“ໂຄວິດ-19” ດຶງການທ່ອງທ່ຽວໂລກ ເງິນສູນຫາຍ 50.000 ລ້ານໂດລາ

- 73 - “ໂຄວິດ-19” ດຶງການທ່ອງທ່ຽວໂລກ ເງິນສູນຫາຍ 50.000 ລ້ານໂດລາ
- Untitled design - “ໂຄວິດ-19” ດຶງການທ່ອງທ່ຽວໂລກ ເງິນສູນຫາຍ 50.000 ລ້ານໂດລາ

     ລາຍ​ງານ​ວິ​ເຄາະ​ໂດຍ​ອົງການ​ການທ່ອງທ່ຽວ​ໂລກ ລະບຸ​ວ່າ: ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ຈະ​ເຮັດ​ໃຫ້​ນັກ​ທ່ອງ​ທ່ຽວ​ໝູນວຽນ​ທົ່ວ​ໂລກ​ຫລຸດ​ລົງ​ສູງ​ສຸດ 3% ​ແລະ ​ເງິນ​ໝູນວຽນ​ໃນ​ອຸດສາຫະກຳ​ທ່ອງ​ທ່ຽວ​ອາດ​ຫາຍ​ໄປ​ສູງ​ເຖິງ 50.000 ລ້ານ​ໂດ​ລາ​ສະຫະລັດ.

     ອົງການ​ທ່ອງ​ທ່ຽວ​ໂລກ (UNWTO) ​ເຜີຍ​ແຜ່​ລາຍ​ງານ​ໃນ​ວັນ​ທີ 6 ມີນາ ປະ​ເມີນ​ສະຖານະ​ການ​ການທ່ອງທ່ຽວ​ຂອງ​ໂລກ​ໃນ​ປີ​ນີ້ວ່າ: ວິ​ກິດ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ “​ໂຄ​ວິດ-19” ຈະ​ສົ່ງ​ຜົນ​ໃຫ້​ຜູ້​ໂດຍສານ ຫລື ນັກ​ທ່ອງ​ທ່ຽວ ​ເຊິ່ງ​ເດີນທາງ​ໄປ​ແຕ່ລະ​ປະ​ເທດ​ມີ​ທ່າ​ອ່ຽງຫລຸດ​ລົງ 1% ​ເຖິງ 3% ​ໃນ​ປີ​ນີ້ ​ເຊິ່ງຈະ​ສົ່ງ​ຜົນ​​ເຮັດ​ໃຫ້​ເງິນ​ໝູນວຽນ​ໃນ​ອຸດສາຫະກຳ​ການທ່ອງທ່ຽວ​ໂລກ​ສູນຫາຍ​ໄປ​ປະມານ 30.000 ​ເຖິງ 50.000 ລ້ານ​ໂດ​ລາ​ສະຫະລັດ.

     ທັງ​ນີ້ ພາກພື້ນອາຊີ ​ແລະ ປາຊີ​ຟິກ ຈະ​ໄດ້​ຮັບ​ຜົນ​ກະທົບ​ຫລາຍ​ທີ່​ສຸດ ​ໂດຍ​ຈຳນວນ​ນັກ​ທ່ອງ​ທ່ຽວ​ຈະ​ຫລຸດ​ລົງ​ລະຫວ່າງ 9% ​ເຖິງ 12% ກ່ຽວຂ້ອງ​ກັບ​ມາດ​ຕະການ​ຄວບ​ຄຸມ​ໂຣກຂອງ​ລັດຖະບານ​ຈີນ ​ເຊິ່ງຈຳກັດ​ການ​ເດີນທາງ​ອອກ​ນອກ​ປະ​ເທດ​ຂອງ​ພົນລະ​ເມືອງ. ຂະນະ​ທີ່​ຫລາຍ​ປະ​ເທດ​ໃຊ້​ມາດ​ຕະການ​ຢຸດ​ການ​ເຂົ້າ​ເມືອງ​ແບບ​ສະ​ເພາະ​ເຈາະ​ຈົງ ບວກ​ກັບ​ຄວາມ​ກັງວົນ​ຂອງ​ປະຊາຊົນ​ທີ່​ມີ​ຕໍ່​ໂຣກລະບາດ, ອຸປະ​ສົງການ​ເດີນທາງ​ຈຶ່ງ​ຫລຸດ​ລົງ ​ເປັນ​ຜົນ​ກະທົບ​ຕ່ອງ​ໂສ້​ໃຫ້​ບັນດາ​ສາຍ​ການບິນ​ທຸກ​ແຫ່ງ​ທົ່ວ​ໂລກ ຕ້ອງ​ຫລຸດ​ຖ້ຽວ​ບິນ ຫລື ​ໂຈະ​ຖ້ຽວ​ບິນ​ໃນ​ຫລາຍ​ເສັ້ນທາງ.

- Wave100S AD to Website 2020 0 - “ໂຄວິດ-19” ດຶງການທ່ອງທ່ຽວໂລກ ເງິນສູນຫາຍ 50.000 ລ້ານໂດລາ

     ສະຖິຕິ​ການທ່ອງທ່ຽວ​ໂລກ​ຂະຫຍາຍຕົວ 4% ​ໃນ​ປີ 2019 ຄິດ​ເປັນ​ນັກ​ທ່ອງ​ທ່ຽວ​ປະມານ 1.500 ລ້ານ​ຄົນ​ເດີນທາງ​ໝູນວຽນ​ໄປ​ທົ່ວ​ໂລກ ​ໂດຍ​ຝຣັ່ງ​ເປັນ​ຈຸດໝາຍ​ອັນ​ດັບ 1 ຕາມ​ລາຍ​ງານ​ຂອງ UNWTO, ຮອງ​ລົງ​ມາ​ຄື​ແອັສປາຍ ​ແລະ ອາ​ເມ​ລິ​ກາ ​ເຮັດ​ໃຫ້​ມີ​ເງິນ​ໝູນວຽນ​ໃນ​ລະບົບ​ເສດຖະກິດ​ໂລກ​ສູງ​ເຖິງ 1,5 ຕື້​ໂດ​ລາ​ສະຫະລັດ ​ໂດຍ​ແນ່ນອນ​ວ່າ​ນັກ​ທ່ອງ​ທ່ຽວ​ສ່ວນ​ຫລາຍ​ຄື​ຈີນ.

- WhatsApp Image 2020 05 27 at 5 - “ໂຄວິດ-19” ດຶງການທ່ອງທ່ຽວໂລກ ເງິນສູນຫາຍ 50.000 ລ້ານໂດລາ
- WhatsApp Image 2020 05 27 at 5 - “ໂຄວິດ-19” ດຶງການທ່ອງທ່ຽວໂລກ ເງິນສູນຫາຍ 50.000 ລ້ານໂດລາ
error: Alert: ເນື້ອຫາຂ່າວມີລິຂະສິດ !!