ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ

ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ - 193 - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ
ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ - Untitled design - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ

     ການລະບາດທີ່​ຂ້າ​ມະນຸດ​ເຖິງ​ງ 50-100 ລ້ານ​ຄົນ​ ເອົາ​ຊີວິດ​ຊາວ​ເມືອງ​ເຊ​ນຫລຸຍ​ບໍ່​ຮອດ 700 ຄົນ ​ເພາະ​ການ​ປິດ​ເມືອງ​ທີ່​ທ່ວງທັນ.

     ​ໃນ​ປີ 1918 ​ໄຂ້ຫວັດ​ໃຫຍ່​ແອັສປາຍ​ລຸກລາມ​ໄປ​ທົ່ວ​ໂລກ ​ແລະ ກຳລັງ​ຫລິ້ນງານ​ຫລາຍ​ພື້ນທີ່​ຂອງ​ອາ​ເມ​ລິ​ກາ ​ເມືອງ​ທຳ​ອິດ​ທີ່​ບໍ່​ໄດ້​ເນັ້ນໜັກ​ເຖິງ​ໄພ​ນີ້ ຄື​ຟິລາ​ເດລ​ເຟຍ​ທີ່​ຍັງ​ຈັດ​ເດີນ​ຂະ​ບວນ​​ໂຄສະນາ​ພັນທະບັດ​ສົງຄາມ ​ເພື່ອ​ຫາ​ທຶນ​ສະໜັບສະໜູນ​ການ​ຮົບ ​ເນື່ອງ​ຈາກ​ໃນ​ເວລາ​ນັ້ນຍັງ​ເປັນ​ຊ່ວງ​ສົງຄາມ​ໂລກ​ຄັ້ງທີ 1.

ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ - d 20200317144823 - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ

      ຜູ້​ຊ່ຽວຊານ​ດ້ານ​ສາທາລະນະ​ສຸກ​ຢູ່​ເມືອງ​ຟິລາ​ເດລ​ເຟຍ​ຮູ້​ດີ​ວ່າ ຖ້າ​ປ່ອຍ​ໃຫ້​​ແຫ່​ຂະ​ບວນຕໍ່​ໄປ​ຈະ​ຕ້ອງ​ກາຍ​ເປັນ​ຫາ​ຍະ​ນະ​ແນ່ນອນ ໜຶ່ງ​ໃນ​ນັ້ນຄື ດຣ. ​ໂຮ​ເວິດ ​ແອນ​ເດີ​ສ ທີ່​ພະຍາຍ​າມຂໍ​ໃຫ້​ນັກ​ຂ່າວ​ຂຽນ​ເຕືອນ​ໄພ​ອັນຕະລາຍ​ຈາກ​ການ​ປ່ອຍ​ໃຫ້​ຈັດ​ຂະ​ບວນພາ​ເລດ ​ແລະ ຍັງ​ແຈ້ງ​​ໃຫ້​ເຈົ້າໜ້າ​ທີ່​ລັດຖະບານ​ໂຈະ​ງານ​ນີ້ ​ເພື່ອ​ປົກ​ປ້ອງ​ຊາວ​ເມືອງ.

      ຄວາມ​ພະຍາຍາມ​ຂອງ ດຣ. ​ໂຮ​ເວິສ ​ແອນ​ເດິ​ສ ​ໄຮ້​ຜົນ ບໍ່​ມີ​ໜັງສືພິມ​ສະບັບ​ໃດ​ລົງ​ຂ່າວ​ໃຫ້​ທ່ານ, ສ່ວນ ດຣ. ວິລ​ເມີ ຄຣູ​ເຊ​ນ ຜູ້ອຳນວຍການ​ກົມ​ສາທາລະນະ​ສຸກ ​ແລະ ການ​ກຸສົນ​ຂອງ​ຟິລາ​ເດລ​ເຟຍ ບໍ່​ຍອມຮັບ​ວ່າ​ໄຂ້ຫວັດ​ແອັສປາຍ​ເປັນ​ໄພ​ຄຸກ​ຄາມ​ຕໍ່​ເມືອງ ​ແລະ ບໍ່​ຍອມ​ກຽມ​ອຸປະກອນ​ການ​ຢາ​ໄວ້.

