ການປູກໝາກຫຸ່ງ

ການປູກໝາກຫຸ່ງ - 98 - ການປູກໝາກຫຸ່ງ
ການປູກໝາກຫຸ່ງ - Untitled design - ການປູກໝາກຫຸ່ງ

ການປູກໝາກຫຸ່ງ

ໝາກ​ຫຸ້ງ ​ເປັນ​ພືດ​ລົ້ມລຸກຂະ​ໜາດ​ກາງ, ລຳຕົ້ນມີ​ລັກສະນະ​ອວບ​ນ້ຳ, ​ເປັນ​ພືດ​ທີ່​ປູກງ່າຍ ​ແລະ ​ໃຫຍ່​ໄວ, ​ເປັນ​ໝາກ​ໄດ້​ຕະຫລອດ​ປີ. ​ໂດຍ​ທົ່ວ​​ໄປ​ໝາກ​ຫຸ່ງ ​ເປັນ​ພືດ​ທີ່​ບໍ່ຄ່ອຍ​ມີ​ແມງ​ໄມ້​ລົບ​ກວນ ​ແລະ ສາມາດ​ປູກ​ໄດ້​ໃນ​ດິນ​ທົ່ວ​ໄປ ​ແຕ່​ຕ້ອງ​ເປັນ​ດິນ​ທີ່​ມີການ​ລະບາຍ​ນ້ຳ​ໄດ້​ດີ.

ການປູກໝາກຫຸ່ງ - 44 3 - ການປູກໝາກຫຸ່ງ

ໝາກຫຸ່ງກິນ​ໄດ້​ທັງ​ສຸກ ​ແລະ ດິບ, ໝາກ​ດິບ​ກໍ​ສາມາດ​ນຳ​ໄປ​ປະ​ກອບ​ອາຫານ​ໄດ້ ຫລາຍ​ຢ່າງ​ເຊັ່ນ: ຕຳ​ສົ້ມໝາ​ກຫຸ່ງ, ​ເຮັດ​ດອງ ​ແລະ ນຳ​ໄປ​ຕົ້ມ ຫລື ໜຶ່ງ​ກິນ​ກັບ​ນ້ຳ ​ແຈ່ວ​ປາ​ແດກ ຫລື ​ແຈ່ວ​ປະ​ເພດ​ໃດ​ກໍ​ໄດ້​ຕາມ​ໃຈ​ຜູ້​ມັກ​ກິນ, ຈະ​ເອົາ​ໄປ​ຂົ້ວ ຫລື ​ແກງ​ກໍ​ແຊບ​ຄື​ກັນ. ສ່ວນ​ໝາກຫຸ່ງ​ສຸກ​ແມ່ນ​ມີ​ຄຸນ​ປະ​ໂຫຍ​ດຫລາຍ​ຢ່າງ​ຕໍ່​ສຸຂະພາບ ຂອງ​ຄົນ​ເຮົາ ​ເພາະ​ໃນ​ໝາກຫຸ່ງ​ສຸກ​ນັ້ນອຸດົມ​ໄປ​ດ້ວຍ​ວິຕາມິນ​ເອ, ບີ1,ປີ2 ​ແຄລຊຽມ ​ແລະ ທີ່​ສຳຄັນ​ຄື​ສານ​ເບ​ຕາ​ແຄ​ໂລ​ທີ​ນ​ເປັນສານ​ຕ້ານ​ອະນຸ​ມູນ​ອິດສະ ຫລະ, ຊ່ວຍ​ບຳລຸງ ​ແລະ ​ເຮັດ​ໃຫ້​ຜິວ​ພັນ​ດີ​ມີ​ຄວາມ​ສວຍ​ງາມ​ຍິ່ງ​ຂຶ້ນລວມທັງ​ຊ່ວຍ ສະ​ລໍ​ຄວາມ​ແກ່ ​ແລະ ສະ​ລໍ​ຮອຍ​ຕີນກາ​ກ່ອນ​ໄວ​ອັນ​ຄວນ ​ແລະ ຍັງ​ຊ່ວຍ​ບຳລຸງ​ອະ​ໄວ​ຍະ​ວະ​ຕ່າງໆ ຢູ່​ໃນ​ຮ່າງກາຍ​ໄດ້​ດີ​ເຊັ່ນ: ຊ່ວຍ​ອາການ​ຫີ​ວນ້ຳ, ບຳລຸງ​ເລືອດ, ບຳລຸງ​ລະບົບ​ປະສານ, ບຳລຸງ​ສາຍຕາ ​ແລະ ທີ່​ສຳຄັນ​ໝາກຫຸ່ງ​ສຸກ​ຍັງ​ຊ່ວຍ​ໃຫ້​ລະບົບ​ຂັບ​ຖ່າຍ​ເຮັດ​ວຽກ​ໄດ້​ດີ, ​ແກ້​ທ້ອງຜູກ, ປ້ອງ​ກັນ​ພະຍາດ​ມະ​ເຮັງ​ລຳ​ໄສ້​ໃຫຍ່​ ​ໄດ້​ອີກ.

