ກະຊວງສາທາລະນະສຸກ ແນະນຳຕື່ມກ່ຽວກັບ COVID-19

ກະຊວງສາທາລະນະສຸກ ແນະນຳຕື່ມກ່ຽວກັບ covid-19 - 47 1 - ກະຊວງສາທາລະນະສຸກ ແນະນຳຕື່ມກ່ຽວກັບ COVID-19
ກະຊວງສາທາລະນະສຸກ ແນະນຳຕື່ມກ່ຽວກັບ covid-19 - Untitled design - ກະຊວງສາທາລະນະສຸກ ແນະນຳຕື່ມກ່ຽວກັບ COVID-19

ໃນວັນທີ 12 ມີນານີ້ ທ່ານ ລັດຕະນະໄຊ ເພັດສຸວັນ, ຫົວໜ້າກົມຄວບຄຸມພະຍາດຕິດຕໍ, ກະຊວງສາທາລະນະສຸກ. ໄດ້ລາຍງານຕື່ມກ່ຽວກັບສະພາບການລະບາດຂອງພະຍາດອັກເສບປອດທີ່ເກີດຈາກ ເຊື້ອຈຸລະໂລກເຊີ່ງມີ ຊື່ຫຍໍ້ວ່າ: ( COVID-19) ແລະ ຄວາມກຽມພ້ອມຂອງກະຊວງສາທາລະນະສຸກ ສປປລາວເຮົາ.
ໃນປະຈຸບັນໃນທົ່ວໂລກທົ່ວໂລກມີລາຍງານກໍລະທັງໝົດ 124 ປະເທດ,ເຂດປົກຄອງຕົນເອງ ແລະ ເຮືອສຳລານ,ມີກໍລະນີຢັ້ງຢືນຜູ້ຕິດເຊື້ອ ທັງໝົດມີ 126.367 ກໍລະນີ,ເສຍຊິວິດ 4.633 ກໍລະນີ ແລະ ປິ່ນປົວຫາຍ 68.304 ກໍລະນີ.

ສຳລັບ ລາວເຮົາແມ່ນມີກໍລະນີສົງໃສ ທີ່ໄດ້ເກັບຕົວຢ່າງມາກວດທັງໝົດ 64 ກໍລະນີ ແລະ 62 ກໍລະນີໃຫ້ຜົນລົບ ແລະ ຍັງລໍຖ້າຜົນກວດ 2 ກໍລະນີ
ສຳລັບກໍລະນີທີ່ເກີດມີຄຳຖາມກ່ຽວກັບ ຄົນຕ່າງປະເທດທີ່ເຂົ້າມາລາວນຳສາຍການບິນຫວຽດນາມ (ທີ່ມີຄົນຕິດພະຍາດໃນຖ້ຽວບິນດັ່ງກ່າວ)ນັ້ນ ປັດຈຸບັນພວກເຮົາໄດ້ມີການຕິດຕາມ ເກັບຕົວຢ່າງມາກວດ ແລະ ຜົນອອກມາແມ່ນບໍ່ພົບເຊື້ອ ແລະ ກໍ່ຍັງສືບຕໍ່ຕິດຕາມເຝົ້າລະວັງທາງດ້ານອາການ ແລະ ໃຫ້ຂໍ້ມູນຂ່າວສານແກ່ບຸກຄົນບ່ອນທີ່ພວກເຂົາພັກເຊົາເຊັ່ນດຽວກັນ
ສ່ວນນັກສຶກສາລາວທີ່ກັບມາຈາກຫວຽດນາມຈຳນວນ 6 ຄົນ, ສອງຄົນມີອາການຄ້າຍຄືໄຂ້ຫວັດ ແຕ່ປະຈຸບັນທັງ 6 ຄົນມີສຸຂະພາບແຂງແຮງດີ,ສ່ວນຜົນການເກັບຕົວຢ່າງມາກວດທັງໝົດແມ່ນບໍ່ພົບເຊື້ອ ແລະ ຢູ່ໃນລາຍຊື່ການເຝົ້າລະວັງ ແລະ ຕິດຕາມ ອາການຈົນກ່ວາຈະຄົບກຳນົດ 14 ວັນ.

