ບໍ່ກຽດຄ້ານກໍພາໃຫ້ຄອບຄົວພົ້ນທຸກ

- 18986573 817388791753265 1246845946 o - ບໍ່ກຽດຄ້ານກໍພາໃຫ້ຄອບຄົວພົ້ນທຸກ
- Untitled design - ບໍ່ກຽດຄ້ານກໍພາໃຫ້ຄອບຄົວພົ້ນທຸກ

ຫລາຍຄອບຄົວທີ່ຍັງບໍ່ທັນປະສົບຜົນສຳເລັດໃນໜ້າວຽກຂອງຕົນສ່ວນໃຫຍ່ຍ້ອນຄວາມກຽດຄ້ານ ແລະ ທໍ້ຖອຍຕໍ່ໂສກສະ ຕາຂອງຕົນ, ແຕ່ຖ້າທຸກຄົນຄິດ ແລະ ລົງມືກະທຳເຊັ່ນດຽວກັບຄອບຄົວພົມມີ ສີວັນລາ ແລ້ວຈະ ເຮັດໃຫ້ຄອບຄົວພົ້ນອອກຈາກ ຄວາມທຸກຍາກໄດ້ຢ່າງແນ່ນອນ.

ພົມມີ ສີວັນລາ ປະຊາຊົນບ້ານນໍ້າໂມ້ ເມືອງອານຸວົງ ແຂວງໄຊສົມບູນໄດ້ເລົ່າໃຫ້ນັກຂ່າວລາວພັດທະນາຟັງໃນໂອກາດລົງຢ້ຽມ ຢາມສວນຂອງເພີ່ນ ໃນວັນທີ 1 ມີຖຸນານີ້ວ່າ: ນັບແຕ່ປີ  1984 ຕົນໄດ້ຊື້ດິນ 1 ຕອນ, ມີ ເນື້ອທີ່ປະມານ 2,5 ເຮັກຕາ, ຢູ່ ບ້ານ ນ້ຳໂມ້, ເພື່ອເຮັດການຜະ ລິດກະສິກຳ ໃນລາຄາເວລານັ້ນ ພຽງ 5.400 ກີບ, ຂະນະນັ້ນຕົນ ຍັງເປັນພະນັກງານລັດໄດ້ຮັບເງິນເດືອນພຽງ 500 ກີບ, ຍ້ອນຄວາມມັກຮັກວຽກງານກະສິກຳຕົນ ຈຶ່ງໄດ້ຕັດສິນໃຈລົງທຶນນັບ ທັງວັດຖຸ ແລະ ເຫື່ອແຮງໃສ່ວຽກ ງານດັ່ງກ່າວຢ່າງ ຈິງຈັງດ້ວຍ ການປູກໄມ້ສັກ, ແຕ່ກໍບໍ່ເກີດຜົນ ເທົ່າທີ່ຄວນ, ຈາກນັ້ນກໍ ເກີດມີ ຄວາມຄິດຢາກເຮັດໜອງປາ, ຈຶ່ງ ໄດ້ລະດົມຄອບ ຄົວມາຂຸດດິນເພື່ອ ເຮັດໜອງປາຈຳນວນ 2 ໜອງ ເພື່ອຕອບສະໜອງຕະຫລາດ ທ້ອງຖິ່ນ ແລະ ໄວ້ບໍລິໂພກໃນຄອບຄົວ. ຈົນມາ ຮອດປີ 2011 ຕົນເອງໄດ້ເຂົ້າບຳນານ ແລະ ກໍ ໄດ້ຍົກຍ້າຍຄອບຄົວມາອາໄສຢູ່ ບ້ານນ້ຳໂມ້ ເພື່ອຕັ້ງຫລັກ ປັກຖານ ແລະ ຜະລິດກະ ສິກຳທີ່ຕົນເອງ ຮັກມັກແລ້ວໄດ້ຂະຫຍາຍໜອງ ປາຈາກ 2 ໜອງມາເປັນ 12 ໜອງເພື່ອຈະຫັນມາລ້ຽງປາທຳມະຊາດ, ແຕ່ບໍ່ສາ ມາດໄດ້ຮັບຜົນເທົ່າທີ່ຄວນຍ້ອນຕົນເອງຍັງບໍ່ມີບົດຮຽນ ແລະ ປະສົບການດ້ານນີ້ມາກ່ອນ.

