ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - 121 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ
ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - Untitled design - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

     ອິຕາ​ລີ ​ເປັນ​ປະ​ເທດທີ່​ມີ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ 2019 ​ແລະ ​ເສຍ​ຊີວິດ​ຫລາຍ​ທີ່​ສຸດ​ຮອງ​ຈາກ​ຈີນ, ຫລ້າ​ສຸດ​ຈຳນວນ​ຜູ້​ເສຍ​ຊີວິດ​ມີ​ 10.149 ຄົນ ​ແລະ ມີ​ຜູ້​ເສຍ​ຊີວິດ​ແລ້ວ 631 ຄົນ ພາຍ​ໃນ​ໄລຍະ​ເວລາ​ປະມານ 2 ອາທິດ. ຂະນະ​ທີ່ ອັດຕາ​ການ​ເສຍ​ຊີວິດ​ຢູ່ທີ່ 5% ​ເຊິ່ງສູງ​ກວ່າ​ຄ່າ​ສະ​ເລ່ຍທົ່ວ​ໂລກ​ໃນ​ລະດັບ 3-4%.

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - COVER WEB 92 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

      ​ເປັນ​ຫຍັງ ສະຖານະ​ການ​ຢູ່​ອິຕາ​ລີ​ຈຶ່ງ​ຮຸນ​ແຮງ ຕົວ​ເລກ​ຜູ້​ປ່ວຍ​ເພີ່ມ​ສູງ

ໂຄ​ວິດ-19 ອາດ​ລະບາດ​​ໂດຍ​ທີ່​ບໍ່​ຮູ້​ນັບ​ແຕ່​ທ້າຍ​ເດືອນ​ມັງກອນ

     ທາງ​ການ​ອິຕາ​ລີ​ຢືນຢັນ​ຜົນ​ກວດ​ພົບ​ຜູ້ຕິດ​ເຊື້ອຄົນ​ທຳ​ອິດ​ໃນ​ວັນ​ທີ 21 ກຸມພາ ​ເປັນ​ຜູ້​ຊາຍ​ອາຍຸ 38 ປີ ອາ​ໄສ​ຢູ່​ເມື​ອງ​ໂຄ​ໂດນ​ໂຢ ​ແຄວ້ນ​ລອມ​ບາຣ​ເດຍ ທາງ​ຕອນ​ເໜືອ​ຂອງ​ປະ​ເທດ ​ເຊິ່ງລາວ​ບໍ່​ເຄີຍ​ມີ​ປະຫວັດ​ເດີນທາງ​ໄປ​ຈີນ​ມາ​ກ່ອນ, ຜູ້​ຕິດ​ເຊື້ອຄົນ​ນີ້​ເຂົ້າພົບ​ແພດ​ຢູ່​ໂຮງໝໍ​ພາຍ​ໃນ​ເມືອງ ຫລັງ​ຈາກ​ມີ​ອາການ​ປ່ວຍ​ກ່ອນ​ໜ້າ​ນີ້ 3 ວັນ.

      ​ໃນ​ວັນ​ທີ່​ຢືນຢັນ​ຜົນ​ກວດ ລາວ​ໄດ້​ແຜ່​ເຊື້ອ​ໄປ​ໃຫ້​ພັນ​ລະ​ຍາ, ​ແພດ ​ແລະ ພະຍາບານ ລວມທັງ​ຜູ້​ປ່ວຍ​ຫລາຍ​ຄົນ ​ເຊິ່ງຜູ້​ຊ່ຽວຊານ​ສົງ​ໄສ​ວ່າ ຜູ້​ທີ່​ເປັນພາຫະ​ຂອງ​ໄວຣັສອາດ​ເດີນທາງ​ໄປ​ອິຕາ​ລີ​ນັບ​ແຕ່​ທ້າຍ​ເດືອນ​ມັງກອນ​ແລ້ວ ກ່ອນ​ຈະ​ພົບ​ຜູ້​ຕິດ​ເຊື້ອຄົນ​ທຳ​ອິດ ​ແລະ ອາດ​ເກີດ​ວົງ​ຈອນ​ການລະບາດ​ຂຶ້ນນັບ​ແຕ່​ນັ້ນມາ ​ແລະ ກ່ອນ​ທີ່​ພົບ​ຜູ້​ຕິດ​ເຊື້ອ ຍັງ​ມີ​ລາຍ​ງານ​ວ່າ​ພົບ​ກໍລະນີ​ຂອງ​ຜູ້​ປ່ວຍ​ປອດ​ອັກ​ເສບ​ຈຳນວນ​ຫລາຍ​ຢູ່​ໂຮງໝໍ​ໃນ​ເມືອງ​ໂຄ​ໂດນ​ໂຢນຳ​ອີກ.

