ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ

- 72 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ
- 174233 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ

                                                                 # ລູກເມືອງພວນ

      ແຫຼ່ງຂ່າຂອງລັດຖະບານຫວຽດນາມ ວັນທີ 6/3 ນີ້ໃຫ້ຮູ້ວ່າ: ເຈົ້າໜ້າທີ່ໂຄງການເຝົ້າລະວັງເຫດການສຸກເສີນຂອງອົງການອານາໄມໂລກ ຫຼື  WHO, ທ່ານນາງ Maria van Kerkhove ໄດ້ຮຽກຮ້ອງໃຫ້ບັນດາປະເທດນຳໃຊ້ທັງໝົດບັນດາວິທີການພື້ນຖານໃນການຕ້ານ ແລະ ສະດັດກັ້ນພະຍາດທີ່ມີປະສິດທິຜົນ ຊຶ່ງບັນດາປະເທດຄື: ຈີນ, ສິງກະໂປ ແລະ ຫວຽດນາມໄດ້ນຳໃຊ້ມາແລ້ວ.

- 1583385489 3 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ

       ບັນດາວິທີການດັ່ງກ່າວກ່ອນອື່ນໝົດແມ່ນການກຳນົດກໍລະນີຜູ້ຕິດເຊື້ອ ຫຼັງຈາກນັ້ນພົວພັນກັບພວກເຂົາເຈົ້າເພື່ອດຳເນີນມາດຕະການແຍກປ່ຽວ ພ້ອມທັງປຸກລະດົມຂົນຂວາຍໃຫ້ປະຊາຊົນເຂົ້າຮ່ວມການຕ້ານ ແລະ ປ້ອງກັນພະຍາດ. ທ່ານ ນາງ Kerkhove ເວົ້າວ່າ ທຸກໆຊາດສາມາດປະຕິບັດໄດ້ວິທີການດັ່ງກ່າວ.

       ກ່ອນໜ້ານັ້ນ, ອົງການອານາໄມໂລກ ຫຼື WHO ໄດ້ອອກມາກ່າວເຕືອນວ່າ ຍັງມີຫຼາຍຊາດທີ່ຍັງບໍ່ທັນໄດ້ນຳໃຊ້ວິທີການຈຳເປັນເພື່ອສະກັດກັັ້ນການແຜ່ເຊື້ອຂອງພະຍາດດັ່ງກ່າວ.

WHO ຈະດຳເນີນແນວຮົບໂຄສະນາທາງສັງຄົມ ເພື່ອຮຽກຮ້ອງໃຫ້ປະຊາຊົນທຸກຄົນໄດ້ຮັບຄວາມປອດໄພ, ເຂົ້າເຖິງວິທີການສະກັດກັ້ນທີ່ວ່ອງໄວ ແລະ ໄດ້ຮັບຂໍ້ມູນຂ່າວສານທີ່ພຽງພໍ ແລະ ທັນການ ເພື່ອສະກັດກັ້ນການລະບາດຂອງພະຍາດ ໂຄວິດ-19.

- Wave100S AD to Website 2020 0 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ
- 1583385628 2 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ

       ໃນບົດລາຍງານວັນທີ 5/3 ຜ່ານມານີ້, ຜູ້ອຳນວຍການໃຫ່ຍ ອົງການອານາໄມໂລກ ຫຼື WHO ທ່ານ Tedros Adhanom Ghebreyesus ເນັ້ນວ່າ: ” ພວກເຮົາເຂົ້າໃຈດີວ່າທຸກຄົນກຳລັງຜະຫວາຕໍ່ພະຍາດດັ່ງກ່າວ. ອັນນັ້ນມັນເປັນເລື່ອງທຳມະດາ ແລະ ຫຼີກລ່ຽງບໍ່ໄດ້…ແຕ່ຄວາມຢ້ານກົວທັງໝົດນັ້ນ ອາດຈະຖືກຜ່ອນຄາຍລົງ ແລະ ຖືກຄວບຄຸມດ້ວຍຂໍ້ມູນຂ່າວສານທີ່ຊັດເຈນ “. ນີ້ຄືເຫດຜົນທີ່ ອົງການອານາໄມໂລກຈະຕ້ອງດຳເນີນບັ້ນຮົບທາງສັງຄົມທີ່ມີຊື່ວ່າ ” ຈົ່ງຕຽມພ້ອມເພື່ຶອຕໍ່ສູ້ກັບພະຍາດໂຄວິດ-19″. ແຕ່ວ່າຖ້າຜູ້ໃດຫາກຢ້ານເກີນໄປຈົ່ງພົວພັນກັບຄົນຂ້າງຄຽງເພື່ອຊອກຫາແຜນການສະກັດກັ້ນອັນຮີບດ່ວນໃນຊຸມຊົນຂອງຕົນ. ທ່ານ Ghebreyesus ໃຫ້ຮູ້ວ່າ ການທີ່ໄວຣັດ SARS-CoV-2 ຂ້າຜູ້ຄົນນັ້ນ ບໍ່ຂຶ້ນຢູ່ກັບສະເພາະແຕ່ຕົວພະຍາດເອງ ແຕ່ຫາກຍັງຂຶ້ນຢູ່ກັບວ່າຄົນເຮົາມີປະຕິກິລິຍາຕໍ່ໄວຣັດນັ້ນຄືແນວໃດ.

