ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ

ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ - 66 1 scaled - ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ
ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ - 174233 - ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ

ທ່ານ ອິນປັນ ໄຊຍະປັນຍາຫົວໜ້າທະນາຄານສົ່ງເສີມກະສິກຳ ສາຂາ ສະຫວັນນະເຂດ(ທສກ.ສຂ) ໃຫ້ຮູ້ວ່າ: ປັດຈຸບັນ ທະນາຄານພວມເລັ່ງປະຕິບັດແນວທາງນະໂຍບາຍຂອງລັດຖະບານ​ກໍຄື​​ທິດ​ຊີ້​ນຳ​ຂອງ​ອົງ​ຄະນະພັກ-ອໍານາດການປົກ ຄອງແຂວງສະຫວັນນະເຂດໃນການສະໜອງສິນເຊື່ອແກ່ຫົວໜ່ວຍການຜະລິດ ພາກ​ກະ​ສິກໍາຕາມຈຸດສຸມໃນການພັດທະນາເສດຖະກິດສັງຄົມ ​ສາ​ມາດ​ສະ​ໜອງ​ສິນ​ເຊື່ອ​ຖືກເປົ້າ​ໝາຍ, ຄ່ອງ​ຕົວ ສາມາດປະກອບສ່ວນໃນການແກ້ໄຂຄວາມທຸກຍາກຂອງປະຊາຊົນ​ສະຫວັນ​ນະເຂດ ແລະ ໃນ​ປີ 2019  ນີ້ ທສກ.ສຂ ໄດ້ມີການປັບປຸງຮອບດ້ານຕາມທິດຂອງ ທ​ສກ ສຳນັກງານໃຫຍ່ທາງດ້ານນະໂຍບາຍ, ລະບຽບການ, ກົນໄກການຄຸ້ມຄອງ-ບໍລິຫານ, ຄຸ້ມຄອງຊັບພະຍາກອນມະນຸດ ໂດຍສົ່ງພະນັກງານໄປຍົກລະດັບໃຫ້ເປັນລະບົບທັນສະໄໝ ເພື່ອມາບໍລິການລູກຄ້າແລະ ກໍ່ສ້າງພື້ນຖານການປະກອບວັດຖຸເຕັກນິກ ຮອງຮັບໃຫ້ແກ່ການດຳເນີນທຸລະກິດຂະຫຍາຍຕົວຢ່າງຕໍ່ເນື່ອງ.

ທ່ານຫົວໜ້າ ທສກ.ສຂໄດ້ຢືນຢັນວ່າ: ໃນປີ 2019 ທສກ.ສຂມີເງິນຝາກທັງໝົດ 537,42 ຕື້​ກ່​ວາກີບປະ​ຕິ​ບັດໄດ້ 106,33%ຂອງແຜນປີ ແລະ ກໍໄດ້ນຳ​ໃຊ້ທຶນທັງໝົດ 204,65 ຕື້​ກ່​ວາກີບ​ໃນ​ນີ້ໃນຜັງ 140,76 ຕື້​ກ່​ວາກີບ, ນອກຜັງ 63,89 ຕື້​ກວ່າກີບ ແລະ ປ່ອຍເງິນກູ້ໃໝ່ໃນປີມີ79,54 ຕື້​ກ່​ວາກີບ, ເກັບກູ້ໜີ້ ​​NPL ໄດ້ 6,56 ຕື້​ກ່​ວາກີບ ປະ​ຕິ​ບັດໄດ້ 92,28% ຂອງແຜນການ ສາມາດສ້າງລາຍຮັບໄດ້ 49,70 ຕື້​ກ່​ວາກີບ ປະ​ຕິ​ບັດໄດ້ 97,34% ຂອງແຜນການໃນ​ໄລ​ຍະ​ດຽວ​ກັນ​ກໍ່​ໄດ້​ມີ​ການອອກບັດ ATM ໄດ້ 1.570 ບັດ ປະ​ຕິ​ບັດໄດ້ 237,8% ຂອງແຜນການ, ອອກບັດ SMSໄດ້ 1.129ລາຍການ ປະ​ຕິ​ບັດໄດ້ 89,6% ຂອງແຜນການ ແລະ ຂາຍປະກັນໄພ 6ບໍລິສັດ 1.445ສັນຍາ ປະ​ຕິ​ບັດໄດ້ 100,35%ຂອງແຜນການ.

