ຈະລົງໂທດຜູ້ອອກຂ່າວມົ້ວກ່ຽວກັບພະຍາດ Covid-19 ແນວໃດ?

ຈະລົງໂທດຜູ້ອອກຂ່າວມົ້ວກ່ຽວກັບພະຍາດ covid-19 ແນວໃດ? - 58 - ຈະລົງໂທດຜູ້ອອກຂ່າວມົ້ວກ່ຽວກັບພະຍາດ Covid-19 ແນວໃດ?
ຈະລົງໂທດຜູ້ອອກຂ່າວມົ້ວກ່ຽວກັບພະຍາດ covid-19 ແນວໃດ? - Untitled design - ຈະລົງໂທດຜູ້ອອກຂ່າວມົ້ວກ່ຽວກັບພະຍາດ Covid-19 ແນວໃດ?

ລູກເມືອງພວນ

ສ.ເກົາຫຼີ, ສິງກະໂປ ແລະ ຫວຽດນາມ ໄດ້ອອກຂໍ້ກຳນົດລົງໂທດຈຳຄຸກຕໍ່ຜູ້ທີ່ອອກຂ່າວບໍ່ມີມູນຄວາມຈິງ, ໃນຂະນະທີ່ Arab Saudi ປັບໃໝເປັນເງິນເຖິງ 130.000 ໂດລາ.

ສະພາຂອງ ສ.ເກົາຫຼີ, ວັນທີ 26 ກຸມພາຜ່ານມາໄດ້ຜ່ານຮ່າງກົດໝາຍວ່າດ້ວຍ: ການຕ້ານພະຍາດ ໂຄວິດ-19. ຖ້າຜູ້ປ່ວຍຄົນໃດຫາກຂັດຂວາງບໍ່ແຍກຕົວ ຈະຕ້ອງໄດ້ຮັບໂທດຈຳຄຸກ 1 ປີ ຫຼື ຈະຖືກປັບ   ໃໝເປັນເງິນ 10 ລ້ານວອນ (8.300 ໂດລາ).

ຜູ້ປ່ວຍຄົນໜຶ່ງອາຍຸ 78 ປີ ຢູ່ ເຊອູນ ຕິດເຊື້ອເມື່ອວັນທີ 8 ມີນາຜ່າມາ ແຕ່ບໍ່ໄດ້ແຈ້ງໃຫ້ເຈົ້າໜ້າທີ່ຮັບຊາບ ພາຍຫຼັງເຂົາໄດ້ໄປສູນກາງລະບາດພະຍາດທີ່ ເມືອງ Daegu ກັບຄືນມາ ແລະ ໃຫ້ຂໍ້ມູນຕົວະທີ່ຢູ່ຂອງຕົນເອງ ເຮັດໃຫ້ເຈົ້າໜ້າທີ່ພົບຄວາມຫຍຸ້ງຍາກໃນການຕິດຕາມການເຄື່ອນໄຫວ ແລະ ຜູ້ທີ່ໃກ້ສິດຕິດພັນກັບເຂົາ.

ຄູ່ຜົວເມຍຊາວຈີນຄູ່ໜຶ່ງ ໄດ້ຮັບໂທດທາງອາຍາຢູ່ສິງກະໂປ ຕາມກົດ ໝາຍວ່າດ້ວຍ ພະຍາດຕິດແປດຂອງສິງກະໂປ. ຜູ້ເປັນຜົວຊື່ວ່າ Hu Jun ມາຈາກ ອູຮັ່ນ ແລະ ໄປສິງກະໂປຢາມຜູ້ເປັນເມຍ ໃນວັນທີ 22 ມັງກອນຜ່ານມາ. Hu Jun ຕິດເຊື້ອໂຄວິດ ໃນວັນທີ 31 ມັງກອນຜ່ານມາ ແລະ ໄດ້ຮັບການປິ່ນປົວຫາຍຂາດໃນວັນທີ 19 ກຸມພາຜ່ານມາ.

