ປັດໄຈເຮັດໃຫ້ຜົມຫງອກກ່ອນໄວ

ປັດໄຈເຮັດໃຫ້ຜົມຫງອກກ່ອນໄວ - 00 - ປັດໄຈເຮັດໃຫ້ຜົມຫງອກກ່ອນໄວ
ປັດໄຈເຮັດໃຫ້ຜົມຫງອກກ່ອນໄວ - 174233 - ປັດໄຈເຮັດໃຫ້ຜົມຫງອກກ່ອນໄວ

     ອາຍຸຍັງບໍ່ຮອດຫລັກ 4 ແຕ່ເປັນຫຍັງມີຜົມຫງອກແລ້ວ ? ຜົມຫງອກກ່ອນໄວເກີດຈາກຫຍັງແລະ ອັນໃດເປັນສັນຍານທີ່ບອກວ່າເຮົາຜິດປົກກະຕິ ມາເບິ່ງນຳກັນເລີຍ.

     ການມີຜົມຫງອກປຽບດັ່ງສັ ຍານຂອງຄວາມເຖົ້າແກ່ຊະລາ, ແຕ່ບາງຄົນອາຍຸຍັງນ້ອຍ ຫາກໍ 20 ຫລື 30 ປີຕົ້ນໆ ກໍມີຜົມຫງອກແລ້ວ ຫລາຍເສັ້ນ. ສາເຫດຂອງຜົມ ຫງອກສາມາດຈຳແນກອອກໄດ້ 4 ປັດໄຈ ຄື :

     1. ຄວາມເສື່ອມຂອງແຊນເສັ້ນຜົມຕາມອາຍຸ : ປົກກະຕິແລ້ວຄົນ ເຮົາຈະເລີ່ມມີຜົມຫງອກຕອນອາຍຸ 30 ປີຂຶ້ນໄປ ຫລື ອາຍຸເກີນ 40 ປີ ຂຶ້ນໄປ ເຊິ່ງເກີດຈາກການທີ່ແຊນສ້າງເມັດສີເສື່ອມສະພາບ ເຮັດໃຫ້ສ້າງເມັດສີໄດ້ໜ້ອຍລົງ ຫລື ຢຸດການສ້າງເມັດສີເລີຍ ເສັ້ນຜົມທີ່ປົ່ງຂຶ້ນໃໝ່ ຈຶ່ງເປັນເສັ້ນຜົມທີ່ມີສີເທົາ ຫລື ສີຂາວ ຈາກການທີ່ແຊນເມັດສີເສື່ອມສະພາບໄປແລ້ວນັ້ນເອງ.

     2. ກຳມະພັນ : ພົບວ່າກຳມະພັນມີສ່ວນທີ່ກ່ຽວຂ້ອງກັບຜົມຫງອກກ່ອນໄວພໍສົມຄວນ ໂດຍໃນຄອບຄົວທີ່ມີຍາດພີ່ນ້ອງທີ່ມີປະຫວັດຜົມຫງອກກ່ອນໄວ ຈະພົບວ່າອາດຈະມີຜົມຫງອກກ່ອນໄວໄດ້ຫລາຍກ່ວາຄົນທົ່ວໄປ.

     3. ພະຍາດຊຳ້ເຮື້ອ ຫລື ຄວາມຜິດປົກກະຕິໃນຮ່າງກາຍ : ຄົນທີ່ມີຜົມຫງອກກ່ອນໄວອັນຄວນອາດປ່ວຍດ້ວຍພະຍາດດັ່ງຕໍ່ໄປນີ້ :

     – ພະຍາດພູມຕ້ານທານບົກພ່ອງ ຢ່າງໃດຢ່າງໜຶ່ງທີ່ເຮັດໃຫ້ເກີດພະຍາດດ່າງຂາວ ຄື ມີຜົມຫງອກເປັນຈຸດໆ.

     – ພະຍາດຂາດສານອາຫານ ໂດຍສະເພາະວິຕາມິນເບ 12 ເຊິ່ງຈະເຮັດໃຫ້ເສັ້ນຜົມບາງ, ບໍ່ແຂງແຮງ ແລະ ຂາດຫລົ່ນງ່າຍນຳອີກ.

