ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ

ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ - 112 - ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ
ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ - Untitled design - ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ

      ລັດຖະບານ​ຫວຽດນາມ​ເຕືອນ​ປະຊາຊົນ​ໃຫ້​ຂໍ້​ມູນ​ດ້ານ​ສຸຂະພາບ “ທີ່​ເປັນຄວາມ​ຈິງ” ຕໍ່​ເຈົ້າໜ້າ​ທີ່, ຖ້າ​ປົກ​ປິດ​ອາດ​ເປັນ “ອາ​ຊະ​ຍາ​ກຳ” ຫລັງ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ໃນ​ປະ​ເທດ​ເພີ່ມ​ຂຶ້ນຢ່າງ​ວ່ອງ​ໄວ​ເປັນ​ຢ່າງ​ໜ້ອຍ 33 ຄົນ​ແລ້ວ ​ໂດຍ​ສູນ​ກາງ​ການ​ແຜ່​ລະບາດ​ໃນ​ຕອນ​ນີ້​ຄື​ຍິງ​ສາວ​ໄຮ​ໂຊ​ຄົນ​ໜຶ່ງ.

      ນາຍົກລັດຖະມົນຕີ ຫງວຽນ ຊວນ ຟຸກ ກ່າວ​ລະຫວ່າງ​ກອງ​ປະຊຸມ​ລັດຖະບານ ກະ​ຕຸ້ນ​ທຸກ​ຝ່າຍ​ຮ່ວມ​ກັນ​ດຳ​ເນີນ​ມາດ​ຕະການ​ຢ່າງ​ວ່ອງ​ໄວ ​ແລະ ມີ​ປະສິດທິພາບ ​ໃນ​ການຄົ້ນຫາ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ “​ໂຄ​ວິດ-19” ​ແລະ ຢຸດ​ຢັ້ງການ​ແຜ່​ລະບາດ​ຂອງ​ເຊື້ອ​ໃຫ້​ໄວ​ທີ່​ສຸດ ລວມທັງ​ມີ​ມາດ​ຕະການ​ລົງ​ໂທດ “ທີ່​ເໝາະ​ສົມ​ຕາມ​ກົດໝາຍ” ຕໍ່​ບຸກຄົນ​ທີ່​ປົກ​ປິດ ​ແລະ ບິດ​ເບືອນ​ຂໍ້​ມູນ​ດ້ານ​ສຸຂະພາບ ​ແລະ ການ​ເດີນທາງ​ຂອງ​ຕົນ​ເອງ.

    ຂະນະ​ທີ່​ມີ​ລາຍ​ງານ​ວ່າ: ຝ່າຍ​ຄວາມ​ໝັ້ນຄົງ​ຂອງ​ຫວຽດນາມ​ເລີ່​ມ​ແຈ້ງ​ປະຊາຊົນ​ຜ່ານ​ເຄືອ​ຂ່າຍ​ອອນ​ລາຍ ຂໍ​ໃຫ້​ມີ​ການ​ແຈ້ງ​ສະຖານະ​ດ້ານ​ສຸຂະພາບ​ຂອງ​ຕົນ​ເອງ “ຕາມ​ຄວາມ​ເປັນ​ຈິງ” ຖ້າ​ບໍ່​ໃຫ້ການ​ຮ່ວມ​ມື, ປົກ​ປິດ ຫລື ​ໃຫ້​ຂໍ້​ມູນ​ປອມ “ຖື​ເປັນ​ອາ​ຊະ​ຍາ​ກຳ”.

ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ - Wave100S AD to Website 2020 0 - ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ

     ການ​ເຄື່ອນ​ໄຫວ​ດັ່ງກ່າວ​ຂອງ​ລັດຖະບານ​ຫວຽດນາມ​ມີ​ຂຶ້ນຫລັງ​ສະຖິຕິ​ຜູ້​ປ່ວຍ​ຈາກ​ໂຄ​ວິດ-19 ຢູ່​ຫວຽດນາມ ​ເຊິ່ງມີ​ຢ່າງ​ໜ້ອຍ 16 ຄົນ​ນັບ​ແຕ່​ທ້າຍ​ເດືອນ​ຜ່ານ​ມາ ​ເພີ່ມ​ຂຶ້ນຢ່າງ​ວ່ອງ​ໄວ​ເປັນ​ຢ່າງ​ໜ້ອຍ 33 ຄົນ​ໃນ​ວັນ​ທີ 10 ມີນາ ​ແລະ ຜູ້​ປ່ວຍ​ຢ່າງ​ໜ້ອຍ 12 ຄົນ​ມີ​ການ​ເຊື່ອມ​ໂຍງ​ກັບ “ຜູ້​ປ່ວຍ​ຄົນທີ 17” ​ເນື່ອງ​ຈາກ​ໂດຍສານ​ຖ້ຽວ​ບິນ​ດຽວ​ກັນ ​ເດີນທາງ​ມາ​ຈາກ​ນະຄອນຫລວງ​ລອນ​ດອນ ສະຫະຣາຊະ​ອານາຈັກ ​ໃນຕົ້ນ​ເດືອນ​ນີ້.

ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ - WhatsApp Image 2020 05 27 at 5 - ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ
ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ - WhatsApp Image 2020 05 27 at 5 - ຫວຽດນາມເຕືອນໃຜປົກປິດຂໍ້ມູນດ້ານສຸຂະພາບມີໂທດ
error: Alert: ເນື້ອຫາຂ່າວມີລິຂະສິດ !!