ລັດຖະບານ​ອິຕາ​ລີ​ກຽມພ້ອມ​ຮັບ​ມື​ການລະບາດ ຫລື ບໍ່ ?

      ການ​ແຜ່​ລະບາດຂອງ​ໂຄ​ວິດ-19 ຢູ່​ອິຕາ​ລີ ​ເກີດ​ຂຶ້ນຢ່າງ​ກະທັນຫັນ ​ເຮັດ​ໃຫ້​ລັດຖະບານ​ອິຕາ​ລີ​ຕ້ອງ​ອອກ​ມາດ​ຕະການ​ຢ່າງ​ກະທັນ​ຫັນ​ໃນ​ການ​ຄວບ​ຄຸມ ​ແລະ ປ້ອງ​ກັນ.

      ​ໄລຍະ​ໜຶ່ງ​ເດືອນ​ກ່ອນ​ຈະ​ພົບ​ຜູ້​ຕິດ​ເຊື້ອຄົນ​ທຳ​ອິດ ທາງ​ກະຊວງ​ສາທາລະນະ​ສຸກ​ອິຕາ​ລີ ​ໄດ້​ຕັ້ງຄະນະ​​ເຮັດ​ວຽກ​ເພື່ອ​​ແກ້​ໄຂ​ການ​ແຜ່​ລະບາດ​ຂອງ​ໂຄ​ວິດ-19 ​ແລະ ອິຕາ​ລີ​ເປັນ​ປະ​ເທດ​ທຳ​ອິດ​ໃນ​ເອີຣົບທີ່​ຫ້າມ​ຖ້ຽວ​ບິນ​ທີ່​ເດີນທາງ​ທັງ​ເຂົ້າ ​ແລະ ອອກ​ຈາກ​ຈີນ, ​ແຕ່​ເປັນ​ໄປ​ໄດ້​ວ່າ​ອາດ​ມີ​ຜູ້​ຕິດ​ເຊື້ອທີ່​ເດີນທາງ​ເຂົ້າປະ​ເທດ ​ໂດຍ​ຕໍ່​ຖ້ຽວ​ບິນ​ມາ​ຈາກ​ປະ​ເທດ​ອື່ນ ​ແລະ ບໍ່​ເປີດ​ເຜີຍ​ປະ​ເທດ​ຕົ້ນທາງ​ວ່າ​ມາ​ຈາກ​ຈີນ ​ເຮັດ​ໃຫ້ການ​ແຜ່​ລະບາດ​ອາດ​ເກີດ​ຂຶ້ນ ​ໂດຍ​ລັດຖະບານ​ອິຕາ​ລີ​ຍັງ​ບໍ່​ທັນ​ກຽມ​ຕົວ ​ແລະ ດຳ​ເນີນ​ການ​ຮັບ​ມື​ໃດໆ​ຢ່າງ​ຈິງ​ຈັງ.

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - UPDATE                                            19                                         106                                                                                                                    2 400x215 1 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

ອິຕາ​ລີ​ມີ​ປະຊາກອນ​ອາຍຸ​ສູງ​ຈຳນວນ​ຫລາຍ

    ອັດຕາ​ການ​ເສຍ​ຊີວິດຈາກ​ໂຄ​ວິດ-19 ທີ່​ເພີ່ມ​ສູງ​ຢູ່​ອິຕາ​ລີ ​ເປັນ​ຜົນ​ມາ​ຈາກຄວາມ​ຈິງ​ທີ່​ວ່າ ອິຕາ​ລີ​ເປັນ​ປະ​ເທດ​ທີ່​ມີ​ປະຊາກອນ​ອາຍຸ​ສູງ​ຫລາຍ​ເປັນອັນ​ດັບ 2 ຂອງ​ໂລກ ຮອງ​ຈາກ​ຍີ່ປຸ່ນ ​ໂດຍ​ມີ​ອັດຕາ​ສ່ວນ​ຜູ້​ອາຍຸ​ສູງ​ເຖິງ 22,8% ຈາກ​ຈຳນວນ​ປະຊາກອນ​ທັງ​ໝົດ 60 ລ້ານ​ກວ່າ​ຄົນ ​ໂດຍ​ມີ​ຜູ້​ເສຍ​ຊີວິດ​ຈາກ​ໂຄ​ວິດ-19 ​ຢູ່​ອິຕາ​ລີ ສ່ວນ​ຫລາຍ​ເປັນ​ຜູ້​ອາຍຸ​ສູງ ຫລື ຜູ້​ທີ່​ມີ​ບັນຫາ​ດ້ານ​ສຸຂະພາບ.

