ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ

ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ -                             - ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ
ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ - 174233 - ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ

ທ່ານ ຊູຊາດ ໄຊຍະກຸມມານ, ຫົວໜ້າກົມປ່າໄມ້, ກະຊວງ ກະສິກໍາ ແລະ ປ່າໄມ້ ໃຫ້ຮູ້ວ່າ: ປີຜ່ານມາ, ສປປ ລາວ ມີເນື້ອທີ່ປ່າໄມ້ເສຍຫາຍ 6.328 ເຮັກຕາ ຍ້ອນໄຟໄໝ້ລາມປ່າ, ທຽບໃສ່ປີ 2018 ເພີ່ມຂຶ້ນ 5.000 ກ່ວາເຮັກຕາ, ໃນຂະນະທີ່ປີ 2020ນີ້ ໄຟໄໝ້ລາມປ່າໄດ້ເກີດຂຶ້ນແລ້ວຢູ່ບາງທ້ອງຖິ່ນ ເຊີ່ງເຈົ້າໜ້າທີ່ກ່ຽວຂ້ອງພວມເລັ່ງເກັບກໍາຂໍ້ມູນຜົນເສຍຫາຍຕົວຈິງຢ່າງລະອຽດ. ໄຟໄໝ້ລາມປ່າໄດ້ເກີດຂຶ້ນຢູ່ຫລາຍທ້ອງຖິ່ນໃນທົ່ວປະເທດ, ໃນນີ້ ເສຍຫາຍຫລາຍກ່ວາໝູ່ແມ່ນໄຟໄໝ້ລາມປ່າທີ່ເກີດຂຶ້ນຢູ່ເຂດພູພະນັງ, ນະຄອນຫລວງວຽງຈັນ, ທັ້ງນີ້ ຍ້ອນປະຊາຊົນຈໍານວນໜຶ່ງລະເມີດລະບຽບທີ່ກໍານົດໄວ້ ໂດຍມີການຈູດໄຮ່, ຈູດປ່າ, ຈູດຄັງລ້ຽງສັດ ແລະ ມີບາງບຸກຄົນທີ່ເຂົ້າປ່າຫາກິນ ໄດ້ດັງໄຟແຕ່ບໍ່ດັບມອດກ່ອນຈາກໄປ ຈຶ່ງເຮັດໃຫ້ໄຟໄໝ້ລາມປ່າເກີດຂຶ້ນ.  ນອກຈາກນີ້, ຍ້ອນສະພາບອາກາດປ່ຽນແປງ ຈຶ່ງເຮັດໃຫ້ສະພາບແຫ້ງແລ້ງແລ້ວກໍ່ເຮັດໃຫ້ເກີດໄຟໄໝ້ລາມປ່າໄດ້ງ່າຍ. ສະເພາະລະດູແລ້ງປີນີ້, ເພື່ອປ້ອງກັນ ແລະ ສະກັດກັ້ນໄຟໄໝ້ລາມປ່າບໍ່ໃຫ້ເກີດຂຶ້ນ, ກະຊວງ ກະສິກໍາ ແລະ ປ່າໄມ້ ໄດ້ອອກຄໍາສັ່ງສະບັບເລກທີ 073/ກປ, ລົງວັນທີ 15 ມັງກອນ 2020 ກ່ຽວກັບການສະກັດກັ້ນ ແລະ ຕ້ານໄຟໄໝ້ປ່າ ເພື່ອຊີ້ນໍາໃຫ້ບັນດາແຂວງທົ່ວປະເທດໃນການກະກັດກັ້ນ ແລະ ຕ້ານໄຟໄໝ້ລາມປ່າ.      ນອກຈາກນີ້, ກົມປ່າໄມ້ ກໍ່ໄດ້ອອກແຈ້ງການສະບັບເລກທີ 1102/ກປມ, ລົງວັນທີ 26 ກຸມພາ 2020 ເພື່ອແນະນໍາໃຫ້ຂະແໜງການກ່ຽວຂ້ອງຂອງແຕ່ລະແຂວງສຸມໃສ່ການປະຕິບັດໜ້າທີ່ຂອງຕົນດ້ວຍຄວາມເປັນເຈົ້າການໃນການກະກັດກັ້ນ ແລະ ຕ້ານໄຟໄໝ້ລາມປ່າ ດ້ວຍການເກັບກໍາຂໍ້ມູນ, ກໍານົດເຂດທີ່ມີຄວາມສ່ຽງ ເພື່ອວາງແຜນຕິດຕາມ, ເຝົ້າລະວັງ, ປ້ອງກັນ ແລະ ສະກັດກັ້ນໄຟໄໝ່ປ່າ, ຈັດຕັ້ງໜ່ວຍງານສະເພາະກິດ ແລະ ປະກອບອຸປະກອນ ແລະ ພາຫະນະທີ່ສາມາດເຄື່ອນທີ່ໄດ້ຕະຫລອດ 24 ຊົ່ວໂມງ, ພ້ອມທັງຈັດຕັ້ງໜ່ວຍງານໂຄສະນາເຜີຍແຜ່ແນະນໍາກ່ຽວກັບເຕັກນິກວິຊາການ, ການຕິດຕາມ, ເຝົ້າລະວັງ, ມາດຕະການປ້ອງກັນ ແລະ ສະກັດກັ້ນໄຟປ່າ ແລະ ອື່ນໆ. ສ່ວນກົມປ່າໄມ້ ກໍ່ໄດ້ຈັດຕັ້ງທິມງານວິຊາການລົງຊຸກຍູ້ຢູ່ບັນດາແຂວງ ແລະ ນະຄອນຫລວງ ໂດຍແບ່ງເປັນ 4 ພາກ (ເໜືອ 1, ເໜືອ 2, ກາງ ແລະ ໃຕ້) ເພື່ອຊຸກຍູ້ຂັ້ນທ້ອງຖິ່ນຜັນຂະຫຍາຍ ແລະ ຈັດຕັ້ງປະຕິບັດມາດຕະການຕ່າງໆ ທີ່ຂັ້ນເທີງວາງອອກ. 

ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ - Wave100S AD to Website 2020 0 - ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ
ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ - WhatsApp Image 2020 05 27 at 5 - ປີຜ່ານມາມີເນື້ອທີ່ປ່າໄມ້ເສຍຫາຍຍ້ອນໄຟລາມປ່າຫລາຍພັນເຮັກຕາ
error: Alert: ເນື້ອຫາຂ່າວມີລິຂະສິດ !!