ຫລາຍໆຂໍ້ດີຂອງໄຂ່ຂາວທີ່ຄວນຮູ້

- advert banner 728 90 728x90 - ຫລາຍໆຂໍ້ດີຂອງໄຂ່ຂາວທີ່ຄວນຮູ້
  1. ຜັດຖູເຄື່ອງໜັງໃຫ້ເງົາເຫລື້ອມ : ເຄື່ອງໜັງ ນັບແຕ່ເຟີນິເຈີ, ເກີບໜັງ, ກະເປົ໋າໜັງ, ຖົງມື ຫລື ສິ່ງຂອງທີ່ເຮັດຈາກໜັງສັດ ອື່ນໆ ຫາກບໍ່ມີຄວາມເງົາເຫລື້ອມຄືຕອນຊື້ມາທຳອິດ ໃຫ້ເອົາສຳລີຈຸ່ມໄຂ່ຂາວ ຫລື ຈະໃຊ້ຜ້າຈຸ່ມໄຂ່ຂາວກໍໄດ້ ເອົາມາຜັດຖູໃສ່ເຄື່ອງໜັງ ແລ້ວເຊັດອອກໃຫ້ສະອາດໂດຍຜ້າອ່ອນໆ ພຽງເທົ່ານີ້ເຄື່ອງໜັງກໍຈະເງົາເຫລື້ອມງາມຂຶ້ນ.
  2. ເປັນກາວທຳມະຊາດບໍ່ມີສານພິດ : ຍ້ອນຄຸນສົມບັດທີ່ຕິດແໜ້ນທົນທານຂອງໄຂ່ຂາວ ແລະ ເປັນອາຫານທີ່ມີໄວ້ສຳຫລັບກິນຢູ່ແລ້ວ ຈຶ່ງສາມາດໃຊ້ເປັນກາວທຳມະຊາດທີ່ບໍ່ມີສານພິດໃດໆ ທັງຍັງແຫ້ງໄວ ແລະ ເຮັດຄວາມສະອາດງ່າຍ ໄຂ່ຂາວຈຶ່ງເໝາະສົມສຳລັບໃຊ້ກັບວຽກງານປະດິດຕ່າງໆໄດ້ ເຊັ່ນ : ຕິດເຈ້ຍ ເຊິ່ງຈະໃຊ້ໄດ້ຜົນດີທີ່ສຸດກັບເຈ້ຍ ຫລື ສິ່ງຂອງທີ່ມີນຳ້ໜັກເບົາ.
  3. ຕື່ມຄວາມຄົງທົນໃຫ້ຮູບພາບ : ໃນສະໄໝກ່ອນ ໄຂ່ຂາວເປັນໂຕຊ່ວຍສຳຄັນໃນການເຮັດໜ້າປົກປື້ມ ເຮົາກໍເອົາຄວາມຄິດນີ້ມາປະຍຸກໂດຍປະສົມສີທີ່ຕ້ອງການກັບໄຂ່ຂາວ ແລະ ໄຂ່ແດງ ແລ້ວແຕ້ມຮູບລົງເທິງຝາເຮືອນ ຫລື ຜືນຜ້າ ຈະຊ່ວຍເພີ່ມຄວາມຄົງທົນໃຫ້ກັບຮູບພາບ ແລະ ນຳມາຕົກແຕ່ງເຮືອນໃຫ້ງາມໄດ້ອີກ.
  4. ເຮັດໃຫ້ໃບໄມ້ເປັນເງົາງາມສົດຊື່ນ : ຮູ້ສຶກບໍ່ສະບາຍຕາບ່ອນໃດ ເວລາທີ່ແນມໄປເຫັນຕົ້ນໄມ້ໃນເຮືອນແລ້ວພົບວ່າມີຂີ້ຝຸ່ນຈັບ ຕົ້ນໄມ້ກໍເບິ່ງເສົ້າໝອງ ໃຫ້ທ່ານຟ້າວໄປເອົາໄຂ່ຂາວມາປະສົມກັບນຳ້ອຸ່ນແລ້ວເຊັດໃບໄມ້ສະເພາະທາງເທິງເທົ່ານັ້ນ ຈະຊ່ວຍຕື່ມຄວາມເຫລື້ອມງາມສົດຊື່ນໃຫ້ກັບຕົ້ນໄມ້ຂຶ້ນທັນທີ.