ຊາວ​ອິຕາ​ລີ​ເປັນ​ຄົນ​ມັກ​ເຂົ້າສັງຄົມ ມັກ​ເຮັດ​ກິດຈະກຳ​ກາງ​ແຈ້ງ

     ສາ​ສະ​ດາ​ຈານ ມາຣິນາ ​ເດລລາ ຈຸ​ສຕາ ຜູ້​ຊ່ຽວຊານ​ດ້ານ​ເສດຖະສາດ ມະຫາວິທະຍາ​ໄລ​ເຣດດິງ ຊີ້​ວ່າ: ປັດ​ໄຈ​ໜຶ່ງ​ທີ່​ກໍ່​ໃຫ້​ເກີດ​ການ​ແຜ່​ລະບາດ​ຢ່າງ​ວ່ອງ​ໄວ ມາ​ຈາກ​ວິຖີ​ຊີວິດ​ຂອງ​ຊາວ​ອິຕາ​ລີ​ທີ່​ມັກ​ການ​ເຂົ້າສັງຄົມ ​ແລະ ມີ​ວັດທະນະທຳ​ໃນ​ການ​ເຮັດ​ກິດຈະກຳ​ກາງ​ແຈ້ງ ອີກ​ທັງ​ມີ​ການ​ສຳຜັດ​ໃກ້ຊິດ ທັງ​ກອດ ​ແລະ ຫອມ​ທັກ​ທາຍ​ກັນ​ຫລາຍ​ກວ່າ​ປະ​ເທດ​ອື່ນ.

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - Wave100S AD to Website 2020 0 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

     “ພື້ນທີ່​ທາງ​ກາຍະພາບ​ລະຫວ່າງ​ບຸກຄົນ​ຢູ່​ອິຕາ​ລີ​ສັ້ນກວ່າ​ເມື່ອ​ທຽບ​ໃສ່​ອັງກິດ ພວກ​ເຂົາ​ມີ​ພຶດຕິ​ກຳ​ໃນ​ການ​ຈູບ​ທັກ​ທາຍ​ກັນ ມີ​ການ​ຕິດ​ຕໍ່​ທາງ​ກາ​ຍະ​ພາບ​ລະຫວ່າງ​ຜູ້​ຄົນ​ທີ່​ສູງ​ກວ່າ​ປະ​ເທດ​ໃດ​ໃນ​ເຂດ​ເມ​ດິ​ເຕີ​ເຣນຽນ ​ແລະ ມັກ​ເຮັດ​ກິດຈະກຳ​ກາງ​ແຈ້ງ​ຫລາຍ​ກວ່າ​ປະ​ເທດ​ອື່ນ​ໃນ​ເອີຣົບ​ໃນ​ໄລຍະ​ເວລາ​ນີ້ ​ເຊິ່ງ​ເປັນ​ໄລຍະ​ທີ່​ສະພາບ​ອາກາດ​ຍັງ​ຂ້ອນ​ຂ້າງ​ໜາວ” ສາ​ສະ​ດາ​ຈານ ​ເດລລາ ຈຸ​ສຕາ ກ່າວ.

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - 111213878 afp gettyimageshi060498427 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

ການ​ເຄື່ອນ​ຍ້າຍ​ລະຫວ່າງ​ພາກພື້ນຍັງ​ບໍ່​ຢຸດນິ້ງ ​ເຖິງ​ວ່າ​ສັ່ງ​ປິດ​ໂຮງຮຽນ

     ຜູ້​ຊ່ຽວຊານ​ຊີ້​ວ່າ: ລັດຖະບານ​ອິຕາ​ລີລົ້ມ​ເຫ​ລວ​ໃນ​ການ​ດຳ​ເນີນ​ມາດ​ຕະການ​ແຊກ​ແຊງ​ຂັ້ນຕົ້ນ ​ເພື່ອ​ຄວບ​ຄຸມ​ການລະບາດ​ຂອງ​ໂຄ​ວິດ-19.