        ກ່ອນໜ້ານັ້ນ, ວັນທີ 4/3 ວິທະຍຸກະຈາຍສຽງ Sputnik ຂອງລັດເຊຍ ໄດ້ອອກອາກາດທີ່ມີເນື້ອໃນໃຈຄວາມຍ້ອງຍໍສັນລະເສີນຄວາມພະຍາຍາມຕ້ານ ແລະ ສະກັດກັ້ນພະຍາດໂຄວິດ-19 ຂອງຫວຽດນາມ.

- 1583385688 4 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ

ວິທະຍຸກະຈາຍສຽງຂອງລັດເຊຍໃຫ້ຮູ້ວ່າ ບັ້ນຮົບຕໍ່ສູ້ກັບພະຍາດອັນຕະລາຍນີ້ກຳລັງໄດ້ຮັບໄຊຊະນະໃນລະດັບແຕກຕ່າງກັນໃນທົ່ວໂລກ, ແຕ່ໃນນັ້ນຫວຽດນາມເປັນໜ້າສົນໃຈກ່ວາໝູ່ໃນໂລກ, ໃນເມື່ອທັງ 16 ກໍລະນີຕິດເຊື້ອພະຍາດໂຄວິດ-19 ຢູ່ຫວຽດນາມ ລ້ວນແຕ່ໄດ້ຮັບການປິ່ນປົວໃຫ້ດີທັງໝົດ ແລະ ບໍ່ມີຜູ້ເສຍຊີວິດ, ໃນຂະນະດຽວກັນປະເທດທີ່ຈະເລີນກວ່າ ຈຳຕ້ອງໄດ້ຮັບຜົົນເສຍຫາຍທາງຊີວິດຂອງຜູ້ຄົນເຊັ່ນສະຫະລັດ ແລະ ອີຕາລີ.

       ເມື່ອວິເຄາະເບິ່ງປັດໄຈເບື້ອງຕົນຂອງຜົນສຳເລັດແລ້ວ  Sputnik ໃຫ້ຮູ້ວ່າ ຂະແໜງການຢາຂອງຫວຽດນາມນັບທັງຢາຫຼວງ ແລະ ຢາພື້ນເມືອງລ້ວນແຕ່ມີຄຸນະພາບສູງ ແລະ ໄດ້ມາດຕະຖານສາກົນ. ທ່ານ Piotr Tsvetov  ນັກຊ່ຽວຊານວິເຄາະ ຂອງ Sputnik ທີ່ເຄີຍດຳລົງຊີວິດຢູ່ຫວຽດນາມຫຼາຍປີ ຢືນຢັນວ່າຕົວເຂົາເອງ ແລະ ສະມາຊິກໃນຄອບຄົວຂອງເຂົາລ້ວນແຕ່ມີຄວາມເຊື່ອໝັ້ນຕໍ່ການແພດຂອງຫວຽດນາມ.

- WhatsApp Image 2020 05 27 at 5 - ອົງການອານາໄມໂລກ ຫຼື WHO ຮຽກຮ້ອງໃຫ້ບັນດາປະເທດຖອດຖອນ ເອົາບົດຮຽນຂອງຫວຽດນາມ
error: Alert: ເນື້ອຫາຂ່າວມີລິຂະສິດ !!