ມີສະຕິລະວັງຕົວແຕ່ຢ່າຢ້ານກົວເກີນເຫດ

ມີສະຕິລະວັງຕົວແຕ່ຢ່າຢ້ານກົວເກີນເຫດ - 4 10 - ມີສະຕິລະວັງຕົວແຕ່ຢ່າຢ້ານກົວເກີນເຫດ
ມີສະຕິລະວັງຕົວແຕ່ຢ່າຢ້ານກົວເກີນເຫດ - AGL banner - ມີສະຕິລະວັງຕົວແຕ່ຢ່າຢ້ານກົວເກີນເຫດ

ໂດຍ: ມຶກບໍ່ແຫ້ງ

ພໍແຕ່ຍ່າງເຂົ້າຮ້ານຊັບພະສິນຄ້າແຫ່ງໜຶ່ງຮູ້ສຶກແປກໃຈວ່າເປັນຫຍັງຄືຄົນຫຼາຍແທ້, ແຕ່ລະຄົນຮີບຟ້າວຊື້ເຄື່ອງຈົນເຕັມລໍ້ບັນຈຸ, ພ້ອມນັ້ນກໍໄດ້ຍິນສຽງລົມກັນວ່າ “ພວກເຮົາລົມກັນໃນກຸ່ມໃຜກໍວ່າຂ້ຽວຊື່ເຄື່ອງໄວ້ ສະຖານະການກຳລັງຮ້າຍແຮງຂຶ້ນ”.

ການແຜ່ລະບາດຂອງພະຍາດອັກເສບປອດຫຼືໂຄວິນ 19 (COVID-19) ທີ່ເລີ່ມມາແຕ່ທ້າຍເດືອນທັນວາ 2019 ມາຮອດປັດຈຸບັນຈຳນວນຜູ້ຕິດເຊື້ອຍັງບໍ່ທັນຫຼຸດໜ້ອຍຖອຍລົງໂດຍສະເພາະບາງປະເທດເຊັ່ນອີຕາລີ, ອີຣານແລະປະເທດອື່ນໆ, ຕົວເລກຜູ້ຕິດເຊື້ອໃນເວລາທີ່ຜູ້ຂຽນກຳລັງຂຽນບົດຄວາມນີ້ ແມ່ນຖີບໂຕສູງຂຶ້ນຮອດ 188,384 ຄົນແລະມີຜູ້ເສຍຊີວິດແລ້ວ7,499 ຄົນໂດຍອັດຕາການເສຍຊີວິດເພີ່ມຈາກ 3% ມາເປັນ 6-8% ຂອງຈຳນວນຜູ້ຕິດເຊື້ອ.​

ໃນຂະນະທີ່ ສປປລາວມີຜູ້ສົງໄສຕິດເຊື້ອດັ່ງກ່າວແລ້ວ 79 ຄົນ, ເຖິງວ່າຍັງບໍ່ທັນມີກໍລະນີຢັ້ງຢືນຈາກທາງການວ່າມີຜູ້ຕິດເຊື້ອໃນສປປລາວເຊິ່ງເປັນ 1 ໃນ 2 ປະເທດໃນພາກພື້ນທີ່ຍັງບໍ່ທັນມີຜູ້ຕິດເຊື່ອແຕ່ ນາຍົກລັດຖະມົນຕີແຫ່ງສປປລາວໄດ້ປະກາດປິດໂຮງຮຽນໂດຍສະເພາະຂັ້ນອະນຸບານເມື່ອວັນທີ 16 ມີນາທີ່ຜ່ານມາ.

ຍ້ອນແນວນັ້ນຈຶ່ງເກີດມີຄວາມຢ້ານກົວຂອງຜູ້ຄົນ, ຍິ່ງການແຜ່ລະບາດຂອງຂ່າວປອມແລະຜູ້ສວຍໃຊ້ໂອກາດຕ່າງໆ ຈຶ່ງເຮັດໃຫ້ ບາງກຸ່ມຄົນຢ້ານກົວເກີນເຫດ, ເຮັດໃຫ້ສັງຄົມປັ່ນປວນ, ຟ້າວກວດຊື້ ເຄື່ອງຂອງເພື່ອທີ່ຈະແຮໄວ້ ດັ່ງທີ່ເຫັນໃນຫຼາຍປະເທດ.

