື້ອ ​ໄວ 56 ປີ ​ໄດ້​ຮັບ​ກາ​ນບົ່ງມະຕິ​ວ່າ: ຕິດ​ເຊື້ອ​ໃນ​ວັນ​ທີ 24 ມັງກອນ ຢູ່​ໂຮງໝໍ ​ໂດຍ​ມີ​ອາການ​ຢູ່​ໃນ​ຂັ້ນຮຸນ​ແຮງ ​ແລະ ບໍ່​ຕອບ​ສະໜອງ​ຕໍ່​ການ​ປິ່ນປົວ​ຕາມ​ປົກກະຕິ. ຂະນະ​ທີ່​ປິ່ນປົວ​ໃນ​ພະ​ແນ​ກຜູ້​ປ່ວຍ​ໜັກ (ICU) ລາວ​ມີ​ອາການ​ກ່ຽວຂ້ອງ​ກັບ​ພາວະ​ຄວາມ​ຮູ້ສຶກ​ຕົວ​ຫລຸດ​ລົງ (Decreased consciousness) ​ເຖິງ​ວ່າ​ບໍ່​ປາກົດ​ສັນຍານ​ຜິດ​ປົກກະຕິ​ໃນ​ຜົນ​ເອັກສະ​ເຣຄອມ​ພິວ​ເຕີ (CT).

- Wave100S AD to Website 2020 0 - ແພດຈີນຢືນຢັນ ພົບຜູ້ປ່ວຍຄົນທຳອິດ “ຕິດໂຄວິດ-19” ໃນລະບົບປະສາດ

    ຫລັງ​ຈາກ​ນັ້ນ ​ເຈົ້າໜ້າ​ທີ່​ທາງ​ການ​ແພດ​ໄດ້​ຈັດ​ລຳດັບ​ຈຸ​ລັງ​ຈາກ​ຕົວຢ່າງ​ນ້ຳຫລໍ່ລ້ຽງ​ສະໝອງ​ໄຂ​ສັນຫລັງ ​ແລະ ຢືນຢັນຜົນ​ວ່າ: ມີ​ໄວຣັສ COVID-19 ຢູ່​ແທ້, ພ້ອມ​ບົ່ງມະຕິ​ວ່າ: ຜູ້​ປ່ວຍ​ມີ​ອາການ​ໄຂ້​ສະໝອງ​ອັກ​ເສບ ຈຶ່ງ​ດຳ​ເນີນ​ການ​ປິ່ນປົວ​ຈົນ​ອາການ​ຕ່າງໆ​ໃນ​ລະບົບ​ປະສາດ​ຂອງ​ຜູ້​ປ່ວຍ​ຄ່ອຍໆ​ຫລຸດ​ລົງ​ຕາມ​ລຳດັບ ​ໂດຍ​ລາວ​ຖືກ​ຍ້າຍ​ຈາກ​ພະ​ແນ​ກຜູ້​ປ່ວຍ​ໜັກ​ໄປ​ພະ​ແນ​ກຜູ້​ປ່ວຍ​ຕິດ​ເຊື້ອ​ໃນ​ວັນ​ທີ 18 ກຸມພາ  ກ່ອນ​ໄດ້​ຮັບ​ການ​ປ່ອຍ​ຕົວ​ອອກ​ຈາກ​ໂຮງໝໍ​ໃນ​ວັນ​ທີ 25 ກຸມພາ​ຜ່ານ​ມາ.

     ຄະນະ​ນັກວິ​ໄຈ​ເຄີຍ​ຄົ້ນພົບ​ກ່ອນ​ໜ້າ​ນີ້​ວ່າ: ​ໄວຣັສ​ໂຄ​ໂຣນາ​ທີ່​ສ້າງ​​ໂຣກ​ຊາຣ໌ສ (SARS) ​ແລະ ​​ໂຣກ​ເມີຣ໌ສ (MERS) ສາມາດ​ລຸກລາມ​ເຂົ້າ​ໄປ​ໃນ​ລະບົບ​ປະສາດ​ຂອງ​ຜູ້​ຕິດ​ເຊື້ອ​ໄດ້. ຂະນະ​ທີ່​ແຜນການ​ບົ່ງມະຕິ ​ແລະ ປິ່ນປົວ​ໂຣກຕິດ​ເຊື້ອ​ໄວຣັສ COVID-19 ສະບັບ​ປັບປຸງ​ຫລ້າ​ສຸດ ​ເຊິ່ງຄະນະ​ກຳມະການ​ສຸຂະພາບ​ແຫ່ງ​ຊາດ (NHC) ຂອງ​ຈີນ​ເຜີຍ​ແຜ່ ​ໃນ​ວັນ​ທີ 3 ມີນາ​ນີ້ ລະບຸ​ວ່າ: ​ໂຣກຕິດ​ເຊື້ອທີ່​ເກີດ​ຈາກ​ໄວຣັສຊະນິດ​ນີ້​ອາດ​ກໍ່​​ໃຫ້​ເກີດ​ອາການ​ເລືອດ​ຄັ່ງ, ບວມ​ນ້ຳ ​ແລະ ພາວະ​ເສື່ອ​ມຂອງ​ຈຸ​ລັງ​ປະສາດ​ໃນ​ເນື້ອ​ເຫຍື່ອ​ສະໝອງ​ໄດ້.

     ທັງ​ນີ້ ນັບ​ຮອດ​ວັນ​ທີ 4 ມີນາ ​ໂຮງໝໍ​ໄດ້​ປິ່ນປົວ​ຜູ້​ຕິດ​ເຊື້ອ​ໄວຣັສ​ໂຄ​ວິດ-19 ​ແລ້ວ 150 ຄົນ ​ແລະ ພົບ​ກໍລະນີ​ມີ​ອາການ​ສະໝອງ​ອັກ​ເສບ 1 ຄົນ.

- WhatsApp Image 2020 05 27 at 5 - ແພດຈີນຢືນຢັນ ພົບຜູ້ປ່ວຍຄົນທຳອິດ “ຕິດໂຄວິດ-19” ໃນລະບົບປະສາດ
error: Alert: ເນື້ອຫາຂ່າວມີລິຂະສິດ !!