ການລ້ຽງ ແລະ ປະສົມພັນປາເໝັ້ນ

ການລ້ຽງ ແລະ ປະສົມພັນປາເໝັ້ນ - 958 - ການລ້ຽງ ແລະ ປະສົມພັນປາເໝັ້ນ
ການລ້ຽງ ແລະ ປະສົມພັນປາເໝັ້ນ - Untitled design - ການລ້ຽງ ແລະ ປະສົມພັນປາເໝັ້ນ

ຮຽບຮຽງ​ໂດຍ: ສຸ​ລິ​ວົງ ກອງ​ມະນີ​ວົງ

ປາ​ເໝັ້ນ​ເປັນ​ປານ້ຳຈືດ​ຊະນິດ​ໜຶ່ງ Osphronemus exodon ມີ​ ແຫ​ລ່ງກຳ​ເນີ​ດ​ແຜ່​ຂະຫຍາຍ​ໃນ​ພາກພື້ນອາຊີ​ອາຄະ​ເນ ​ແລະ ​ເປັນ​ປາພື້ນ​ເມືອງລາວ ​ເຊິ່ງພົບ​ເຫັນ​ຫລາຍ​ໃນ​ອ່າງ​ນ້ຳງື່ມ, ​ແມ່ນ້ຳຂອງ ​ແລະ ສາຂາ​ແມ່ນ້ຳຂອງ​ໃນ ສປປ ລາວ.

ປາ​ເໝັ້ນຂະໜາດ​ໃຫຍ່​ສຸດ​ມີນ້ຳໜັກ 6-7 ກິ​ໂລກຼາມມີ​ຄວາມ​ຍາວ 65 ຊັງ​ຕີ​ແມັດ. ຢູ່​ໃນ​ຕະກຸນ​ດຽວ​ກັນ​ກັບ​ປາ​ສະ​ລິດ​ແຕ່​ມີ​ຂະໜາດ​ໃຫຍ່​ກວ່າ, ມີ​ຊິ້ນ​ແໜ້ນ, ນຸ້ມ ​ແລະ ມີ​ລົດ​ຊາດ​​ແຊບ​ດີ ​ເຊິ່ງ​ໄດ້​ຮັບ​ຄວາມ​ນິຍົມ​ຈາກ​ປະຊາຊົນ​ຜູ້​ບໍລິ​ໂພ​ກທັງ​ພາຍ​ໃນ ​ແລະ ຕ່າງປະ​ເທດສາມາດ​ມາ​ປຸງ​ແຕ່​ອາຫານ​ໄດ​້ຫລາຍ​ຊະນິດ, ປາ​ເໝັ້ນ​ເປັນ​ປາ​ທີ່​ລ້ຽງ​ງ່າຍ, ​ໃຫຍ່​ໄວ, ມີ​ຄວາມ​ທົນ​ທານ​ຕໍ່​ສະພາບ​ແວດ​ລ້ອມ ​ແລະ ພະຍາດ​ເປັນ​ຢ່າງ​ດີ, ສາມາດ​ລ້ຽງ​ທັງ​ພາຍ​ໃນ​ໜອງ ​ແລະ ກະຊັງ. ມີ​ການຈະ​ເລີ​ນ​ເຕີບ​ໂຕ​ພໍ​ສົມຄວນ​ສາມາດ​ແຜ່​ຂະຫຍາຍ​ພັນ​ໄດ້​ໂດຍ​ລ້ຽງ​ເພື່ອ​ຂາຍ​ເປັນ​ປາຊີ້ນ, ປາ​ສວຍ​ງາມ, ສາມາດ​ເປັນ​ປາ​ພໍ່​ແມ່​ພັນ​ເມື່ອ​ອາຍຸ​ໄດ້ 3 ປີ ຈະ​ມີນ້ຳໜັກ​ປະມານ 3-3,5 ກິ​ໂລ, ຄວາມ​ດົກ​ຂອງ​ໄຂ່​ມີ 3.000-4.000 ໜ່ວຍ ຕໍ່ປາ​ແມ່​ໜຶ່ງ​ໂຕ.

ການລ້ຽງ ແລະ ປະສົມພັນປາເໝັ້ນ - 72 1 - ການລ້ຽງ ແລະ ປະສົມພັນປາເໝັ້ນ

  1. ການລ້ຽງທອມພໍ່ແມ່ພັນ.

