ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ

-                             - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ
- AGL banner - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ

ລູກເມືອງພວນ

ວັນແມ່ຍິງສາກົນ ແມ່ນເລີ່ມຕົ້ນມາແຕ່ປີ 1910 ຊື່ງວັນທີ 8 ມີນາ ເປັນວັນທວງເອົາສິດທິ ອຳນາດ ຄວາມສະເໝີພາບ ແລະ ຄວາມເທົ່າທຽມກັນກັບຜູ້ຊາຍຂອງເອື້ອຍນ້ອງແມ່ຍິງໃນທົ່ວໂລກຈາກພວກນາຍທຶນມາໃຫ້ຕົນເອງ ໃນວັນທີ 8 ມິນາປີ 1910 ຢູ່ທີ່ ເມືອງ ໂອແປນຮາແກັນ ປະເທດ ເດັນມາກ, ມາເຖິງປີນີ້ບັນຈົບຄົບຮອບ 110 ປີພໍດີ.

ວັນແມ່ຍິງສາກົນເກີດຂຶ້ນໄດ້ ແມ່ນຍ້ອນມີກຳມະກອນຍິງໃນໂຮງງານຜະລິດແຜ່ນແພຢູ່ນິວຢອກ ປະເທດອາເມລິກາ ໃນປີ 1907ຈຳນວນ 15.000 ຄົນ ພາກັນລຸກຮື້ຂຶ້ນປະທ້ວງໃຫ້ນາຍຈ້າງເພີ່ມຄ່າແຮງງານ ແລະ ຮ້ອງຂໍສິດທິຂອງເຂົາເຈົ້າ.

Clara Zetkin ນັກການເມືອງຍິງສັງຄົມນິຍົມຂອງປະເທດເຢຍລະມັນ ໄດ້ຕັດສິນໃຈຊັກຊວນພະນັກງານທີ່ເປັນແມ່ຍິງ ໃນວັນທີ 8 ມີນາ ປີ 1907 ໄດ້ອອກມາຮຽກຮ້ອງໃຫ້ນາຍຈ້າງ ຫຼຸດຜ່ອນເວລາເຮັດວຽກລົງໃຫ້ຍັງເຫຼືອ 8 ຊົ່ວໂມງຕໍ່ມື້ ແລະ ປັບປຸງສະຫວັດດີການຂອງພວກເຂົາໃຫ້ດີຂຶ້ນ ພ້ອມທັງຮຽກຮ້ອງໃຫ້ແມ່ຍິງມີສິດລົງຄະແນນສຽງ. ເຖິງຢ່າງໃດກໍດີ ການຮ້ອງຂໍນີ້ຈະບໍ່ສຳເລັດຜົນກໍຕາມ ແລະ ມີພະນັກງານຍິງຫຼາຍຄົນຖືກຈັບກຸມ ແຕ່ແມ່ຍິງໃນທົ່ວໂລກໃຫ້ການສະໜັບສະໜູນການກະທຳດັ່ງກ່າວຂອງ Clara Zetkin  ແລະ ເຮັດໃຫ້ແມ່ຍິງໃນທົ່ວໂລກຮູ້ເຖິງສິດທິຂອງຕົນຫຼາຍຂຶ້ນ.

ຈົນໃນທີ່ສຸດມາຮອດວັນທີ 8 ມີນາ ປີ 1910 ຄວາມພະຍາຍາມຂອງແມ່ຍິງໄດ້ຮັບຜົນສຳເລັດ, ເມື່ອມີຜູ້ຕ່ງໜ້າແມ່ຍິງຈາກ 17 ປະເທດ ໄດ້ເຂົ້າຮ່ວມກອງປະຊຸມສະມາຄົມສະຕີສັງຄົມນິຍົມຄັ້ງທີ 2 ຢູ່ ໂກແປນຮາແກັນ ປະເທດເດັນມາກ. ກອງປະຊຸມໄດ້ປະກາດຄວາມຕ້ອງການຂອງແມ່ຍິງກໍຄື ຕ້ອງຫຼຸດເວລາເຮັດວຽກໃຫ້ເຂົາເຈົ້າ ໃຫ້ຍັງເຫຼືອ 8 ຊົ່ວໂມງຕໍ່ວັນ ແລະ 8 ຊົ່ວໂມງເພື່ອການພັກຜ່ອນ ພ້ອມດຽວກັນຍັງໄດ້ຮຽກຮ້ອງໃຫ້ປັບເງິນຄ່າແຮງງານຂຶ້ນເທົ່າທຽມກັບເງິນແຮງງານຂອງຜູ້ຊາຍ ແລະ ໃຫ້ສະຫວັດດີການຕໍ່ແມ່ຍິງ ແລະເດັກ.

