ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 183 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ
ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - Untitled design - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ທ່າມກາງ​ການ​ແຜ່​ລະບາດຂອງ​ໄວຣັສ​ໂຄ​ວິດ-19 ທີ່​ທົ່ວ​ໂລກ​ຕ່າງ​ກຳລັງ​ກັງວົນ ​ເຮັດ​ໃຫ້​ຫລາຍ​ປະ​ເທດ​ຕ້ອງ​ມີ​ມາດ​ຕະການ​ປ້ອງ​ກັນ​ການ​ແຜ່​ລະບາດ​ຂອງ​ໄວຣັສດັ່ງກ່າວ ​ໂດຍ​ໂຄ​ວິດ-19 ຍັງ​ສົ່ງ​ຜົນ​ກະທົບ​ສັ່ນ​ສະ​ເທືອ​ນ​ໂລກ​ຢ່າງ​ຕໍ່​ເນື່ອງ ​ເຮັດ​ໃຫ້​ຫລາຍ​ປະ​ເທດ​ປະກາດ​ປິດ​ເມືອງ, ປິດ​ຊາຍ​ແດນ ລວມ​ໄປ​ເຖິງ​ປິດ​ປະ​ເທດ.

      ຫລ້າ​ສຸດ​ຕົວ​ເລກ​ໃນ​ວັນ​ທີ 17 ມີນາ 2020 ກະຊວງ​ສາທາລະນະ​ສຸກ​ໄທ ລາຍ​ງານ​ສະຖານະ​ການ​ທົ່ວ​ໂລກ​ໃນ 160 ປະ​ເທດ 2 ​ເຂດ​ບໍລິຫານ​ພິ​ເສດ 1 ​ເຮືອສໍາລານ ຂໍ້​ມູນ​ນັບ​ແຕ່ 5 ມັງກອນ – 17 ມີນາ 2020 (​ເວລາ 07:00 ​ໂມງ) ພົບ​ຜູ້​ປ່ວຍ​ຢືນຢັນ​ຕິດ​ເຊື້ອຈຳນວນ 179.188 ຄົນ, ​ເສຍ​ຊີວິດ 7.066 ຄົນ, ສ່ວນ​ປະ​ເທດ​ຈີນ​ພົບ​ຜູ້​ປ່ວຍ 80.880 ຄົນ, ​ເສຍ​ຊີວິດ 3.213 ຄົນ.

      ມີ​ປະ​ເທດ​ໃດ​ແລ້ວ ທີ່​ໄດ້​ປິດ​ປະ​ເທດ​ເພື່ອ​ປ້ອງ​ກັນ​ການ​ແຜ່​ເຊື້ອ​ໄວຣັສ​ໂຄ​ວິດ-19

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 2 11 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ປະ​ເທດ​ອິຕາ​ລີ : ວັນ​ທີ 9 ມີນາ ລັດຖະບານ​ອິຕາ​ລີ​ປະກາດ​ເພີ່ມ​ມາດ​ຕະການ​ປິດ​ເມືອງ​ເປັນ​ທົ່ວ​ປະ​ເທດ ຈາກທີ່​ເຄີຍ​ບັງຄັບ​ໃຊ້​ມາດ​ຕະການ​ດັ່ງກ່າວ​ພຽງພື້ນທີ່​ທາງ​ຕອນ​ເໜືອ​ຂອງ​ປະ​ເທດ​ເທົ່າ​ນັ້ນ ​ເພື່ອ​ຈຳກັດ​ການລະບາດ​ຂອງ​ໄວຣັສ​ໂຄ​ວິດ-19 ພາຍຫລັງ​ຈຳນວນ​ຜູ້​ເສຍ​ຊີວິດ ​ແລະ ຜູ້​ຕິດ​ເຊື້ອ​ເພີ່ມ​ສູງ​ຂຶ້ນ ສົ່ງ​ຜົນ​ໃຫ້​ອິຕາ​ລີ​ກາຍ​ເປັນ​ປະ​ເທດ​ທີ່​ມີ​ການລະບາດ​ໜັກ​ທີ່​ສຸດ​ຮອງ​ຈາກ​ຈີນ​ເທົ່າ​ນັ້ນ.

