ສື່ມວນຊົນຕ້ອງເປັນເຈົ້າການໃນການເຜີຍແຜ່ຂໍ້ມູນຂ່າວສານກ່ຽວກັບ COVID-19

- 454544 - ສື່ມວນຊົນຕ້ອງເປັນເຈົ້າການໃນການເຜີຍແຜ່ຂໍ້ມູນຂ່າວສານກ່ຽວກັບ COVID-19
- 174233 - ສື່ມວນຊົນຕ້ອງເປັນເຈົ້າການໃນການເຜີຍແຜ່ຂໍ້ມູນຂ່າວສານກ່ຽວກັບ COVID-19

ເມື່ອວັນທີ 6 ມີນາຜ່ານມານີ້ ທີ່ນະຄອນຫລວງວຽງຈັນ ກະຊວງສາທາລະນາສຸກຮ່ວມກັບກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ອຸຍນີເຊບ ແລະ ອົງການອະນາໄມໂລກ ໄດ້ຮ່ວມປຶກສາຫາລືການມີສ່ວນຮ່ວມຂອງສື່ມວນຊົນ ເພື່ອປະຕິບັດມາດຕະການຕອບໂຕ້ ການລະບາດຂອງພະຍາດປອດອັກເສບສາຍພັນໃໝ່ COVID-19 ເພື່ອສ້າງຄວາມເຂົ້າໃຈ ແລະ ເປັນເອກະພາບກັນທາງດ້ານເນື້ອໃນ ແລະ ຂໍ້ຄວາມຂອງ COVID-19 ເພື່ອນໍາເຜີຍແຜ່ອອກສູ່ມວນຊົນໃຫ້ຖືກຕ້ອງ ແລະ ທັນເວລາ. ທັງນີ້, ກໍເພື່ອສ້າງເຄືອຂ່າຍ ໃນການແລກປ່ຽນຂໍ້ມູນຂ່າວສານເພື່ອການອອກຂ່າວ ອອກສູ່ມວນຊົນໄດ້ເຂົ້າເຖິງຢ່າງທົ່ວເຖິງ.


ທ່ານ ດຣ. ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ກ່າວວ່າ: ປະຊາຊົນຕ້ອງໄດ້ຮັບຂໍ້ມູນຂ່າວສານຢ່າງຖືກຕ້ອງກ່ຽວກັບ COVID-19, ຮູ້ ແລະເຂົ້າໃຈກ່ຽວກັບການຜັນແປຂອງພະຍາດນີ້ເຊັ່ນ: ສາເຫດ, ການຕິດຕໍ່ ແລະວິທີ ປະຕິບັດໂຕເພື່ອຫລີກເວັ້ນຈາກໄວຣັສ ແລະ ສິ່ງສຳຄັນທີ່ສຸດ ກໍຄືຕ້ອງເຜີຍແຜ່ຄວາມເປັນຈິງ, ບໍ່ໃຫ້ສັງຄົມສັບສົນ ແລະ ແຕກຕື່ນ, ວິຕົກກັງວົນຕໍ່ສະພາບການທີ່ເກີດຂຶ້ນ.
ການປ້ອງກັນໂຕເອງ ແລະ ຄອບຄົວຂອງທ່ານ ຈາກການຕິດເຊື້ອ COVID-19 ຕ້ອງໝັ່ນລ້າງມືດ້ວຍສະບູ ແລະ ນໍ້າສະອາດ ຫລື ໃຊ້ເຈວລ້າງມື ທີ່ມີສ່ວນປະສົມຂອງເຫລົ້າ, ຖ້າທ່ານໄອ ຫລື ຈາມໃຫ້ອັດປາກ ແລະ ດັງດ້ວຍຂໍ້ສອກ ຫລື ໃຊ້ເຈ້ຍອະນາໄມ ແລະ ຖ້າທ່ານໄຂ້, ໄອ ແລະ ຫາຍໃຈຍາກ ໃຫ້ໃສ່ຜ້າອັດປາກ ແລະ ໂທຫາສາຍດ່ວນ 166 ໄດ້ຕະຫລອດ 24 ຊົ່ວໂມງ.

- Wave100S AD to Website 2020 0 - ສື່ມວນຊົນຕ້ອງເປັນເຈົ້າການໃນການເຜີຍແຜ່ຂໍ້ມູນຂ່າວສານກ່ຽວກັບ COVID-19
- WhatsApp Image 2020 05 27 at 5 - ສື່ມວນຊົນຕ້ອງເປັນເຈົ້າການໃນການເຜີຍແຜ່ຂໍ້ມູນຂ່າວສານກ່ຽວກັບ COVID-19
error: Alert: ເນື້ອຫາຂ່າວມີລິຂະສິດ !!