ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ

ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ - 11 4 - ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ
ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ - 174233 - ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ

ລູກເມືອງພວນ

ຕົ້ນລົມຂອງພາຍຸ ໂຄວິດ-19 ໃນເບື້ອງຕົ້ນມີຊື່ວ່າ ໂຄໂຣນາ ສາຍພັນ

ໃໝ່ຊຶ່ງໄດ້ກໍ່ຕົວຂຶ້ນແຕ່ທ້າຍປີ 2019 ຢູ່ທີ່ເມືອງອູຮັ່ນ ປະເທດຈີນ ແລະ ເລີ່ມມີພະລັງແຮງຂຶ້ນໃນຊ່ວງເດືອນມັງກອນປີ 2020 ນີ້ເປັນຕົ້ນມາ ຊຶ່ງຫົວລົມຢູ່ຈີນໄດ້ອ່ອນແຮງລົງແລ້ວ ແລະ ປັດຈຸບັນໄດ້ພັດຜ່ານໄປທາງທິດຕາເວັນອອກສ່ຽງເໜືອແລ້ວເຂົ້າສູ່ເອີຣົບຕາເວັນອອກສ່ຽງ   ເໜືອເຊັ່ນ: ອີຕາລີ, ເຢຍລະມັນ, ຣັດເຊຍ, ແບນຊິກ…ລາມອອກໄປສູ່ທິດຕາເວັນອອກກາງເປັນຕົ້ນ ອີຣານ, ອິດສະລາເອວ…ແລ້ວຂ້າມທະວີບອາຊີສູ່ເອີຣົບໄປສູ່ອາເມລິກາ, ແອຟຣິກກາ.

ເມື່ອຕົ້ນລົມອ່ອນແຮງລົງ ປາຍລົມຊໍ້າພັດແຮງຂຶ້ນຕາມລຳດັບ. ປັດຈຸບັນພາຍຸຫົວນີ້ກຳລັງຖະຫຼົ່ມຢູ່ທີ່ອີຕາລີ, ອີຣານ, ເກົາຫຼີໃຕ້ຢ່າງໜັກໜ່ວງ…

ເຖິງຢ່າງໃດກໍດີ, ມາເຖິງປັດຈຸບັນນີ້ ພາຍຸຫົວດັ່ງກ່າວຍັງບໍ່ທັນມີທ່າທີວ່າຈະອ່ອນລົງເລີຍ. ແຕ່ເປັນໜ້າສັງເກດວ່າ ເປັນຫຍັງພາຍຸພະຍາດຫົວນີ້ຈຶ່ງພັດຜ່ານໄປທາງທິດຕາເວັນອອກກາງ ແລ້ວເຂົ້າສູ່ເອີຣົບ?

ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ - Wave100S AD to Website 2020 0 - ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ

ດັ່ງທີ່ພວກເຮົາຮູ້ນຳກັນແລ້ວວ່າ: ຕາມຫຼັກການລະບາດວິທະຍາແລ້ວ ເຊື້ອໄວຣັສຈະແຜ່ໃສ່ກັນໄດ້ງ່າຍ (ຄົນຕໍ່ຄົນ) ໄດ້ໄວ, ຖ້າຫາກຢູ່ບ່ອນຊຸມຊົນແອອັດ ຊຶ່ງເຊື້ອໄວຣັສຊະນິດຕ່າງໆອາດຈະແຜ່ເຊື້ອໃສ່ກັນໄດ້ດ້ວຍວິທີທາງທີ່ແຕກຕ່າງກັນອອກໄປ. ມີບາງຊະນິດແຜ່ເຊື້ອໂດຍທາງອາກາດ, ມີບາງໄວຣັສກໍແຜ່ເຊື້ອໃສ່ກັນດ້ວຍຂີ້ມູກນໍ້າລາຍ, ມີບາງຊະນິດກໍຕິດກັນດ້ວຍການຈັບບາຍສຳພັດໂດຍກົງ, ບາງກໍລະນີກໍຕິດຕໍ່ກັນດ້ວຍການໃຊ້ເຄື່ອງຮ່ວມກັນ, ມີບາງຊະນິດກໍເໝາະກັບອາກາດຮ້ອນ ມີບາງຊະນິດກໍເໝາະກັບອາກາດເຢັນ… ບັນດາປະເທດທີ່ຖືກພາຍຸພະຍາດຫົວນີ້ຖະຫຼົ່ມຢ່າງໜັກນັ້ນກໍອາດເນື່ອງມາຈາກຫຼາຍສາເຫດດ້ວຍກັນດັ່ງທີ່ກ່າວມາ ແຕ່ສາເຫດຫຼັກໆແລ້ວກໍອາດຈະແມ່ນ ຍ້ອນຄົນປະເທດເຫຼົ່ານັ້ນມີຄົນໄປທ່ອງທ່ຽວໃນທົ່ວໂລກຫຼາຍກວ່າໝູ່ເພາະເຂົາເຈົ້າເປັນປະເທດຈະເລີນ ແລ້ວກໍຕິດເອົາເຊື້ອມາ, ອັນທີສອງອາດເປັນຍ້ອນປະເທດເຫຼົ່ານັ້ນມີປະຊາກອນແອອັດຢູ່ດ້ວຍກັນຢ່າງໜາແໜ້ນ ໂດຍສະເພາະແມ່ນດຳລົງຊີວິດຢູ່ໃນຄອນໂດອັນດຽວກັນ ແລະ ອັນທີສາມອາດຈະແມ່ນຍ້ອນປະເທດເຫຼົ່ານັ້ນມີພູມອາກາດໜາວ ຈຶ່ງເຮັດໃຫ້ເຊື້ອໄວຣັສແຜ່ຂະຫຍາຍຕົວໄດ້ໄວ ແລະ ອີກອັນໜຶ່ງປະຊາຊົນປະເທດເຫຼົ່ານັ້ນກໍມັກຈະໃຊ້ພາຫະນະສາທາລະນະຮ່ວມກັນເປັນຕົ້ນຕໍ ແລະ ປົກກະຕິ.