     ທ່ານ ຊູ​ເຊບ​ເປ ຄອນ​ເຕ ນາຍົກລັດຖະມົນຕີອິຕາລີ ລະບຸ​ວ່າ: ປະຊາຊົນ​ທົ່ວ​ປະ​ເທດ​ປະມານ 60 ລ້ານ​ຊີວິດ ບໍ່​ສາມາດ​ເດີນທາງ​ອອກ​ນອກ​ເຮືອນ ຍົກ​ເວັ້ນ​ແຕ່​ຈຳ​ເປັນ​ຕ້ອງ​ເດີນທາງ​ໄປ​ເຮັດ​ວຽກ ຫລື ມີ​ເຫດ​ສຸກ​ເສີນ​ເທົ່າ​ນັ້ນ. ນອກຈາກ​ນີ້ ຍັງ​ມີ​ຄຳ​ສັ່ງ​ຫ້າມ​ການ​ຈັດ​ກິດຈະກຳ​ຊຸມນຸມ​ສາທາລະນະ​ຕ່າງໆ ​ໂດຍ​ມາດ​ຕະການ​ນີ້​ມີ​ຜົນ​ນັບ​ແຕ່​ວັນ​ທີ 10 ມີນາ ​ໄປ​ຈົນ​ເຖິງ 3 ​ເມສາ 2020. ​ເຖິງ​ຢ່າງ​ໃດ​ກໍ​ດີ, ລະບົບ​ຂົນ​ສົ່ງ​ສາທາລະນະ​ຈະ​ຍັງ​ເປີດ​ໃຫ້​ບໍລິການ​ຕາມ​ປົກກະຕິ.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 3 8 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

      ສະຫະລັດ​ອາ​ເມ​ລິ​ກາ : ວັນ​ທີ 11 ມີນາ ທ່ານ ​ໂດ​ນັລ ທຣຳ ປະທານາທິບໍດີ​ອາ​ເມ​ລິກາ ປະກາດ​ວ່າ: ອາ​ເມ​ລິ​ກາ​ຈະ​ໂຈະ​ການ​ເດີນທາງ​ຈາກ​ເອີຣົບ​ເຂົ້າສູ່​ປະ​ເທດ​ເປັນ​ເວລາ 30 ວັນ ​ເລີ່​ມ​ແຕ່​ວັນ​ທີ 13 ມີນາ 2020. ຖະ​ແຫລ​ງການ​ຈາກ​ປະທານາທິບໍດີ​ອາ​ເມ​ລິ​ກາ ລະບຸ​ວ່າ: ການ​ໂຈະ​ການ​ເດີນທາງ​ດັ່ງກ່າວ​ເປັນ​ມາດ​ຕະການ​ທີ່​ຈຳ​ເປັນ ຫລັງ​ຈາກ​ສະຖານະ​ການ​ການ​ແຜ່​ລະບາດ​ຂອງ​ໄວຣັສ​ໂຄ​ໂຣນາສາ​ຍພັນ​ໃໝ່​ຢູ່​ເອີຣົບ​ເຮັດ​ໃຫ້​ມີ​ຜູ້​ຕິດ​ເຊື້ອ​ແລ້ວ​ຫລາຍ​ກວ່າ 22.000 ຄົນ.