      ​ເພາະ​ວຽກ​ນີ້​ເປັນ​ໜ້າ​ເປັນຕາ​ຂອງ​ປະ​ເທດ, ໝໍ​ຄົນ​ນ້ອຍໆ​ບໍ່​ມີ​ອຳນາດ​ຈະ​ຫ້າມ​ຜູ້​ຫລັກ​ຜູ້​ໃຫຍ່​ໃນ​ບ້ານ​ເມືອງ​ໄດ້. ດັ່ງນັ້ນ ວຽກ​ນີ້​ຈຶ່ງ​ເດີນ​ໜ້າ​ຕໍ່​ໄປ​ໂດຍ​ມີ​ຜູ້​ມາ​ຮ່ວມ​​ເຖິງ 200.000 ຄົນ.

      ​ໃນ​ເວລາ 24 ຊົ່ວ​ໂມງ​ມີ​ຜູ້​ສະ​ແດງ​ອາການ 118 ຄົນ ອີກ 2 ວັນ​ຕໍ່​ມາ ດຣ. ວິລ​ເມີ ຄຣູ​ເຊ​ນ ຈຶ່ງ​ຕາ​ສະຫວ່າງ​ ​ໃນ​ທີ່​ສຸດ​ແລ້ວ​ປະກາດ​ວ່າ​ໄຂ້ຫວັດ​ແອັສປາຍ​ບຸກ​ເມືອງ​ແລ້ວ ​ແຕ່​ບໍ່​ທັນ​ແລ້ວ ​ເພາະ​ອີກ 1 ວັນ​ຫລັງ​ຈາກ​ນັ້ນ ຕຽງ​ໃນ​ໂຮງໝໍ​ທັງ 31 ​ແຫ່ງ​ຂອງ​ເມືອງ​ເຕັມ​ຈົນ​ໝົດ.

ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ -                    4 - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ

      ປາກົດ​ວ່າ​ຟິລາ​ເດລ​ເຟຍ​ມີ​ຜູ້​ຕິດ​ເຊື້ອ​ເຖິງ​ເຄິ່ງລ້ານ​ຄົນ ​ເສຍ​ຊີວິດ​ເຖິງ 16.000 ຄົນ​ໃນ​ເວລາ​ພຽງ 6 ​ເດືອນ ຝັງ​ສົບ​ກັນ​ບໍ່​ທັນ​ຈົນ​ຕ້ອງ​ໃຊ້​ການ​ຝັງ​ແບບ​ລວມ ​ໂດຍ​ບໍ່​ມີ​ໂລງ​ສົບ​ພໍ​ທີ່​ຈະ​ໃສ່​ສົບ ​ແລະ ​ເຮັດ​ໃຫ້ການ​​ແຫ່​ຂະ​ບວນຄັ້ງນີ້​ມີ​ຄົນ​ຕາຍ​ຫລາຍ​ທີ່​ສຸດ​ໃນ​ປະຫວັດສາດ​ຂອງ​ອາ​ເມ​ລິ​ກາ.

     ​ເຖິງ​ຈະ​ຢຸດ​ແຫ່​ຂະ​ບວນ​ແຕ່​ຍັງ​ບໍ່ພໍ ​ເພາະ​ຕ້ອງ​ປິດ​ເມືອງ​ນຳ​ອີກ ​ໃນ​ເວລາ​ນັ້ນຟິລາ​ເດລ​ເຟຍ​ເປັນ​ເມືອງ​ໃຫຍ່​ຂອງ​ອາ​ເມ​ລິ​ກາ​ຈຶ່ງ​ມີ​ປະຊາກອນ​ໜາ​ແໜ້ນ, ການ​ສັນຈອນ​ແອ​ອັດ ບວກ​ກັບ​ລັດຖະບານ​ທີ່​ເມີ​ນ​ເສີຍ ​ເຮັດ​ໃຫ້​ໂຣກລະບາດ​ແຜ່​ລາມ​ໄດ້​ງ່າຍ.