     – ພະຍາດເລືອດຈາງ ເຮັດໃຫ້ຮາກຜົມຂາດເລືອດໄປຫລໍ່ລ້ຽງແຊນເມັດສີ.

     – ພະຍາດເບົາຫວານ ໃນສະຖິຕິທາງການແພດພົບວ່າ ຫາກມີຜົມສີຂາວ, ແຕ່ຄິ້ວຍັງດົກດຳ ແລະ ມີອາຍຸລະຫ່ວາງ 50 – 70 ປີ ອາດມີໂອກາດຈະເປັນພະຍາດເບົາຫວານໃນຄົນກຸ່ມນີ້.

     – ພະຍາດໄທຣອຍ ອາດກະທົບກັບການເຮັດວຽກຂອງແຊນເມັດສີໃນເສັ້ນຜົມ.

     4. ປັດໄຈຮ່ວມອື່ນໆ ເຊັ່ນ :

     – ສູບຢາ ໂດຍຄົນທີ່ສູບຢາຈະມີໂອກາດມີຜົມຫງອກໄວກ່ວາຄົນບໍ່ສູບຢາເຖິງ 4 ເທົ່າ.

     – ຄວາມເຄັ່ງຄຽດ ເຮັດໃຫ້ການເຮັດວຽກຂອງແຊນເມັດສີເທິງເສັ້ນຜົມຢຸດສະງັກໄດ້.

ປັດໄຈເຮັດໃຫ້ຜົມຫງອກກ່ອນໄວ - Wave100S AD to Website 2020 0 - ປັດໄຈເຮັດໃຫ້ຜົມຫງອກກ່ອນໄວ

     – ຄົນທີ່ເຮັດວຽກໜັກເກີນໄປ ເຊິ່ງອາດມີອາການອິດເມື່ອຍອ່ອນເພຍ, ພັກຜ່ອນບໍ່ພຽງພໍ ແລະ ອາດມີອາການເຄັ່ງຄຽດຮ່ວມນຳ.

     – ຄົນທີ່ດື່ມອານກໍຮໍຫລາຍໆ ອາດເຮັດໃຫ້ຮ່າງກາຍຂາດວິຕາມິນບຳລຸງເສັ້ນຜົມໄປນຳ.

     – ການກິນຢາແກ້ອັກເສບບາງຊະນິດ ອາດເຮັດໃຫ້ຜົມຂາວໄວກ່ວາປົກກະຕິ.

     – ຖືກສານເຄມີຮຸນແຮງ ເຊັ່ນ : ສານ SLS ໃນຢາສະຜົມ ຫລື ສານເຄມີຈາກນຳ້ຢາດັດຜົມ, ນຳ້ຢາຍືດຜົມ ເປັນຕົ້ນ.

     – ອາການຕົກໃຈ ຫລື ສະເທືອນໃຈຢ່າງຮຸນແຮງ ເຊິ່ງອາດເຮັດໃຫ້ຮາກຜົມຢຸດສະງັກການຈະເລີນເຕີບໃຫຍ່ຊົ່ວຄາວ ສົ່ງຜົນໃຫ້ຜົມຫລົ່ນເປັນຈຸດ ແລະ ຜົມຫງອກໄດ້ໃນຊົ່ວຂ້າມຄືນ.

     + ຜົມຫງອກກ່ອນໄວ ຍິ່ງຫລົກຍິ່ງປົ່ງແມ່ນແທ້ບໍ່ ?

     ມີຄວາມເຊື່ອຕໍ່ໆກັນມາວ່າ ຜົມຫງອກຍິ່ງຫລົກຈະຍິ່ງປົ່ງຂຶ້ນມາຫລາຍກ່ວາເກົ່າ ເຊິ່ງຄວາມຈິງແລ້ວມັນບໍ່ແມ່ນຄວາມຈິງ ເພາະເສັ້ນຜົມຈະປົ່ງຂຶ້ນພຽງ 1 ເສັ້ນຕໍ່ 1 ຮາກຜົມເທົ່ານັ້ນ ດັ່ງນັ້ນ ເມື່ອຫລົກຜົມຫງອກເສັ້ນນັ້ນອອກໄປ ຜົມກໍຈະປົ່ງຂຶ້ນມາໃໝ່ພຽງ 1 ເສັ້ນເທົ່າເກົ່າ, ບໍ່ມີເພີ່ມຕື່ມແນ່ນອນ.