ການປູກໝາກຫຸ່ງ - 74 2 - ການປູກໝາກຫຸ່ງ

ເພດຂອງໝາກຫຸ່ງ:

ຕົ້ນໝາກຫຸ່ງ​ມີ 3 ​ເພດ​ຄື: ຕົ້ນ​ແມ່​ມີ​ລັກສະນະ​ໝາກ​ກົມ​ຍາວ ​ແລະ ປ້ອມ, ຕົ້ນກະ​ເທີຍ​ໝາກ​ຈະ​ຍາວ ​ແລະ ຕົ້ນຜູ້​ມີ​ຊໍ່​ດອກ​ເປັນ​ສາຍ​ຍາວ, ມີດ​ອກ​ເປັນ​ຈຸ້ມ​ແຕ່​ບໍ່​ເປັນໝາກ.

ການປູກໝາກຫຸ່ງ - 9 1 - ການປູກໝາກຫຸ່ງ

ການເລືອກແນວພັນ:

ການ​ເລືອກ​ແນວ​ພັນ​ແມ່ນ​ໃຫ້​ເລືອກ​ເອົາ​ແກ່ນ​ຈາກ​ຕົ້ນກະ​ເທີຍ ທີ່​ໃຫ້​ຜົນ​ຜະລິດ​ດີ, ຮູບ​ຮ່າງ​ຂອງ​ໝາກຫຸ່ງ​ຈະ​ຕ້ອງ​ງາມ​ດີ, ​ໃຫ້​ເລືອກ​ເອົາ​ໝາກ​ທີ່​ແກ່​ມີ​ສີ​ເຫລືອງ​ອົມ ​ແດງ​ມາ​ບົ່ມ​ໃຫ້​ສຸກ​ໂດຍ​ການ​ຫໍ່​ດ້ວຍ​ເຈ້ຍ​ໜັງສືພິມ, ​ເມື່ອ​ໝາກຫຸ່ງ​ສຸກ​ດີ​ແລ້ວ ຈຶ່ງ​ຜ່າ​ເອົາ​ແກ່ນ​ມາ​ລ້າງ​ເມືອກ​ຫຸ້ມ​ແກ່ນ​ອອກ, ຈາກ​ນັ້ນ, ຈຶ່ງ​ຕາກ​ໃຫ້​ແຫ້ງ​ແລ້ວ​ເກັບ ​ໄວ້​ໃຊ້​ເປັນ​ແນວ​ພັນ​ຕໍ່​ໄປ.

ການປູກໝາກຫຸ່ງ - 88 1 - ການປູກໝາກຫຸ່ງ

ການກຽມດິນ:

ການປູກໝາກຫຸ່ງ - Wave100S AD to Website 2020 0 - ການປູກໝາກຫຸ່ງ

ສຳລັບ​ດິນ​ປູກ ຄວນ​ເປັນ​ດິນ​ຜຸ​ຜຸ່ຍ​ປົນ​ດິນ​ໜຽວ, ດິນ​ແຄມ​ແມ່ນ້ຳ, ດິນ​ໂພນ​ປວກ ຍິ່ງ​ເປັນ​ການ​ດີ, ​ໃຫ້​ນຳ​ເອົາ​ດິນ​ດັ່ງກ່າວ​ມາ​ປະສົມ​ກັບ ຝຸ່ນ​ຄອກ 1 ສ່ວນ, ຂີ້​ໄກ່ 1 ສ່ວນ ​ແລະ ​ແກບ​ເຜົາ 3 ສ່ວນ, ​ແລ້ວ​ໃສ່​ຖົງ​ຂະໜາດ 3X4 ຊັງ​ຕີ​ແມັດ.