      ນອກຈາກ​ນີ້ ​ເພາະ​ຄວາມ​ເປັນ​ຊ່ວງ​ສົງຄາມ​ໂລກ​ຄັ້ງທີ 1 ອາ​ເມ​ລິ​ກາ​ຫາ​ກໍ​ສົ່ງ​ທະຫານ​ເຂົ້າຮ່ວມ​ຮົບ​ຢູ່​ເອີຣົບທີ່​ກຳລັງ​ວຸ້ນວາຍ​ກັບ​ສົງຄາມ ​ແລະ ຍັງ​ເກີດ​ການລະບາດ​ຂອງ​ໄຂ້ຫວັດ​ໃຫຍ່ ຜົນ​ກໍ​ຄື​ແທນ​ທີ່​ທະຫານ​ອາ​ເມ​ລິ​ກາ​ຈະ​ເສຍ​ຊີວິດ​ໃນ​ການ​ຮົບ ພັດ​ຕ້ອງ​ມາ​ຕາຍ​ເພາະ​ໄຂ້ຫວັດ​ແອັສປາຍ​ເຖິງ 53.000 ຄົນ ຫລື ຕາຍ​ຫລາຍ​ກວ່າ​ການ​ຮົບ​ໃນ​ສະໝໍ​ລະ​ພູມ​ນຳ​ອີກ.

     ຢູ່​ເມືອງ​ບອສຕັນ ​ເພາະ​ບໍ່​ປິດ​ເມື​ອງ​ແຕ່​ຫົວທີ ​ເຮັດ​ໃຫ້​ມີ​ຜູ້​ຕິດ​ເຊື້ອ​ເສຍ​ຊີວິດ​ໄປ 3.700 ຄົນ​ໃນ​ເວລາ 6 ​ເດືອນ ສະຖານະ​ການ​ຍິ່ງ​ຮຸນ​ແຮງ​ອີກ ​ເມື່ອ​ໂອ​ເປີ​ເຣ​ເຕີ​ໂທລະສັບ​ຕິດ​ເຊື້ອ​ໄປ 800 ຄົນ ​ເຮັດ​​ໃຫ້​ມີ​ຄົນ​ຮັບ​ໂທລະສັບ​ຈຳນວນ​ຈຳກັດ ສົ່ງ​ຜົນ​ຕໍ່​ສາຍ​ດ່ວນ​ທີ່​ໂທ​ແຈ້ງ​ອາການ​ປ່ວຍ.

     ນັກວິທະຍາສາດ​ໃນ​ຍຸກ​ຂອງ​ພວກ​ເຮົາ​ຄາດ​ຄະ​ເນ​ວ່າ: ​ໄຂ້ຫວັດ​ແອັສປາຍ​ບໍ່​ໄດ້​ມາ​ຈາກ​ແອັສປາຍ, ​ແຕ່​ເກີດ​ຢູ່​ຈີນ ຈາກ​ນັ້ນມາ​ກາຍພັນ​ຢູ່​ອາ​ເມ​ລິ​ກາ​ໃນ​ເຂດ​ໃກ້​ກັບ​ເມືອງ​ບອສຕັນ ຈາກ​ນັ້ນ​ແຜ່​ກະຈາຍ​ໄປ​ທົ່ວ​ເອີຣົບ​ໃນ​ໄລຍະ​ທີ່​ທະຫານ​ອາ​ເມ​ລິ​ກາ​ໄປ​ສູ້​ຮົບ​ທີ່​ບ່ອນ​ນັ້ນ.

      ​ໃນ​ເດືອນ​ສິງຫາ 1918 ມີ​ລາຍ​ງານ​ພົບ​ຜູ້​ຕິດ​ເຊື້ອຢູ່​ທ່າ​ເຮືອ​ໃນ​ບອສຕັນ 300 ຄົນ ຫລັງ​ຈາກ​ນັ້ນສະຖານະ​ການ​ຮຸນ​ແຮງ​ຂຶ້ນ​ເລື້ອຍໆ ​ໃນ​ເບື້ອງຕົ້ນທາງ​ການ​ມີ​ຄຳ​ສັ່ງ​ຫ້າມ​ຜູ້ຍິງ​ຈູບ​ລາ​ແຟນໜຸ່ມ ​ເພື່ອ​ປ້ອງ​ກັນ​ການ​ຕິດ​ເຊື້ອ ​ແຕ່​ນັ້ນຍັງ​ບໍ່ພໍ ຈົນ​ວັນ​ທີ 23 ກັນຍາ ໜັງສືພິມ Boston Daily Globe ລາຍ​ງານ​ວ່າ ​ໂຮງໝໍ​ຮັບ​ບໍ່​ໄຫວ​ແລ້ວ ວັນ​ຕໍ່​ມາ​ທາງ​ການ​ບອສຕັນ​ຈຶ່ງ​ມີ​ຄຳ​ສັ່ງ​ປິດ​ສະຖານ​ບັນ​ເທີ​ງທັງ​ໝົດ ​ແລະ ສັ່ງ​ຫ້າມ​ຊຸມນຸມ​ໃນ​ບ່ອນ​ສາທາລະນະ, ​ໂຮງຮຽນ​ຫລາຍ​ແຫ່ງ​ສັ່ງ​ປິດ​ເອງ ລວມທັງ​ໂບດ.

