ທ່ຽວແຂວງຫົວພັນໄປເບິ່ງຫັດຖະກຳຕ່ຳຫູກ-ບ້ານນາສາລາ

- advert banner 728 90 728x90 - ທ່ຽວແຂວງຫົວພັນໄປເບິ່ງຫັດຖະກຳຕ່ຳຫູກ-ບ້ານນາສາລາ

ແຂວງຫົວພັນເປັນໜຶ່ງໃນ 2 ແຂວງເຕົ້າໂຮມຂອງການປະຕິວັດໃນສະໄໝຕໍ່ສູ້ກູ້ຊາດ (ຫົວພັນ ແລະ  ຜົ້ງສາລີ). ແຂວງ ຫົວພັນ ເປັນແຂວງພູດອຍ ຕັ້ງຢູ່ພາກຕາເວັນອອກສ່ຽງເໜືອຂອງລາວ, ມີເນື້ອທີ່ປະມານ 16.500 ກິໂລຕາແມັດ ແລະ ມີຊາຍ ແດນຕິດກັບປະເທດຫວຽດນາມ, ແຂວງຫລວງພະບາງ ແລະ ແຂວງຊຽງຂວາງ. ແຂວງຫົວພັນມີພົນ ລະເມືອງປະມານ 3 ແສນ ກວ່າຄົນ, ປະກອບດ້ວຍຫລາຍຊົນ ເຜົ່າເຊັ່ນ: ລາວລຸ່ມ, ໄທຂາວ, ໄທແດງ, ໄທເໜືອ, ໄທນ້ອຍ, ມົ້ງ, ຂະມຸ ແລະ ອື່ນໆ.  ແຂວງຫົວ ພັນປະກອບດ້ວຍ 10 ເມືອງຄື: ເມືອງ ຊຳເໜືອ, ເມືອງຊຽງຄໍ້, ເມືອງ ຮ້ຽມ, ເມືອງວຽງໄຊ, ເມືອງຫົວເມືອງ, ເມືອງຊຳໃຕ້, ເມືອງສົບ ເບົາ, ເມືອງແອດ, ເມືອງກວັນ ແລະ ເມືອງຊ່ອນ. ແຂວງນີ້ເປັນ ແຂວງໜຶ່ງທີ່ມີສິລະປະທ້ອງຖິ່ນ ອັນເປັນເອກະລັກ ກໍຄືການເສື່ອມ (ທ່ອງກອນ) ແລະ ຂັບຊຳເໜືອຂັບໄທແດງ ແລະ ທັງເປັນແຂວງ ທີ່ຂຶ້ນຊື່ລືຊາດ້ານອາຫານພື້ນ ເມືອງເປັນຕົ້ນແມ່ນແຈ່ວປາບ້ຳ, ແກງໜໍ່ລັນ, ແກງໜໍ່ຂົມ ແລະ ໜັງ ແຊ່ເພ້ຍ. ນອກຈາກນັ້ນແລ້ວ, ຖ້າຫາກທ່ານໄດ້ມີໂອກາດເດີນທາງໄປ ແຂວງຫົວພັນພ້ອມ ກັບ ໄປເບິ່ງສິ້ນໄໝມ້ອນທີ່ມີລວດ ລາຍອັນງົດງາມ, ໂດດເດ່ັນ ແລະ ປານີດຫລາຍ ເຊິ່ງໃຊ້ເວລາໃນການຈົກເກືອບ 3 ເດືອນກວ່າຈະ ໄດ້ສິ້ນຜືນໜຶ່ງມາ.

- new3 - ທ່ຽວແຂວງຫົວພັນໄປເບິ່ງຫັດຖະກຳຕ່ຳຫູກ-ບ້ານນາສາລາ

 

- T1 - ທ່ຽວແຂວງຫົວພັນໄປເບິ່ງຫັດຖະກຳຕ່ຳຫູກ-ບ້ານນາສາລາ
(ພາບປະກອບ)

+ ຢ່າໃຫ້ບັນຍາກາດການທ່ອງທ່ຽວປະເທດເຮົາທົດຖອຍ

+ ທ່ຽວຊົມຕາດຫີນຄັນນາ ແລະ ຕາດຊອນ

+ ທ່ຽວຫລວງພະບາງຊົມທຳມະຊາດວັດວາອາຮາມອັນເກົ່າແກ່ ແລະ ສວຍງາມ

- lattana 1 - ທ່ຽວແຂວງຫົວພັນໄປເບິ່ງຫັດຖະກຳຕ່ຳຫູກ-ບ້ານນາສາລາ

 

ດັ່ງນັ້ນຊາວບ້ານຈິ່ງ ພ້ອມພຽງກັນເຮັດຫັດຖະກຳຕ່ຳຫູກທໍໄໝ, ດັ່ງຊາວ-ບ້ານນາສາລາ ເຊິ່ງມີຄຳຍ້ອງຍໍສັນເສີນວ່າ: “ຂວ້ຳມື ເປັນລາຍຫງາຍມືເປັນ ດອກ”  ແມ່ນສຸພາສິດທີ່ອະທິບາຍເຖິງຈຸດເດັ່ນຂອງເອື້ອຍນ້ອງແມ່ຍິງໃນບ້ານນາສາລາ ເຊິ່ງທຸກໆຄົນ ບໍ່ວ່າຈະເປັນຜູ້ສາວ ຫລື ເຖົ້າແກ່ກໍລ້ວນແລ້ວແຕ່ມີ ສີໄມ້ລາຍມືດີເດັ່ນໃນການຫຍິບປັກຖັກແສ່ວ ແລະ ຕ່ຳຫູກທໍໄໝ ໂດຍສະ ເພາະແມ່ນການຕ່ຳສິ້ນໄໝມັດມີ່. ສ່ວນຜູ້ຊາຍກໍ່ມີມູນ ເຊື້ອໃນການປະກອບອາຊີບ ຕົ້ມເຫລົ້າຂາວທີ່ມີຊື່ສຽງໂດ່ງດັງໄປ ທົ່ວແຂວງ ໂດຍທັງສອງອາຊີບນີ້ແມ່ນໄດ້ສ້າງລາຍຮັບເປັນ ກອບເປັນກຳໃຫ້ແກ່ປະຊາຊົນທ້ອງຖິ່ນ ດັງກ່າວພ້ອມທັງເປັນສິນຄ້າສົ່ງ ອອກນຳ ອີກ. ບ້ານນາສາລາຕັ້ງຢູ່ລຽບຕາມແຄມເສັ້ນທາງເລກ 6ຫ່າງຈາກຕົວເມືອງຊຳເໜືອໄປທາງທິດຕາເວັນຕົກປະມານ 40 ກິໂລ ແມັດ, ມີເສັ້ນທາງເຂົ້າ-ອອກສະດວກສະບາຍ ແລະ ຊາວບ້ານກໍມີຄວາມຍິນດີຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະ ເທດທີ່ແວ່ຊົມ ແລະ ອຸດໜູນສິນຄ້າຂອງບ້ານດ້ວຍຄວາມຍິ້ມແຍ້ມແຈ່ມໃສ.

- pppp - ທ່ຽວແຂວງຫົວພັນໄປເບິ່ງຫັດຖະກຳຕ່ຳຫູກ-ບ້ານນາສາລາ

error: Content is protected !!