“ເຟສບຸກ” ປິດສຳນັກງານລອນດອນ-ສິງກະໂປ ເພາະ “ໂຄວິດ-19”

- 74 1 - “ເຟສບຸກ” ປິດສຳນັກງານລອນດອນ-ສິງກະໂປ ເພາະ “ໂຄວິດ-19”
- 174233 - “ເຟສບຸກ” ປິດສຳນັກງານລອນດອນ-ສິງກະໂປ ເພາະ “ໂຄວິດ-19”

       ​ເຟສບຸກປິດ​ສຳນັກງານ​ຢູ່​ນະຄອນຫລວງ​ລອນ​ດອນ ​ແລະ ປິດ​ພື້ນທີ່​ສ່ວນ​ໜຶ່ງ​ຂອງ​ຫ້ອງການ​ຢູ່​ສິງກະ​ໂປ ຫລັງ​ພະນັກງານ​ຄົນ​ໜຶ່ງ​ຢູ່​ສິງກະ​ໂປ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ ​ແລະ ​ເດີນທາງ​ໄປ​ສາຂາ​ຂອງ​ບໍລິສັດ​ຢູ່​ອັງກິດ​ນຳ​ອີກ.

     ບໍລິສັດ​ເຟສບຸກປະກາດ​ປິດ​ພື້ນທີ່​ບາງ​ສ່ວນ​ຂອງ​ສຳນັກງານ ​ເຊິ່ງຕັ້ງຢູ່​ອາຄານ​ມາຣີນາ​ວັນ ​ໃນ​ພາກພື້ນ​ເຊັນ​ທຣັລຂອງ​ສິງກະ​ໂປ ນັບ​ແຕ່​ວັນ​ທີ 6-13 ມີນານີ້ “​ເພື່ອ​ເຮັດ​ຄວາ​ມສະອາດ​ຄັ້ງ​ໃຫຍ່” ​ໂດຍ​ໃຫ້​ພະນັກງານ​ທຸກ​ຄົນ​ເຮັດ​ວຽກ​ຢູ່​ເຮືອນ ​ເນື່ອງ​ຈາກ​ໜຶ່ງ​ໃນ​ພະນັກງານ​ບໍ່​ສະບາຍ​ຈາກ​ການ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ “​ໂຄ​ວິດ-19”. ປັດຈຸບັນ ສິງກະ​ໂປ​ມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ຢ່າງ​ໜ້ອຍ 130 ຄົນ, ປິ່ນປົວ​ດີ​ແລ້ວ 82 ຄົນ ​ແລະ ຍັງ​ບໍ່​ມີ​ຜູ້​ເສຍ​ຊີວິດ.

      ຂະນະ​ທີ່​ສຳນັກງານ​ຂອງ​ເຟສບຸກຢູ່​ນະຄອນຫລວງ​ລອນ​ດອນ ຂອງ​ສະຫະຣາຊະ​ອານາຈັກ ປິດ​ໃຫ້​ບໍລິການ​ຊົ່ວຄາວ​ນັບ​ແຕ່​ວັນ​ທີ 6-9 ມີນາ​ນີ້ “​ເພື່ອ​ເຮັດ​ຄວາມ​ສະອາດ​ຄັ້ງ​ໃຫຍ່” ​ເຊັ່ນ​ກັນ ຫລັງ​ມີ​ການ​ຢືນຢັນ​ວ່າ​ພະນັກງານ​ຢູ່​ສິງກະ​ໂປ ​ເຊິ່ງບໍ່​ສະບາຍ​ດ້ວຍ​ໂຣກ​ໂຄ​ວິດ-19 ​ເດີນທາງ​ມາ​ສຳນັກງານ​ຢູ່​ລອນ​ດອນ ລະຫວ່າງ​ວັນ​ທີ 24-26 ກຸມພາ​ຜ່ານ​ມາ.

- Wave100S AD to Website 2020 0 - “ເຟສບຸກ” ປິດສຳນັກງານລອນດອນ-ສິງກະໂປ ເພາະ “ໂຄວິດ-19”

     ທັງ​ນີ້ ບຸກຄົນ​ທີ່​ສຳຜັດ​ໂດຍ​ກົງ ​ແລະ ​ໃກ້ຊິດ​ກັບ​ພະນັກງານ​ຊາວ​ສິງກະ​ໂປ​ຄົນ​ນີ້​ຂໍ​ໃຫ້​ກັກ​ຕົວ​ເອງ​ເປັນ​ເວລາ 14 ວັນ ​ເພື່ອ​ເຝົ້າລະວັງນຳ​ອີກ. ປັດຈຸບັນ ສະຫະຣາຊະ​ອານາຈັກ​ມີ​ຜູ້​ປ່ວຍ​ຈາກ​ໂຣກ​ໂຄ​ວິດ-19 ​ແລ້ວ 164 ຄົນ, ປິ່ນປົວ​ດີ​ແລ້ວ​ຢ່າງ​ໜ້ອຍ 8 ຄົນ, ​ແຕ່​ເສຍ​ຊີວິດ​ແລ້ວ 2 ຄົນ.

     ນອກຈາກ​ນີ້ ​ເຟສບຸກ “ຂໍ​ການ​ຮ່ວມ​ມື” ​ພະນັກງານ​ຢູ່ ສ.​ເກົາຫລີ ​ແລະ ອິຕາ​ລີ ​ໃຫ້​ເຮັດ​ວຽກ​ຢູ່​ເຮືອນ ​ເຊັ່ນ​ດຽວ​ກັບ​ພະນັກງານ​ຢູ່​ເມືອງ​ຊານ​ຟຣານຊິ​ສ​ໂກ ​ໃນ​ລັດ​ກາ​ລິ​ຟໍ​​ເນຍ ຂອງ​ອາ​ເມ​ລິ​ກາ, ສ່ວນ​ສຳນັກງານ​ຢູ່​ເມືອງ​ຊຽ​ງ​ໄຮ້ “ປິດ​ເຮັດ​ວຽກ​ແບບ​ບໍ່​ມີ​ກຳນົດ” ມາ​ໄລຍະ​ໜຶ່ງ​ແລ້ວ ຈາກ​ການ​ທີ່​ຈີນ​ເປັນປະ​ເທດ​ທີ່​ພົບ​ຜູ້​ເສຍ​ຊີວິດ ​ແລະ ຜູ້​ປ່ວຍ​ຈາກ​ໂຣກ​ໂຄ​ວິດ-19 ຫລາຍ​ທີ່​ສຸດ.

- WhatsApp Image 2020 05 27 at 5 - “ເຟສບຸກ” ປິດສຳນັກງານລອນດອນ-ສິງກະໂປ ເພາະ “ໂຄວິດ-19”
error: Alert: ເນື້ອຫາຂ່າວມີລິຂະສິດ !!