ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ

ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ - 43 1 - ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ
ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ - Untitled design - ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ

                                                ລູກເມືອງພວນ

ສະບາຍດີທ່ານຜູ້ອ່ານທີ່ຮັກແພງ, ໃນສະພາບທີ່ທົ່ວໂລກກຳລັງປະເຊີນໜ້າກັບການລະບາດຂອງພະຍາດໂຄວິດ-19 ຢູ່ໃນຂະນະນີ້, ມີຫຼາຍປະເທດກໍໄດ້ວາງມາດຕະການໃນການຕ້ານ, ສະກັດກັ້ນ ແລະ ປ້ອງກັນຢ່າງເຂັ້ມງວດເດັດຂາດ ພ້ອມທັງໃຫ້ການຊ່ວຍເຫຼືອ, ຮ່ວມມືຊຶ່ງກັນ ແລະ ກັນ ເພື່ອຕໍ່ສູ້ກັບສັດຕູໂຕຮ້າຍກາດໃນຄັ້ງນີ້, ມັນແມ່ນພາລະກິດລວມຂອງທົ່ວຄົນທັງໂລກ, ຖ້າພວກຫາກຢືນຢູ່ໂດດດ່ຽວຄົງຈະສູ້ບໍ່ໄຫວ. ຈົ່ງເອົາໃຈຊ່ວຍກັນປ້ອງກັນໂຄວິດ-19 ໃຫ້ມີໄຊ.

ສຳລັບຢູ່ລາວເຮົາ ເຖິງແມ່ນວ່າຍັງບໍ່ທັນພົບກໍລະນີຜູ້ຕິດເຊື້ອກໍຕາມ ແຕ່ລັດຖະບານລາວກໍໄດ້ເຮັດທຸກສິ່ງທຸກຢ່າງ ເພື່ອປ້ອງກັນດ້ວຍຄວາມບໍ່ປະໝາດ ເປັນຕົ້ນແມ່ນໄດ້ຈັດຊື້ເຄື່ອງວັດແທກຄວາມຮ້ອນເພື່ອຊອກຫາເຊື້ອພະຍາດທັງແບບພົກພາ ແລະ ຕິດຕັ້ງ, ກວດກາຄົນເຂົ້າ- ອອກເມືອງຢ່າງເຄັ່ງຄັດ, ນຳຊອກ ແລະ ກັກຕົວຜູ້ທີ່ຕ້ອງສົງໄສ, ອອກປະກາດແຈ້ງການຫ້າມການຈັດກິດຈະກຳຕ່າງໆ ທີ່ມີຄວາມສ່ຽງຈະຕິດເຊື້ອໄວຣັສ, ປິດດາ່ນຊາຍແດນທີ່ມີຄວາມຫຼໍ່ແຫຼມຊົ່ວຄາວ, ຫ້າມພະນັກງານລັດໄປເຄື່ອນໄຫວລັດຖະກິດຢູ່ຕ່າງປະເທດ ພ້ອມທັງແນະນຳວິທີການປ້ອງກັນພະຍາດດັ່ງກ່າວໃຫ້ປະຊາຊົນຮັບຊາບຢ່າງທົ່ວເຖິງ…ນອກຈາກນີ້, ຕ່າງປະເທດຍັງໃຫ້ການຊ່ວຍເຫຼືອຢ່າງຫຼວງຫຼາຍໃຫ້ແກ່ປະຊາຊົນລາວໃນການຕ້ານ, ສະກັດກັ້ນ ແລະ ປ້ອງກັນພະຍາດດັ່ງກ່າວ ໂດຍສະເພາະແມ່ນສະຫະລັດອາເມລິກາ …

ໜ່ວຍສະເພາະກິດຕ້ານ ແລະ ສະກັດກັ້ນພະຍາດໂຄວິດ-19 ກໍໄດ້ເອົາໃຈໃສ່ຕິດຕາມຂໍ້ມູນຂ່າວສານ, ຮ່ວມມືກັບອົງການອານາໄມໂລກຢ່າງໃກ້ຊິດ ແລະ ຖະແຫຼງການຕໍ່ຕ້ານການບິດເບືອນຂອງກຸ່ມຄົນບໍ່ດີ ທີ່ຫວັງປັ່ນປ່ວນ ໃຫ້ປະຊາຊົນ ແລະ ສັງຄົມແຕກຕື່ນ ຢ້ານກົວ ກັງວົນໃນທຸກກໍລະນີ. ຕໍ່ບັນຫານີ້ເຈົ້າໜ້າທີ່ກໍສາມາດຈັບກຸມພວກຄົນບໍ່ດີໄດ້ຈຳນວນໜຶ່ງ ທີ່ສ້າງຄວາມປັ່ນປ່ວນໄດ້ແລ້ວ.