ການ​ກະກຽມ​ໜອງ​ປາ​ພໍ່​ແມ່​ພັນ​ກໍ​ປະຕິບັດ​ເຊັ່ນ: ດຽວ​ກັນ​ກັບ​ປາ​ຊະນິດ​ອື່ນໆ  ​ໃຫ້​ອາຫານ​ທີ່​ມີ​ທາດ​ໂປຼຕິນ ທີ່​ມີ​ທາດ​ອາຫານ 15 ຫາ 18% ​ແຕ່​ໃນ​​ໄລຍະ​ສາມ​ເດືອນກ່ອນ​ການ​ປະສົມ​ພັນ​ທຽມ​ຕ້ອງ​ໃຫ້​ອາຫານ​ທີ່​ມີ​ທາດ​ໂປຼຕິນສູງ​ກວ່າ 30% ຂຶ້ນ​ໄປ. ຄວນ​ປ່ຽນ​ນ້ຳ​ໃນ​ໜອງ​ປາ​ພໍ່​ແມ່​ພັນ​ເລື້ອຍໆ, ​ໃຫ້​ອາຫານ​ເສີມ​ປະ​ເພດ​ຜັກບົ້ງ ​ແລະ ຫຍ້າ​ຕ່າງໆ ທີ່​ຫາ​ໄດ້​ໃນ​ທ້ອງ​ຖິ່ນ.

ການລ້ຽງ ແລະ ປະສົມພັນປາເໝັ້ນ - 7 4 - ການລ້ຽງ ແລະ ປະສົມພັນປາເໝັ້ນ
  • ການປ່ອຍປາປະສົມພັນແບບທຳມະຊາດ.

ໜອງ​ປະສົມ​ພັນ​ປາ​ເໝັ້ນຄວນ​ມີ​ຂະໜາດ 600 – 1.600 ຕາ​ແມັດ, ການ​ກະກຽມໜອງ​ແບບ​ດຽວ​ກັບ​ການ​ລ້ຽງ​ທອມ​ປາ​ຊະນິດ​ອື່ນໆ, ຈາກ​ນັ້ນປ່ອຍ​ປາປະ​ສົມ​ພັນ​ໃນ​ອັດຕາ​ສ່ວນ ປາ​ແມ່ 100 ​ໂຕ ຕໍ່ປາ​ຜູ້ 100 ​ໂຕ​ຕໍ່​ໄລ່ ​ໃນ​ບໍລິ​ເວນ​ໜ້ານ້ຳຄວນ​ສ້າງ​ບ່ອນ​ຮົ່ມ​ຂະໜາດ 10 ຕາ​ແມັດ ​ເພື່ອ​ປ້ອງ​ກັນ​ແສງ​ແດດ​ໃນ​ເວລາ​ແດດ​ຮ້ອນ.

  • ການສ້າງຮັງໄຂ່.

ຮັງ​ໄຂ່​ສຳລັບ​ໃຫ້​ປາ​ເໝັ້ນ​ແມ່ນ​ເຮັດ​ດ້ວຍ​ໄມ້​ໄຜ່ ​ແລະ ​ໄຍກາບ​ພ້າວ​ແຫ່ງທີ່​ເປັນ​ຮູບ​ໂຕ Y ມີ​ຂະໜາດ​ເສັ້ນຜ່າ​ກາງ​ປະມານ 30 ຊມ. ​ເອົາ​ໄປ​ປະ​ໄວ້​ແຄມ​ໜອງ​ໂດຍ​ປິ່ນ​ປາກ​ລົງ​ໜອງ​ໃຫ້​ຈົມ ​ແລະ ງ່ຽງ​ປະມານ 40 ອົງສາ​ແລ້ວ​ປັກ​ຫລັກ​ໄວ້​ຕາມ​ແຄມ​ໜອງ​ໃນ​ໄລຍະ​ຫ່າງ​ກັນ​ປະມານ 2 ​ແມັດ.

ຕາມ​ທຳ​ມະ​ຊາດ​ແລ້ວ​ປາ​ສາມາດ​ວາງ​ໄຂ່​ໃນ​ໜອງ​ໂດຍ​ປາ​ຕົວ​ຜູ້​ຊ່ວຍ​ໃນ ການ​ສ້າງ​ຮັງ​ໄຂ່​ທີ່​ມີ​ລັກສະນະ​ຮູບ​ວົງ​ກົມ ​ແລະ ມີ​ຮູ​ທາງ​ກາງ​ປະມານ     10 ຊມ.

