ວັນສັດປ່າໂລກ: ສ້າງຄວາມຍືນຍົງແກ່ຊີຊີວິດທັງໝົດ

- 3 6 - ວັນສັດປ່າໂລກ: ສ້າງຄວາມຍືນຍົງແກ່ຊີຊີວິດທັງໝົດ
- 174233 - ວັນສັດປ່າໂລກ: ສ້າງຄວາມຍືນຍົງແກ່ຊີຊີວິດທັງໝົດ

ໂດຍ: ມຶກບໍ່ແຫ້ງ

ການສູນເສຍຢ່າງໄວວາຂອງສັດປ່າໂລກໄດ້ສ້າງຄວາມກັງວົນວ່າໂລກເຮົາກຳລັງຂາດຄວາມສົມດູນແລະຄວາມຍືນຍົງຂອງຊີວິດເທີງໜ້າໂລກນີ້.

ວັນທີ 3​ ມີນາຂອງທຸກໆປີເປັນວັນສະເຫຼີມສະຫຼອງວັດສັດປ່າໂລກທີ່ເປັນໂອກາດໃຫ້ມະນຸດທຸກຄົນໃນໂລກນີ້ ຈົ່ງຊື່ນຊົມຄວາມສວຍງາມຂອງສັດປ່າແລະຊີວະນາໆພັນພ້ອມທັງເປັນການເຕືອນໃຫ້ພວກເຮົາວ່າທຸກປະເທດຕ້ອງເຫັນຄວາມສຳຄັນແລະຈຳເປັນໃນການປົກປັກຮັກສາສັດປ່າກໍຄືທີ່ອາໄສຂອງມັນໃຫ້ອຸດົມສົມບູນ, ຕ້ານອາຊະຍາກຳສັດປ່າເພື່ອສ້າງຄວາມຍືນຍົງແກ່ຊີວິດທັງປວງຮວມທັງມະນຸດເຮົາພ້ອມ.

ຄຳຂວັນຂອງວັນສັດປ່າໂລກປີນີ້ ແມ່ນ“ສ້າງຄວາມຍືນຍົງແກ່ສິ່ງຊີວິດທັງໝົດເທິງໜ້າໂລກ”ເພື່ອສະທ້ອນໃຫ້ເຫັນການເຊື່ອມໂຍງກັນຂອງບັນດາສິ່ງທີ່ມີຊີວິດຕ່າງໆເທິງໂລກໜ່ວຍນນີ້ ມີການອາໄສເພີ່ງພາເຊິ່ງກັນແລະກັນ, ການສ້າງຄວາມຍືນຍົງຊີວິດຂອງມະນຸດນັ້ນບໍ່ອາດເປັນໄປໄດ້ ຖ້າຫາກການສ້າງຄວາມເສຍຫາຍຕໍ່ສະພາບແວດລ້ອມຂອງບັນດາສັດສາວາສິ່ງ, ຊີວະນາໆພັນເພາະວ່າມະນຸດກໍອາໄສທຳມະຊາດເພື່ອການດຳລົງຊີວິດຂອງຕົນເຊັ່ນກັນ.

ໂລກພວກເຮົາກ້າວສູ່ 2020 ດ້ວຍຄວາມທ້າທາຍຫຼາຍປະການໂດຍສະເພາະການສູນເສຍສັດປ່າຈາກໄຟໄໝ້ປ່າຄັ້ງໃຫຍ່ ຢູ່ ອົດສະຕາລີແລະແຫ່ງອື່ນໆຂອງໂລກເຊິ່ງເຮັດໃຫ້ສັດປ່າຫຼາຍຊະນິດ,ຫຼາຍແສນເສຍຊີວິດ, ອັນນີ້ຍິ່ງເພີ່ມທະວີການສູນເສຍຂອງສັດປ່າທີ່ມີຢູ່ແລ້ວຈາກການຄ້າຂາຍແລະບໍລິໂພກໃນໂລກປັດຈຸບັນ.

