ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ

- thai tob brand - ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ
- Untitled design - ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ

- thai tob brand - ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ

ງານວາງສະແດງສີນຄ້າທ໋ອບໄທແບລນ (Top Thai Brands) 2017, ໄດ້ໄຂຂຶ້ນທີ່ສູນການຄ້າລາວ-ໄອເຕັກ, ນະຄອນຫລວງວຽງຈັນແຕ່ວັນທີ 7-11 ມິຖຸນານີ້, ໂດຍການເຂົ້າຮ່ວມຂອງທ່ານຮອງນາຍົກລັດຖະມົນຕີກະຊວງອຸດສະຫະກໍາ ແລະ ການຄ້າ ພັນທອງ ພິດທຸມມາ, ທ່ານ ນົບພະດົນ ເທບພິທັກ ເອກອັກຄະຣາຊະທູດແຫ່ງຣາຊະອານາຈັກໄທປະຈໍາລາວ, ມີບັນດານັກທຸລະກິດ, ຜູ້ປະກອບການ, ຜູ້ຜະລິດ ແລະ ຕົວແທນຈໍາໜ່າຍສີນຄ້າຫລາກຫລາຍປະເພດ ເຊັ່ນ: ເຄື່ອງນຸ່ງຫົ່ມ, ອາຫານ-ເຄື່ອງດື່ມ, ການກໍ່ສ້າງ, ເຄື່ອງສໍາອາງ, ຜະລິດຕະພັນເພື່ອສຸຂະພາບ, ການບໍລິການ ແລະ ເຄື່ອງອຸປະໂພກ-ບໍລິໂພກທີ່ໄດ້ຮັບຄວາມນິຍົມ ແລະ ມີຄຸນນະພາບເກືອບ 150 ບໍລິສັດມາວາງສະແດງ ແລະ ຈໍາໜ່າຍດ້ວຍບັນຍາກາດຄືກຄັກ.

ທ່ານຮອງລັດຖະມົນຕີ ພັນທອງ ພິດທຸມມາ ກ່າວມີຄໍາເຫັນເປີດງານວ່າ: ງານວາງສະແດງສີນຄ້າຄັ້ງນີ້ຈະປະກອບສ່ວນສໍາຄັນໃຫ້ແກ່ການພົວພັນຮ່ວມມືດ້ານການຄ້າລະຫວ່າງສອງປະເທດລາວ-ໄທນັບມື້ຂະຫຍາຍຕົວຍິ່ງຂຶ້ນ, ສະເພາະມູນຄ່າການຄ້າລະຫວ່າງສອງປະເທດໃນປີ 2016 ຜ່ານມາບັນລຸຫລາຍກວ່າ 5,8 ຕື້ໂດລາສະຫະລັດ, ພ້ອມກັນນັ້ນລັດຖະບານທັງສອງປະເທດໄດ້ຕົກລົງຮ່ວມກັນເພື່ອຊຸກຍູ້ໃຫ້ມູນຄ່າການຄ້າລະຫວ່າງສອງປະເທດເພີ້ມຂຶ້ນເທົ່າຕົວໃນອີກ 5 ປີຕໍ່ໜ້າ.

- Wave100S AD to Website 2020 0 - ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ

ທ່ານນາງ ຢານີ ສີມີໄຊ ອັກຄະຣາຊະທູດທີ່ປຶກສາຝ່າຍການຄ້າແຫ່ງຣາຊະອານາຈັກໄທປະຈໍາລາວ ກ່າວວ່າ: ງານວາງສະແດງສີນຄ້າຄັ້ງນີ້ແມ່ນໝາກຜົນການຮ່ວມມືລະຫວ່າງກົມສົ່ງເສີມການຄ້າລະຫວ່າງປະເທດກະຊວງພານິດໄທ ແລະ ກົມສົ່ງເສີມ ແລະ ພັດທະນາສີນຄ້າກະຊວງອຸດສະຫະກໍາ ແລະ ການຄ້າຂອງລາວ, ເພື່ອສົ່ງເສີມດ້ານການຄ້າ ແລະ ການລົງທຶນ, ເພີ່ມມູນຄ່າການຄ້າ ຂອງທັງສອງປະເທດ, ເສີມສ້າງພາບພົດຂອງສີນຄ້າທີ່ມີຄຸນນະພາບ, ມາດຕະຖານເປັນທີ່ນິຍົມ ແລະ ຍອມຮັບຂອງຜູ້ບໍລິໂພກ,​ ທັງເປັນການກະຕຸກຊຸກຍູ້ໃຫ້ນັກທຸລະກິດຂອງສອງປະເທດລາວ-ໄທ ໄດ້ມີໂອກາດພົບປະແລກປ່ຽນປະສົບການ, ບົດຮຽນຕ່າງໆໃນການດໍາເນີນທຸລະກິດ ແລະ ການຜະລິດສີນຄ້າໃຫ້ເຕີບໃຫຍ່ກ້າວສູ່ສາກົນໄປພ້ອມໆກັນ.

- WhatsApp Image 2020 05 27 at 5 - ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ
- WhatsApp Image 2020 05 27 at 5 - ໄຂງານວາງສະແດງສີນຄ້າທ໋ອບໄທແບລນ ທີ່ນະຄອນຫລວງວຽງຈັນ
error: Alert: ເນື້ອຫາຂ່າວມີລິຂະສິດ !!