ລັດຖະບານເພິ່ມມາດຕະການຄວບຄຸມໄວຣັດ COVID-19 ໃຫ້ເຂັ້ມງວດ.

ລັດຖະບານເພິ່ມມາດຕະການຄວບຄຸມໄວຣັດ covid-19 ໃຫ້ເຂັ້ມງວດ. - 25 8 - ລັດຖະບານເພິ່ມມາດຕະການຄວບຄຸມໄວຣັດ COVID-19 ໃຫ້ເຂັ້ມງວດ.
ລັດຖະບານເພິ່ມມາດຕະການຄວບຄຸມໄວຣັດ covid-19 ໃຫ້ເຂັ້ມງວດ. - Untitled design - ລັດຖະບານເພິ່ມມາດຕະການຄວບຄຸມໄວຣັດ COVID-19 ໃຫ້ເຂັ້ມງວດ.

ກອງປະຊຸມຄະນະລັດຖະບານ ໃນວັນທີ 18 ມີນານິ້ ໂດຍການເປັນ ປະທານ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ເຫັນດີເພີ່ມມາດຕະການເພື່ອສະກັດກັ້ນການລະບາດຂອງພະຍາດ COVID-19ໃຫ້ເຂັ້ມງວດຄື: ປິດດ່ານທ້ອງຖິ່ນ ແລະ ດ່ານປະເພນີໃນຂອບເຂດທົ່ວປະເທດ, ສ່ວນດ່ານສາກົນໃຫ້ກຽມພ້ອມບຸກຄະລາກອນ ແລະ ເຄື່ອງມືອຸປະກອນເພື່ອຮັບປະກັນການກວດກາ ແລະ ຄັດກອງຜູ້ເຂົ້າເມືອງໃຫ້ເຂັ້ມງວດ ແລະ ໂຈະການອອກວີຊາທຸກປະເພດ ລວມທັງ E-VISA, ສຳລັບຜູ້ມີວີຊາເຂົ້າ-ອອກລາວແລ້ວ ກໍຕ້ອງຜ່ານການຢັ້ງຢືນການກວດສຸຂະພາບ ແລະ ປະຫວັດການເຄື່ອນໄຫວຂອງຜູ້ກ່ຽວໃນໄລຍະຜ່ານມາເສຍ ກ່ອນ, ພ້ອມນີ້ກໍໃຫ້ຫລີກລຽງການເດີນທາງໄປຕ່າງປະເທດໃນໄລຍະນີ້.

ສ່ວນພົນລະເມືອງລາວທີ່ເດີນທາງກັບມາຈາກປະເທດທີ່ມີການລະບາດຂອງເຊື້ອພະຍາດນີ້ ແມ່ນໃຫ້ປະຕິບັດການແຍກປ່ຽວ 14 ວັນ ເພື່ອຕິດຕາມສຸຂະພາບດ້ວຍຄວາມຮັບຜິດຊອບ, ກໍລະນີມີອາການໄຂ້,ໄອ ຕ້ອງຕິດຕໍ່ຫາແພດໝໍດ່ວນ, ກອງປະຊຸມຍັງໄດ້ເນັ້ນຫລີກລ່ຽງການໂຮມຊຸມນຸມໃຫຍ່ທີ່ມີມວນຊົນເຂົ້າຮ່ວມຈຳນວນຫລາຍເປັນຕົ້ນງານບຸນປະເພນີ, ງານວາງສະແດງສິນຄ້າ, ກິລາ ແລະ ອື່ນໆ, ໃຫ້ປິດກິດຈະການຮ້ານບັນເທີງ, ຄາລາໂອເກະ, ຮ້ານ ນວດ, ສ່ວນກິດຈະການອື່ນໆແມ່ນດຳເນີນໄດ້ປົກກະຕິ ແຕ່ໃຫ້ເຈົ້າຂອງກິດຈະການມີມາດຕະການປ້ອງກັນຂັ້ນພື້ນຖານ ເປັນຕົ້ນແມ່ນການກວດອຸນຫະພູມ ແລະ ການສະໜອງນ້ຳຢາລ້າງມື, ສືບຕໍ່ໂຈະການຮຽນຊົ່ວຄາວນັບ ແຕ່ໂຮງລ້ຽງເດັກ-ອະນຸບານ, ປະຖົມ ແລະ ສະຖານບັນການສຶກສາຕ່າງໆ ຈົນກ່ວາຈະມີການປ່ຽນແປງ, ແລະ ປັບປຸງສູນຂໍ້ມູນຂ່າວສານກັ່ນກອງຂ່າວໃຫ້ດີທີ່ສຸດ ເພື່ອເຜີຍແຜ່ຂໍ້ມູນຂ່າວສານໃຫ້ສັງຄົມຮັບຮູ້ຢ່າງຖືກຕ້ອງ, ພ້ອມໃຫ້ລົງໂທດຜູ້ປ່ອຍຂ່າວບິດເບືອນຄວາມຈິງຢ່າງເຂັ້ມງວດ.

ລັດຖະບານເພິ່ມມາດຕະການຄວບຄຸມໄວຣັດ covid-19 ໃຫ້ເຂັ້ມງວດ. - Wave100S AD to Website 2020 0 - ລັດຖະບານເພິ່ມມາດຕະການຄວບຄຸມໄວຣັດ COVID-19 ໃຫ້ເຂັ້ມງວດ.

ໃນກອງປະຊຸມຍັງໄດ້ເຫັນດີຕື່ມວ່າ: ຈະມີການປັບປຸງຄະນະສະເພາະກິດເພື່ອເຮັດວຽກມີປະສິດທິພາບ ແລະ ໂຄສະນາໃຫ້ສັງຄົມຮັບຮູ້ການປ້ອງກັນ, ສະກັດກັ້ນ ພະຍາດ COVID-19 ໄດ້ຢ່າງຖີກຕ້ອງ.

ລັດຖະບານເພິ່ມມາດຕະການຄວບຄຸມໄວຣັດ covid-19 ໃຫ້ເຂັ້ມງວດ. - WhatsApp Image 2020 05 27 at 5 - ລັດຖະບານເພິ່ມມາດຕະການຄວບຄຸມໄວຣັດ COVID-19 ໃຫ້ເຂັ້ມງວດ.
ລັດຖະບານເພິ່ມມາດຕະການຄວບຄຸມໄວຣັດ covid-19 ໃຫ້ເຂັ້ມງວດ. - WhatsApp Image 2020 05 27 at 5 - ລັດຖະບານເພິ່ມມາດຕະການຄວບຄຸມໄວຣັດ COVID-19 ໃຫ້ເຂັ້ມງວດ.
error: Alert: ເນື້ອຫາຂ່າວມີລິຂະສິດ !!