 

- 18947257 817388775086600 1428137412 o 1024x768 - ບໍ່ກຽດຄ້ານກໍພາໃຫ້ຄອບຄົວພົ້ນທຸກ
(ພາບປະກອບ)

+ ຜະລິດຕະພັນຄຸນນະພາບຈາກພູມປັນຍາຂອງຊາວບ້ານ

+ ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້

+ ລ້ຽງປາຂາຍເປັນສິນຄ້າກາຍເປັນຄອບຄົວຕົວແບບ

 

- Wave100S AD to Website 2020 0 - ບໍ່ກຽດຄ້ານກໍພາໃຫ້ຄອບຄົວພົ້ນທຸກ

ຈາກນັ້ນບໍລິສັດ ພູເບ້ຍມາຍນິ້ງ ຈິ່ງໄດ້ຢືນມືເຂົ້າຊ່ວຍເຫລືອ, ໂດຍການສົ່ງວິຊາການມາສິດສອນວິທີການເພາະພັນປາ, ການ ລ້ຽງ ແລະ ອື່ນໆຈົນສາມາດສົ່ງອອກຜົນຜະລິດໄດ້ຕາມຄວາມ ຕ້ອງການຂອງຕະຫລາດ, ໂດຍສະເພາະແມ່ນຕອບສະໜອງໃຫ້ໂຮງ ງານຜະລິດທອງ-ຄຳ ພູຄຳ ໄດ້ເປັນປົກກະຕິ ແລະ ສາມາດນຳລາຍຮັບມາສູ່ຄອບຄົວມີຊີວິດການເປັນຢູ່ດີຂຶ້ນ ແລະ ສາມາດຫລຸດ ພົ້ນອອກຈາກຄວາມທຸກຍາກໄດ້.

ປັດຈຸບັນ ຢູ່ບ້ານນໍ້າໂມ້, ມີຄອບຄົວລ້ຽງປາ 5 ຄອບຄົວ, ແບ່ງອອກເປັນ 2 ກຸ່ມ, ເຊິ່ງແຕ່ລະອາທິດເຂົາເຈົ້າສາມາດ ສະໜອງ ປາໃຫ້ໂຮງງານຜະລິດທອງ-ຄຳພູຄຳ ໄດ້ປະມານ 1,3-1,4 ໂຕນ/ຄັ້ງ, ສ່ວນໃຫຍ່ແມ່ນປານິນ, ປາປາກ ແລະ ປາດຸກພັນລວມເປັນ ເງິນປະມານ 30 ກວ່າລ້ານກີບ, ໃນນັ້ນຄອບ ຄົວ ພົມມີ, ມີລາຍຮັບເຂົ້າຄອບຄົວປະມານ 8-9 ລ້ານກີບ/ ເດືອນ ແລະ ເຖິງວ່າບໍ່ທັນ ຫລວງຫລາຍ ແຕ່ກໍສາມາດຊ່ວຍປັບ ປຸງຊີວິດການເປັນຢູ່ຂອງຄອບຄົວ ພົມມີ ດີຂຶ້ນເປັນລຳດັບ.

ນອກນີ້ ປະຊາຊົນບ້ານນ້ຳໂມ້ຍັງໄດ້ສົ່ງອອກຜັກປອດ ສານພິດໃຫ້ ໂຮງງານດັ່ງກ່າວ ຕື່ມອີກ, ໂດຍການນຳໃຊ້ຝຸ່ນທີ່ ເຮັດມາຈາກ ຂີ້ໄກ່ປະສົມຂີ້ແກບແລ້ວ ໝັກປະໄວ້ 2-3 ມື້ຈຶ່ງນໍາ ໃຊ້ໄດ້, ໂດຍໂຮງງານຈະມາຮັບ ຊື້ເອົາໃນທຸກໆວັນຈັນ ສະເລ່ຍ ແລ້ວປະມານ 1,6 ໂຕນ/ເດືອນ, ລວມເປັນເງິນ 16 ລ້ານກວ່າກີບ, ໃນນັ້ນ ສະເພາະຄອບຄົວ ພົມມີ, ກໍຈະມີລາຍຮັບປະມານ 4 ລ້ານກວ່າກີບ/ ເດືອນ, ອັນໄດ້ ຊ່ວຍໃຫ້ຄອບຄົວ ພົມມີ ມີເງິນ ໃຊ້ເປັນປົກກະຕິ ແລະ ສາມາດ ສ້າງຮ້ານອາຫານ, ເຮືອນພັກ ຂຶ້ນຕື່ມອີກ ແລະ ຍັງສາມາດ ສົ່ງລູກໆໄປຮຽນຕໍ່ໃນລະດັບສູງໄດ້, ເຊິ່ງສິ່ງນີ້ ໄດ້ກາຍເປັນບົດຮຽນ ແລະ ປະສົບການທີ່ດີ ເພື່ອນຳມາພັດທະນາຊີວິດການເປັນ ຢູ່ຂອງຄອບຄົວດີຂຶ້ນ ແລະ ສາມາດຫລຸດພົ້ນອອກຈາກຄວາມທຸກຍາກໄດ້ໂດຍໄວ.

 

- WhatsApp Image 2020 05 27 at 5 - ບໍ່ກຽດຄ້ານກໍພາໃຫ້ຄອບຄົວພົ້ນທຸກ
- WhatsApp Image 2020 05 27 at 5 - ບໍ່ກຽດຄ້ານກໍພາໃຫ້ຄອບຄົວພົ້ນທຸກ
error: Alert: ເນື້ອຫາຂ່າວມີລິຂະສິດ !!