​       ເມື່ອ​ສ້າງ​ຮັງ​ສຳ​ເລັດ​ແລ້ວ​ພາຍ​ໃນ 7 ວັນ ປາ​ຈະ​ວາງ​ໄຂ່​ໂດຍ​ສັງ​ເກດ​ເຫັນ ຄາບ​ນ້ຳມັນ​ທີ່​ອອກ​ຈາກ​ເປືອກ​ໄຂ່​ລອຍ​ຢູ່​ໃນ​ບໍລິ​ເວນ​ດັ່ງກ່າວ ປາ​ຜູ້​ຈະ​ເຝົ້າບໍລິ​ເວນ​ບ່ອນ​ວາງ​ໄຂ່​ໃນ​ແຕ່​ລະ​ວັນ​ຈະ​ສັງ​ເກດ​ເຫັນ​ວ່າ​ມີນ້ຳມັນ​ລອຍ​ຢູ່​ບໍລິ​ເວນ​ເໜືອ​ໜ້ານ້ຳບ່ອນ​ຮັງ​ໄຂ່​ເວລາ​ກວດກາ​ເບິ່ງ​ຖ້າວ່າ​ມີ​ໄຍກາບ​ພ້າວ​ອັດ​ຮັງ​ໄຂ່​ສະ​ແດງ​ວ່າ​ປາ​ໄດ້​ໄຂ່​ໃສ່​ແລ້ວ.

ການລ້ຽງ ແລະ ປະສົມພັນປາເໝັ້ນ - Wave100S AD to Website 2020 0 - ການລ້ຽງ ແລະ ປະສົມພັນປາເໝັ້ນ
  • ການຟັກໄຂ່.

​       ເມື່ອ​ສັງ​ເກດ​ເຫັນ​ວ່າ​ປາ​ວາງ​ໄຂ່​ແລ້ວ​ກໍ​ທຳ​ການ​ເກັບ​ໄຂ່​ຈາກ​ຮັງ​ຂຶ້ນມາ​ຟັກ, ຄວນ​ເກັບ​ໃນ​ຕອນ​ເຊົ້າ 6-7 ​ໂມງ ຫລື ຕອນ​ແລງ 5-6 ​ໂມງ ​ໄຂ່​ຂອງ​ປາ​ເໝັ້ນ ​ເປັນ​ໄຂ່​ຟູ​ມີນ້ຳມັນ​ຫລາຍ​ມີ​ຂະໜາດ​ເສັ້ນຜ່າ​ສູນ​ກາງ 2-3 ມິນ​ລີ​ແມັດ ຄວນ​ພະຍາຍາມ​ລ້າງ​ຄາບ​ນ້ຳມັນ​ອອກ​ເສຍ​ກ່ອນ. ​ເພາະວ່າ​ຈະ​ເຮັດ​ໃຫ້ການ ຟັກ​ໄຂ່​ບໍ່​ໄດ້​ດີ. ຈາກ​ນັ້ນຈິ່ງ​ນຳ​ໄຂ່​ປາມາ​ຟັກ​ໃສ່​ຊາມ​ມີ​ຂະໜາດ​ເສັ້ນຜ່າ​ສູນ​ກາງ 60 ຊມ ຟັກ​ໄຂ່​ໄດ້​ປະມານ 1.000 ຫາ 2.000 ໜ່ວຍ, ຊາມ​ຟັກ​ໄຂ່​ກໍ​ຄວນ​ຕິດຕັ້ງປ້ຳລົມ​ໃສ່​ເພື່ອ​ເພີ່ມ​ອົກ​ຊີ​ແຊນ​ໃນ​ນ້ຳ, ອຸນຫະພູມ​ໃນ​ເວລາ​ຟັກ​ໄຂ່ ສະ​ເລ່ຍ 25-31 ອົງສາ, pH ຂອງ​ນ້ຳ 7-8 ​ແລະ ອົກ​ຊີ​ແຊນ 5-6 ມິນ​ລີກຣາມຕໍ່​ລິດ ​ໄຂ່​ປາ​ຈະ​ເບາະ​ອອກ​ເປັນ​ໂຕ​ປະມານ 7 ວັນ.

ການລ້ຽງ ແລະ ປະສົມພັນປາເໝັ້ນ - 46 - ການລ້ຽງ ແລະ ປະສົມພັນປາເໝັ້ນ

  • ການອານຸບານ.