ອົງການອະນາໄມໂລກໄດ້ປະກາດຕື່ມວ່າປະຈຸບັນສະຖານນະການທົ່ວໂລກແມ່ນ ເປັນການລະບາດແຜ່ລາມ (pandemic) ແລະ ທຸກປະເທດແມ່ນມີຄວາມສ່ຽງສູງຫຼາຍ ແລະ ການຈັດຕັ້ງປະຕິບັດມາດຕະການໃນການຄວບຄຸ້ມເຝົ້າລະວັງໂດຍອີງໃສ່ 4 ມາດຖານໃຫ່ຍຄື:

ກະຊວງສາທາລະນະສຸກ ແນະນຳຕື່ມກ່ຽວກັບ covid-19 - Wave100S AD to Website 2020 0 - ກະຊວງສາທາລະນະສຸກ ແນະນຳຕື່ມກ່ຽວກັບ COVID-19
  1. ກະກຽມ ແລະ ກຽມພ້ອມ (Prepare and be ready)
  2. ການປ້ອງກັນ, ຊອກຫາ ແລະ ປິ່ນປົວ (Detect, protect and treat)
  3. ຫຼຸດຜ່ອນຄວາມສ່ຽງໃນການແຜ່ເຊື້ອ (Reduce transmission)
  4. ຮຽນຮູ້ສິ່ງໃໝ່ໆຈາກການຮັບມືກັບການລະບາດ (Innovate and learn)

ຂ່າວລືໃນສັງຄົມອອນລາຍ ທີ່ສ້າງຄວາມປັ່ນປ່ວນ
ນາງມາຍ ຫຼື ນາງໝາຍ ທີ່ໄດ້ຕິດເຊື້ອພະຍາດນີ້ ແລະ ໄດ້ສົ່ງກັບຄືນນະຄອນປາກເຊນັ້ນ ແມ່ນເປັນຂ່າວທີ່ບໍ່ມີມູນຄວາມຈິງ
ອີກຂ່າວຫນື່ງທີ່ວ່າ: ຄົນຫວຽດນາມ ທີ່ອາໃສຢູ່ ສວນຢາງ ເມືອງບາຈຽງ ໄດ້ການຕິດເຊື້ອເປັນຜົນບວກນັ້ນກໍ່ແມ່ນ ຂ່າວລືທີ່ສ້າງຄວາມປັ່ນປ່ວນ.
ຂັ້ນຕອນງ່າຍໆທີ່ທ່ານສາມາດປະຕິບັດເພື່ອຮັກສາຕົນເອງໃຫ້ມີສຸຂະພາບດີມີຄື:

