ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19

ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - 126 - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19
ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - Untitled design - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19

      ກ່ອນ​ໜ້າ​ນີ້ ມີ​ຂ່າວ​ຊາວ​ອີຣານ​ເສຍ​ຊີວິດ 27 ຄົນ ຫລັງ​ດື່ມ​ເຫລົ້າ​ເຖື່ອນ​ທີ່​ມີ​ເມທາ​ນໍ (​ແອ​ລກໍ​ຮໍ​ຊະນິດ​ເຊື້ອ​ໄຟ) ​ເປັນ​ສ່ວນ​ປະສົມ ​ເຊິ່ງ​ເປັນ​ພິດ​ຕໍ່​ຮ່າງກາຍ​ເຂົ້າ​ໄປ ​ເຫດ​ໄປ​ຫລົງ​ເຊື່ອ​ຂໍ້​ມູນ​ຂ່າວ​ລື​ຜິດໆ ທີ່​ມີ​ການ​ແຊ​ໃນ​ສື່​ສັງຄົມ​ອອນ​ລາຍ​ວ່າ: ​ແອ​ລກໍ​ຮໍ​ສາມາດ​ຂ້າ​ເຊື້ອ​ໄວຣັສ ​ໂຄ​ວິດ-19 ທີ່​ກຳລັງ​ລາມ​ລະບາດ​ໄປ​ທົ່ວ​ໂລກ​ໄດ້ ຫລັງ​ຈາກ​ອີຣານມີ​ຜູ້​ເສຍ​ຊີວິດ​ຈາກ​​ໂຄ​ວິດ-19 ​ໄປ​​ແລ້ວ 237 ຄົນ ​ແລະ ມີ​ຜູ້​ຕິດ​ເຊື້ອຫລາຍ​ກວ່າ 7.000 ຄົນ.

ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - 2106garlicLife 728x520 1 - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19