+ ຜົມຫງອກກ່ອນໄວ ຂາດວິຕາມິນຫຍັງ ?

     ການຂາດສານອາຫານກໍມີສ່ວນເຮັດໃຫ້ຜົມຫງອກກ່ອນໄວໄດ້ ໂດຍສະເພາະຫາກຂາດສານອາຫານວິຕາມິນເບ 12 ເຊິ່ງຫາໄດ້ຈາກຊີ້ນສັດ, ນົມ, ໄຂ່, ຊີສ ຫລື ຈາກອາຫານທີ່ເຮົາກິນທົ່ວໆໄປ ດັ່ງນັ້ນ ຫາກບໍ່ຢາກຜົມຫງອກຕັ້ງແຕ່ຍັງເປັນໄວໜຸ່ມ ກໍຄວນກິນອາຫານໃຫ້ຄົບທັງ 5 ໝວດ.

      – ຫາກເປັນຜົມຫງອກກ່ອນໄວຍ້ອນຄວາມເຄັ່ງຄຽດ ຫລື ການໃຊ້ ຢາບາງຊະນິດ ຫລື ແມ່ນແຕ່ການຂາດສານອາຫານ ເຮົາກໍສາມາດເຮັດໃຫ້ຜົມກັບມາດົກດຳໄດ້ດ້ວຍການແກ້ໄຂບັນຫາເຫລົ່ານັ້ນໃຫ້ເຊົາຂາດ ເພື່ອໃຫ້ແຊນເມັດສີກັບມາເຮັດວຽກໄດ້ຄືເກົ່າ, ແຕ່ໃນພາກສ່ວນຂອງຜົມຫງອກຈາກກຳມະພັນ, ພະຍາດຊຳ້ເຮື້ອພວກນີ້ຈະຍັງບໍ່ມີທາງ ແກ້ໄຂໃຫ້ຜົມກັບມາດົກດຳໄດ້ຄືເກົ່າໄດ້ ນອກສາຈາກການຍ້ອມສີຜົມປິດຜົມຂາວ ເຊິ່ງເປັນວິທີທີ່ນິຍົມໃຊ້ກັນຢ່າງແຜ່ຫລາຍທີ່ສຸດ. ແຕ່ແນວໃດກໍຕາມ, ການຍ້ອມສີຜົມເພື່ອປິດຜົມຂາວເປັນປະຈຳ ອາດບໍ່ກໍ່ໃຫ້ເກີດອັນຕະລາຍຕໍ່ສຸຂະພາບ,​ ແຕ່ອາດຈະສົ່ງຜົນເສຍຕໍ່ສຸຂະພາບເສັ້ນຜົມ ເຮັດໃຫ້ຜົມແຫ້ງ, ອ່ອນແອ, ເປັນສາເຫດຂອງເສັ້ນຜົມຂາດຫລົ່ນງ່າຍ. ດັ່ງນັ້ນ ຕ້ອງລອງພິຈາລະນາຂໍ້ດີ – ຂໍ້ເສຍໃນການຍ້ອມສີຜົມປິດຜົມຂາວດີໆ ຖ້າຈະໃຫ້ດີແທ້ແມ່ນເລືອກວິທີຍ້ອມສີຜົມດ້ວຍພືດສະໝຸນໄພຈາກທຳມະຊາດຈະດີທີ່ສຸດ.

ປັດໄຈເຮັດໃຫ້ຜົມຫງອກກ່ອນໄວ - WhatsApp Image 2020 05 27 at 5 - ປັດໄຈເຮັດໃຫ້ຜົມຫງອກກ່ອນໄວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!