ເຖິງຢ່າງໃດກໍດີ ກ່ອນອື່ນໝົດເຮົາຕ້ອງມີສະຕິລະວັງຕົວ ແລະ ປ້ອງກັນຕົນເອງເພື່ອບໍ່ໃຫ້ຕິດເຊື້ອແມ່ນເປັນການດີທີ່ສຸດ, ປະຕິບັດມາດຕະການຕ່າງໆທີ່ທາງສາທາລະນະສຸກກັນຫ້າມ ແລະ ແນະນຳ ໂດຍສະເພາະແມ່ນຫຼີກລ່ຽງໄປບ່ອນທີ່ມີຊຸມຊົນແອອັດ ເຊັ່ນ: ຕະຫຼາດ, ໂຮງຮູບເງົາ, ຮ້ານກິນດື່ມ, ຮ້ານບັນເທີງ, ໂຮມຊຸມນຸມຕ່າງໆ, ງານດອງ, ຄອນເສີດ, ງານແຂ່ງຂັນກີລາ….ໝັ່ນລ້າງມືໃສ່ສະບູ, ດ້ວຍຢາຂ້າເຊື້ອເປັນປະຈຳ, ໃສ່ຜ້າອັດປາກ-ດັງຢູ່ຕະຫຼອດເວລາເມື່ອອອກໄປຂ້າງນອກ ແລະ ຫຼີກລ່ຽງການໃກ້ຊິດຕິດແທດກັບຜູ້ສົງໄສ ຫຼື ຕິດເຊື້ອ, ເວລາກິນດື່ມກໍຕ້ອງກິນຮ້ອນຊ້ອນກາງ ລາງມື້ທຸກຄັ້ງ, ບໍ່ໃຊ້ເຄື່ອງຮ່ວມກັນ…ກໍລະນີທີ່ສົງໄສກໍຮີບຟ້າວໄປຫາແພດໝໍ, ຫ້າມປັດອຳອາການສຸຂະພາບຂອງຕົນ, ຢູ່ສະອາດ, ກິນສະອາດ ແລະ ດື່ມສະອາດ…ພຽງເທົ່ານີ້ ກໍສາມາດໃຫ້ພວກເຮົາສາມາດຫ່າງໄກ ແລະ ປອດໄພຈາກພະຍາດນີ້ໄດ້ 50-60% ແລ້ວ.

ຮຽກຮ້ອງໃຫ້ທຸກຄົນຈົ່ງມີສະຕິລະວັງຕົວ ແລະເປັນເຈົ້າການໃນການປ້ອງກັນພະຍາດໂຄວິດ-19 ຊ່ວຍກັນທົ່ວປວງຊົນ./.

ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ - WhatsApp Image 2020 05 27 at 5 - ພາຍຸໂຄວິດຕົ້ນລົມອ່ອນລົງ ປາຍລົມແຮງຂຶ້ນ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!