ວັນທີ 28 ກຸມພາ Hu Jun ຖືກດຳເນີນຄະດີໃນຂໍ້ຫາວ່າໃຫ້ຂໍ້ມູນຜິດພາດຕໍ່ເຈົ້າໜ້າທີ່ກະຊວງສາທາລະນະສຸກກ່ຽວກັບການເຄື່ອນໄຫວ ແລະ ທີ່ຢູ່ຂອງຕົນ ແລະ ເມຍຂອງເຂົາກໍຖືກດຳເນີນຄະດີເຊັ່ນດຽວກັນ ດ້ວຍຂໍ້ຫາພະຍາຍາມຂັດຂວາງບໍ່ແຍກຕົວ ເນື່ອງຈາກວ່າຜົວຂອງເຂົາຕິດເຊື້ອພະຍາດ ໂຄວິດ-19. ເຂົາຖືກຮຽກຮ້ອງໃຫ້ກັກຕົວຢູ່ໃນເຮືອນແຕ່ວັນທີ່ 1 ກຸມພາ ແຕ່ບໍ່ປະຕິບັດຕາມຄຳສັ່ງຂອງເຈົ້າໜ້າທີ່ ແຕ່ຫາກຍັງໄດ້ໄປໂຮງແຮມແຫ່ງໜຶ່ງຕື່ມອີກ. ເຖິງແມ່ນຄູ່ຜົວເມຍຄູ່ນີ້ບໍ່ໃຫ້ຂໍມູນທີ່ຖືກຕ້ອງກໍຕາມ ແຕ່ເຈົ້າໜ້າທີ່ສິງກະໂປກໍຍັງຮູ້ໄດ້ວ່າເຂົາໃຫ້ຂໍ້ມູນບໍ່ຖືກຕ້ອງ. ກະຊວງສາທາລະນະສຸກສິງກະໂປຍັງສາມາດຮູ້ໄດ້ຜູ້ຄົນທີ່ເຂົາພົວພັນ ແລະ ໃກ້ສິດ ໂດຍຜ່ານການສືບສວນສອບສວນ.

ປັດຈຸບັນສິງກະໂປມີຜູ້ຕິດເຊື້ອຫຼາຍກວ່າ 170 ຄົນ ແລະ ປົວຫາຍຂາດແລ້ວ ຫຼາຍກວ່າ 90 ຄົນ. ຕາມກົດໝາຍວ່າດ້ວຍ ພະຍາດຕິດແປດຂອງສິງກະໂປ ລະບຸວ່າ ປະຊາຊົນທຸກຄົນຕ້ອງໃຫ້ການຮ່ວມມືກັບເຈົ້າໜ້າທີ່ແພດ. ຜູ້ທີ່ຕິດເຊື້ອພະຍາດ ໂຄວິດ-19 ຫຼື ພະບາດຕິດແປດອື່ນໆ ຈະຖືກສຳພາດກ່ຽວກັບປະຫວັດການເຄື່ອນໄຫວຂອງຕົນ, ຊຶ່ງຄຳຖາມຈະມີຢູ່ວ່າ: ທ່ານເຮັດຫຍັງແດ່? ໄປໃສແດ່? ພົບປະກັບໃຜແດ່? ນອກຈາກນັ້ນເຈົ້າໜ້າທີ່ຍັງໃຊ້ກ້ອງວີດີໂອກວດກາຂໍ້ມູນທີ່ຜູ້ປ່ວຍສະໜອງໃຫ້ຕື່ມອີກ.

ຄູ່ຜົວເມຍດັ່ງກ່າວ ຈະຂຶ້ນສານໃນວັນທີ 20 ມີນານີ້. ຜູ້ລະເມີດກົດ   ໝາຍວ່າດ້ວຍພະຍາດຕິດແປດຈະຖືກຈຳຄຸກ 6 ເດືອນ ແລະ ຖືກປັບ   ໃໝເປັນເງິນ 10.000 ໂດລາ.

ຈະລົງໂທດຜູ້ອອກຂ່າວມົ້ວກ່ຽວກັບພະຍາດ covid-19 ແນວໃດ? - Wave100S AD to Website 2020 0 - ຈະລົງໂທດຜູ້ອອກຂ່າວມົ້ວກ່ຽວກັບພະຍາດ Covid-19 ແນວໃດ?

ກະຊວງສາທາລະນະສຸກ ສາທາລະນະລັດ ເຊັກ ໃນວັນທີ 7 ມີນາຮຽກຮ້ອງໃຫ້ປະຊາຊົນຂອງຕົນທີ່ກັບມາຈາກ ອີຕາລີ ນັ້ນ ຈົ່ງໄດ້ໄປຫາແພດໝໍ ແລະ ກັກຕົວເປັນເວລາ 14 ວັນ. ເຊັກ ມີຜູ້ຕິດເຊື້ອທັງໝົດ 60 ຄົນ ຊຶ່ງສ່ວນຫຼາຍແມ່ນຕິດເຊື້ອມາແຕ່ ອີຕາລີ. ຖ້າຜູ້ໃດຫາກບໍ່ຍອມກັກຕົວຈະຖືກປັຍໃໝ 130.000 ໂດລາ.

