ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ

ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ - 85 - ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ
ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ - Untitled design - ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ

ລູກເມືອງພວນ

ໃນຂະນະທີ່ທົ່ວທັງໂລກ ກຳລັງປະເຊີນໜ້າກັບວິກິດການດ້ານພະຍາດ ໂຄວິດ-19 ຢູ່ນີ້. ພວກເຮົາຄວນມີສະຕິລະວັງຕົວໃຫ້ສູງ ເພາະອັນໃດກໍສາມາດເກີດຂຶ້ນໄດ້ທຸກເວລາ. ໂດຍສະເພາະແມ່ນຈຳພວກຄົນບໍ່ດີໄດ້ມີຄວາມພະຍາຍາມ ສ້າງຄວາມບໍ່ສະຫງົບ, ກໍ່ຄວາມວຸ້ນວາຍ, ກໍ່ຄວາມແຕກຕື່ນໃຫ້ແກ່ສັງຄົມ ແລະ ປະຊາຊົນບໍ່ມີຄວາມອຸ່ນອຽນທຸ່ນທ່ຽງ, ເຊັ່ນ: ພວກເຂົາອາດຈະປ່ອຍຂ່າວປອມອອກເປັນໄລຍະໄລຍະ ເພື່ອສ້າງຄວາມບໍ່ໄວ້ວາງໃຈຕໍ່ລັດຖະບານ ສປປ ລາວ. ດັ່ງທີ່ພວກເຮົາເຄີຍຮູ້ເຫັນມາແລ້ວຂ່າວປອມຫຼາຍກໍລະນີໄລຍະທີ່ຜ່ານມາ ເຊັ່ນ: ວ່າລາວກໍມີຜູ້ຕິດເຊື້ອ ແຕ່ລັດຖະບານປິດອຳ, ລັດຖະບານບໍ່ໄດ້ເຮັດຫຍັງເລີຍ, ລັດຖະບານຖືເບົາການເຂົ້າ-ອອກເມືອງຂອງຄົນລາວ ແລະ ຊາວຕ່າງປະເທດ, ມີນັກຮຽນຕິດເຊື້ອໄວຣັສ ໂຄໂຣນາ ຢູ່ໂຮງຮຽນນາໆຊາດ, ສູນການຄ້າຊັ່ງຈຽງມີຜູ້ຕິດເຊື້ອ, ໄປກວດເຊື້ອພະຍາດໄດ້ເສຍຄ່າ 3.000.000 ກີບ, ລັດຖະບານບໍ່ມີຄວາມສາມາດຕ້ານພະຍາດນີ້ໄດ້ດອກ. ນອກຈາກນີ້, ການກໍ່ອາດຊະຍາກຳ, ການສວຍໂອກາດກັກຕຸນ ແລະ ຂຶ້ນລາຄາສິນຄ້າ, ການຜະລິດຢາປອມ, ຜ້າອັດປາກປອມ, ເຮັດເຈວລ້າງມືປອມ…ກໍເກີດຂຶ້ນບໍ່ໜ້ອຍ…