     ​ແຕ່​ການ​ປິດ​ເມື​ອງຂອງ​ບອສຕັນ​ເປັນ​ໄປ​ເພາະ​ສະຖານະ​ການ​ບັງຄັບ ​ເມື່ອ​ທຸກ​ຢ່າງ​ສວາຍ​ເກີນ​ແກ້​ແລ້ວ ນີ້​ຈຶ່ງ​ເປັນ​ຕົວຢ່າງ​ຂອງ​ການ​ຮັບ​ມື​ທີ່​ບໍ່​ທ່ວງທັນ, ສ່ວນ​ຟິລາ​ເດລ​ເຟຍ​ທີ່​ຮູ້​ທັງ​ຮູ້​ວ່າການ​ລະ​ເບີດ​ເກີດ​ຂຶ້ນຍັງ​ປະ​ມາດ​ຈົນ​ມີ​ຄົນ​ຕາຍ​ນັບ​ໝື່ນ ​ເມືອງ​ເຫລົ່າ​ນີ້​ເປັນ​ຕົວຢ່າງ​ຂອງ​ການ​ປິດ​ເມືອງ​ບໍ່​ທັນ ​ແລະ ບໍ່ຢາກ​ຈະ​ປິດ​ເມືອງ.

ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ - Wave100S AD to Website 2020 0 - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ

     ​ແຕ່​ມີ​ຕົວຢ່າງ​ການ​ປິດ​ເມືອງ​ທີ່​ທັນ​ການ ກໍ​ຄື​ເມືອງ​ເຊ​ນຫລຸຍ ລັດ​ມິ​ສຊູຣີ.

     ກຳມາ​ທິການ​ສາທາລະນະ​ສຸກ​ຂອງ​ເຊ​ນຫລຸຍ​ໃນ​ເວລາ​ນັ້ນຄື ດຣ. ​ແມັກ ຊີ. ສະ​ຕາກ​ຄອບ ​ເຊິ່ງ​ໄດ້​ຂ່າວ​ການລະບາດ​ຢູ່​ບອສຕັນ​ນັບ​ແຕ່​ເດືອນ​ສິງຫາ​ປີ 1918 ທ່ານ​ກໍ​ກຽມ​ຮັບ​ມື​ຢູ່​ເຊ​ນຫລຸຍ​ທັນທີ ​ເບື້ອງຕົ້ນທ່ານ​ພິມ​ບົດ​ຄວາມ​ໃຫ້​ຄວາມ​ຮູ້​ປະຊາຊົນ ​ແນະນຳ​​ໃຫ້​ຫລີກ​ເວັ້ນຄົນ​ປ່ວຍ, ບ່ອນ​ຊຸມ​ຊົນ, ​ບໍ່​ດື່ມ​ສິ່ງ​ມຶນ​ເມົາ, ​ແນະນຳ​ໃຫ້​ສູດ​ດົມ​ອາກາດ​ບໍລິສຸດ ​ແລະ ສະ​ເໜີ​ວ່າ ຄວນ​ຈະ​ກັກ​ຕົວ​ຜູ້​ປ່ວຍ ​ແຕ່​ຍັງ​ບໍ່​ໄດ້​ປະກາດ​ມາດ​ຕະການ​ນີ້.

