ລັດຖະບານສະໜອງງົບ 10 ຕື້ ເພື່ອໃຊ້ເຂົ້າໃນວຽກງານກັນ ແລະ ຄວບຄຸມພະຍາດ COVID-19

-                             - ລັດຖະບານສະໜອງງົບ 10 ຕື້ ເພື່ອໃຊ້ເຂົ້າໃນວຽກງານກັນ ແລະ ຄວບຄຸມພະຍາດ COVID-19
- 174233 - ລັດຖະບານສະໜອງງົບ 10 ຕື້ ເພື່ອໃຊ້ເຂົ້າໃນວຽກງານກັນ ແລະ ຄວບຄຸມພະຍາດ COVID-19

ໃນໂອກາດຖະແຫຼງຂ່າວກ່ຽວກັບສະຖານະການພະຍາດ COVID-19 ຢູ່ ສປປ ລາວ, ໃນວັນທີ 5 ມີນາ ນີ້, ຢູ່ ສະຖານບັນການຕ່າງປະເທດ ນະຄອນຫລວງວຽງຈັນ, ທ່ານ ພູທອນ ເມືອງປາກ ຮອງລັດຖະມົນຕີກະຊວງ ສາທາລະນະສຸກ ໄດ້ໃຫ້ຮູ້ວ່າ: ປັດຈຸບັນການລະບາດຂອງພະຍາດ COVID-19 ນັບມື້ຮ້າຍແຮງຂື້ນ,   ຕໍ່ສະພາບການດັ່ງກ່າວລັດຖະບານໄດ້ສະໜອງງົບປະມານສຸກເສີນຈໍານວນ 10 ຕື້, ເພື່ອຮັບໃຊ້ເຂົ້າໃນວຽກງານກັນ ແລະ ຄວບຄຸມ ພະຍາດດັ່ງກ່າວ,  ຄຽງຄູ່ກັນນັ້ນກໍ່ໄດ້ມີການລະດົມທຶນ ຈາກສັງຄົມຕື່ມ, ນອກຈາກນັ້ນ,  ບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນກໍໄດ້ ໃຫ້ການຊ່ວຍເຫຼືອວັດຖຸອຸປະກອນຈຳນວນໜຶ່ງ, ທາງກະຊວງສາທາລະນະສຸກກໍ່ໄດ້ແຈກຍາຍວັດຖຸອຸປະກອນຕ່າງໆ ໃຫ້ບັນດາພາກສ່ວນທີ່ມີຄວາມຕ້ອງການ ແຕ່ສູນກາງຮອດທ້ອງຖິ່ນ ຄື: ເຄື່ອງກວດວິເຄາະຢັ້ງຢືນ COVID-19 ແບບພົກພາ 4 ເຄື່ອງເຄື່ອງແທກອຸນຫະພູມ ແບບມືຖື 207 ເຄື່ອງກ້ອງວັດແທກອຸນຫະພູມ 6 ເຄື່ອງ, ເຄື່ອງຊ່ວຍຫາຍໃຈ 10 ເຄື່ອງ, ເຄື່ອງຕິດຕາມອາການຊີວິດ (Monitoring) ເຄື່ອງ, ປ້ອງກັນໂຕຜ້າອັດປາກ 226, 250 ອັນ ແລະ ຍັງສັ່ງຊື້ຕື່ມ 1.500,000 ແຜ່ນເຈວລ້າງມື ແບບ 100 ມລ ມີ 1,190 ຂວດ, ແບບ 50 ມລ ມີ 6,000 ຂວດ, ພ້ອມນີ້ ການສະກັດກັ້ນ ພະຍາດດັ່ງກ່າວ ຢູ່ ສປປ ລາວ ຍັງໄດ້ວາງແຜນຫລາຍຂັ້ນຕອນຄື: ການເຝົ້າລະວັງ, ການປະເມີນຄວາມສ່ຽງ, ກະກຽມຫ້ອງທົດລອງ, ຫ້ອງວິເຄາະ ແລະ ບໍລິການປ້ອງກັນ, ຄວບຄຸມການຕິດເຊື້x, ມີມາດຕະການທາງດ້ານສາທາລະນະສຸກທີ່ບໍ່ແມ່ນການແພດຕໍ່ຊຸມຊົນ, ການສືສານໂຄສະນາສຸຂະສຶກສາ, ກວດຄັດກອງຄົນເຂົ້າ-ອອກຕາມດ່ານຜ່ານແດນ ແລະ ວຽກງານພາລະທິການ ອື່ນໆ