ການກ້າເບ້ຍ:

​       ໃຫ້​ແຊ່​ແກ່ນ​ໝາກຫຸ່ງ​ແຫ້ງ​ໃນ​ນ້ຳ 2 ຄືນ​ແລ້ວ​ນຳ​ແກ່ນ​ໄປ​ກ້າ​ໃສ່​ຖົງ​ດຳ​ສຳລັບ​ກ້າ​ເບ້ຍ ຫລື ຂຸດ​ເປັນ​ໜານ​ກ້າ​​ເບ້ຍ​ກໍ​ໄດ້, ຈາກ​ນັ້ນ, ກໍ​ເອົາ​ແກ່ນ​ທີ່​​ແຊ່​ນ້ຳ​ແລ້ວນັ້ນລົງ ​ໃສ່​ຖົງ​ດຳ​ທີ່​ກຽມ​ໄວ້​ໃຫ້​ໄດ້​ຖົງ​ລະ 3-4 ​ແກ່ນ, ປະມານ 7 ວັນ​ກໍ​ຈະ ​ເລີ່​ມ​ແຕກ​ໜໍ່​ອອກ​ມາ, ​ເມື່ອ​ເບ້ຍ​ໝາກ​ຫຸ່ງ​ມີ​ອາຍຸ​ໄດ້ 30 ວັນ ​ໃຫ້​ຈົ່ງ​ໄວ້ 1 ຕົ້ນຕໍ່​ຖົງ (​ເລືອກ​ເອົາ​ຕົ້ນງາມ​ທີ່​ສຸດ​ປະ​ໄວ້) ສ່ວນ​ເບ້ຍ​ທີ່​ເຫລືອ​ຕ້ອງ​ຖອນ​ອອກ​ຖິ້ມ​ໃຫ້​ໝົດ​ການ​ກ້າ​ເບ້ຍ​ຄວນ​ເຮັດ​ຢູ່​ບ່ອນ​ຮົ່ມ ​ແລະ ມີ​ແສງ​ແດດ​ປະມານ 50-70%, ຫົດ​ນ້ຳ​ໃຫ້​ສະ​ໝ່ຳສະ​ເໝີ​ບໍ່​ຊຸ່ມ​ເກີນ​ໄປ.

ວິທີການປູກ:

​       ເມື່ອ​ເບ້ຍ​ໝາກຫຸ່ງ​ມີ​ອາຍຸ​ໄດ້ 60 ວັນ​ສາມາດ​ນຳ​ໄປ​ປູກ​ໄດ້. ໝາກຫຸ່ງ​ເປັນ​ພືດ​ທີ່​ມີ​ລະບົບ​ຮາກ​ເລິກ ​ແລະ ກວ້າງ, ການ​ປູກ​ແບບ​ເປັນ​ຂຸມ​ຄວນ​ໃຊ້​ໄລຍະ​ຫ່າງ​ລະຫວ່າງ​ແຖວ 2-2,5 ​ແມັດ, ຫ່າງ​ລະຫວ່າງ​ຕົ້ນ 2 ​ແມັດ, ຂຸດ​ຂຸມ​ເລິກ 0,5 ​ແມັດ, ​ໃສ່​ປຸ໋ຍ​ເຄມີ​ຮອງ​ພື້ນຂຸມ​ດ້ວຍ​ສູດ 15-15-15 ອັດຕາ​ສ່ວນ 1 ບ່ວງ​ແກງ​ຕໍ່​ຂຸມ ​ແລະ ​ໃຫ້​ເອົາ​ຝຸ່ນ​ຄອກ, ຝຸ່ນ​ໝັກ​ທີ່​ລະລາຍ​ດີ​ແລ້ວ​ໂຮຍ​ທັບ​ຢູ່​ເທິງ​ປຸ໋ຍ​ເຄມີ​ພ້ອມ​ກັບ​ເອົາ​ດິນ​ໂຮຍ​ທັບ​ບາງໆ​ອີກ​ຊັ້ນໜຶ່ງ. ຫລັງ​ຈາກ​ນັ້ນ, ​ໃຫ້​ນຳ​ເອົາ​ເບ້ຍ​ໝາກຫຸ່ງ​ມາປູກ​ໃສ່​ຂຸມ​ທີ່​ຕຽມ​ໄວ້, ຖົມ​ດິນ​ໃສ່​ເຫງົ້າ​ໃຫ້​ພໍດີ​ແລ້ວ​ຢຽບ​ດິນ​ອ້ອມ​ຂ້າງ​ຕົ້ນ​ໃຫ້​​ແໜ້ນ ​ເພື່ອ​ປ້ອງ​ກັນ​ບໍ່​ໃຫ້​ຕົ້ນໝາກຫຸ່ງ​ຕາຍ​ພ້ອມ​ກັນນັ້ນກໍ​ໃຫ້​ເຮັດ​ຫລັກ​ປັກ​ໝາຍ​ໄວ້​ແລ້ວ​ຫົດ​ນ້ຳ​ໃຫ້​ຊຸ່ມ.