ໜອງ​ອານຸບານ​ມີ​ຂະໜາດ 800 ຕາ​ແມັດ​​ແມ່ນ​ມີ​ການ​ກະກຽມ​ດັ່ງ​ນີ້: ຕາກ​ໜອງ​ໃຫ້​ແຫ້ງ 3-5 ວັນ​ໃສ່​ປູນ​ຂາວ 10-15 ກິ​ໂລ/ຕາ​ແມັດ, ​ໃສ່​ຝຸ່ນ​ຄອກ 20-30 ກິ​ໂລ/100 ຕາ​ແມັດ, ຈາກ​ນັ້ນ ຈິ່ງ​ປ່ອຍ​ນ້ຳ​ເຂົ້າ​ໃນ​ລະດັບ 1 ​ແມັດ​ປະ​ໄວ້ 3 ມື້ ​ແລ້ວ​ນຳ​ລູກ​ປາ​ເໝັ້ນມາ​ປ່ອຍ​ລົງ​ລ້ຽງ​ໃນ​ອັດຕາ​ຄວາມ​ໜາ​ແໜ້ນ 500 ​ໂຕ/ຕາ​ແມັດ.

  • ອາຫານແລະ ການໃຫ້ອາຫານ.

ອາຫານ​ທີ່​ໃຊ້​ເກືອ​ປາ​ເໝັ້ນນ້ອຍ​ໄດ້​ແກ່​ປາ​ປົ່ນ​ປະສົມ​ຮຳ​ອ່ອນ 1/1 ​ໃຫ້​ອາຫານ 30 ກຣາມຕໍ່​ປາ​ນ້ອຍ 1.000 ​ໂຕ/ວັນ. ນອກຈາກ​ໃຫ້​ອາຫານ​ແລ້ວ​ໃນ​ໄລຍະ1-2 ອາທິດ​ທຳ​ອິດ ​ແມ່ນ​ເກືອ​ໄຮ​ແດງ ​ແລະ ຂີ້ກະ​ເດືອນ​ແດງ, ​ແລ້ວ​ໃຫ້​ອາຫານ​ເສີມ​ຈຳພວກ​ພືດ​ຜັກ, ຫຍ້າ​ຕ່າງໆ​ໃຫ້​ກິນ​ທຸກໆ ວັນ​ຕະຫລອດ​ເວລາ​ການ​ອານຸບານ 45 ວັນ, ການ​ອານຸບານ​ຄວນ​ກວດກາ ການ​ກິນ​ອາຫານ​ຂອງ​ລູກ​ປາ, ຄຸນ​ນະພາ​ບນ້ຳອຸນຫະພູມ​ສະ​ເລ່ຍ 29-33 ອົງສາ, pH 6,8 ຫາ 8 ອົກ​ຊີ​ແຊນ ສະ​ເລ່ຍ 5-7 ມິນ​ລີກຣາມຕໍ່​ລິດ ອານຸບານ​ລູກ​ປາ 45 ວັນ ລູກ​ປາ​ຈະ​ມີ​ຂະໜາດ 2-3 ຊັງ​ຕີ​ແມັດ ​ແລະ ອັດຕາ​ການ​ລອດ​ຕາຍ 60-70% ຂອງ​ຈຳນວນ​ລູກ​ປາ​ທັງ​ໝົດ.

  • ການລ້ຽງເປັນປາລຸ້ນ ຫລື ປາຮາມ.

ປາທີ່ເໝາະສົມໃນການລ້ຽງປາຮາມ ຫລື ລ້ຽງເປັນປາລຸ້ນ ຄວນມີເນື້ອທີ່ 1 ຫາ 2 ໄລ່ຄວາມເລິກຂອງນ້ຳໃນລະດັບ 1 ຫາ 1,50 ແມັດ, ກ່ອນນຳລູກປາມາປ່ອຍຄວນປ່ອຍນ້ຳອອກຈາກໜອງໃຫ້ກ່ອນ ປະມານ 5-6 ວັນ ອານາໄມໜອງໃຫ້ດີ ໃສ່ປູນຂາວ 20-30 ກິໂລ/ໄລ່, ໃສ່ຝຸ່ນຄອກ (ຂີ້ງົວ, ຂີ້ຄວາຍ ຫລື ຂີ້ໝູ) ປະມານ 20-30 ກິ​ໂລ/100 ຕາ​ແມັດ ປ່ອຍ​ນ້ຳ​ໃສ່​ປະ​ໄວ້ 3-5 ວັນ​ແລ້ວ​ຈຶ່ງ​ນຳ​ລູກ​ປາມາ​ປ່ອຍ​ລົງ.

