ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ

- 1496818452499 960x0 - ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ
- Untitled design - ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ

- S - ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ

​ເຊ​ອຸນ 7 ມິຖຸນາ: ສ.​ເກົາຫລີ ສັ່ງ​ຫ້າມ​ຂົນ​ສົ່ງ​ສັດ​ປີກ​ທົ່ວ​ປະ​ເທດ​ເປັນ​ການ​ຊົ່ວຄາວ, ຂະນະ​ທີ່​ກຳລັງ​ພະຍາຍາມ​ຄວບ​ຄຸມ​ການລະບາດ​ຂອງ​ເຊື້ອ​ໄວຣັສ​ໄຂ້ຫວັດ​ສັດ​ປີກ H5N6 ​ເຊິ່ງ​ເຮັດ​ໃຫ້​ຕ້ອງ​ກຳຈັດ​ສັດ​ປີກ​ແລ້ວ​ປະມານ 190.000 ​ໂຕ.

ສ.​ເກົາຫລີ ຢືນຢັນ​ພົບ​ການລະບາດ​ຂອງ​ໄຂ້ຫວັດ​ສັດ​ປີກ​ເປັນ​ແຫ່ງ​ທຳ​ອິດ​ຢູ່​ເກາະ​ເຊ​ຈູ​ທາງ​ຕອນ​ໃຕ້​ຂອງ​ປະ​ເທດ​ໃນ​ວັນ​ທີ 2 ມິຖຸນາ ​ແລະ ພົບ​ອີກ 4 ​ແຫ່ງ​ໃນ​ພື້ນທີ່​ຕ່າງ​ກັນ​ທົ່ວ​ປະ​ເທດ. ກະຊວງ​ກະສິກຳ ສ.​ເກົາຫລີ ຖະ​ແຫລ​ງວ່າ: ທາງ​ການ ສ.​ເກົາຫລີ ​ໄດ້​ອອກ​ປະກາດ​ເຕືອນ​ຮັບ​ມື​ການ​ແຜ່​ລະບາດ​ຂອງ​ໄຂ້ຫວັດ​ສັດ​ປີກ​ທົ່ວ​ປະ​ເທດ​ໃນ​ລະດັບ​ສູງ​ສຸດ​ໃນ​ວັນ​ທີ 30 ພຶດສະພາ ​ແລະ ສັ່ງ​ກຳຈັດ​ໄກ່, ​ເປັດ ​ແລະ ສັດ​ປີກ​ອື່ນໆຫລາຍ​ກວ່າ 180.000 ​ໂຕ. ​ເຖິງ​ຢ່າງ​ໃດ​ກໍ​ຕາມ, ທາງ​ການ​ຄາດ​ວ່າ​ຈະ​ສາມາດ​ຄວບ​ຄຸມ​ການລະບາດ​ໄດ້​ໃນ​ເວລາ​ອັນ​ໃກ້​ນີ້. ການ​ຍົກ​ລະດັບ​ການ​ເຝົ້າລະວັງ​ໄຂ້ຫວັດ​ສັດ​ປີກ​ເປັນ​ລະດັບ​ສູງ​ສຸດ​ຈາກ​ທັງ​ໝົດ 4 ລະດັບ ໝາຍ​ຄວາມ​ວ່າ: ​ເຈົ້າໜ້າ​ທີ່​ສາມາດ​ສັ່ງ​ຫ້າມ​ການ​ຂົນ​ສົ່ງ​ສັດ​ປີກ, ປິດ​ຮ້ານ​ຄ້າ ​ແລະ ​ໂຮງ​ຂ້າ​ສັດ, ​ໃຫ້​ວັກ​ແຊງ​ແກ່​ສັດ​ປີກ ​ແລະ ຂ້າ​ເຊື້ອພະຍາດ​ພາຫະນະ​ຢູ່​ຖະໜົນ ພາຍ​ໃຕ້​ມາດ​ຕະການ​ຫ້າມ​ຂົນ​ສົ່ງ​ສັດ​ປີກ​ເປັນ​ເວລາ 24 ຊົ່ວ​ໂມງ ທີ່​ມີ​ຜົນ​ບັງຄັບ​ໃຊ້​ນັບ​ແຕ່​ວັນ​ທີ 31 ພຶດສະພາ ລະບຸ​ຫ້າມ​ກະສິກອນ​ຜູ້​ລ້ຽງສັດ​ປີກ​ເດີນທາງ ​ແລະ ຫ້າມ​ຂົນ​ສົ່ງ​ສັດ​ປີກ​ລະຫວ່າງ​ຟາ​ມທີ່​ຈະ​ຕ້ອງ​ຖືກກຳຈັດ​ເຊື້ອ.

- Wave100S AD to Website 2020 0 - ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ

ສ.​ເກົາຫລີ ຜະ​ເຊີນ​ການລະບາດ​ຂອງ​ເຊື້ອ​ໄວຣັສ​ໄຂ້ຫວັດ​ສັດ​ປີກ​ໜັກ​ທີ່​ສຸດ​ໃນ​ທ້າຍ​ປີຜ່ານມາ ​ເຮັດ​ໃຫ້​ມີ​ສັດ​ປີກ​ຖືກ​ກຳຈັດ​ແລ້ວຫລາຍ​ກວ່າ 30 ລ້ານ​ໂຕ ສົ່ງ​ຜົນ​ໃຫ້​ລາຄາ​ໄຂ່​ເພີ່ມ​ສູງ​ຂຶ້ນ. ​ເຖິງ​ຢ່າງ​ໃດ​ກໍ​ຕາມ, ຍັງ​ບໍ່​ມີ​ລາຍ​ງານ​ພົບ​ຄົນ​ຕິດ​ເຊື້ອ​ໄຂ້ຫວັດ​ສັດ​ປີກ H5N6 ຢູ່ ສ.​ເກົາຫລີ, ​ເຖິງ​ວ່າ​ຢູ່​ຈີນ​ມີ​ລາຍ​ງານ​ຜູ້​ເສຍ​ຊີວິດ​​ແລ້ວ 6 ຄົນ​ໃນ​ປີ 2014-2016.

- WhatsApp Image 2020 05 27 at 5 - ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ
- WhatsApp Image 2020 05 27 at 5 - ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ
error: Alert: ເນື້ອຫາຂ່າວມີລິຂະສິດ !!