    ການ​ຫລົງ​ເຊື່ອ​ຜິດໆ​ຄື​ກໍລະນີ​ຢູ່​ອີຣານ ​ເປັນ​ພຽງ​ຕົວຢ່າງ​ໜຶ່ງ​ຂອງ​ຜູ້​ທີ່​ອາດ​ຮູ້​ເທົ່າ​ບໍ່​ເຖິງ​ການ ​ໄປ​ຫລົງ​ເຊື່ອ​ຂໍ້​ມູນ​ບິດ​ເບືອນ​ທີ່​ສ້າງ​ຄວາມ​ເຂົ້າ​ໃຈ​ຜິດ​ໃຫ້​ແກ່​ສາທາ​ລະ​ນະ​ຊົນ ​ໂດຍ​ບໍ່​ຄຳນຶງ​ເຖິງ​ຜົນ​ຮ້າຍ​ແຮງ​ຈະ​ຕາມ​ມາ ​ເຊິ່ງມີ​ຫລາຍ​ຂໍ້​ມູນ​ຫລາຍ​ກໍລະນີ​ກ່ຽວ​ກັບ​ວິທີ​ຮັບ​ມື​ໄວຣັສ​ໂຄ​ວິດ-19 ທີ່​ຜິດໆ ບໍ່​ເປັນຄວາມ​ຈິງ​ອອກ​ໄປ ​ໂດຍ​ສະ​ເພາະ​ໃນ​ສັງຄົມ​ອອນ​ລາຍ ທີ່​ໃຜ​ຈະ​ຄິດ​ຈະ​ພິມ​ຫຍັງ​ລົງ​ໄປ​ກໍ​ໄດ້ ທີ່​ມີ​ອີກ​ຫລາຍ​ຂໍ້​ມູນ ຄວາມ​ຄິດ ຄວາມ​ເຊື່ອ​ຜິດໆ ກ່ຽວ​ກັບ​ວິທີ​ປິ່ນປົວ​ປ້ອງ​ກັນ​ການ​ຕິດ​ເຊື້ອ​ໂຄ​ວິດ-19 ​ເຊັ່ນ​ເຊື່ອ​ວ່າ: ການ​ກິນ​ກະທຽມ​ດິບ ປ້ອງ​ກັນ​ການ​ຕິດ​ເຊື້ອ​ໄວຣັສ ທີ່​ມີ​ການ​ແຊ​ຕໍ່​ໆ​ກັນ​ທາງ​ເຟສບຸກ ທີ່​ເຊົາ​ໄຊ​ນາ​ມໍ​ນິງ​ໂພສ ສື່​ຮົງ​ກົງ​ລາຍ​ງານ​ກ່ອນ​ໜ້າ​ນີ້​ວ່າ: ຍິງ​ສາວ​ນາງ​ໜຶ່ງ​ຖືກ​ຫາມ​ສົ່ງ​ໂຮງໝໍ​ປິ່ນປົວ​ອາການ​ລຳ​ຄໍ​ອັກ​ເສບ​ໄໝ້ ​ເຫດ​ຈາກ​ກິນ​ກະທຽມ​ດິບ​ເຂົ້າ​ໄປ​ເຖິງ 1,5 ກິ​ໂລ ​ໂດຍ​ເຊື່ອ​ວ່າ​ຈະ​ຊ່ວຍ​ປ້ອງ​ກັນ​ການ​ຕິດ​ເຊື້ອ​ໂຣກ, ​ແຕ່​ອົງການ​ອະນາ​ໄມ​ໂລກ (WHO) ຊີ້​ວ່າ: ​ເຖິງ​ວ່າ​ອາຫານ​ທີ່​ດີ​ຕໍ່​ສຸຂະພາບ​ເຊັ່ນ: ຜັກ ​ແລະ ໝາກ​ໄມ້ ອາດ​ມີ​ຄຸນສົມບັດ​ຊ່ວຍ​ຕ້ານທານ​ໂຣກ​ໄດ້, ​ແຕ່​ຍັງ​ບໍ່​ມີ​ຫລັກ​ຖານ​ຢືນຢັນ​ວ່າ: ການ​ກິນ​ກະທຽມ​ຈະ​ຊ່ວຍ​ປົກ​ປ້ອງ​ຄົນ​ເຮົາ​ຈາກ​ໄວຣັສ​ໂຄ​ໂຣນາສາ​ຍພັນ​ໃໝ່​ໄດ້.

     ນ້ຳ​ແຮ່​ມະ​ຫັດສະ​ຈັນ ຂ້າ​ໄວຣັສ​ໄດ້ ​ເປັນ​ອີກ​ຂໍ້​ມູນ​ໂຄສະນາ​ຊວນ​ເຊື່ອ​ທີ່​ມາ​ຈາກ ຊັອກດາ​ນີ ​ແຊ​ເທີ ຢູທູບ​ເບີ​ຄົນ​ໜຶ່ງ​ທີ່​ມີ​ຜູ້​ຕິດຕາມ​ຈຳນວນ​ຫລາຍ​ພັນ​ຄົນ​ໃນ​ຫລາຍ​ແພດ​ຟອມ ອວດ​ອ້າງ​ສັບພະ​ຄຸນ ນ້ຳ​ແຮ່​ມະຫັດສະຈັນ ທີ່​ເອີ້ນ​ວ່າ: MMS ວ່າ​ສາມາດ​ລ້າງ​ໄວຣັສ​ໂຄ​ໂຣນາ​ໄດ້ ​ໂດຍ​ນ້ຳ​ແຮ່​ທີ່​ວ່າ​ນີ້​ມີ​ສານ​ຄໍຣິນ​ໄດ​ອອກ​ໄຊ ຫລື ສານ​ຟອກ​ສີ​ຜົມ​ປະສົມ​ຢູ່​ນຳ, ​ແຕ່​ສຳນັກງານ​ອາຫານ ​ແລະ ຢາ (FDA) ຂອງ​ອາ​ເມ​ລິ​ກາ ອອກ​ມາ​ເຕືອນ​ແຕ່​ປີຜ່ານມາ​ເຖິງ​ອັນຕະລາຍ​ຂອງ​ການ​ດື່ມນ້ຳ​ແຮ່ MMS ນີ້ ​ເຊັ່ນ​ດຽວ​ກັບ​ໃນ​ຫລາຍ​ປະ​ເທດ ​ໂດຍ​ລະບຸ​ວ່າ​ຍັງ​ບໍ່​ມີ​ຜົນ​ວິ​ໄຈ​ໃດ​ທີ່​ບອກ​ວ່າ​ຜະລິດ​ຕະພັນ​ນີ້​ປອດ​ໄພ ຫລື ມີ​ປະສິດທິ​ຜົນ​ໃນ​ການ​ປິ່ນປົວ​ຄວາມ​ເຈັບ​ປ່ວຍ​ໃດໆ ຫາກ​ແຕ່​ຍັງ​ມີ​ອັນຕະລາຍ​ທີ່​ອາດ​ເຮັດ​ໃຫ້​ມີ​ອາການ​ປຸ້ນທ້ອງ, ປວດຮາກ, ຖອກທ້ອງ ​ແລະ ​ເຮັດ​ໃຫ້​ຮ່າງກາຍ​ຂາດ​ນ້ຳຢ່າງ​ຮຸນ​ແຮງ​ໄດ້.

ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - 111168543 gettyimages 1210156599 - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19

      ການ​ຜະລິດ​ນ້ຳຢາ​ລ້າງ​ມື​ເອງ ​ເປັນ​ໜຶ່ງ​ໃນ​ທາງ​ເລືອກ​ທີ່​ທຸກ​ຄົນ​ສົນ​ໃຈ​ໃນ​ໄລຍະ​ເວລາ​ທີ່​ຫລາຍ​ປະ​ເທດ​ຂາດ​ເຂີນ​ອຸປະກອນ​ປ້ອງ​ກັນ​ການ​ຕິດ​ເຊື້ອ​ເຊັ່ນ: ຜ້າ​ອັດ​ປາກ ​ແລະ ນ້ຳຢາ​ລ້າງ​ມື ​ເຊິ່ງ​ເວລາ​ນີ້​ມີ​ສິດ​ຜະລິດ​ນ້ຳຢາ​ລ້າງ​ມື​ດ້ວຍ​ຕົນ​ເອງ ​ເຜີຍ​ແຜ່​ທາງ​ໂຊ​ຊຽວມີ​ເດຍ, ​ແຕ່​ຜູ້​ຊ່ຽວຊານ​ຫລາຍ​ທ່ານ​ເຕືອນ​ວ່າ: ສູດ​ການ​ຜະລິດ​ນ້ຳຢາ​ລ້າງ​ມື​ເອງ ອາດ​ຈະ​ບໍ່​ສາມາດ​ຂ້າ​ເຊື້ອ​ໂຣກ​ໄດ້​ຢ່າງ​ມີ​ປະສິດທິ​ຜົນ​ຄື​ທີ່​ເຂົ້າ​ໃຈ ​ແລະ ບາງ​ສູດ​ທີ່​ອ້າງ​ວ່າ​ເປັນ​ສູດ​ດຽວ​ກັບ​ຜະລິດ​ຕະພັນ​ຍີ່​ຫໍ້​ດັງ​ຢູ່​ຕ່າງປະ​ເທດ ​ເຊິ່ງຂ້າ​ເຊື້ອ​ໂຣກ​ໄດ້​ດີ​ໃນ​ພື້ນຜິວ ກໍ​ບໍ່​ໄດ້​ເໝາະ​ກັບ​ການ​ນຳ​ມາ​ໃຊ້​ກັບ​ຜິວໜັງ​ຂອງ​ຄົນ​ເຮົາ.