ອັດຕາ​ການ​ປ່ອຍ​ລູກ​ປາ: ປາ​ເໝັ້ນ 12-15 ​ໂຕ/ ຕາ​ແມັດ, ​ໃຫ້​ອາຫານ​ປະ​ເພດ​ອາຫານ​ປາດຸກ ​ແລະ​ ​ເສີມ​ຈຳພວກ​ຮຳ, ຂີ້​ເຕົ້າຮູ້, ຖົ່ວ​ຕ່າງໆ, ​ແໜຫາງ​ເຫີ​ນ ​ແລະ ​ຫຍ້າ. ​ໃນ​ໄລຍະ​ລ້ຽງ​ຕ້ອງ​ໃສ່​ຝຸ່ນ​ຄອກ​ທຸກໆ 2 ອາທິດ, ​ໃສ່​ເທື່ອ​ໜຶ່ງ​ໃນ​ອັດຕາ​ເຄິ່ງໜຶ່ງ​ຂອງ​ການ​ໃສ່​ເທື່ອ​ທຳ​ອິດ.

​ເມື່ອ​ລ້ຽງ​ໄດ້ 2-3 ​ເດືອນ​ລູກ​ປາ​ຈະ​ມີ​ຂະໜາດ​ຍາວ 10-15 ຊັງ​ຕີ​ແມັດ, ຈາກ​ນັ້ນຈິ່ງ​ນຳ​ໄປ​ລ້ຽງ​ເປັນ​ປາຊີ້ນ, ປາ​ໃຫຍ່ ຫລື ປາ​ທີ່​ຕະຫລາດ​ຕ້ອງການ.

ສິ່ງທີ່ຄວນເອົາໃຈໃສ່.

  • ​ໄຮ​ແດງ, ຂີ້ກະ​ເດືອນ​ເປັນ​ອາຫານ​ທີ່​ຈຳ​ເປັນ​ໃນ​ເວລາ​ອານຸບານ​ລູກ​ປາ.
  • ນຳ​ໃຊ້​ອາຫານ​ທີ່​ມີ​ຢູ່​ໃນ​ທ້ອງ​ຖິ່ນ​ໃຫ້​ຫລາຍ​ຂຶ້ນ​ເພື່ອ​ຫລຸດຜ່ອນ​ອາຫານ​ສຳ​ເລັດ​ຮູບ​ທີ່​ມີ​ລາຄາ​ແພງ​ຈະ​ເປັນ​ການ​ປະຢັດ​ຕົ້ນທຶນ​ອາຫານ​ທີ່​ມີ​ທາດ​ໂປຼຕິນສູງ​ຈະ​ເຮັດ​ໃຫ້​ປາ​ໃຫຍ່​ໄວ​ກວ່າ​ການ​ລ້ຽງ​ດ້ວຍ​ພື​ດ່າງ​ດຽວ.
  • ​ແນວ​ພັນ​ປາ​ທີ່​ນຳ​ມາ​ລ້ຽງ​ຄວນ​ເປັນ​ປາ​ທີ່​ມີ​ຄຸນ​ນະພາ​ບດີ.
  • ຮັກສາ​ລະດັບ​ນ້ຳ​ໃນ​ໜອງ​ໃຫ້​ພຽງພໍ.
  • ຖ້າ​ມີ​ບັນຫາ​ໃນ​ການ​ລ້ຽງ​ຄວນ​ປຶກສາ​ນັກວິຊາການ ຫລື ພະນັກງານ​ກະສິກຳ​ທີ່​ກ່ຽວຂ້ອງ./.
ການລ້ຽງ ແລະ ປະສົມພັນປາເໝັ້ນ - WhatsApp Image 2020 05 27 at 5 - ການລ້ຽງ ແລະ ປະສົມພັນປາເໝັ້ນ
ການລ້ຽງ ແລະ ປະສົມພັນປາເໝັ້ນ - WhatsApp Image 2020 05 27 at 5 - ການລ້ຽງ ແລະ ປະສົມພັນປາເໝັ້ນ
error: Alert: ເນື້ອຫາຂ່າວມີລິຂະສິດ !!