ຮອດປັດຈຸບັນ ລາວຍັງບໍ່ມີຜູ້ຕິດເຊື້ອພະຍາດໂຄວິດ-19 (ອັບເດດ 6 ມີນາ 2020)

-                                                - ຮອດປັດຈຸບັນ ລາວຍັງບໍ່ມີຜູ້ຕິດເຊື້ອພະຍາດໂຄວິດ-19 (ອັບເດດ 6 ມີນາ 2020)
- 174233 - ຮອດປັດຈຸບັນ ລາວຍັງບໍ່ມີຜູ້ຕິດເຊື້ອພະຍາດໂຄວິດ-19 (ອັບເດດ 6 ມີນາ 2020)

  ກອງປະຊຸມຄະນະສະເພາະກິດເພື່ອປ້ອງກັນ, ຄວມຄຸມ ແລະ ແກ້ໄຂ ພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ (COVID-19) ໄດ້ຈັດຂຶ້ນໃນວັນທີ 6 ມີນານີ້ ຢູ່ທີ່ສໍານັກງານນາຍົກລັດຖະມົນຕີ, ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ທັງເປັນຫົວໜ້າຄະນະສະເພາະກິດດັ່ງກ່າວ.

  ໃນໂອກາດນີ້, ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໄດ້ຕາງໜ້າໃຫ້ກອງເລຂາຄະນະສະເພາະກິດລາຍງານວ່າ: ມາຮອດປັດຈຸບັນ, ຢູ່ ສປປ ລາວ ຍັງບໍ່ພົບຜູ້ຕິດເຊື້ອພະຍາດນີ້ ແລະ ຜ່ານມາແມ່ນມີພຽງກໍລະນີສົງໃສທັງໝົດ 53 ກໍລະນີ, ໂດຍໄດ້ເອົາຕົວຢ່າງໄປກວດຊອກຫາເຊື້ອພະຍາດຢູ່ຫ້ອງວິເຄາະທັງໝົດແລ້ວ, ແຕ່ບໍ່ໄດ້ຕິດເຊື້ອພະຍາດດັ່ງກ່າວ. ສ່ວນກະແສຂ່າວຕ່າງໆທີ່ປາກົດຕາມສື່ອອນລາຍຜ່ານມາວ່າ: ຢູ່ລາວມີຫ້ອງວິເຄາະພະຍາດບໍ່ໄດ້ຄຸນນະພາບ, ໂຮງໝໍຕ່າງໆບໍ່ມີຄວາມພ້ອມໃນການຮັບມື ຫລື ມີການປິດບັງຂໍ້ມູນກໍລະນີຄົນເຈັບ, ມີຄົນຕິດເຊື້ອພະຍາດຢູ່ສູນການຄ້າ, ໂຮງຮຽນບາງແຫ່ງ ແລະ ມີກະແສວ່າໄດ້ມີຜູ້ເສຍຊີວິດຈາກພະຍາດດັ່ງກ່າວຢູ່ແຂວງຜົ້ງສາລີ ແລະ ແຂວງວຽງຈັນນັ້ນ, ລ້ວນແຕ່ເປັນຂ່າວປອມ, ຂ່າວອະກຸສົນ ທີ່ຄົນບໍ່ດີເສກສັນປັ້ນແຕ່ງຂຶ້ນມາ ເພື່ອສ້າຄວາມປ່ັນປວນເຮັດໃຫ້ສັງຄົມບໍ່ມີຄວາມສະຫງົບ.

  ທ່ານຮອງລັດຖະມົນຕີກະຊວງດັ່ງກ່າວ ໃຫ້ຮູ້ວ່າ: ມາຮອດເວລາ 6:00 ໂມງຂອງວັນທີ 4 ມີນານີ້, ທົ່ວໂລກໄດ້ມີກໍລະນີຢັ້ງຢືນຜູ້ຕິດເຊື້ອພະຍາດດັ່ງກ່າວແລ້ວຫລາຍກວ່າ 95.300 ກໍລະນີ ແລະ ເສຍຊີວິດແລ້ວ 3.285 ຄົນ. ຕໍ່ສະພາບດັ່ງກ່າວກະຊວງສາທາລະນະສຸກ ໄດ້ເອົາໃຈໃສ່ປະສານສົມທົບກັບພາກສ່ວນຕ່າງໆ ເພື່ອສືບຕໍ່ປະຕິບັດມາດຕະການປ້ອງກັນ ແລະ ກະກຽມຄວາມພ້ອມໃນລະດັບ ສູງ ເພື່ອຕອບໂຕ້ການລະບາດຂອງພະຍາດນີ້ໃຫ້ມີປະສິດທິຜົນ.