     ​ໂດຍ​ໄລຍະ​ທີ່​ລັດຖະບານ​ເລີ່​ມສັ່ງ​ປິດ​ໂຮງຮຽນ​ໃນ​ພື້ນທີ່​ສ່ຽງ​ທີ່​ພົບ​ການ​ແຜ່​ລະບາດ​ຈຳນວນ​ຫລາຍ​ເຊັ່ນ: ​ແຄວ້ນ​ລອມ​ບາຣ​ເດຍ​ໃນຕົ້ນ​ເດືອນ​ມີນາ​ຜ່ານ​ມາ ປະຊາຊົນ​ໃນ​ພື້ນທີ່​ຈຳນວນ​ຫລາຍ​ບໍ່​ໄດ້​ເບິ່ງ​ວ່າ​ມາດ​ຕະການ​ໃຫ້​ພັກ​ຮຽນ ​ເພື່ອ​ກັກ​ຕົນ​ເອງ​ຂອງ​ທາງ​ການ​ນັ້ນ​ເປັນ​ເລື່ອງ​ຈິງ​ຈັງ, ຫລາຍ​ຄອບຄົວ​ຍັງ​ພາ​ລູກ​ຫລານ​ເດີນທາງ​ໄປ​ທ່ຽວ​ພັກຜ່ອນ​ຕາມ​ສະຖານ​ທີ່​ທ່ອງ​ທ່ຽວ​ອື່ນໆ​ຂອງ​ປະ​ເທດ ​ເພາະ​ຄິດ​ວ່າການ​ພາ​ເດັກນ້ອຍ​ອອກ​ໄປ​ຫ່າງ​ຈາກ​ຈຸດ​ທີ່​ພົບ​ການລະບາດ​ຈະ​ເຮັດ​ໃຫ້​ເດັກນ້ອຍ​ປອດ​ໄພ, ​ແຕ່​ພຶດຕິ​ກຳ​ເຫລົ່າ​ນີ້​ລ້ວນ​ເປັນ​ສິ່ງ​ອາດ​ກໍ່​ໃຫ້​ເກີດ​ຄວາມ​ສ່ຽງ​ຈາກ​ການ​ແຜ່​ລະບາດ ​ແລະ ​ເປັນ​ອັນຕະລາຍ​ຫລາຍ.

ມາດ​ຕະການ​ປິດ​ເມືອງ​ທົ່ວ​ປະ​ເທດ​ຈະ​ໄດ້ຜົນ​ດີ​ ຫລື ບໍ່ ?

    ສຳລັບ​ມາດ​ຕະການ​ປິດ​ເມືອງ​ທົ່ວ​ປະ​ເທດ​ທີ່​ລັດຖະບານ​ຫາ​ກໍ​ປະກາດ​ໃຊ້​ນັ້ນ ຜູ້​ຊ່ຽວຊານ​ເບິ່ງ​ວ່າ​ຈະ​ກໍ່​ໃຫ້​ເກີດ​ຜົນ​ລັບ​ໃນ​ການ​ຄວບ​ຄຸມ​ການລະບາດ​ໄດ້​ພຽງ​ໄລຍະ​ສັ້ນໆ ​ໂດຍ​ສາ​ສະ​ດາ​ຈານ ຈອນ ​ເອັດ​ມຸນ ຈາກ​ສະ​ຖາ​ບັນ​ສຸຂະ​ອະນາ​ໄມ ​ແລະ ​ເວດ​ສະ​ສາດ​ເຂດ​ຮ້ອນ ມະຫາວິທະຍາ​ໄລ​ລອນ​ດອນ ຊີ້​ວ່າ: ຖ້າ​ລັດຖະບານ​ອິຕາ​ລີ​ບໍ່​ສາມາດ​ດຳ​ເນີນ​ມາດ​ຕະການ​ຄວບ​ຄຸມ​ການ​ແຜ່​ລະບາດ​ທີ່​ມີ​ຜົນ​ໃນ​ໄລຍະ​ຍາວ ສິ່ງ​ທີ່​ພວກ​ເຂົາ​ເຮັດ​ໄດ້​ທັງ​ໝົດ ອາດ​ເປັນ​ພຽງ​ການ​ຢຸດ​ຢັ້ງການລະບາດ​ໄວ້​ຊົ່ວຄາວ​ເທົ່າ​ນັ້ນ.

      ​ເຖິງ​ຢ່າງ​ໃດ​ກໍ​ຕາມ, ຜູ້​ຊ່ຽວຊານ​ບາງ​ຄົນ​ເຊື່ອ​ວ່າ ມາດ​ຕະການ​ໃນ​ຕອນ​ນີ້​ດີ​ທີ່​ສຸດ ​ແລະ ​ເໝາະ​ສົມ​ແລ້ວ, ​ແຕ່​ສິ່ງ​ທີ່​ເປັນ​ບັນຫາ​ຄື​ລັດຖະບານ​ອິຕາ​ລີ​ຊັກ​ຊ້າ​ຫລາຍ​ກວ່າ​ຈະ​ເລີ່​ມດຳ​ເນີນ​ການ.