ເຖິງຢ່າງໃດກໍດີ, ເຖິງແມ່ນວ່າຢູ່ປະເທດເຮົາຈະຍັງບໍ່ທັນພົບເຫັນກໍລະນີຜູ້ຕິດເຊື້ອກໍຕາມ ແຕ່ຖ້າພວກເຮົາຈະຖິ້ມໃຫ້ແຕ່ລັດຖະບານແຕ່ຝ່າຍດຽວຄິດວ່າຍັງຈະບໍ່ທັນພຽງພໍ, ຫາກຕ້ອງແມ່ນປະຊາຊົນທຸກຄົນໃຫ້ການຮ່ວມມືກັບລັດຖະບານຕື່ມອີກຄົງຈະເປັນການດີ ເປັນຕົ້ນ ແມ່ນຕ້ອງປະຕິບັດຕາມທຸກປະກາດແຈ້ງການຂອງລັດຖະບານທຸກສະບັບໃຫ້ເຂັ້ມງວດ, ເປັນເຈົ້າການໃນການປ້ອງກັນດ້ວຍຕົນເອງກ່ອນ, ຕື່ນຕົວລາຍງານ ແລະ ກັກຕົວເອງເມື່ຶອໄປຕ່າງປະເທດກັບຄືນມາ, ເວລາມີປາກົດການຜິດປົກກະຕິກໍຮີບຟ້າວໄປຫາແພດໝໍ ກວດຫາເຊື້ອໃຫ້ທັນການ, ບໍ່ປິດອຳຂໍ້ມູນການເຄື່ອນທີ່ຂອງຕົນເອງ, ຫຼຸດຜ່ອນການໄປທ່ອງທ່ຽວຕ່າງປະເທດບ່ອນທີ່ມີຄວາມສ່ຽງຕິດເຊື້ອໄວຣັສ ໂຄວິດ-19.

ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ - Wave100S AD to Website 2020 0 - ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ

ຖ້າປະຊາຊົນທຸກຄົນຫາກປະຕິບັດໄດ້ຄືແນວນັ້ນ ຄິດວ່າປະເທດລາວຂອງພວກເຮົາຄົງຈະສະກັດກັ້ນບໍ່ໃຫ້ພະຍາດລະບາດຢູ່ບ້ານເຮົາໄດ້ໃນລະດັບໜຶ່ງ. ພ້ອມດຽວກັນກໍຕ້ອງເປັນເຈົ້າການ ແລະ ເປັນຫູເປັນຕາສອດສ່ອງຜູ້ທີ່ປ່ອຍຂ່າວປອມ ຫຼອກລວງໃຫ້ປະຊາຊົນແຕກຕື່ນຢ້ານກົວລາຍງາຍໃຫ້ເຈົ້າໜ້າທີ່ກ່ຽວຂ້ອງຮັບຊາບ.

ຫວັງຢ່າງຍິ່ງວ່າ ຍາມວິກິດແບບນີ້ປະຊາຊົນລາວຄວນຈະສາມັກຄີກັນ, ພ້ອມກັນເປັນເຈົ້າການໃນການຕ້ານ ປ້ອງກັນ ແລະ ສະກັດກັ້ນບໍ່ໃກ້ພະຍາດໂຄວິດ-19 ລະບາດຂຶ້ນຢູ່ບ້ານເຮົາໄດ້ເດັດຂາດ.

ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ - WhatsApp Image 2020 05 27 at 5 - ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ
ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ - WhatsApp Image 2020 05 27 at 5 - ສາມັກຄີປອງດອງປ້ອງກັນພະຍາດໂຄວິດ-19 ທົ່ວປວງຊົນ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!