Arab Saudi ວັນທີ 9 ມີນານີ້, ຈະນຳໃຊ້ຮູບການປັບໃໝເປັນເງິນ 500.000 riyal (133.000 USD) ຕໍ່ຜູ້ທີ່ບໍ່ໃຫ້ຂໍ້ມູນກ່ຽວກັບສຸຂະພາບຮ່າງກາຍຂອງຕົນ ໃນເມື່ອເຂົ້າມາໃນປະເທດນີ້.

Arab Saudi ມີຜູ້ຕິດເຊື້ດ 20 ຄົນ ແຕ່ມີຄົນຈຳນວນໜຶ່ງບໍ່ໄດ້ບອກໃຫ້ເຈົ້າໜ້າທີ່ຮູ້ວ່າຕົນເອງໄດ້ໄປ ອີຣານ ກັບມາ. Arab Saudi  ໄດ້ອອກຄຳສັ່ງຫ້າມພົນລະເມືອງໄປ ອີຣານ ຊຶ່ງມີຜູ້ຕິດເຊື້ອແລ້ວ 8.000 ຄົນ ແລະ ຫຼາຍກ່ວາ 600 ຄົນເສຍຊີວິດ.

ກົດໝາຍວ່າດ້ວຍ ພະຍາດຕິດແປດ ຂອງຟິນແລນ ລະບຸວ່າ: ຜູ້ທີ່ມີການຕິດພັນກັບຜູ້ປ່ວຍ ຫຼື ກໍລະນີສົງໄສ ຕ້ອງໄດ້ແຍກຕົວ ຖ້າຜູ້ໃດຫາກບໍ່ປະຕິບັດຕາມ ຈະຖືກປັບໃໝເປັນເງິນ ຫຼື ຈຳຄຸກສູງສຸດ 3 ເດືອນ ຕາມກົດໝາຍອາຍາ.

ມາດຕາ 8 ກົດໝາຍວ່າດ້ວຍການຕ້ານພະຍາດຕິດແປດ ໃນປີ 2007 ຂອງຫວຽດນາມ ໄດ້ກຳນົດພຶດຕິກຳທີ່ຕ້ອງຫ້າມລວມມີ: ປິດບັງ, ບໍ່ແຈ້ງໃຫ້ຮູ້ ຫຼື ແຈ້ງໃຫ້ຮູ້ຊ້າ ໃນເມື່ອຫາກມີການຕິດເຊື້ອ, ຈົງໃຈອອກຂ່າວ, ໃຫ້ຂໍ້ມູນທີ່ຜິດພາດກ່ຽວກັບພະຍາດຕິດແປດ ຫຼື ພະຍາດແຜ່ລະບາດ

ຂໍ້ກຳນົດເລກທີ 176/2013/NĐ-CP ກຳນົດວ່າ: ຜູ້ໃດປິດບັງສະພາບພະຍາດຂອງຕົນ ຫຼື ຂອງຄົນອື່ນທີ່ມີການຕິດເຊື້ອ ຈະຖືກປັບໃໝເປັນເງິນແຕ່ 1-2 ລ້ານດົງ.

ຖ້າຜູ້ໃດຮູ້ວ່າຕົນເອງຕິດເຊື້ອ ແຕ່ບໍ່ແຈ້ງໃຫ້ຮູ້ ຫຼື ແຈ້ງບໍ່ມີມູນຄວາມຈິງ ອັນພາໃຫ້ມີການແຜ່ເຊື້ອອັນຕະລາຍໃສ່ຜູ້ອື່ນ. ມາດຕາ 240 ຂອງກົດໝາຍອາຍາ ປີ 2015 ຈະຖືກຕັດອິດສະລະພາບ ແຕ່ 1-5 ປີ ຫຼື ປັບໃໝເປັນເງິນ ແຕ່ 50-200 ລ້ານດົງ.

ຈະລົງໂທດຜູ້ອອກຂ່າວມົ້ວກ່ຽວກັບພະຍາດ covid-19 ແນວໃດ? - WhatsApp Image 2020 05 27 at 5 - ຈະລົງໂທດຜູ້ອອກຂ່າວມົ້ວກ່ຽວກັບພະຍາດ Covid-19 ແນວໃດ?
ຈະລົງໂທດຜູ້ອອກຂ່າວມົ້ວກ່ຽວກັບພະຍາດ covid-19 ແນວໃດ? - WhatsApp Image 2020 05 27 at 5 - ຈະລົງໂທດຜູ້ອອກຂ່າວມົ້ວກ່ຽວກັບພະຍາດ Covid-19 ແນວໃດ?
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!