- Wave100S AD to Website 2020 0 - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ

ຈາກການຕໍ່ສູ່ ແລະ ຮຽກຮ້ອງຢ່າງແຂງແຮງຈາກແມ່ຍິງໃນທົ່ວໂລກ ແລະ ໄດ້ຮັບຜົນສຳເລັດຕາມຄຳຮຽກຮ້ອງ, ຈຶ່ງໄດ້ຖືເອົາວັນທີ 8 ມີນາໃນປີ 1910 ເປັນວັນແມ່ຍິງສາກົນເປັນຕົ້ນມາ ແລະ ທຸກໆປີ ແມ່ຍິງໃນທົ່ວໂລກຈະຕ້ອງໄດ້ສະເຫຼີມສະຫຼອງຢ່າງຄືກຄື້ນ ແລະ ຍັງເປັນວັນພັກຜ່ອນວະລະແຫ່ງຊາດໃຫ້ແກ່ເອື້ອຍນ້ອງແມ່ຍິງໃນທົ່ວໂລກອີກດ້ວຍ.

ໃນຂະບວນວິວັດລວມດັ່ງກ່າວ, ແມ່ຍິງລາວກໍໄດ້ເສີມຂະຫຍາຍບົດບາດຂອງຕົນນັບມື້ນັບຫຼາຍຂຶ້ນໃນການຕໍ່ສູ້ປົດປ່ອຍຊາດໃນເມື່ອກ່ອນ ຊຶ່ງປາກົດມີແມ່ຍິງທີ່ເປັນວິລະຊົນ, ນັກຮົບແຂ່ງຂັນປາກົດຂຶ້ນໃນໜ້າປະຫວັດສາດເຊັ່ນ: ແມ່ເຖົ້າຢົງກາຍ, ແມ່ເຖົ້າເສົາ, ນາງໄຕເພັດ…ໃນໄລຍະໃໝ່ປົກປັກຮັກສາ ແລະ ພັດທະນາປະເທດຊາດ ແມ່ຍິງລາວບໍ່ໄດ້ນ້ອຍໜ້າຜູ້ຊາຍ. ຖານະບົດບາດ ແລະ ອີດທິພົນຂອງແມ່ຍິງລາວນັບມື້ສູງເດັ່ນຂຶ້ນ. ຜູ້ຍິງທີ່ເປັນການນຳຢູ່ແຕ່ລະຂົງເຂດວຽກງານກໍນັບມື້ນັບຫຼາຍຂຶ້ນ ໂດຍສະເພາະແມ່ນຢູໃນລະດັບການນຳຂັ້ນສູນກາງກໍມີຫຼາຍ. ນອກຈາກນັ້ນ, ບົດບາດອິດທິພົນຂອງແມ່ຍິງລາວຍັງດັງກ້ອງກາງວານໄປໃນທົ່ວໂລກ, ໄດ້ຮັບຫຼຽນກາ, ຫຼຽນໄຊ ໃບຍ້ອງຍໍສາກົນຫຼາຍຄົນ.

ພວກເຮົາຂໍຂຳນັບຊົມເຊີຍວັນແມ່ຍິງສາກົນ ຄົບຮອບ 110 ປີຢ່າງສຸດໃຈ. ອວຍພອນໃຫ້ເອື້ອຍນ້ອງແມ່ຍິງໃນທົ່ວໂລກ ພິເສດແມ່ນແມ່ຍິງລາວ ຈົ່ງມີສຸຂະພາບເຂັ້ງແຂງ, ມີອາຍຸໝັ້ນຍືນ. ມີຜົນສຳເສັດໃນໜ້າທີ່ ທີ່ພັກ-ລັດມອບໝາຍໃຫ້ເປັນຢ່າງດີ. ວັນທີ 8 ມີນາ ຈົ່ງໝັ້ນຍືນ.

- WhatsApp Image 2020 05 27 at 5 - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ
- WhatsApp Image 2020 05 27 at 5 - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ
- WhatsApp Image 2020 05 27 at 5 - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ
- WhatsApp Image 2020 05 27 at 5 - ຊົມເຊີຍວັນແມ່ຍິງສາກົນຄົບຮອບ 110 ປີຢ່າງສຸດໃຈ
error: Alert: Content is protected !!