      ປະທານາທິບໍດີ​ອາ​ເມ​ລິ​ກາ ລະບຸ​ອີກ​ວ່າ: ປະກາດ​ຫ້າມ​ເດີນທາງ​ດັ່ງກ່າວ​ຈະ​ບໍ່​ລວມ​ເຖິງ​ພົນລະ​ເມືອງ​ອາ​ເມ​ລິ​ກາ ​ແລະ ຜູ້​ທີ່​ເດີນທາງ​ມາ​ຈາກ​ປະ​ເທດ​ອັງກິດ. ພ້ອ​ມ​ແນະນຳ​ໃຫ້​ຄົນ​ອາ​ເມ​ລິ​ກາ​ຫລີກ​ເວັ້ນການ​ເດີນທາງ​ທີ່​ບໍ່​ຈຳ​ເປັນ.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 4 9 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ປະ​ເທດ​ອິນ​ເດຍ : ວັນ​ທີ 12 ມີນາ ສຳນັກ​ສື່ສານ​ອົງ​ກອນ ພະ​ທຳ​ມະ​ທູດ​ສາຍ​ປະ​ເທດ​ອິນ​ເດຍ-​ເນ​ປານ ​ໄດ້​ໂພສຂໍ້ຄວາມ ພ້ອມ​ປະກາດ​ວ່າ: ອິນ​ເດຍປະກາດ​ປິດ​ປະ​ເທດ​ເປັນ​ການ​ຊົ່ວຄາວ ຫ້າມ​ນັກ​ທ່ອງ​ທ່ຽວ​ຕ່າງປະ​ເທດ​ເດີນທາງ​ເຂົ້າລະຫວ່າງ​ວັນ​ທີ 13 ມີນາ -15 ​ເມສາ.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 5 10 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ປະ​ເທດ​ແອັສປາຍ : ວັນ​ທີ 14 ມີນາ ລັດຖະບານ​ແອັສປາຍ ປະກາດ​ໃຊ້​ນະ​ໂຍບາຍ​ປິດ​ປະ​ເທດ​ເພື່ອນ​ຕໍ່ສູ້ກັບ​ການ​ແຜ່​ລະບາດ​ຂອງ​ໄວຣັສ​ໂຄ​ວິດ-19 ຫລັງ​ພົບ​ຕົວ​ເລກ​ຜູ້​ຕິດ​ເຊື້ອ​ເພີ່ມ​ຂຶ້ນຢ່າງ​ຕໍ່​ເນື່ອງ​ຢູ່​ເອີຣົບ. ຄຳ​ສັ່ງ​ດັ່ງກ່າວ​ຖື​ວ່າ​ມີ​ຜົນ​ບັງຄັບ​ໃຊ້​ໃນ​ທັນທີ ​ໂດຍ​ຕໍ່​ຈາກ​ນີ້ ຄົນ​ແອັສປາຍ​ທຸກ​ຄົນ​ຈະ​ຕ້ອງ​ຢູ່​ພາຍ​ໃນ​ເຮືອນ ຍົກ​ເວັ້ນ​ແຕ່​ອອກ​ມາ​ຊື້ຢາ, ອາຫານ, ​​ໄປ​ເຮັດ​ວຽກ, ​ໄປ​ໂຮງໝໍ ຫລື ມີ​ເຫດ​ສຸກ​ເສີນ​ຮີບ​ດ່ວນ​ເທົ່າ​ນັ້ນ.

