UAE ຫ້າມຊາວກາຕາແວ່ປ່ຽນເຮືອບິນ

- advert banner 728 90 728x90 - UAE ຫ້າມຊາວກາຕາແວ່ປ່ຽນເຮືອບິນ

- 1496636535456 960x0 - UAE ຫ້າມຊາວກາຕາແວ່ປ່ຽນເຮືອບິນ

- new3 - UAE ຫ້າມຊາວກາຕາແວ່ປ່ຽນເຮືອບິນ

 

ດິ​ໄບ 7 ມິຖຸນາ: ​ອີທິຮັດ ສາຍ​ການບິນ​ແຫ່ງ​ຊາດ​ຂອງ​ສະຫະ​ນະຄອນ ​ເອ​ເມຣັດ ອາຣັບ (UAE) ປະກາດ​ໃນ​ວັນ​ທີ 7 ມິຖຸນາ​ນີ້​ວ່າ: ຊາວ​ກາ​ຕາ​ຈະ​ບໍ່​ສາມາດ​ໂດຍສານ​ເຮືອບິນ​ເຂົ້າດູ​ໄບ ​ແລະ ອາ​ບູດາ​ບີ​ໄດ້​ນັບ​ແຕ່​ວັນ​ທີ 7 ມິຖຸນາ​ນີ້, ສ່ວນ​ອິນ​ໂດ​ເນ​ເຊຍ ​ແລະ ສິງກະ​ໂປ​ໃຫ້​ຊາວ​ມຸສລິ​ມ​ໄປ​ອາຣັບບີ ຊາ​ອຸ​ດິດ ດ້ວຍ​ສາຍ​ການບິນ​ອື່ນ​ທີ່​ບໍ່​ແມ່ນ​ກາ​ຕາ​ແອ​ເວ.

ກ່ອນ​ໜ້າ​ນີ້ UAE ​ໄດ້​ຫ້າມ​ຊາວ​ກາ​ຕາ​ເດີນທາງ​ເຂົ້າ UAE, ພາຍຫລັງ​ປະກາດ​ຕັດ​ການ​ພົວພັນ​ທາງ​ການ​ທູດ ​ແລະ ປິດ​ຊາຍ​ແດນ​ທັງ​ທາງບົກ, ທາງນ້ຳ ​ແລະ ທາງ​ອາກາດ​ກັບກາ​ຕາ​ນັບ​ແຕ່​ວັນ​ທີ 5 ມິຖຸນາ, ​ແຕ່​ຫລັງ​ສຸດ​ໄດ້​ປະກາ​ດຫ້າມ​ຊາວ​ກາ​ຕາຂຶ້ນ​ເຮືອບິນ​ທຸກ​ສາຍ​ການບິນ​ທີ່​ເດີນທາງ​ເຂົ້າ UAE, ​ເຖິງ​ວ່າ​ແວ່​ປ່ຽນ​ເຮືອບິນ​ກໍ​ຕາມ ​ແລະ ຫ້າມ​ຊາວ​ຕ່າງປະ​ເທດ​ທີ່​ມີ​ວີ​ຊາ​ອາ​ໄສ​ຢູ່​ກາ​ຕາ​ຂໍ​ວີ​ຊາ​ຢູ່​ດ່ານ​ກວດ​ຄົນ​ເຂົ້າ-ອອກ​ເມືອງ​ຂອງ UAE ນຳ​ອີກ. ມາດ​ຕະການ​ນີ້​ເຂັ້ມງວດ​ຍິ່ງ​ກວ່າ​ UAE ອະນຸຍາດ​ໃຫ້​ຜູ້​ຖື​ໜັງສື​​ເດີນທາງ​ອິສລາ​ແອນ ​ແລະ ປ່ຽນ​ເຮືອບິນ​ຢູ່ UAE ​ໄດ້​ພາຍ​ໃນ 24 ຊົ່ວ​ໂມງ ທັງ​ທີ່​ສອງ​ປະ​ເທດ​ບໍ່​ມີ​ການ​ພົວພັນ​ທາງ​ການ​ທູດ​ລະຫວ່າງ​ກັນ.