ການປູກໝາກຫຸ່ງອິນຊີ:

ວິທີ​ການ​ປູກ​ໝາກຫຸ່ງ​ອິນ​ຊີ​ນີ້​ໃຫ້​ໃສ່​ຝຸ່ນ​ຄອກ​ໂດຍ​ສະ​ເພາະ​ແມ່ນ​ຂີ້ງົວ, ຂີ້ຄວາຍ, ຫ້າມ​ໃຊ້​ຂີ້​ໄກ່​ຟາ​ມ​ເພາະ​ມີ​ຢາ​ປະຕິ​ຊີວະ​ນະ​ຕົກ​ຄ້າງ​ຫລາຍ, ຂີ້​ໄກ່​ບ້ານ​ແມ່ນ​ໃຊ້​ໄດ້ ດີ ຫລື ​ໃຊ້​ຝຸ່ນ​ຊີວະ​ພາບ​ກໍ​ຍິ່ງ​ເປັນ​ການ​ດີ (​ໄລ່​ລະ 200-300 ກິ​ໂລກຼາມ) ​ໃຫ້​ໃຊ້ ນ້ຳໜັກ​ຊີ​ວະພາບ ຫລື ອີ​ເອັມສີດ​ພົ່ນ​ໃສ່​ທຸກໆ 10 ວັນ ຫລື ​ໃຊ້​ຝຸ່ນ​ຄອກ​ໄລ່​ລະ 1-2  ​ໂຕນ​ການ​ເລັ່ງຄວາມ​ຫວານ​ໃຫ້​ໝາກຫຸ່ງ​ໃຫ້​ໃຊ້​ຂີ້​ເຈຍ​ຕົ້ນລະ 1-2 ກຳມື, ​ໂດຍ​ເລີ່​ມ ​ໃສ່​ໃນ​ໄລຍະ​ອອກດອກ ​ແລະ ​ໃສ່​ເດືອນ​ລະ​ເທື່ອ, ສຳລັບ​ໜານ​ປູກ​ໃຫ້​ປົກ​ຄຸມ​ດ້ວຍ​ເຟືອງ​ຈະ​ມີ​ຄວາມ​ສຳຄັນ​ຫລາຍ​ໃນ​ການ​ປູກ​ແບບ​ອີ​ຊີ.

ການເກັບກ່ຽວ:

ຖ້າ​ເກັບ​ໝາກ​ດິບ​ສາມາດ​ເກັບ​ໄດ້​ຫລັງຈາກ​ປູກ​ປະມານ 5-6 ​ເດືອນ, ​ແຕ່​ຖ້າ​ຈະ​ເກັບ​ໝາກ​ສຸກ​ແມ່ນ​ພາຍຫລັງ​ທີ່​ປູກ​​ໄດ້​ປະມານ 8-10 ​ເດືອນ ຈຶ່ງ​ສາມາດ​ເກັບ​ກ່ຽວ​ໄດ້, ​ໃຫ້​ເລືອກ​ເກັບ​ໝາກ​ແກ່ ຫລື ໝາກ​ທີ່​ໃກ້​ຈະ​ສຸກ​ກໍ​ຄື​ໝາກ​ທີ່​ມີ​ສີ​ເຫລືອງ​ອົມ​ແດງ ຫລື ​ເຫລືອງ​ອົມ​ແດງ​ປົນ​ຂຽວ​ໜ້ອຍ​ໜຶ່ງ​ກໍ​ເກັບ​ໄດ້​ແລ້ວ.

ທັງ​ໝົດ​ນັ້ນ​ແມ່ນ​ການ​ປູກ​ໝາກຫຸ່ງ​ເພື່ອ​ການ​ເປັນ​ການ​ຄ້າ ຈຶ່ງ​ມີ​ຄວາມ​ຈຳ​ເປັນ​ຕ້ອງ​ເອົາ​ໃຈ​ໃສ່​ໃນ​ການ​ໃຫ້​ນ້ຳ, ​ໃຫ້​ຝຸ່ນ ​ແລະ ​ເບິ່ງ​ແຍງ​ເປັນ​ພິ​ເສດ, ​ແຕ່​ຖ້າ​ຫາກ ປູກ​ໄວ້​ເພື່ອ​ກິນ​ໃນ​ຄົວ​ເຮືອນ​ບໍ່​ຈຳ​ເປັນ​ຕ້ອງ​ປູກ​ຫລາຍ​ຕົ້ນກໍ​ໄດ້.

​ແຫ​ລ່ງຂໍ້​ມູນ​ອ້າງ​ອີງ​ຈາກ: www.sahavicha.com

ການປູກໝາກຫຸ່ງ - WhatsApp Image 2020 05 27 at 5 - ການປູກໝາກຫຸ່ງ
ການປູກໝາກຫຸ່ງ - WhatsApp Image 2020 05 27 at 5 - ການປູກໝາກຫຸ່ງ
error: Alert: ເນື້ອຫາຂ່າວມີລິຂະສິດ !!