      ປັດຈຸບັນ ​ແອັສປາຍ​ເປັນ​ປະ​ເທດ​ທີ່​ສະຖານະ​ການ​ການ​ແຜ່​ລະບາດ​ຂອງ​ໄວຣັສ​ໂຄ​ໂຣນາສາ​ຍພັນ​ໃໝ່​ຮຸນ​ແຮງ​ເປັນອັນ​ດັບ 2 ຮອງ​ຈາກ​ອິຕາ​ລີ. ຂະນະ​ດຽວ​ກັນ ຫລັງ​ການ​ປະກາດ​ປິດ​ປະ​ເທດ​ແອັສປາຍ​ບໍ່​ດົນ ມີ​ລາຍ​ງານ​ຂ່າວ​ຢືນຢັນ​ວ່າ: ທ່ານ ນາງ ມາຣີອາ ຊານ​ເຊ​ສ ພັນ​ລະ​ຍາ​ຂອງ​ນາຍົກລັດຖະມົນຕີ​ແອັສປາຍ ​ໄດ້​ຮັບ​ການ​ຢືນຢັນ​ວ່າ​ຕິດ​ເຊື້ອ​ໂຄ​ວິດ-19 ນຳ​ອີກ.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 6 6 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ປະ​ເທດ​ມາ​ເລ​ເຊຍ : ວັນ​ທີ 16 ມີນາ ປະກາດ​ໂດຍ​ທ່ານ ມູຍິດດິນ ຍັສຊິນ ນາຍົກລັດຖະມົນຕີມາ​ເລ​ເຊຍ ສັ່ງ​ຫ້າມພົນລະ​ເມືອງ​ເດີນທາງ​ໄປ​ຕ່າງປະ​ເທດ ​ແລະ ຫ້າມ​ຄົນ​ຕ່າງປະ​ເທດ​ເດີນທາງ​ເຂົ້າປະ​ເທດ​ເປັນ​ເວລາ 2 ອາທິດ ​ໂດ​ຍ​ເລີ່​ມຈາກ​ວັນ​ທີ 18 ມີນາ ຈົນ​ເຖິງ​ວັນ​ທີ 31 ມີນາ.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - Wave100S AD to Website 2020 0 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ
ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 7 5 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ປະ​ເທດ​ກາ​ນາ​ດາ : ວັນ​ທີ 16 ມີນາ ທ່ານ ຈັສຕິນ ທຣູ​ໂດ ນາຍົກລັດຖະມົນຕີຂອງການາ​ດາ ​ໄດ້​ປະກາດ​ປິດ​ກັ້ນຊາຍ​ແດນ​ຂອງ​ກາ​ນາ​ດາ ​ໂດຍ​ຫ້າມ​ຄົນ​ຕ່າງປະ​ເທດ​ເດີນທາງ​ເຂົ້າມາ​ໃນ​ປະ​ເທດ​ທັງ​ໝົດ ຍົກ​ເວັ້ນລູກ​ເຮືອ, ນັກ​ການ​ທູດ, ສະມາຊິກ​ໃນ​ຄອບຄົວ​ຂອງ​ພົນລະ​ເມືອງ​ກາ​ນາ​ດາ ​ແລະ ພົນລະ​ເມືອງ​ສະຫະລັດ​ອາ​ເມ​ລິ​ກາ​ໃນ​ເວລາ​ນີ້.

     ​ໂດຍ​ນາຍົກລັດຖະມົນຕີການາດາ ລະບຸ​ວ່າ: “​ເຖິງ​ເວລາ​ທີ່​ຕ້ອງ​ເຮັດ​ທຸກ​ວິທີ​ທາງ​ເພື່ອ​ປົກ​ປ້ອງ​ຄວາມ​ປອດ​ໄພ​ຂອງ​ປະຊາຊົນ”.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 8 4 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

     ປະ​ເທດ​ເຢຍລະ​ມັນ : ວັນ​ທີ 16 ມີນາ ​ເຢຍລະ​ມັນ ທີ່​ຕັດສິນ​ໃຈ​ປະກາດ​ປິດ​ຊາຍ​ແດນ​ທີ່​ຕິດ​ຕໍ່​ກັບ​ຝຣັ່ງ, ​ໂອ​ຕຣິດ ​ແລະ ສະ​ວິດ ​ເປັນ​ເວລາ 30 ວັນ ​ເລີ່​ມຈາກ​ວັນ​ທີ 16 ມີນາ ​ໂດຍ​ຈະ​ຍົກ​ເວັ້ນສະ​ເພາະ​ການ​ຂົນ​ສົ່ງ​ສິນຄ້າ ​ແລະ ການ​ເດີນທາງ​ຂອງ​ຜູ້​ອາ​ໄສ​ຢູ່​ຖາວອນ​ໃນ​ສະຫະພາບ​ເອີຣົບ, ສະມາຊິກ​ຄອບຄົວ​ຂອງ​ຜູ້​ຖື​ສັນຊາດ​ສະມາຊິກ​ເອີຣົບ, ນັກ​ການ​ທູດ ລວມທັງ​ເຈົ້າໜ້າ​ທີ່​ສາທາລະນະສຸກ.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 9 2 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