      ​ໃນ​ເດືອນ​ຕຸລາ 1918 ​ໂຣກລະບາດ​ມາ​ເຖິງ​ລັດ​ມິ​ສຊູຣີ​ໃນ​ທີ່​ສຸດ ສະ​ຕາກ​ຄອບ ຈຶ່ງ​ຂໍ​ໃຫ້​ສະພາ​ເມືອງ​ມອບ​ອຳນາດ​ພິ​ເສດ​ໃຫ້​ທ່ານ ​ເພື່ອ​ຄວບ​ຄຸມ​ໂຣກ ​ແຕ່ຈົ້າ​ເມືອງ​ບໍ່​ເຫັນ​ພ້ອມ ຈົນກະທັ້ງພົບ​ການລະບາດ​ຢູ່​ເຊ​ນຫລຸຍ​ໃນ​ວັນ​ທີ 7 ຕຸລາ​ເຖິງ 115 ຄົນ ​ແລະ ຍັງ​ມີ​ທະ​ຫານ​ຕິດ​ເຊື້ອອີກ​ນັບ​ພັນ​ໃນ​ພື້ນທີ່​ໃກ້​ຄຽງ. ສະພາ​ເມືອງ ​ແລະ ​ເຈົ້າ​ເມືອງ​ຈຶ່ງ​ໃຫ້​ອຳນາດ ສະ​ຕາກ​ຄອບ ຢ່າງ​ເດັດຂາດ​ແບບ​ບໍ່​ເຄີຍ​ມີ​ມາ​ກ່ອນ.

     ຂະນະ​ທີ່​ເຈົ້າໜ້າ​ທີ່​ສາທາລະນະ​ສຸກ​ຂອງ​ຟິລາ​ເດລ​ເຟຍ​ບໍ່​ສາມາດ​ຕ້ານທານ​ອຳນາດ​ຝ່າຍ​ການ​ເມືອງ​ໄດ້ ກຳມາ​ທິການ​ສາທາລະນະ​ສຸກ​ຂອງ​ເຊ​ນຫລຸຍ​ກົດ​ດັນ​ຝ່າຍ​ການ​ເມືອງ​ໄດ້ ​ແລະ ຝ່າຍ​ການ​ເມືອງ​ກໍ​ບໍ່​ດຶງ​ດັນ ຈາກ​ອຳນາດ​ທີ່​ມີ ທ່ານ​ຈຶ່ງ​ສັ່ງ​ປິດ​ໂຮງຮຽນ, ຫ້ອງ​ສະໝຸດ, ບ່ອນ​ເດັກ​ນ້ອຍ​ຫລິ້ນ, ​ໂຮງ​ໜັງ, ​ເທັກ​ບາ, ສະຖານ​ທີ່​ແຂ່ງຂັນ​ກິລາ​ທັງ​ໝົດ, ຈຳກັດ​ການ​ເດີນທາງ​ໂດຍ​ຂົນ​ສົ່ງ​ສາທາລະນະ ລວມທັງ​ສັ່ງ​ປິດ​ໂບດ​ຄັ້ງທຳ​ອິດ​ໃນ​ປະຫວັດສາດ​ຂອງ​ເມືອງ ​ແລະ ສັ່ງ​ຫ້າມ​ການ​ຊຸມນຸມ​ໃນ​ບ່ອນ​ສາທາລະນະ​ເກີນ 20 ຄົນ.

     ​ໃນ​ເວລາ​ນັ້ນ ສະຖານ​ບັນ​ເທີ​ງ​ແຫລ່ງຊຸມນຸມ​ຂອງ​ປະຊາຊົນ ​ແລະ ​ເປັນ​ທຸລະ​ກິດ​ທີ່​ເງິນ​ໝູນວຽນ​ດີ ​ໂດຍ​ສະ​ເພາະ​ໂຮງ​ໜັງ​ເປັນ​ທຸລະ​ກິດ​ທີ່​ມີ​ລາຍ​ໄດ້​ຫລາຍ​ທີ່​ສຸດ​ກຸ່ມ​ໜຶ່ງ​ຂອງ​ປະ​ເທດ ​ແຕ່​ເພາະ​ມັນ​ເປັນ​ຈຸດ​ສ່ຽງ​ເມືອງ​ຕ່າງໆ ຈຶ່ງ​ມັກ​ສັ່ງ​ປິດ​ໂຮງ​ໜັງ​ກ່ອນ​ເປັນອັນ​ດັບ​ທຳ​ອິດ ​ເຊັ່ນ​ບຸ​ສຕັນ ຢູ່​ເຊ​ນຫລຸຍ​ເຊັ່ນ​ກັນ.