 

+ ຫລາຍປະເທດຕາເວັນອອກກາງຕັດການພົວພັນກັບກາຕາ

- lattana 1 - UAE ຫ້າມຊາວກາຕາແວ່ປ່ຽນເຮືອບິນ

 

ສ່ວນ​ອິນ​ໂດ​ເນ​ເຊຍ ​ແລະ ສິງກະ​ໂປ ​ໄດ້​ແກ້​ໄຂ​ໃຫ້​ຜູ້​ສະ​ແຫວ​ງບຸນ​ຊາວ​ມຸສລິ​ມ​ເດີນທາງ​ໄປ​ອາຣັບບີ ຊາ​ອຸ​ດິດ ດ້ວຍ​ສາຍ​ການບິນ​ອື່ນ​ທີ່​ບໍ່​ແມ່ນ​ກາ​ຕາ​ແອ​ເວ​ຂອງ​ກາ​ຕາ, ພາຍຫລັງ​ສາຍ​ການບິນ​ນີ້​ຖືກ​ອາຣັບບີ ຊາ​ອຸ​ດິດ ​ແລະ ບາ​ເຣນ ຖອດ​ຖອນ​ໃບ​ອະນຸຍາດ​ໃນ​ວັນ​ທີ 6 ມິຖຸນາ ​ແລະ ສັ່ງ​ປິດ​ສຳນັກງານ​ພາຍ​ໃນ 48 ຊົ່ວ​ໂມງ.

ກາ​ຕາ​ແອ​ເວ​ຍົກ​ເລີກ​ຖ້ຽວ​ບິນ​ໄປ​ອາຣັບບີ ຊາ​ອຸ​ດິດ, ບາ​ເຣນ, UAE ​ແລະ ​ເອຢິບ ພາຍຫລັງ 4 ປະ​ເທດ​ປະກາດ​ຕັດ​ການ​ພົວພັນ​ທາງ​ການ​ທູດ​ກັບກາ​ຕາ ​ແລະ ຈະ​ຄືນ​ເງິນ ຫລື ຈອງ​ຖ້ຽວ​ບິນ​ໃໝ່​ໃຫ້​ແກ່​ຜູ້​ໂດຍສານ​ທີ່​ໄດ້​ຮັບ​ຜົນ​ກະທົບ. ປົກກະຕິ​ແລ້ວ ກາ​ຕາ​ແອ​ເວ​ມີ​ຖ້ຽວ​ບິນ​ໄປ​ປະ​ເທດ​ເຫລົ່າ​ນີ້​ສະ​ເລ່ຍວັນ​ລະ 55 ຖ້ຽວ ​ໂດຍ​ມີ​ອາຣັບບີ ຊາ​ອຸ​ດິດ ​ແລະ UAE ​ເປັນ​ຕະຫລາດ​ໃຫຍ່​ທີ່​ສຸດ.

- 1496649199183 960x0 - UAE ຫ້າມຊາວກາຕາແວ່ປ່ຽນເຮືອບິນ

ສື່ UAE ລາຍ​ງານ​ອ້າງ​ທ່ານ ຮາ​ໝັດ ຊາ​ອີ​ບ ອັດ​ຊາມ​ຊີ ລັດຖະມົນຕີ​ຍຸຕິ​ທຳ​ວ່າ: UAE ຈະ​ລົງ​ໂທດ​ຜູ້​ໃດ​ກໍ​ຕາມ​ທີ່​ສະ​ແດງ​ຄວາມ​ເຫັນ​ໃຈ ຫລື ​ໂອນ​ອ່ຽນ​ເຂົ້າຂ້າງ​ກາ​ຕາ ຫລື ຕໍ່ຕ້ານ​ທ່າ​ທີ​ຂອງ UAE ທີ່​ມີ​ຕໍ່​ກາ​ຕາ ບໍ່​ວ່າ​ຈະ​ເປັນ​ຊ່ອງ​ທາງ​ອອນ​ລາຍ, ການ​ຂຽນ​ຂໍ້ຄວາມ ​ແລະ ກ່າວ​ສະ​ແດງ​ຄວາມ​ເຫັນ​ຕ່າງໆ ​ໂດຍ​ອາດ​ຖືກ​ຈຳ​ຄຸກສູງ​ສຸດ 15 ປີ ​ແລະ ປັບ​ໄໝ​ຢ່າງ​ໜ້ອຍ 1.104 ລ້ານ​​ກີບ.

error: Content is protected !!