ທັງໝົດນີ້ລ້ວນແຕ່ບໍ່ມີຄວາມຈິງ. ສິ່ງທີ່ລັດຖະບານເຮັດໄປເພື່ອຄວາມປອດໄພຂອງປະຊາຊົນພວກເຂົາຊໍ້າບໍ່ເວົ້າເຖິງ ເຊັ່ນ: ພາຍຫຼັງເກີດມີການລະບາດຂອງພະຍາດນີ້ຂຶ້ນມາ ລັດຖະບານກໍໄດ້ຈັດຫາຊື້ເຄື່ອງກວດວັດຊອກຫາເຊື້ອທີ່ທັນສະໄໝຈາກຕ່າງປະເທດ ທັງເຄື່ອງຕິດຕັ້ງ ແລະ ເຄື່ອງພົກພາໄດ້ ໃຫ້ບັນດາດ່ານສາກົນທີ່ຫຼໍແຫຼມ, ແຈກຍາຍໃຫ້ແຕ່ລະແຂວງທີ່ມີຄວາມສ່ຽງ, ຈັດຕັ້ງໜ່ວຍສະເພາະກິດຂຶ້ນໂດຍກະຊວງສາທາລະນະສຸກເປັນໃຈກາງ ເພື່ອຕິດຕາມ ເຝົ້າລະວັງ ຕ້ານ ແລະ ສະກັດກັ້ນ ພະຍາດໂຄວິດ-19 ຕະຫຼອດ 24 ຊົ່ວໂມງ ແລະ ລາຍງານໃຫ້ນາຍົກລັດຖະມົນຕີ ແລະ ຮອງລັດຖະມົນຕີ 2 ຄັ້ງຕໍ່ວັນ ພ້ອມດຽວກັນກໍອອກມາຕອບໂຕ້ຂ່າວປອມທີ່ບິດເບືອນຄວາມຈິງຢ່າງທັນການ, ອອກປະກາດແຈ້ງການຢຸດຕິການຈັດຕັ້ງກິດຈະກຳຕ່າງໆທີ່ມີຈຳນວນຄົນເຂົ້າຮ່ວມເປັນຈຳນວນຫຼວງຫຼາຍ, ປິດດ່ານຊາຍແດນ ທີ່ມີຄວາມຫຼໍແຫຼມຊົ່ວຄາວ, ປິດສາຍການບິນບາງສາຍທີ່ມີຄວາມອັນຕາຍ, ເຕືອນໃຫ້ປະຊາຊົນຫຼຸດຜ່ອນການໄປຕ່າງປະເທດໂດຍບໍ່ມີຄວາມຈຳເປັນ, ທາງກະຊວງສາທາລະນະສຸກ ກໍອອກແບບແນະນຳວິທີປ້ອງກັນພະຍາດໃຫ້ປະຊາຊົນຮັບຊາບ…

ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ - Wave100S AD to Website 2020 0 - ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ

ເມື່ອເປັນເຊັ່ນນີ້, ການຮັບເບິ່ງ ຫຼື ຮັບຟັງບັນຫາຕ່າງໆ ຫຼື ເວົ້າຢ່າງໜື່ງວ່າ ການເສບຂ່າວຕ່າງໆ ຈົ່ງໃຫ້ມີສະຕິລະມັດລະວັງ ເພື່ອບໍ່ຕົກເຂົ້າສູ້ເລຫຼ່ຽມກົນອຸບາຍຂອງພວກຄົນບໍ່ດີ ທີ່ຍາມໃດກໍຫວັງມ້າງເພທຳລາຍ ພາບພົດຂອງລັດຖະບານລາວຕໍ່ປະຊາຄົມໂລກ. ພວກເຮົາທຸກຄົນປະຊາຊົນລາວ ໃນຍາມວິກິດຄືແນວນີ້ ຈົ່ງຢູ່ຄຽງຂ້າງລັດຖະບານຂອງພວກເຮົາເພື່ອຕ້ານ ແລະ ສະກັດກັ້ນການໃສ່ຮ້າຍປ້າຍສີຂອງພວກຄົນບໍ່ດີຕໍ່ລັດຖະບານລາວ, ພວກເຮົາຈົ່ງເປັນຫູເປັນຕາຊ່ວຍລັດຖະບານ ເພື່ອປ້ອງກັນບໍ່ໃຫ້ພະຍາດ ໂຄໂຣນາ ເກີດຂຶ້ນຢູ່ບ້ານເຮົາ, ໂດຍສະເພາະແມ່ນໃນຂະນະທີ່ລາວເຮົາຍັງບໍ່ທັນພົບກໍລະນີຕິດເຊື້ອນີ້ ພວກກຸ່ມຄົນບໍ່ດີແຮ່ງອອກແຮງໃສ່ຮ້າຍປ້າຍສີລັດຖະບານບໍ່ເວັ້ນແຕ່ລະວັນ.

ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ - WhatsApp Image 2020 05 27 at 5 - ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ
ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ - WhatsApp Image 2020 05 27 at 5 - ການເສບຂ່າວໄລຍະນີ້ໃຫ້ມີສະຕິສູງຂຶ້ນຕື່ມ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!