     ​ແຕ່​ເພາະ​ເປັນ​ທຸລະ​ກິດ​ສ້າງ​ເງິນ​ມະຫາສານ ​ເຈົ້າຂອງ​ໂຮງ​ໜັງ​ຈຶ່ງ​ປະ​ທ້ວງ​ມາດ​ຕະການ​ປິດ​ເມືອງ. ​ເຖິງ​ຢ່າງ​​ໃດ​ກໍ​ຕາມ ການ​ປະ​ທ້ວງ​ນີ້​ບໍ່​ມີ​ຜົນ ​ເພາະ ສະ​ຕາກ​ຄອບ ບໍ່​ຍອມ​ອ່ອນ​ຂໍ້​ໃຫ້. ກະທັ້ງຕອນ​ທີ່​ເຈົ້າ​ເມືອງ​ຮ້ອງ​ຂໍ​ໃຫ້ ສະ​ຕາກ​ຄອບ ຫລຸດຜ່ອນ​ການ​ຊຸມນຸມ​ໃນ​ບ່ອນ​ສາທາລະນະ​ ລາວ​ກໍ​ບໍ່​ຍອມ​ໃຫ້.

     ຈົນກະທັ້ງ​ໃນ​ວັນ​ທີ 11 ພະຈິກ ການລະບາດ​ເລີ່​ມຫລຸດ​ລົງ ​ເພາະ​ມາດ​ຕະການ​ປິດ​ເມືອງ​ ບວກ​ກັບ​ສົງຄາມ​ໂລກ​ຄັ້ງທີ 1 ສິ້ນສຸດ​ລົງ ​ເຖິງ​ວ່າ​ຮ້ານ​ຕ່າງໆ​ຍັງ​ປິດ​ບໍລິການ ​ແຕ່​ປະຊາຊົນ​ກ້າ​ອອກ​ມາສະ​ຫລອງ​ວັນ​ສິ້ນສຸດ​ສົງຄາມ ສະ​ຕາກ​ຄອບ ຈຶ່ງ​ຍອມ​ຫລຸດຜ່ອນ​​ໃຫ້​ມີ​ການ​ຊຸມນຸມ ​ແຕ່​ຍັງ​ສັ່ງ​ໃຫ້​ມີ​ການ​ຍົກ​ເວັ້ນ​ໄລຍະ​ຫ່າງ​ໃນ​ລະດັບ​ໜຶ່ງ.

     ປາກົດ​ວ່າ​ມີ​ຜູ້​ຕິດ​ເຊື້ອ​ເພີ່ມ​ຂຶ້ນມາ​ອີກ​ເພາະ “​ເປີດ​ເມືອງ” ​ໄວ​ເກີນ​ໄປ ​ແລະ ​ໂຮງຮຽນ​ຍັງ​ເປີດ​ອີກ​ໃນ​ເວລາ​ໄລ່​ລຽງ​ກັນ ​ເຮັດ​ໃຫ້​ມີ​ຜູ້​ຕິດ​ເຊື້ອ​ເພີ່ມ​ຂຶ້ນອີກ ສະ​ຕາກ​ຄອບ ຈຶ່ງ​ສັ່ງ​ປິດ​ໃນ​ທັນທີ. ການລະບາດ​ເລີ່​ມຫລຸດ​ລົງ​ໃນ​ເດືອນ​ທັນວາ ກວ່າ ສະ​ຕາກ​ຄອບ ຈະ​ຍອມ​ໃຫ້​ເປີດ​ໂຮງຮຽນ​ອີກ​ໃນ​ເດືອນ​ມັງກອນ 1919.