ຮອງລັດຖະມົນຕີກະຊວງ ສາທາລະນະສຸກ ໃຫ້ຮູ້ວ່າ: ການສະກັດກັ້ນ ແລະ ຄວບຄຸມ ພະຍາດ COVID-19 ຢູ່ລາວ ຍັງມີຄວາມສ່ຽງທີ່ຈະຕິດເຊື້ອ ແລະ ມີຂໍ້ຈໍາກັດຫລາຍດ້ານຄື: ເນື່ອງຈາກລາວເຮົາມີຈຳນວນດ່ານສາກົນ ແລະ ດ່ານປະເພນີຫລາຍແຫ່ງ ແລະ ອິງໃສ່ອູປະກອນ ແລະ ບຸກຄະລາກອນກໍ່ຍັງມີຄວາມຈຳກັດ, ແຕ່ເຖີງຢ່າງໃດເຮົາກໍ່ໄດ້ພະຍາຍາມເຮັດສູດຄວາມສາມາດການກັນແມ່ນມາດຕະການນື່ງທີ່ມີຄວາມສຳຄັນ ແລະ ຈຳເປັນ ໃນການຄວມຄຸມບໍ່ໃຫ້ພະຍາດແຜ່ກະຈາຍ. ແຕ່ວ່າໃນການຈັດຕັ້ງປະຕິບັດແມ່ນພົບຄວາມຫຸ້ຍງຍາກ, ໂດຍສະເພາະແມ່ນການຈັດສັນສະຖານທີ່ໃຫ້ຜູ້ທີ່ຕ້ອງຖືກກັກກັນໃນ 14 ວັນນັ້ນ, ການຈັດຕັ້ງປະຕິບັດບາງມາດຕະການແມ່ນຍັງມີຂໍ້ຈຳກັດເພາະມີການກະທົບໃສ່ ສະພາບເສດຖະກິດ, ​ວັດທະນະທຳ-ສັງຄົມ, ປະສົບການຂອງແພດໝໍໃນການປະເຊີນໜ້າກັບພະຍາດຊຶມເຊື້ອຍັງມີຄວາມຈຳກັດ, ຫ້ອງແຍກປ່ຽວບາງໂຮງໝໍຍັງບໍ່ໄດ້ມາດຖານໃນການຄວບຄຸມການກະຈາຍເຊື້ອອຸປະກອນທີ່ຈະນໍາໃຊ້ໃນຫ້ອງແຍກປ່ຽວສະເພາະ ແມ່ນມີຈຳກັດ. ຍັງບໍ່ມີຢາປິ່ນປົວສະເພາະ ລວມທັງ ວັກຊີນປ້ອງກັນສະຖານທີ່ໃນການປິ່ນປົວໃນປະຈຸບັນຍັງມີຄວາມຈຳກັດໃນການຈັດສັນສະຖານທີ່ເພື່ອຮອງຮັບຄົນເຈັບຖ້າວ່າມີການລະບາດໃຫ່ຍ

- Wave100S AD to Website 2020 0 - ລັດຖະບານສະໜອງງົບ 10 ຕື້ ເພື່ອໃຊ້ເຂົ້າໃນວຽກງານກັນ ແລະ ຄວບຄຸມພະຍາດ COVID-19
- WhatsApp Image 2020 05 27 at 5 - ລັດຖະບານສະໜອງງົບ 10 ຕື້ ເພື່ອໃຊ້ເຂົ້າໃນວຽກງານກັນ ແລະ ຄວບຄຸມພະຍາດ COVID-19
error: Alert: ເນື້ອຫາຂ່າວມີລິຂະສິດ !!