ຫວຍຂູດລະບາດແຮງດີ ຫລື ບໍ່ດີ

- 18881948 1897771670437137 2603211893297794852 n - ຫວຍຂູດລະບາດແຮງດີ ຫລື ບໍ່ດີ
- Untitled design - ຫວຍຂູດລະບາດແຮງດີ ຫລື ບໍ່ດີ

 

ສະບາຍດີ ເພື່ອນຜູ້ອ່ານທີ່ຮັກແພງ, ໂອຍ ! ຖ້າເວົ້າເລື່ອງຫວຍ ແລະ ເລກເບີຕ່າງໆຢູ່ແລ້ວກໍເກືອບວ່າຈະບໍ່ມີໃຜຄື ແລະ ຄືໃຜ. ປັດຈຸບັນນີ້ ເກືອບວ່າທຸກມື້ແມ່ນມີຫວຍອອກເປັນປະຈຳ ບໍ່ວ່າຈະເປັນຫວຍພັດທະນາ, ຫວຍເລກ 2 ໂຕ, 3 ໂຕ, ຫວຍອອນລາຍ, ຫວຍຂູດ ແລະ ອື່ນໆຈົນນັບບໍ່ຖ້ວນ, ແລງໆມາຢູ່ຖະໜົນສາຍຫລັກຕ່າງໆຂອງນະຄອນຫລວງວຽງຈັນເຮົາຈະເຫັນໂຕະນ້ອຍລຽນ ລະດາດກັນໄປຕາມສອງຟາກທາງ ແລະ ຜູ້ຂາຍມີຮອດພະນັກງານຂ້າລາຊະການ ເຮົາເຂົ້າມາປະກອບສ່ວນນຳອີກດ້ວຍ, ຫວັງວ່າ ຈະມີລາຍຮັບເພີ່ມກັບເລກກັບເບີດັ່ງກ່າວ ແລະ ຮ້າຍແຮງໄປກວ່ານັ້ນ ໃນປັດຈຸບັນແມ່ນການລະບາດຂອງຫວຍຂູດເກືອບວ່າຢູ່ ຕະຫລາດທຸກແຫ່ງໃນນະຄອນຫລວງວຽງຈັນໄດ້ມີໂຕະຂາຍ ຫວຍດັ່ງກ່າວ ເພື່ອແນໃສ່ຍົວະຍວນແມ່ຄ້າຊາວຂາຍໃນບໍລິເວນດັ່ງ ກ່າວ.

- Wave100S AD to Website 2020 0 - ຫວຍຂູດລະບາດແຮງດີ ຫລື ບໍ່ດີ

ດັ່ງຢູ່ຕະຫລາດໂອຊີ ເຊິ່ງເປັນຕະຫລາດຂາຍຜົນຜະລິດກະສິກຳຈາກບັນດາແຂວງພາກເໜືອ ເຊິ່ງຕັ້ງຢູ່ແຄມຖະໜົນ 13 ເໜືອໃກ້ກັບ 3 ແຍກຕັດອອກທາງໜອງບຶກ-ຕານມີໄຊ. ເຊົ້າໆຖ້າໃຜຫາກໄດ້ເຂົ້າໄປຕະຫລາດດັ່ງກ່າວກໍຈະໄດ້ຍິນສຽງໂຄສະນາ ຊວນເຊື່ອຂອງໜ່ວຍ ງານຂາຍຫວຍຂູດຜ່ານຕູ້ລຳໂພງໃຫຍ່ດັງກ້ອງໄປທົ່ວຕະຫລາດ ເບິ່ງແລ້ວບໍ່ຄ່ອຍໂສພາປານໃດ, ແຕ່ສິ່ງນີ້ ເຮົາບໍ່ຕິ ເພາະມັນແມ່ນວິຊາຫາກິນຂອງແຕ່ລະຄົນ, ແຕ່ສິ່ງທີ່ເຮົາຢາກຍົກໃຫ້ເຫັນກໍແມ່ນຜົນຮ້າຍຂອງມັນ ໃນເມື່ອສັງຄົມ, ຊາວ ໜຸ່ມເຍົາວະຊົນຫາກພາກັນໄປຕິດການພະນັນດັ່ງກ່າວມັນຈະເປັນແນວໃດ ? ອັນນີ້ເບື້ອງລັດເຮົາຄວນຄຳນຶງ ແລະ ຄວນຈຳກັດ ໃນການອະນຸຍາດໃຫ້ອອກຫວຍຊະນິດຕ່າງໆໃຫ້ແທດເໝາະ, ອອກເວລາໃດ ? ຄວນເອົາໄປຂາຍຢູ່ໃສ ? ແລະ ຄວນໂຄສະນາແນວ ໃດ ? ກໍດັ່ງຫລາຍປະເທດເພິ່ນກໍມີຫວຍພັດທະນາ (ລົດຕາລີ) ຕ່າງໆ, ແຕ່ເພິ່ນກໍເຮັດຢູ່ໃນ ຂອບເຂດຈຳກັດ, ບໍ່ແມ່ນວ່າມື້ໃດກໍມີ ຫວຍອອກເຕັມໄປດັ່ງປະເທດເຮົາ ຈົນມີຮອດການອະນຸຍາດໃຫ້ເປີດການພະນັນ ທວາຍຜົນບານຖືກຕ້ອງຕາມລະບຽບກົດໝາຍ ເຊິ່ງຫລາຍປະເທດອ້ອມຂ້າງເຮົາກໍບໍ່ມີໃຜເຮັດ ຍ້ອນຜົນເສຍຈະຫລາຍ ກວ່າຜົນໄດ້ ແລະ ສິ່ງຫຍໍ້ທໍ້ອື່ນໆກໍຈະຕາມມາ.

- WhatsApp Image 2020 05 27 at 5 - ຫວຍຂູດລະບາດແຮງດີ ຫລື ບໍ່ດີ
- WhatsApp Image 2020 05 27 at 5 - ຫວຍຂູດລະບາດແຮງດີ ຫລື ບໍ່ດີ
error: Alert: ເນື້ອຫາຂ່າວມີລິຂະສິດ !!