  5. ອັດຮູໝໍ້ຮົ່ວໃນເບື້ອງຕົ້ນ : ຢ່າຕົກໃຈເມື່ອເກີດບັນຫາໝໍ້ຮົ່ວ ໄຂ່ຂາວເປັນອຸປະກອນທີ່ສາມາດຊ່ວຍແກ້ໄຂບັນຫານີ້ໃນເບື້ອງຕົ້ນໄດ້ ເມື່ອອຸນຫະພູມຂອງໝໍ້ເຢັນລົງ ກໍເທນຳ້ອອກ ຈາກນັ້ນເທໄຂ່ຂາວລົງໄປ ມັນຈະເຮັດໜ້າທີ່ກ້າມປິດຮອຍແຕກຮອຍຮົ່ວນັ້ນໄດ້ຊົ່ວຄາວ ກ່ອນຈະເອົາໝໍ້ໄປຈອດ ຫລື ສ້ອມແຊມໃນພາຍຫລັງ.
  6. ປະສົມອາຫານສັດໄດ້ປະໂຫຍດຫລາຍ : ໄຂ່ຂາວທີ່ເຫລືອຈາກການເຮັດເຂົ້າໜົມ ຢ່າເອົາໄປຖິ້ມ ລອງເອົາໄປເປັນສ່ວນປະສົມໃນອາຫານສັດລ້ຽງຂອງທ່ານດີກ່ວາ ເພາະໃນໄຂ່ຂາວມີໂປຣຕິນທີ່ຍ່ອຍງ່າຍ ແລະ ມີວິຕາມິນ, ແຮ່ ທາດທີ່ສຳຄັນຢູ່ຫລາຍ ຕື່ມຄຸນຄ່າອາຫານສັດໃຫ້ແຊບ ແລະ ມີປະໂຫຍດກ່ວາເກົ່າແບບງ່າຍໆ, ແຕ່ຈະຕ້ອງເປັນໄຂ່ສົດສະອາດ ເພື່ອຫລີກເວັ້ນເຊື້ອພະຍາດ.
  7. ປ່ຽນເຄື່ອງປະດັບໝອງໆໃຫ້ໃໝ່ຂຶ້ນ : ໄຂ່ຂາວຊ່ວຍໄດ້ ໂດຍເອົາໄຂ່ຂາວໄປຕົ້ມ ປະມານ 10 ນາທີ ແລ້ວເອົາໃສ່ຖົງປິດປາກໃຫ້ແໜ້ນເພື່ອເອົາໄປບົດຈົນແຫລວ. ຈາກນັ້ນກໍເອົາເຄື່ອງປະດັບລົງໃສ່ໃນໄຂ່ຂາວທີ່ບົດແຫລວນັ້ນ ກໍຈະເຮັດໃຫ້ເກີດຂະບວນການອັອກຊິໄດເຊເຊິນ (Oxydization) ຂຶ້ນ ສານຈາກໄຂ່ຂາວຈະເຄືອບເຄື່ອງປະດັບໄວ້ໃຫ້ເຫລື້ອມງາມຄືກັບຊື້ມາໃໝ່ໆ.
  8. ການປະຖົມພະຍາບານເບື້ອງຕົ້ນ : ບໍ່ວ່າຈະເປັນບາດແຜລອກ, ນຳ້ຮ້ອນລວກ ຫລື ບາດແຜທົ່ວໄປ, ແຕ່ຍົກເວັ້ນບາດແຜໄຟໄໝ້ ຮູ້ຫລືບໍ່ວ່າໄຂ່ຂາວຊ່ວຍຫລຸດຜ່ອນອາການໄດ້ ເຊິ່ງວິທີການກໍພຽງແຕ່ເອົາໄຂ່ຂາວມາທາລົງໃສ່ບາດແຜ ເຍື່ອຫຸ້ມແຊນຈາກໄຂ່ຂາວຈະຊ່ວຍສະໝານບາດແຜໃຫ້ເຊົາໄວຂຶ້ນໄດ້.
- Tiger Head 728x90 - ຫລາຍໆຂໍ້ດີຂອງໄຂ່ຂາວທີ່ຄວນຮູ້
- 1 1 - ຫລາຍໆຂໍ້ດີຂອງໄຂ່ຂາວທີ່ຄວນຮູ້
error: Content is protected !!