     ຫລື ການ​ຊວນ​ເຊື່ອ​ໃຫ້​ດື່ມ ຊິ​ລ​ເວີ​ຄໍ​ລອຍ ​ແຮ່​ທາດ​ຊະນິດ​ໜຶ່ງ​ທີ່​ປາກົດ​ໃນ​ລາຍການ​ໂທລະພາບ​ຂອງ​ນັກ​ສອນ​ສາສະໜາ​ຊາວ​ອາ​ເມ​ລິ​ກາ ອວດ​ອ້າງ​ວ່າການ​ດື່ມ​ແຮ່​ທາດ​ຊະນິດ​ນີ້​ສາມາດ​ຂ້າ​ໄວຣັສ​ໂຄ​ໂຣນາ​ບາງ​ຊະນິດ​ໄດ້​ພາຍ​ໃນ 12 ຊົ່ວ​ໂມງ ​ແຕ່​ຍັງ​ບໍ່​ມີ​ສິ່ງ​ພິສູດ​ໃນ​ທາງ​ການ​ແພດ ​ແຕ່ມີ​ການ​ແຊ​ຕໍ່​ຂໍ້​ມູນ​ນີ້ກັນ​ໄປ​ໃນ​ໂລກ​ໂຊ​ຊຽວ.

ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - Wave100S AD to Website 2020 0 - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19
ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - 111136737 silver fb - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19

     ຍັງ​ບໍ່​ໝົດ ຍັງ​ມີ​ຂໍ້​ມູນ​ແຊ​ໃນ​ເຟສບຸ​ກ ອ້າງ​ຄຳ​ແນະນຳ​ຂອງ​ໝໍ​ຍີ່ປຸ່ນ​ຄົນ​ໜຶ່ງ​ບອກ​ວ່າ ​ໃຫ້​ດື່ມນ້ຳສະອາດ​ທຸກໆ 15 ນາທີ ຈະ​ຊ່ວຍ​ລ້າງ​ໄວຣັສທີ່​ອາດ​ເຂົ້າມາ​ທາງ​ຊ່ອງ​ປາກ​ຂອງ​ເຮົາ​ໄດ້ ​ເຊິ່ງຂໍ້​ມູນ​ນີ້​ມີ​ຄົນ​ແຊ​ຕໍ່ໆ​ກັນ​ໄປ​ຫລາຍ​ກວ່າ 250.000 ຄັ້ງ​ແລ້ວ.

     ນອກຈາກ​ນີ້​ຍັງ​ມີ​ເລື່ອງ​ໃຫ້​ກິນ​ຂອງ​ຮ້ອນໆ ຫລີກ​ເວັ້ນ​ກະ​ແລ້​ມຂອງ​ເຢັນ ​ໂດຍ​ບອກ​ວ່າຄວາມ​ຮ້ອນ​ທັງ​ນ້ຳຮ້ອນ ​ແລະ ​ແສງ​​ແດດ​ຂ້າ​ເຊື້ອ​ໄວຣັສ​ໄດ້.

     ທີ່​ວ່າ​ມາ​ເປັນ​ຂໍ້​ມູນ​ຄວາມ​​ເຊື່ອ​ທີ່​ຍັງ​ບໍ່​ມີ​ຂໍ້​ພິສູດ​ທາງ​ວິທະຍາສາດ​ຢືນຢັນ. ສະນັ້ນ ກ່ອນ​ຈະ​ເຊື່ອ​ສິ່ງ​ໃດ ຄວນ​ຕ້ອງ​ກວດ​ສອບ​ຄວາມ​ເປັນ​ຈິງ​ຈາກ​ແຫ​ລ່ງຂໍ້​ມູນ​ທີ່​ໜ້າ​ເຊື່ອ​ຖື​ໃນ​ທາງ​ການ​ແພດ​ກ່ອນ​ເຊັ່ນ: ໜ່ວຍ​ງານ​ພາກ​ລັດ ​ແລະ ໜ່ວຍ​ງານ​ທາງ​ການ​ແພດ ​ເພື່ອ​ຄວາມ​​ແນ່ນອນ​ແລ້ວ​ຈຶ່ງ​​ແຊ.

ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - WhatsApp Image 2020 05 27 at 5 - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19
ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19 - WhatsApp Image 2020 05 27 at 5 - ຢ່າຫລົງຜິດ ! ຂໍ້ມູນຊວນເຊື່ອປ້ອງກັນໄວຣັສ ໂຄວິດ-19
error: Alert: ເນື້ອຫາຂ່າວມີລິຂະສິດ !!