ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ?

ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ? - 32 3 - ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ?
ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ? - 174233 - ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ?

ລູກເມືອງພວນ

ສະບາຍດີເພື່ອນຜູ້ອ່ານທີ່ຮັກແພງທັງຫຼາຍ, ຜ່ານການອ່ານສື່ສັງຄົມອອນລາຍຜ່ານມາ, ມີຫຼາຍທັດສະນະທີ່ສະເໜີຕໍ່ລັດຖະບານໃນການປ້ອງກັນພະຍາດໄວຣັສໂຄໂຣນາ ຫຼື ໂຄວິດ-19 ຢູ່ບ້ານເຮົາດ້ວຍວິທີການຕ່າງໆນາໆທີ່ແຕກຕ່າງກັນ, ເຊັ່ນວ່າ: ສະເໜີໃຫ້ລັດຖະບານປິດປະຕູປະເທດ, ບາງທັດສະນະກໍສະເໜີວ່າ ປະກາດໃຫ້ປະຊາຊົນກັກຕຸນອາຫານໄວ້ແລ້ວບໍ່ໃຫ້ອອກໄປໃສ ຫຼັງຈາກນັ້ນສົງທີມແພດໝໍໃຫ້ແຕ່ລະເຮືອນ ເຫຼົ່ານີ້ເປັນຕົ້ນ.

ຕໍ່ກັບການຕັ້ງບັນຫາຂອງສື່ສັງຄົມອອນລາຍດັ່ງກ່າວ, ໃນນາມທັດສະນະສ່ວນຕົວຂໍມີຄຳເຫັນດັ່ງນີ້:

– ຕໍ່ບັນຫາທີໜຶ່ງທີ່ວ່າ: ຄວນປິດປະຕູປະເທດ. ຕໍ່ບັນຫານີ້ ຂ້າພະເຈົ້າຂໍມີຄຳເຫັນວ່າ: ເຄື່ອງຂອງຮັບໃຊ້ຊີວິດປະຈຳວັນ ແລະ ການເປັນຢູ່ຂອງປະຊາຊົນລາວທຸກມື້ນີ້ 80-90% ແມ່ນນຳເຂົ້າຈາກຕ່າງປະເທດທັງນັ້ນ ເພາະປະເທດເຮົາຍັງບໍ່ທັນຜະລິດຫຍັງໄດ້ເທົ່າໃດ ແມ່ນແຕ່ໄມ້ຈີ້ມແຂ້ວກໍຍັງໄດ້ນຳເຂົ້າ.  ຖ້າປິດປະຕູປຸ໋ບ ເຄື່ອງໃຊ້ສອຍ, ອາຫານການກິນຈະຂາດແຄນປັບທັນທີ, ລາຄາຈະວື່ຂຶ້ນ, ມີຄົນຫົວໃສຈຳນວນໜຶ່ງຈະກັກຕຸນສິນຄ້າໄວ້ ແລ້ວຂຶ້ນລາຄາເພື່ອກິນກຳໄລ. ເວລານີ້ສັງຄົມຈະເປັນແນວໃດ ລອງສຳນຶກພາບເບິ່ງ.