      ປະ​ເທດ​ກາ​ຕາ : ວັນ​ທີ 16 ມີນາ ປະກາດ​ໂດຍ ສະຖານ​​ເອກ​ອັກຄະລາຊະທູດ ຢູ່​ນະຄອນຫລວ​ງ​ໂດ​ຮາ ລະບຸ​ວ່າ: ​ໂຈະ​ການ​ເຂົ້າ​ເມືອງ​ຊົ່ວຄາວ​ເປັນ​ເວລາ 2 ອາທິດ ນັບ​ແຕ່​ເວລາ​ນີ້​ເປັນຕົ້ນ​ໄປ ​ໂດຍ​ຜູ້​ທີ່​ເດີນທາງ​ອອກ​ຈາກ​ກາ​ຕາ ​ແລະ ຈະ​ແວ່​ຜ່ານ​ເພື່ອ​ປ່ຽນ​ເຮືອບິນ​ຢູ່​ສະໜາມ​ບິນ​ນະຄອນຫລວງ​ໂດ​ຮາ ​ໂດຍ​ບໍ່​ອອກ​ຈາກ​ສະໜາມ​ບິນ ​ແລະ ການ​ຂົນ​ສົ່ງ​ສິນຄ້າ​ຍັງ​ດຳ​ເນີນ​ການ​ໄດ້​ຕາມ​ປົກກະຕິ.

      ສຳລັບ​ບຸກຄົນ​ສັນຊາດ​ກາ​ຕາ​ສາມາດ​ເຂົ້າກາ​ຕາ​ໄດ້​ ​ແຕ່​ຈະ​ຕ້ອງ​ໄດ້​ຮັບ​ການ​ກັກ​ຕົວ​ເປັນ​ເວລາ 14 ວັນ​ຢູ່​ສະຖານ​ທີ່​ທີ່​ທາງ​ການ​ກາ​ຕາ​ຈັດ​ໄວ້.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - 10 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ

      ປະ​ເທດ​ຝຣັ່ງ : ວັນ​ທີ 17 ມີນາ ປະທານາທິບໍດີ ​ເອັມມາ​ນູ​ເອລ ມາຄຣົງ ຂອງຝຣັ່ງ ປະກາດ​ຂໍ​ການ​ຮ່ວມ​ມື​ໃຫ້​ປະຊາຊົນງົດ​ເດີນທາງ​ອອກ​ຈາກ​ບ່ອນ​ພັກ​ອາ​ໄສ​ໂດຍ​ບໍ່​ຈຳ​ເປັນ ​ເປັນ​ເວລາ 15 ວັນ ​ເລີ່​ມ​ແຕ່​ເວລາ​ຕອນ​ນີ້​ເປັນຕົ້ນ​ໄປ ​ເນື່ອງ​ຈາກ​ການລະບາດ​ຂອງ​ໂຄ​ວິດ-19 ທີ່​ຮຸນ​ແຮງ​ຂຶ້ນຢູ່​ເອີຣົບ ​ແລະ ອາ​ເມ​ລິ​ກາ.

     ທັງ​ນີ້ ປະທານາທິບໍດີ​ຝຣັ່ງ ​ໄດ້​ຂໍ​ໃຫ້​ປະຊາຊົນ​ຫລີກ​ເວັ້ນການ​ເດີນທາງທີ່​ບໍ່​ຈຳ​ເປັນ​ທັງ​ໝົດ ​ເພື່ອ​ຫລຸດ​ຄວາມ​ສ່ຽງ​ໃນ​ການ​ແຜ່​ກະຈາຍ​ເຊື້ອ​ໄວຣັສ. ນອກຈາກ​ນີ້ ນາຍົກ ຍັງ​ມີ​ຄຳ​ສັ່ງ​ເລື່ອນ​ການ​ເລືອກ​ຕັ້ງທ້ອງ​ຖິ່ນ​ຂອງຝຣັ່ງຮອບ​ທີ 2 ອອກ​ໄປ​ແບບ​ບໍ່​ມີ​ກຳນົດ ​ໂດຍ​ກ່າວ​ວ່າ: “ພວກ​ເຮົາ​ກຳລັງ​ຢູ່​ໃນ​ສົງຄາມ​ດ້ານ​ສາທາລະນະ​ສຸກ”.

ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - WhatsApp Image 2020 05 27 at 5 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ
ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ - WhatsApp Image 2020 05 27 at 5 - ທົ່ວໂລກກັງວົນໄວຣັສໂຄວິດ-19 ອອກມາດຕະການເຂັ້ມ-ທະຍອຍປິດປະເທດ
error: Alert: ເນື້ອຫາຂ່າວມີລິຂະສິດ !!