ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້

ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້ - 8888 1 - ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້
ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້ - 174233 - ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້

ໃນວັນທີ 19 ມີນາ ນີ້, ຫ້ອງການ ສຳນັກງານນາຍົກລັດຖະມົນຕີ ໄດ້ອອກແຈ້ງການວ່າ: ຜ່ານການຫາລືໃນກອງປະຊຸມລັດຖະບານ ສະໄໝສາມັນໃນວັນທີ 18 ມີນາ ເຫັນດີວ່າ:  ເນື່ອງຈາກບຸນປີໃໝ່ປະຈຳຊາດເຮົາໃນປີນີ້ແມ່ນກົງກັບວັນທີ 13,14,15 ແລະ 16 ເມສາ 2020 ສະນັ້ນ, ເພື່ອຮັບປະກັນຄວາມຕໍ່ເນື່ອງຂອງວຽກງານ ຈຶ່ງເຫັນດີໃຫ້ກຳນົດເອົາວັນທີ 11 ເມສາ 2020 (ກົງກັບວັນເສົາ) ເປັນມື້ເຮັດວຽກທາງລັດຖະການ ທົດແທນການພັກວຽກໃນວັນທີ 17 ເມສາ 2020 (ກົງກັບວັນສຸກ) ແລະ ເຫັນດີໃຫ້ໂຈະການຈັດກິດຈະກຳຈຳນວນໜຶ່ງ ໃນການສະເຫລີມສະຫລອງບຸນປີໃໝ່ລາວ ເປັນຕົ້ນ: ແມ່ນການຈັດງານປະກວດນາງສັງຂານ, ການຈັດງານຕະຫລາດນັດມວນຊົນ, ການຫົດນໍ້າຕາມຖະໜົນຫົນທາງ, ການຕົບພະທາດຊາຍ, ການແຫ່ວໍ ທີ່ເປັນຂະບວນມວນຊົນ ແລະ ອື່ນໆ ເພາະມີຄວາມສ່ຽງ ແລະ ມີຄວາມຫຍຸ້ງຍາກໃນການປ້ອງກັນການລະບາດ ຂອງພະຍາດ ໂຄວິດ-19, ການສະເຫລີມສະຫລອງບຸນປີໃໝ່ລາວປີນີ້, ແມ່ນໃຫ້ຈັດສະເພາະກິດຈະກຳທີ່ກ່ຽວພັນເຖິງຮີດຄອງປະເພນີອັນດີງາມຂອງຊາດເຮົາທີ່ມີມາແຕ່ດຶກດຳບັນເທົ່ານັ້ນ ເປັນຕົ້ນ: ການບາສີສູ່ຂວັນພາຍໃນຄອບຄົວ ແລະ ການນຳເອົາພະລົງເພື່ອຫົດສົງ ແຕ່ການເຂົ້າຫົດສົງໃນແຕ່ລະວັນນັ້ນ ຕ້ອງຈຳກັດຄົນບໍ່ໃຫ້ແອອັດຫລາຍ ໂດຍໃຫ້ເຂົ້າຫົດສົງ ເປັນຈຸບໍ່ໃຫ້ເກີນ 40 ຄົນ, ໂດຍມີເຈົ້າໜ້າທີ່ຄວບຄຸມປະຈຳຢູ່ແຕ່ລະວັດ, ການສະເຫລີມສະຫລອງປີໃໝ່ ຕ້ອງບົນຈິດໃຈຍົກສູງປ້ອງກັນພະຍາດລະບາດ ແລະ ປະຫຍັດມັດທະຍັດທີ່ສຸດ.

    ຫ້ອງການສຳນັກງານນາຍົກລັດຖະມົນຕີຍັງແຈ້ງຕື່ມວ່າ: ໃນໄລຍະພັກບຸນປີໃໝ່ລາວປີນີ້, ໃຫ້ບັນດາກະຊວງ, ອົງການທຽບເທົ່າ, ນະຄອນຫລວງວຽງຈັນ ແລະ ບັນດາແຂວງ ໃນຂອບເຂດທົ່ວປະເທດ ແຈ້ງໃຫ້ພະນັກງານ, ທະຫານ-ຕຳຫລວດ ຜູ້ປະກອບການ ແລະ ປະຊາຊົນ ຢຸດການເດີນທາງທ່ອງທ໋ຽວຢູ່ຕ່າງປະເທດ ໂດຍສະເພາະບັນດາປະເທດ ທີ່ມີການລະບາດຂອງ ໂຄວິດ-19.

ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້ - Wave100S AD to Website 2020 0 - ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້
ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້ - WhatsApp Image 2020 05 27 at 5 - ອອກມາແລ້ວ ມື້ພັກ ແລະ ຂໍ້ຫ້າມສຳລັບສົງການປີນີ້
error: Alert: ເນື້ອຫາຂ່າວມີລິຂະສິດ !!