ຕໍ່ບັນຫາທີສອງທີ່ວ່າ: ໃຫ້ປະຊາຊົນກັກຕຸນສິນຄ້າໄວ້ ແລ້ວບໍ່ໃຫ້ອອກໄປໃສ, ແລ້ວສົ່ງທີມແພດໝໍລົງກວດແຕ່ລະຄົວເຮືອນ. ຕໍ່ບັນຫານີ້ ຂ້າພະເຈົ້າຂໍມີຄວາມເຫັນສ່ວນຕົວວ່າ: ທຸກຄອບຄົວບໍ່ແມ່ນຈະມີຄວາມສາມາດກັກຕຸນສິນຄ້າໄວ້ໄດ້ຄືກັນໝົດ. ຄອບຄົວໃດເສດຖະກິດພໍພຽງແດ່ກໍຈະກັກຕຸນໄດ້ ແຕ່ຄອບຄົວທີ່ທຸກຍາກເດຈະເອົາເງິນໃສມາຊື້ສິນຄ້າ, ອາຫານການກິນກັກຕຸນໄດ້? ແລະ ອີກຢ່າງການກັກຕຸນອາຫານການກິນຈະເປັນການຂ້າກັນເອງ, ບໍ່ທັນຕາຍຍ້ອນພະຍາດ ແຕ່ຫາກຊິຕາຍຍ້ອນບໍ່ມີອາຫານການກິນຫັ້ນກ່ອນ ແລະ ອີກຢ່າງ ລອງຄິດເບິ່ງວ່າຈະເອົາກຳລັງທີມແພດໝໍມາແຕ່ໃສໃຫ້ພຽງພໍເພື່ອໄປກວດແຕ່ລະຄົວເຮືອນທົ່ວປະເທດ? ແລະ ງົບປະມານທີ່ຈະລົງໄປເຮັດບັນຫານີ້ເດເອົາມາແຕ່ໃສຈຶ່ງຈະພຽງພໍ? ແລະ ດົນປານໃດຈຶ່ງຈະກວດສຳເລັດທົ່ວປະເທດ?

ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ? - Wave100S AD to Website 2020 0 - ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ?

ເຖິງຢ່າງໃດກໍດີ, ທັງສອງທັດສະນະດັ່ງກ່າວ ກໍລ້ວນແຕ່ເປັນທັດສະນະສ້າງສັນທີ່ດີ, ມີຄວາມເປັນຫ່ວງເປັນໃຍຕໍ່ປະເທດຊາດບ້ານເມືອງ, ຢາກໃຫ້ປະເທດຊາດຂອງພວກເຮົາມີຄວາມສະຫງົບປອດໄພ. ແຕ່ຂ້າພະເຈົ້າຄິດວ່າອາດບໍ່ທັນແມ່ນວິທີທາງອອກທີ່ດີ ມີແຕ່ຈະສ້າງບັນຫາຊໍ້າເຕີມຂຶ້ນອີກ. ສ່ວນບັນຫາປິດປະເທດນັ້ນກໍເຊັ່ນດຽວກັນ ບໍ່ທັນແມ່ນທາງອອກທີ່ດີສຳລັບໄລຍະນີ້ ແຕ່ກໍບໍ່ໄດ້ປະຕິເສດ ພຽງແຕ່ວ່າໄລຍະນີ້ບໍ່ທັນເຖິງເວລາເທື່ອ, ອາດເປັນໄປໄດ້ ຖ້າການລະບາດຂອງພະຍາດຢູ່ບ້ານເຮົາ ຫາກເຂົ້າສູ່ໄລຍະທີສາມ, ກໍຄືເໝືອຄວາມສາມາດທີ່ຈະຄວບຄຸມໄດ້.

ດັ່ງນັ້ນ, ການປິດປະຕູປະເທດ ແລະ ການກັກຕຸນສິນຄ້າບໍ່ແມ່ນທາງອອກທີ່ດີໃນໄລຍະນີ້. ທາງອອກທີ່ດີໃນໄລຍະນີ້ກໍຄື: ເພີ່ມທະວີຄວາມເຄັ່ງຄັດໃນການກວດກາຄົນເຂົ້າ-ອອກໃຫ້ລະອຽດ, ເຂັ້ມງວດ, ຄັດກອງ, ເດັດຂາດ ພ້ອມທັງໃຫ້ມີຄວາມຊັດເຈນ, ກັກຕົວຜູ້ທີ່ຕ້ອງສົງໄສ ແລະ ຜູ້ຕິດເຊື້ອໃຫ້ໄດ້. ໃຊ້ 9 ມາດຕະການທີ່ທາງລັດຖະບານຊີ້ແຈງອອກໄປແລ້ວນັ້ນໃຫ້ໄດ້ຮັບຜົນດີ ກໍມີໄຊເຄິ່ງໜຶ່ງແລ້ວ./.

ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ? - WhatsApp Image 2020 05 27 at 5 - ຄວນປິດປະຕູປະເທດ ແລະ ກັກຕຸນອາຫານການກິນ ຫຼື ບໍ?
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!