- Wave100S AD to Website 2020 0 - ຮອດປັດຈຸບັນ ລາວຍັງບໍ່ມີຜູ້ຕິດເຊື້ອພະຍາດໂຄວິດ-19 (ອັບເດດ 6 ມີນາ 2020)

  ໃນໂອກາດນີ້, ທ່ານຫົວໜ້າຄະນະສະເພາະກິດໄດ້ຊີ້ນໍາໃຫ້ທຸກພາກສ່ວນສືບຕໍ່ເພີ່ມທະວີຄວາມເອົາໃຈໃສ່ປະຕິບັດມາດຕະການເຝົ້າລະວັງຕາມຫລັກການສາກົນ ແລະ ກະຊວງສາທາລະນະສຸກວາງອອກຢ່າງເຂັ້ມງວດ, ໂດຍສະເພາະປະຕິບັດການວັດແທກອຸນຫະພູມຂອງຜູ້ໂດຍສານເຂົ້າ-ອອກຢູ່ບັນດາດ່ານຕ່າງໆໃນທົ່ວປະເທດ, ແຕ່ງຕັ້ງພະນັກງານປະຈໍາການສາຍດ່ວນໝາຍເລກ 166 ເພື່ອຮັບການລາຍງານຈາກສັງຄົມ ແລະ ໃຫ້ຄໍາປຶກສາກ່ຽວກັບວິທີການປ້ອງກັນພະຍາດຕະຫລອດ 24 ຊົ່ວໂມງ, ພ້ອມນີ້, ຕ້ອງໃຫ້ມີລະບົບຕິດຕາມທຸກກໍລະນີທີ່ມີປະຫວັດສໍາພັດກັບຜູ້ທີ່ຢັ້ງຢືນການຕິດເຊື້ອ ແລະ ຜູ້ທີ່ເດີນທາງມາຈາກປະເທດທີ່ມີການລະບາດ, ພ້ອມທັງກະກຽມຄວາມພ້ອມຫ້ອງແຍກປ່ຽວໄລຍະລໍຖ້າສໍາລັບຄົນທີ່ມີອາການເຂົ້າກັບນິຍາມ COVID-19 ຢູ່ໂຮງໝໍຕ່າງໆ ລວມເຖິງມາດຕະການນໍາສົ່ງໂຮງໝໍຢ່າງຖືກວິທີ. ນອກນີ້ ກໍໃຫ້ເພີ່ມທະວີຄວາມເອົາໃຈໃສ່ວຽກງານໂຄສະນາປ້ອງກັນພະຍາດຜ່ານສື່ມວນຊົນຕ່າງໆໃຫ້ກວ້າງຂວາງ, ພ້ອມທັງມີມາດຕະການຕິດຕາມຜູ້ທີ່ບໍ່ຫວັງດີທີ່ສ້າງຂ່າວປອມສ້າງຄວາມບໍ່ສະຫງົບໃນສັງຄົມ ມາດໍາເນີນຄະດີຕາມລະບຽບກົດໝາຍ.

ສ່ວນສືບຕໍ່ເພີ່ມທະວີຄວາມເອົາໃຈໃສ່ປະຕິບັດມາດຕະການເຝົ້າລະວັງຕາມຫລັກການສາກົນ ແລະ ກະຊວງສາທາລະນະສຸກວາງອອກຢ່າງເຂັ້ມງວດ, ໂດຍສະເພາະປະຕິບັດການວັດແທກອຸນຫະພູມຂອງຜູ້ໂດຍສານເຂົ້າ-ອອກຢູ່ບັນດາດ່ານຕ່າງໆໃນທົ່ວປະເທດ, ແຕ່ງຕັ້ງພະນັກງານປະຈໍາການສາຍດ່ວນໝາຍເລກ 166 ເພື່ອຮັບການລາຍງານຈາກສັງຄົມ ແລະ ໃຫ້ຄໍາປຶກສາກ່ຽວກັບວິທີການປ້ອງກັນພະຍາດຕະຫລອດ 24 ຊົ່ວໂມງ, ພ້ອມນີ້, ຕ້ອງໃຫ້ມີລະບົບຕິດຕາມທຸກກໍລະນີທີ່ມີປະຫວັດສໍາພັດກັບຜູ້ທີ່ຢັ້ງຢືນການຕິດເຊື້ອ ແລະ ຜູ້ທີ່ເດີນທາງມາຈາກປະເທດທີ່ມີການລະບາດ, ພ້ອມທັງກະກຽມຄວາມພ້ອມຫ້ອງແຍກປ່ຽວໄລຍະລໍຖ້າສໍາລັບຄົນທີ່ມີອາການເຂົ້າກັບນິຍາມ COVID-19 ຢູ່ໂຮງໝໍຕ່າງໆ ລວມເຖິງມາດຕະການນໍາສົ່ງໂຮງໝໍຢ່າງຖືກວິທີ. ນອກນີ້ ກໍໃຫ້ເພີ່ມທະວີຄວາມເອົາໃຈໃສ່ວຽກງານໂຄສະນາປ້ອງກັນພະຍາດຜ່ານສື່ມວນຊົນຕ່າງໆໃຫ້ກວ້າງຂວາງ, ພ້ອມທັງມີມາດຕະການຕິດຕາມຜູ້ທີ່ບໍ່ຫວັງດີທີ່ສ້າງຂ່າວປອມສ້າງຄວາມບໍ່ສະຫງົບໃນສັງຄົມ ມາດໍາເນີນຄະດີຕາມລະບຽບກົດໝາຍ.

- WhatsApp Image 2020 05 27 at 5 - ຮອດປັດຈຸບັນ ລາວຍັງບໍ່ມີຜູ້ຕິດເຊື້ອພະຍາດໂຄວິດ-19 (ອັບເດດ 6 ມີນາ 2020)
error: Alert: ເນື້ອຫາຂ່າວມີລິຂະສິດ !!