ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ

ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ - 025 - ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ
ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ - Untitled design - ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ

ໃນວັນທີ 16 ມີນາຜ່ານມານີ້, ລັດຖະມົນຕີກະຊວງສາທາລະນາສຸກ, ໃນນາມຄະນະກຳມະການສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງ COVID-19, ໄດ້ສະເຫນີໃຫ້ກະຊວງ,ອົງການ, ນະຄອນຫລວງ ແລະ ບັນດາແຂວງຕາງໆ ໃນທົ່ວປະເທດເພີ່ມທະວີຍົກລະດັບມາດຕະການຄວບຄຸມການແຜ່ລະບາດຂອງພະຍາດດັ່ງກ່າວ, ໂດຍໃຫ້ເພີ່ມຄວາມເຂັ້ມງວດກວດຂັນສຳລັບຜູ້ເດີນທາງເຂົ້າມາປະເທດ, ເນື່ອງຈາກພະຍາດນີ້ໄດ້ຂະຫຍາຍເປັນວົງກ້ວາງ, ສືບຕໍ່ມີກໍລະນີຜູ້ຕິດເຊື້ອ ແລະ ເສຍຊີວິດເພິ່ມຂຶ້ນໃນແຕ່ລະວັນ, ຈົນອົງການອະນາໄມໂລກໄດ້ອອກມາເຕືອນວ່າ: COVID-19ແມ່ນມີຄວາມສ່ຽງສູງທີ່ສຸດ ແລະ ປະກາດເປັນການລະບາດໃຫຍ່ທົ່ວໂລກ, ຮຽກຮ້ອງໃຫ້ທຸກປະເທດຍົກລະດັບມາດຕະການເຝົ້າລະວັງ ແລະ ຕອບໂຕ້, ສຳລັບລາວເຮົາເຖິງວ່າຍັງບໍ່ມີການລະບາດ, ແຕ່ຖືວ່າແມ່ນມີຄວາມສ່ຽງສູງຍ້ອນບັນດາປະເທດໃກ້ຄຽງເຮົາໄດ້ມີການລະບາດແລ້ວ ແລະ ກໍມີຜູ້ເດີນທາງເຂົ້າມາລາວເຮົາເຊັ່ນ: ນັກລົງທຶນ, ພະນັກງານຊ່ຽວຊານ, ກຳມະກອນໂຄງການກໍ່ສ້າງຕ່າງໆ, ນັກຮຽນ-ນັກສຶກສາ ແລະ ຊາວຄ້າຂາຍອື່ນໆອີກ.

ດັ່ງນັ້ນລາວເຮົາກໍຈະໄດ້ເພີ່ມຄວາມເຂັ້ມງວດຕາມມາດຕະການຕ່າງໆຕໍ່ຜູ້ເດີນທາງເຂົ້າມາຄື: ຖ້າຜູ້ໃດມີອາການສົງໃສໄຂ້, ໄອ ຫລື ຫາຍໃຈຍາກທີ່ມີປະຫວັດເດີນທາງມາຈາກເຂດມີການລະບາດຂອງCOVID-19, ມີປະຫວັດສຳພັດກັບຜູ້ມີການຢັ້ງຢືນການຕິດເຊື້ອດັ່ງກາວຕ້ອງປະຕິບັດການແຍກປ່ຽວ, ສຳລັບຢູ່ນະຄອນຫລວງວຽງຈັນມີຢູ່ໂຮງຫມໍມິດຕະພາບ,ໂຮງຫມໍມະໂຫສົດ,ໂຮງຫມໍເສດຖາທິຣາດ ແລະ ໂຮງຫມໍ 103 ກອງທັບ, ສ່ວນຢູ່ບັນດາແຂວງແມ່ນໂຮງຫມໍ ຂອງແຕ່ລະແຂວງນັ້ນ ແລະ ຕ້ອງປະຕິບັດມາດຕະການຈຳກັດບໍລິເວນຢູ່ສະຖານທີ່ພັກເຊົາຂອງຕົນເອງພາຍໃນ 14 ວັນ; ສຳລັບປະເທດທີ່ບໍ່ມີຊາຍແດນຕິດຈອດກັບລາວເຮົາ, ທຸກຄົນທີ່ເຂົ້າມາບໍ່ມີອາການສະແດງແຕ່ມາຈາກປະເທດທີ່ມີລາຍງານການລະບາດຂອງCOVID-19 ແລະ ປະເທດທີ່ມີຊາຍແດນຕິດຈອດກັບລາວ ແລະ ມີການລະບາດແມ່ນຈະໄດ້ຈຳກັດຢູ່ບໍລິເວນສະຖານທີ່ພັກເຊົາຂອງຕົນເອງພາຍໃນ 14 ວັນຕາມມາດຕະການດ້ານສາທາລະນາສຸກດັ່ງກ່າວເຊັ່ນກັນ.

ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ - Wave100S AD to Website 2020 0 - ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ
ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ - WhatsApp Image 2020 05 27 at 5 - ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ
ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ - WhatsApp Image 2020 05 27 at 5 - ລາວເພີ່ມມາດຕະການຄວບຄຸມຜູ້ເດີນທາງເຂົ້າມາປະເທດ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!