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - w644 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ

ເສດຖະກິດ​ອິຕາ​ລີ​ຈະ​ໄດ້​ຮັບ​ຜົນ​ກະທົບ​ຈາກ​ມາດ​ຕະການ​ປິດ​ເມືອງ​ທົ່ວ​ປະ​ເທດ​ແນວ​ໃດ

      ມາດ​ຕະການ​ປິດ​ເມືອງທົ່ວ​ປະ​ເທດ ອາດ​ດຶງ​ເສດຖະກິດ​ອິຕາ​ລີ​ເຂົ້າສູ່​ສະພາບ​ຫລຸດ​ຖອຍ ​ໂດຍ​ກ່ອນ​ການລະບາດ​ຂອງ​ເຊື້ອ​ໂຄ​ວິດ-19 ທາງ Berenberg Bank ທະນາຄານ​ເພື່ອ​ການ​ລົງທຶນ​ຢູ່​ເຢຍລະ​ມັນ ປະ​ເມີນ GDP ຂອງ​ອິຕາ​ລີ​ວ່າ​ອາດ​ຫົດ​ຕົວ​ປະມານ 0,3% ​ແຕ່​ຈາກ​ສະຖານະ​ການ​ຫລ້າ​ສຸດ ​ເຮັດ​ໃຫ້​ມີ​ການ​ປະ​ເມີນ​ວ່າ GDP ຂອງ​ອິຕາ​ລີ​ອາດ​ຫົດ​ຕົວ​ເຖິງ 1,2% ​ໃນ​ປີ​ນີ້.

     ທັງ​ນີ້ ​ແຄວ້ນ​ລອມ​ບາຣ​ເດຍ ​ເຊິ່ງ​ເປັນ​ຈຸດ​ທີ່​ໄດ້​ຮັບ​ຜົນ​ກະທົບ​ຈາ​ກການ​ແຜ່​ລະບາດ​ຫລາຍ​ທີ່​ສຸດ ມີ​ອັດຕາ​ສ່ວນ GDP ຄິດ​ເປັນ 1 ​ໃນ 5 ຂອງ​ທົ່ວ​ປະ​ເທດ, ສ່ວນ​ອຸດສາຫະກຳ​ການທ່ອງທ່ຽວ​ທີ່​ໄດ້​ຮັບ​ຜົນ​ກະທົບ​ໜັກ​ກໍ​ມີ​ອັດຕາ​ສ່ວນ​ຄິດ​ເປັນ 13% ຂອງ GDP ຂອງ​ອິຕາ​ລີ ​ເຊິ່ງ​ເປັນ​ໄປ​ໄດ້​ວ່າ​ຜົນ​ຈາກ​ການລະບາດ​ນີ້​ອາດ​ເຮັດ​ໃຫ້​ອິຕາ​ລີ​ສູນ​ເສຍ​ລາຍ​ໄດ້ 8.100 ລ້ານ​ກວ່າ​ໂດ​ລາ​ສະຫະລັດ ​ແລະ ມີ​ຈຳນວນ​ນັກ​ທ່ອງ​ທ່ຽວ​ຫາຍ​ໄປ​ກວ່າ 32 ລ້ານ​ຄົນ ​ເຊິ່ງການ​ຂະຫຍາຍຕົວ​ຊ້າ​ຂອງ​ເສດຖະກິດ​ອິຕາ​ລີ​ຈະ​ສົ່ງ​ຜົນ​ເປັນ​ຕ່ອງ​ໂສ້​ໄປ​ຫາ​ປະ​ເທດ​ອື່ນໆ​ໃນ​ທະວີບ​ເອີຣົບ ​ແລະ ອາດ​ເຖິງ​ຂັ້ນກໍ່​ໃຫ້​ເກີດ​ສະພາບ​ຂະຫຍາຍຕົວ​ຊ້າ​ຂອງ​ເສດຖະກິດ​ໃນ​ປະ​ເທດ​ເຂດ​​ໃຊ້​ເງິນ​ເອີ​ໂຣນຳ​ອີກ.

ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - WhatsApp Image 2020 05 27 at 5 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ
ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ - WhatsApp Image 2020 05 27 at 5 - ເປັນຫຍັງ ການລະບາດຂອງໂຄວິດ-19 ຢູ່ອິຕາລີ ຈຶ່ງຮຸນແຮງ ແລະ ມີຄົນເສຍຊີວິດຫລາຍທີ່ສຸດ ຮອງຈາກຈີນ
error: Alert: ເນື້ອຫາຂ່າວມີລິຂະສິດ !!