ເລືອດກຣຸບ A ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່

ເລືອດກຣຸບ a ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່ - 186 - ເລືອດກຣຸບ A ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່
ເລືອດກຣຸບ a ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່ - Untitled design - ເລືອດກຣຸບ A ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່

      ຜົນການສຶກສາຢູ່ຈີນພົບວ່າ: ຄົນທີ່ມີເລືອດກຣຸບ A ອາດຕິດເຊື້ອໄວຣັສໂຄໂຣນາສາຍພັນໃໝ່ສູງ ກວ່າ, ຂະນະຄົນທີ່ມີເລືອດກຣຸບ O ຕ້ານເຊື້ອໄດ້ຫລາຍກວ່າ.

     ນັກວິໄຈຢູ່ຈີນສຶກສາກຣຸບເລືອດຜູ້ປ່ວຍໂຄວິດ-19 ຈຳນວນ 2.000 ກວ່າຄົນ ຢູ່ເມືອງອູ່ຮັ່ນ ແລະ ເຊິນເຈິ້ນ ປຽບທຽບໃສ່ປະຊາກອນສຸຂະພາບດີໃນທ້ອງຖິ່ນພົບວ່າ: ຜູ້ປ່ວຍເລືອດກຣຸບ A ມີອັດຕາການຕິດເຊື້ອສູງກວ່າ ແລະ ມີທ່າອ່ຽງມີອາການຮຸນແຮງຫລາຍກວ່າ.

     ຜູ້ປ່ວຍ 209 ຄົນທີ່ເສຍຊີວິດຈາກໂຄວິດ-19 ຢູ່ອູ່ຮັ່ນ ມີເລືອດກຣຸບ A 85 ຄົນ ສູງກວ່າ 63% ເມື່ອທຽບໃສ່ກຸ່ມ O ທີ່ມີຈຳນວນ 52 ຄົນ ໂດຍພົບລັກສະນະດຽວກັນນີ້ໃນທຸກກຸ່ມອາຍຸ ແລະ ເພດ.

      ເຖິງວ່າຍັງເປັນການສຶກສາໃນເບື້ອງຕົ້ນ ແລະ ຕ້ອງສຶກສາເພີ່ມຕື່ມ, ແຕ່ນັກວິໄຈຮຽກຮ້ອງໃຫ້ລັດ ຖະບານ ແລະ ສະຖານພະຍາບານ ພິຈາລະນາຄວາມແຕກຕ່າງທາງກຣຸບເລືອດ ໃນການວາງແຜນບັນ ເທົາອາການ ຫລື ປິ່ນປົວຜູ້ປ່ວຍໂຄວິດ-19.

       ນັກວິໄຈນຳໂດຍ Wang Xinghuan ຈາກສູນເວດປະຕິບັດອິງຫລັກຖານ ແລະ ປະຣິວັດ ໂຮງໝໍຈົງໜານ ມະຫາວິທະຍາໄລອູ່ຮັ່ນ ລະບຸວ່າ: ຄົນທີ່ຕິດເຊື້ອໄວຣັສໂຄໂຣນາສາຍພັນໃໝ່ ຫລື Sars-CoV2 ເລືອດກຣຸບ A ອາດຕ້ອງການການເຝົ້າລະວັງເພື່ອຫລຸດການຕິດເຊື້ອ ແລະ ການປິ່ນປົວທີ່ເຂັ້ມງວດກວ່າ, ກົງກັນຂ້າມ ຜູ້ປ່ວຍເລືອດກຣຸບ O ມີຄວາມສ່ຽງຕິດເຊື້ອຕໍ່າກວ່າ ເມື່ອທຽບໃສ່ກຣຸບເລືອດອື່ນ.

ເລືອດກຣຸບ a ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່ - Wave100S AD to Website 2020 0 - ເລືອດກຣຸບ A ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່

     ຂໍ້ມູນນີ້ອາດເປັນປະໂຫຍດໃນການໃຊ້ກຣຸບເລືອດລະບົບ ABO ເປັນສ່ວນໜຶ່ງຂອງການບໍລິຫານ ສະຖານະການຕິດເຊື້ອໄວຣັສ Sars-CoV2 ແລະ ການຕິດເຊື້ອໄວຣັສໂຄໂຣນາຊະນິດອື່ນໆ ເພື່ອກຳນົດທາງເລືອກ ແລະ ປະເມີນລະດັບຄວາມສ່ຽງຂອງບຸກຄົນ.

     ການວິໄຈນີ້ເປັນການສຶກສາໂດຍນັກວິທະຍາສາດ ແລະ ໝໍຈາກຫລາຍເມືອງທົ່ວປະເທດຈີນ ລວມທັງປັກກິ່ງ, ອູ່ຮັ່ນ, ຊຽງໄຮ້ ແລະ ເຊິນເຈິ້ນ ແຕ່ຍັງບໍ່ໄດ້ຜ່ານການປະເມີນຈາກຜູ້ຊຳນານການໃນ ແວດວົງ, ເຜີຍແຜ່ໃນເວັບໄຊ Medrxiv.org ໃນວັນທີ 11 ມີນາ.

      Gao Yingdai ນັກວິໄຈຫ້ອງແລບ Experimental Haematology ເມືອງທຽນຈິນ ເຊິ່ງບໍ່ໄດ້ເປັນໜຶ່ງໃນທີມວິໄຈ ກ່າວວ່າ: ເຖິງວ່າກຸ່ມຕົວຢ່າງ 2.000 ບໍ່ເຖິງວ່າຈະນ້ອຍເກີນໄປ ແຕ່ກໍໜ້ອຍກລາຍເມື່ອທຽບໃສ່ຈຳນວນຜູ້ຕິດເຊື້ອໄວຣັສທີ່ທົ່ວໂລກເກີນ 1,8 ແສນຄົນແລ້ວ ອີກຂໍ້ຈຳກັດການສຶກສາຄືຍັງບໍ່ໃຫ້ຄຳອະທິບາຍຊັດເຈນເຊັ່ນ: ປະຕິສຳພັນໂມເລກຸນລະຫວ່າງໄວຣັສກັບຈຸ ລັງເມັດເລືອດແດງແຕ່ລະຊະນິດ. ຜົນການສຶກສາໃໝ່ອາດມີຜົນປະໂຫຍດຕໍ່ບຸກຄະລາກອນການແພດ ແຕ່ປະຊາຊົນທົ່ວໄປບໍ່ຄວນຖືສະຖິຕິຈິງຈັງຈົນເກີນໄປ ຖ້າມີເລືອດກຣຸບ A ກໍບໍ່ໝາຍຄວາມວ່າຈະຕິດເຊື້ອ ຢ່າງແນ່ນອນ, ກົງກັນຂ້າມ ຄົນເລືອດກຣຸບ A ກໍບໍ່ໄດ້ໝາຍຄວາມວ່າຈະປອດໄພຮ້ອຍເປີເຊັນ ທຸກຄົນຍັງ ຕ້ອງລ້າງມື ແລະ ປະຕິບັດຕົວຕາມທີ່ທາງການແນະນຳ.

ເລືອດກຣຸບ a ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່ - WhatsApp Image 2020 05 27 at 5 - ເລືອດກຣຸບ A ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່
ເລືອດກຣຸບ a ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່ - WhatsApp Image 2020 05 27 at 5 - ເລືອດກຣຸບ A ສ່ຽງ ໂຄວິດ-19 ຫລາຍກວ່າເລືອດກຣຸບອື່ນແທ້ ຫລື ບໍ່
error: Alert: ເນື້ອຫາຂ່າວມີລິຂະສິດ !!