       ​ໃນ​ດ້ານການ​ປ່ອຍ​ກູ້ ຫຼື ການ​ສະ​ໜອງ​ສິນ​ເຊື່ອ; ທ່ານຫົວໜ້າສາຂາ ທສກ ໄດ້ແຈ້ງຕົວ​ເລກ​ມາ​ຮອດ​ເດືອນກຸມ​ພາ 2020; ສໍາລັບລາຍກຸ່ມ ມີຈໍານວນປູກພືດ 400 ຄອບຄົວ ໃນເນື້ອທີ່ການຜະລິດ 18.910 ເຮັກຕາ ໃນວົງເງິນສິນເຊື່ອ4,59 ຕື້ກ່ວາກີບ; ກຸ່ມລ້ຽງສັດ2.084 ຄອບຄົວ ໃນວົງເງິນສິນເຊື່ອ 60,92 ຕື້ກ່ວາກີບ ໃນນີ້ລ້ຽງງົວ  ຈໍານວນ 12.350 ໂຕ, ລ້ຽງແບ້  6.732 ໂຕ. ສໍາລັບລາຍບຸກຄົນ ແມ່ນສະໜອງໃຫ້ແກ່ພະນັກງານບໍານານ 1.599 ບັນຊີ ມີວົງເງິນສິນເຊື່ອທັງໝົດ 53,37 ຕື້ກ່ວາກີບ ໃນນີ້ ລ້ຽງງົວ 7.323 ໂຕ, ລ້ຽງແບ້ 3.573 ໂຕ. ພະນັກງານທົ່ວໄປ ຈໍາ​ນວນ 1.719 ບັນ​ຊີ ໃນວົງ​ເງິນ​ສິນ​ເຊື່ອ​ທັງ​ໝົດ  66,52 ຕື້​ກ່​ວາກີບ ແລະ ລູ​ກ​ຄ້າ​ທົ່ວ​ໄປ ຈຳ​ນວນ 124 ບັນ​ຊີ ໃນວົງ​ເງິນ​ສິນ​ເຊື່ອ​ທັງໝົດ 45,28 ​ຕື້ກ່​ວາກີບ.

ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ - Wave100S AD to Website 2020 0 - ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ

ເນືື່ອງ​ໃນ​ໂອ​ກາດ​ວັນ​ສ້າງ​ຕັ້ງ​ພັກ​ປະ​ຊາ​ຊົນ ປະ​ຕິ​ວັດ​ລາວ ຄົບຮອບ 65 ປີ ( 22 ມີນາ 1955-22 ມີນາ 2020); ທ່ານຫົວໜ້າສາຂາ ທສກ.ສຂ ຍັງ​ກ່າວ​ສະ​ແດງ​ຄວາມ​ຮູ້​ບຸນ​ຄຸນ​ອັນ​ໃຫ​ຍ່ຫຼວງ ແລະ ສູງ​ສົ່ງ​ມາ​ຍັງ​ບັນ​ດາ​ທ່ານ​ຜູ້​ນຳພັກ-ລັດ, ການນໍາຂອງຄະນະພັກ-ອໍານາດການປົກຄອງແຂວງສະຫວັນນະເຂດ ກໍ່ຄືຄະນະພັກ-ຄະນະຜູ້ວ່າການທະນາຄານແຫ່ງ ສປປ ລາວ ແລະ ຄະນະນໍາ ທສກ ສໍານັກງານໃຫຍ່ ຊຶ່ງຍາມໃດກໍ່ໄດ້ໃຫ້ການຊີ້ນໍາ-ນໍາພາໂດຍກົງຕໍ່ສາຂາຂອງພວກເຮົາຕະຫຼອດມາແລະ ຂໍສະແດງຄວາມຂອບໃຈອັນລົ້ນເຫຼືອມາຍັງບັນດາພະນັກງານ, ທະຫານ, ຕໍາຫຼວດ ໂດຍສະເພາະພະນັກງານບໍານານ ແລະ ລູກຄ້າ ທສກ.ສຂ ທີ່ໄດ້ໃຫ້ການສະໜັບສະໜູນ, ຮ່ວມມື ແລະ ເປັນລູກຄ້າທີ່ດີມາໂດຍຕະຫຼອດ ແລະ ໃນຕໍ່ໜ້ານີ້ ພວກ​ເຮົາ​ຈະ​ສືບ​ຕໍ່​ປັບ​ປຸງການ​ບໍ​ລິ​ການ​ໃຫ້​ດີ​ຂຶ້ນ ພ້ອມ​ທັງ​ນຳ​ເອົາ​ແຫຼ່ງ​ທຶນ​ສະ​ໜອງ​ໃຫ້​ບັນ​ດາ​ທ່ານ​ຕາມ​ຄວາມ​ສາ​ມາດ ແລະ ເງື່ອນ​ໄຂ​ຕົວ​ຈິງ.

ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ - WhatsApp Image 2020 05 27 at 5 - ທ​ສກ ສະຫວັນນະເຂດດຳ​ເນີນ​ທຸ​ລະ​ກຳຄ່ອງ​ຕົວ ແລະ ມີ​ຜົນ​ກຳ​ໄລ
error: Alert: ເນື້ອຫາຂ່າວມີລິຂະສິດ !!