- Wave100S AD to Website 2020 0 - ວັນສັດປ່າໂລກ: ສ້າງຄວາມຍືນຍົງແກ່ຊີຊີວິດທັງໝົດ

ອົງການສະຫະປະຊາຊາດເພື່ອສິ່ງແວດລ້ອມ (UNEP) ກ່າວວ່າມາຮອດປັດຈຸບັນ ¼ ຂອງສິ່ງທີ່ມີຊີວິດທັງໝົດກຳລັງມີຄວາມສ່ຽງທີ່ຈະສູນພັນແລະອົງການອະນຸລັກທຳມະຊາດສາກົນ (IUCN) ກໍເວົ້າວ່າອັດຕາຄວາມສ່ຽງໃນການສູນພັນຂອງສັດປ່ານັ້ນແມ່ນໄວກວ່າອາດີດຜ່ານມາຫຼາຍເທົ່າ.

ສາເຫດສຳຄັນຂອງຄວາມຫາຍະນະນີ້ ແມ່ນມາຈາກນໍ້າມືຂອງມະນຸດ, ການບຸກລຸກທຳມະຊາດເກີນຂອບເຂດຍ້ອນຄວາມໂລບມາກທາງວັດຖຸຂອງມະນຸດໄດ້ທຳລາຍຄວາມອຸດົມສົມບູນຂອງທຳມະຊາດ, ສັດປ່າໄຮ້ທີ່ຢູ່ອາໄສປ່າໄມ້ຖືກເປີດແປນທົດແທນດ້ວຍ “ຕົ້ນໄມ້ອຸດສາຫະກຳ”, ແຫຼ່ງນໍ້າທຳມະຊາດກໍບົກແຫ້ງ, ນຳໄປສູ່ຄວາມເດືອດຮ້ອນຂອງຊີວິດໃນນໍ້າແລະຄົນຕື່ມອີກ.

ໃນສປປລາວເຮົາແລະຫຼາຍປະເທດການບໍລິໂພກສັດປ່າຍັງແຜ່ຫຼາຍເຊິ່ງພັກດັນໃຫ້ມີການລ່າຢ່າງບໍ່ຢຸດຢັ້ງ, ເຮັດໃຫ້ການຊື້-ຂາຍສັດປ່າຍັງມີໃຫ້ເຫັນເປັນປະຈຳເຊິ່ງອົງການກອງທຶນເພື່ອອະນຸລັກທຳມະຊາດໂລກ (WWF) ກໍເວົ້າວ່າສິ່ງດັ່ງກ່າວຍັງແມ່ນໄພຂົ່ມຂູ່ ທີ່ສຳຄັນຕໍ່ການຫຼຸດລົງຂອງສັດປ່າໃນສປປລາວ.

ເພາະສະນັ້ນ, ເວລານີ້ ມີຄວາມຮີບດ່ວນທີ່ສຸດທີ່ພວກເຮົາຄວນຄຸມເຂັ້ມໃນການປົກປັກຮັກສາສັດປ່າ, ໃນຊຸມປີຜ່ານມາເຫັນວ່າລັດຖະບານຂອງສປປລາວກໍຄືພາກສ່ວນກ່ຽວຂ້ອງເພິ່ນໄດ້ເພີ່ມມາດຕະການຂຶ້ນກວ່າເກົ່າເພື່ອຕອບຕ້ານການຄ້າຂາຍສັດປ່າ, ການລ່າໃຫ້ຫຼຸດນ້ອຍຖອຍລົງ.

- WhatsApp Image 2020 05 27 at 5 - ວັນສັດປ່າໂລກ: ສ້າງຄວາມຍືນຍົງແກ່ຊີຊີວິດທັງໝົດ
error: Alert: ເນື້ອຫາຂ່າວມີລິຂະສິດ !!