     ​ເຊ​ນຫລຸຍ ມີ​ປະຊາກອນ​ເຖິງ 800.000 ​ເປັນ​ເມືອງ​ສູນ​ກາງ​ອຸດສາຫະກຳ ​ແລະ ຊຸມ​ທາງ​ໃຈກາງ​ປະ​ເທດ​ຄ້າຍຄືກັບ​ເມືອງ​ອູ່​ຮັ່ນ ​ແຕ່​ເພາະ​ມາດ​ຕະການປິດ​ເມືອງ​ທີ່​ທ່ວງທັນ ​ເຮັດ​ໃຫ້​ມີ​ຜູ້​ເສຍ​ຊີວິດ​ຈາກ​ໄຂ້ຫວັດ​ແອັສປາຍ​ບໍ່​ຮອດ 700 ຄົນ ຕໍ່າ​ທີ່​ສຸດ​ເມືອງ​ໜຶ່ງ​ຂອງ​ອາ​ເມ​ລິ​ກາ.

     ຜົນສຳ​ເລັດ​ນີ້​ຕ້ອງ​ຂອບ​ໃຈ​ການ​ເບິ່ງ​ການ​ໄກ​ຂອງ ສະ​ຕາກ​ຄອບ, ລາວ​ມີ​ແນວ​ຄິດ​ທີ່​ຄົນ​ໃນ​ຍຸກ​ຂອງພວກ​ເຮົາ​ສາມາດ​ຮຽນ​ຮູ້​ໄດ້​ຄື:

  1. ​ເມື່ອ​ການລະບາດ​ເລີ່​ມຂຶ້ນ ລາວ​ໃຫ້​ຄວາມ​ຮູ້​ປະຊາຊົນ​ທັນທີ ​ເພື່ອ​ກຽມ​ປະຊາຊົນ​ໃຫ້​ພ້ອມ​ກ່ອນ​ໂຣກຈະ​ມາ​ເຖິງ.
  2. ​ເມື່ອ​ການລະບາດ​ມາ​ເຖິງ ລາວ​ສະ​ເໜີ​ໃຫ້​ປິດ​ເມືອງ​ທັນທີ ​ໂດຍ​ບໍ່​ຍອມ​ອ່ອນ​ຂໍ້​ໃຫ້​ຂະ​ແໜງ​ທຸລະ​ກິດ ​ແລະ ຝ່າຍ​ການ​ເມືອງ.
  3. ລະຫວ່າງ​ການລະບາດ​ລາວ​ເປັນ​ຜູ້​ແນະນຳ​ໃຫ້​ປະຊາຊົນ​ຢູ່​ຫ່າງໆ​ກັນ ​ໂດຍ​ເຊ​ນຫລຸຍ​ໃຊ້​ແນວທາງ​ນີ້​ດົນ​ກວ່າ​ເມືອງ​ອື່ນໆ ​ເຮັດ​ໃຫ້ການ​ລະບາດ​ໜ້ອຍ​ຈົນ​ບໍ່​ເກີນ​ລະດັບ​ທີ່​ທີ​ມ​ແພດ​ແບກ​ຮັບ​ໄຫວ.
  4. ການ​ປິດ​ເມືອງ ​ແລະ ການ​ຢູ່​ຫ່າງ ຈະ​ໄດ້ຜົນ​ແນ່ນອນ​ຈະ​ຕ້ອງ​ລໍຖ້າ​ໃຫ້​ແນ່​ໃຈ​ກ່ອນ ປະສົບ​ການ​ຂອງ​ເຊ​ນຫລຸຍ​ບອກ​ພວກ​ເຮົາວ່າ ຖ້າ​ຍົກ​ເລີກ​ປິດ​ເມືອງ​ໄວ​ເກີນ​ໄປ ​ໂຣກລະບາດ​ຈະ​ເຂົ້າມາ​ຖະຫລົ່ມ​ທັນທີ.

     ສິ່ງ​ທີ່ ສະ​ຕາກ​ຄອບ ລິ​ເລີ່​ມ​ໄວ້​ເມື່ອ 100 ປີ​ກ່ອນ ທຸກ​ມື້ນີ້​ຖືກ​ນຳ​ກັບ​ມາ​ໃຊ້​ອີກ

ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ - WhatsApp Image 2020 05 27 at 5 - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ
ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ - WhatsApp Image 2020 05 27 at 5 - ການປິດເມືອງຈະເອົາຊະນະໂຣກລະບາດໄດ້ ບົດຮຽນຈາກວິກິດໄຂ້ຫວັດແອັສປາຍ
error: Alert: ເນື້ອຫາຂ່າວມີລິຂະສິດ !!