ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ

ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ - Untitled design - ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ

     ​ໂຄສົກ​ລັດຖະບານຈີນ ປະກາດ​ວ່າ: “ຈຸດ​ສູງ​ສຸດ” (peak) ຂອງ​ການ​ແຜ່​ລະບາດ​ຂອງ​ໂຣກຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ໃນ​ປະ​ເທດ​ຈີນ​ ​ໄດ້​ສິ້ນສຸດ​ລົງ​ແລ້ວ.

     ທ່ານ ຫມີ່​ເຟິງ ​ໂຄສົກ​ຄະນະ​ກຳມະການ​ສຸຂະພາບ​ແຫ່ງ​ຊາດ (NHC) ຂອງ​ຈີນ ຖະ​ແຫລ​ງຂ່າວ​ຢູ່​ນະຄອນຫລວງ​ປັກ​ກິ່ງ​ວ່າ: ຈຳນວນ​ຜູ້​ປ່ວຍ​ຄົນ​ໃໝ່​ຫລຸດ​ລົງ​ຢ່າງ​ຕໍ່​ເນື່ອງ ​ແລະ ສະຖານະ​ການ​ການ​ແຜ່​ລະບາດ​ຂອງ​ໂຣກ​ໃນ​ພາບ​ລວມຊົງ​ຕົວ​ຢູ່​ໃນ​ລະດັບ​ຕໍ່າ.

     ທ່ານ ຫມີ່ ​ເປີດ​ເຜຍີ​ຍວ່າ: ຈຳນວນ​ຜູ້​ປ່ວຍ​ຄົນ​ໃໝ່​ຢູ່​ອູ່​ຮັ່ນ ​ເມືອງ​ເອກ​ຂອງ​ມົນທົນ​ຫູ​ເປີ​ຍ ທາງ​ຕອນ​ກາງ ​ແລະ ສູນ​ກາງ​ການລະບາດ​ຂອງ​ໂຣກ ​ໄດ້​ຫລຸດ​ລົງ​ສູ່​ລະດັບ​ເລກ​ຫລັກ​ດຽວ ​ໂດຍ​ມີ​ລາຍ​ງານ​ຜູ້​ປ່ວຍ​ຄົນ​ໃໝ່​ພຽງ 8 ຄົນ​ໃນ​ວັນ​ທີ 11 ມີນາ. ຂະນະ​ດຽວ​ກັນ ບໍ່​ມີ​ລາຍ​ງານ​ຜູ້​ປ່ວຍ​ຄົນ​ໃໝ່​ຢູ່​ເມືອງ​ອື່ນໆ​ຂອງ​ຫູ​ເປີ​ຍ ຕິດ​ຕໍ່​ກັນ​ຄົບ​ອາທິດ​ໜຶ່ງ​ແລ້ວ ​ໂດຍ​ຈີນ​ແຜ່ນດິນ​ໄຫວ​ຍົກ​ເວັ້ນທົນ​ຫົນ​ຫູ​ເປີ​ຍ ກວດ​ພົບ​ຜູ້​ປ່ວຍ​ຄົນ​ໃໝ່​ພຽງ 7 ຄົນ ​ໂດຍ​ຜູ້​ປ່ວຍ 6 ຄົນ​ເປັນ​ຜູ້​ປ່ວຍ​ທີ່​ມາ​ຈາກ​ນອກ​ປະ​ເທດ. ທ່ານ ຫມີ່ ກ່າວ​ອີກ​ວ່າ: ການ​ປິ່ນປົວ​ຜູ້​ປ່ວຍ​ເປັນ​ພັນທະ​ກິດ​ສຳຄັນ​ສູງ​ສຸດ ພ້ອມ​ສະ​ແດງ​ຄຳໝັ້ນວ່າ: ບໍ່​ມີ​ການ​ຜ່ອນຜັນ ຫລື ລົດ​ລະ​ຄວາມ​ພະຍາຍາມ​ໃນ​ການ​ປ້ອງ​ກັນ ​ແລະ ຄວບ​ຄຸມ​ໂຣກລະບາດ. ອົງການ​ອະນາ​ໄມ​ໂລກ (WHO) ປະກາດ​ຍົກ​ລະດັບ​ການລະບາດ​ຂອງ​ໂຣກ​ໂຄ​ວິດ 19 ​ເປັນ “ລະບາດ​ທົ່ວ” (pandemic) ​ເນື່ອງ​ຈາກ​ມີ​ການ​ແຜ່​ລະບາດ​ເພີ່ມ​ຂຶ້ນທົ່ວ​ໂລກ. ຜູ້ອຳນວຍການ​ອົງການ​ອະນາ​ໄມ​ໂລກ ຖະ​ແຫລ​ງຂ່າວ​ຢູ່​ນະຄອນ​ເຈ​ນີວາ​ວ່າ: ປັດຈຸບັນ​ມີ​ການ​ຢືນຢັນ​ຜູ້​ປ່ວຍ​​ໂຄ​ວິດ 19 ຫລາຍ​ກວ່າ 118.000 ຄົນ​ໃນ 114 ປະ​ເທດ ​ແລະ ພາກພື້ນ ​ແລະ ມີ​ຜູ້​ປ່ວຍ​ເສຍ​ຊີວິດ 4.291 ຄົນ. ຜູ້ອຳນວຍການ WHO ຊີ້​ວ່າ: ຈຳນວນ​ຜູ້​ປ່ວຍ​​ເສຍ​ຊີວິດ ​ແລະ ປະ​ເທດ​ທີ່​ໄດ້​ຮັບ​ຜົນ​ກະທົບ​ຈາກ​ໂຄ​ວິດ 19 ມີ​ທ່າ​ອ່ຽງ​ເພີ່ມ​ສູງ​ຂຶ້ນ​ໃນ​ອີກ.

ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ - Wave100S AD to Website 2020 0 - ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ
ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ - WhatsApp Image 2020 05 27 at 5 - ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ
ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ - WhatsApp Image 2020 05 27 at 5 - ຈີນປະກາດຈຸດສູງສຸດໂຄວິດ-19 ລະບາດໃນປະເທດຈີນສິ້ນສຸດແລ້ວ
error: Alert: ເນື້ອຫາຂ່າວມີລິຂະສິດ !!