  1. ລ້າງມືໃສ່ສະບູ ແລະ ນໍ້າສະອາດ ຫຼື ເຈວລ້າງມືເປັນປະຈໍາ.
  2. ເມື່ອທ່ານມີອາການໄອ ແລະ ຈາມ ຕ້ອງປິດປາກ ແລະ ດັງດ້ວຍເຈ້ຍອານາໄມ ຫຼື ກົກແຂນຂອງທ່ານ, ຈາກນັ້ນ ຖີ້ມເຈ້ຍອານາໄມລົງຖັງຂີ້ເຫຍື້ອທັນທີ.
  3. ຫຼີກລ້ຽງການສໍາຜັດໃກ້ຊິດກັບຄົນທີ່ມີອາການ ໄຂ້, ໄອ, ເຈັບຄໍ ຫຼື ຫາຍໃຈຍາກ
  4. ຫຼີກລ່ຽງການສຳຜັດຕາ, ດັງ ແລະ ປາກ ຖ້າບໍ່ໄດ້ລ້າງມື
  5. ຫຼີກລ້ຽງການສໍາຜັດກັບສັດທີ່ເຫງົາ ຫຼື ສັດບໍ່ມີເຈົ້າຂອງ ໂດຍສະເພາະແມ່ນຢູ່ຕະຫຼາດສົດ. ຖ້າຈໍາເປັນ ແມ່ນຕ້ອງລ້າງມືໃຫ້ສະອາດທຸກຄັ້ງພາຍຫຼັງສໍາຜັດສັດຕ່າງໆ.
  6. ຫຼີກລ້ຽງການເດີນທາງໄປສະຖານທີ່ແອອັດ, ການສໍາຜັດກັບບຸກຄົນອື່ນໆ ແລະ ບໍ່ຄວນໄປເຮັດວຽກ ຫຼື ໄປໂຮງຮຽນ ຖ້າທ່ານຮູ້ສຶກບໍ່ສະບາຍ.
  7. ຖ້າທ່ານມີອາການ ໄຂ້, ໄອ, ເຈັບຄໍ ຫຼື ຫາຍໃຈຍາກ, ຫຼື ທ່ານຕ້ອງເບີ່ງແຍງບຸກຄົນທີ່ມີອາການສະແດງອອກດັ່ງກ່າວ, ທ່ານຄວນໃສ່ຜ້າອັດປາກ-ດັງ. ທ່ານຕ້ອງຮັບປະກັນວ່າຕົນເອງຮູ້ວິທີການໃສ່ ແລະ ຖີ້ມຜ້າອັດປາກ-ດັງຢ່າງຖືກຕ້ອງ.
  8. ຖ້າທ່ານມີອາການໄຂ້, ໄອ, ເຈັບຄໍ ຫຼື ຫາຍໃຈຍາກໃຫ້ໂທຫາສານດ່ວນ 166
    ຄຳແນະນຳໃນການນຳໃຊ້ຜ້າອັດປາກ
    ບຸກຄົນທີ່ຈຳເປັນຕ້ອງໃສ່ຜ້າອັດປາກ – ດັງຖ້າທ່ານມີອາການທາງລະບົບຫາຍໃຈ ເຊັ່ນ: ໄອ ຫຼື ຫາຍໃຈຍາກຖ້າທ່ານເປັນບຸກຄົນທີ່ກຳລັງເບິ່ງແຍງຄົນເຈັບທີ່ມີອາການທາງລະບົບຫາຍໃຈຖ້າທ່ານເປັນພະນັກງານແພດໝໍຖ້າທ່ານເດີນທາງ ໄປໃນເຂດທີ່ມີການລະບາດ ຫຼື ຊຸມຊົນແອອັດທີ່ມີຄວາມສ່ຽງ
    ໃນກໍລະນີບໍ່ຈຳເປັນຕ້ອງໃສ່ ຜ້າອັດປາກ -ດັງ ແມ່ນ ບຸກຄົນ ຜູ້ທີ່ບໍ່ມີອາການທາງລະບົບຫາຍໃຈແຕ່ຖ້າຫາກມີອາການຄ້າຍຄືໄຂ້ຫວັດເຊັ່ນ: ໄຂ້, ໄອ, ເຈັບຄໍ ຫຼື ຫາຍໃຈຍາກ ບວກກັບ ໄດ້ເດີນທາງໄປໃນເຂດ ທີ່ມີການລະບາດ ພາຍໃນ 14 ວັນ ກ່ອນເລີ່ມຕົ້ນເຈັບ ຫຼື ສໍາຜັດໃກ້ຊິດກັບ ກໍລະນີຢັ້ງຢືນຕິດເຊື້ອ COVID-19 ໃນຂະນະທີ່ກໍລະນີດັ່ງກ່າວກໍາລັງມີອາການ ໃຫ້ໂທຫາສາຍດ່ວນ 166 ແລະ ກະລຸນາໄປພົບແພດໝໍໃກ້ບ້ານທ່ານ ແລະ ແຈ້ງປະຫວັດການເດີນທາງຂອງທ່ານຖ້າໄດ້ໄປເຂດທີ່ມີການລະບາດພະຍາດດັ່ງກ່າວໃນໄລຍະ 14 ວັນກ່ອນມີອາການ.
    ຂໍໃຫ້ບັນດາທ່ານຕິດຕາມຂ່າວຈາກແຫຼ່ງຂ່າວທີ່ເປັນທາງການເຊັ່ນວ່າ: ການຖະແຫຼ່ງຂ່າວກ່ຽວກັບມາດຕະການ ແລະ ຄວາມຄືບໜ້າຂອງພະຍາດ ທີ່ກະຊວງສາທາລະນະສຸກ ແລະ Facebook ສູນຂ່າວສານການແພດສຸຂະສຶກສາ Centre of Information and Education for Health
    ສອບຖາມຂໍ້ມູນເພີ່ມເຕີມໄດ້ທີ່:ສາຍດ່ວນ 166 ຕະຫຼອດ 24 ຊມຫຼື ໂທເຂົ້າທີ່ເບີ +856 20 5406 6777 ,ສຳລັບພາສາຈີນ ພວກເຮົາກໍ່ມີທີມງານທ່ານໝໍທີ່ສາມາດເວົ້າພາສາຈີນໃຫ້ຂໍ້ມູນ ຕະຫຼອດເຊັ່ນກັນ
ກະຊວງສາທາລະນະສຸກ ແນະນຳຕື່ມກ່ຽວກັບ covid-19 - WhatsApp Image 2020 05 27 at 5 - ກະຊວງສາທາລະນະສຸກ ແນະນຳຕື່ມກ່ຽວກັບ COVID-19
ກະຊວງສາທາລະນະສຸກ ແນະນຳຕື່ມກ່ຽວກັບ covid-19 - WhatsApp Image 2020 05 27 at 5 - ກະຊວງສາທາລະນະສຸກ ແນະນຳຕື່ມກ່ຽວກັບ COVID-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!