ຢູ່ ສສຫວຽດນາມເມື່ອເກີດເຫດການທີ່ຢ້ານກົວປະຊາຊົນກໍພາກັນໄປກວດຊື້ເຄື່ອງເພື່ອແຮໄວ້ເປັນຂະບວນກວ້າງຂວາງຈົນນາຍົກອອກມາໃຫ້ຄຳຊີ້ນຳວ່າ“ມັນບໍ່ມີຄວາມຈຳເປັນເຖິງຂະໜາດນັ້ນ” ໂດຍໄດ້ເນັ້ນໜັກໃຫ້ ກະຊວງອຸດສາຫະກຳການຄ້າເອົາໃຈໃສ່ເປັນພິເສດເພື່ອບໍ່ໃຫ້ຂະບວນການດັ່ງກ່າວແຜ່ເປັນວົງກວ້າງກວ່າເກົ່າເຊັ່ນກຽວກັນກັບຢູ່ ສິງກະໂປໃນເມື່ອເຫັນປະຊາຊົນອອກກວດຕ້ອນຊື້ເຄື່ອງຕາມຮ້າງຮ້ານຈົນໝົດກ້ຽງນາຍົກຂອງສິງກະໂປກໍອອກມາຖະແຫຼງການທັນທີວ່າ“ນັ້ນມັນບໍ່ມີຄວາມຈຳເປັນເລີຍທີ່ຈະຢ້ານກົວເຖິງຂະໜາດນັ້ນເພາະພວກເຮົາມີອາຫານການກິນເຄື່ອງໃຊ້ພຽງພໍແລະສະຖານະການມັນກໍບໍ່ໄດ້ ຮ້າຍແຮງຈົນເຖິງຂັ້ນຕ້ອງສະຕ໋ອກອາຫານ, ເຈ້ຍອະນາໄມ”.

ມີສະຕິລະວັງຕົວແຕ່ຢ່າຢ້ານກົວເກີນເຫດ - Wave100S AD to Website 2020 0 - ມີສະຕິລະວັງຕົວແຕ່ຢ່າຢ້ານກົວເກີນເຫດ

ເຖິງວ່າສະຖານະການຂອງສປປລາວອາດແຕກຕ່າງຈາກສອງປະເທດດັ່ງກ່າວນັ້ນໃນຫຼາຍປັດໄຈກໍຕາມແຕ່ຜູ້ຂຽນໝັ້ນໃຈວ່າກໍບໍ່ໄດ້ວ່າຈະຮ້າຍແຮງຈົນເຖິງຂັ້ນຊອກຊື້ເຄື່ອງແຮໄວ້, ລັດຖະບານເຮົາກໍບໍ່ໄດ້ຖືເບົາແຕ່ຢ່າງໃດໂດຍນຳໃຊ້ ມາດຕະການຕ່າງໆ ເຊັ່ນການປະກາດໃຫ້ ໂຮງໝໍມິດຕະພາບແລະໂຮງໝໍ 103 ເປັນບ່ອນປິ່ນຖ້າພົບກໍລະນີຜູ້ສົງໄສ, ເປີດບໍລິການສາຍດ່ວນ 166, ກະຊວງສາທາແລະຂັ້ນນຳສູງສຸດຂອງປະເທດກໍໄດ້ອອກມາແຈ້ງສະຖານະການເປັນແຕ່ລະໄລຍະເຊັ່ນການຖະແຫຼ່ງຂ່າວ, ເຜີຍແຜ່ ວິທີປ້ອງກັນຕົນເອງ, ປະກາດຍົກເລີກງານໂຮມຊຸມນຸມທີ່ສຳຄັນລະດັບປະເທດຕ່າງໆ ເຊັ່ນງານມະຫາກຳກິລແຫ່ງຊາດທີ່ແຂວງຊຽງຂວາງແລະອື່ນໆ.

ແຕ່ພ້ອມກັນນັ້ນຍັງມີປະຊາຊົນຈຳນວນຫຼວງຫຼາຍທີ່ຖືເບົາໃນການປ້ອງກັນ, ຈາກການສຳພາດຊ່ອງໂທລະພາບແຫ່ງໜຶ່ງຂອງສປປລາວຕໍ່ປະຊາຊົນທີ່ຈະຂ້າມໄປປະເທດໃກ້ຄຽງເມື່ອບໍ່ເທົ່າໃດມື້ຜ່ານມາສະແດງໃຫ້ເຫັນວ່າເຂົາເຈົ້າບໍ່ມີຄວາມກັງວົນແຕ່ຢ່າງໃດ, ຂາດການເອົາໃຈໃສ່ໃນການປ້ອງກັນຕົນເອງໂດຍການຢູ່ໃກ້ ທີ່ຊຸມນຸມຂອງຄົນຈຳນວນຫຼາຍແລະບໍ່ຮັບຮູ້ຂ່າວສານຈາກທາງແຕ່ຢ່າງໃດເຊິ່ງເປັນກຸ່ມສ່ຽງທີ່ສຸດ.

ເພາະສະນັ້ນ, ພວກເຮົາຈົ່ງຮັບຮູ້ນຳກັນວ່າພະຍາດນີ້ ສາມາດປ້ອງກັນໄດ້ ໂດຍການປະຕິບັດຕາມຄຳແນະນຳຂອງຜູ້ຊ່ຽວຊານເລີ່ມຕົ້ນຈາກການລ້າງມືເປັນປະຈຳ, ການຫ່າງໄກຈາກທີ່ຊຸມນຸມ, ໃສ່ຜ້າອັດປາກເມື່ອເຫັນມີຄວາມສ່ຽງແລະຕິດຕາມຂ່າວສານຢ່າງເປັນປະຈຳ.

ມີສະຕິລະວັງຕົວແຕ່ຢ່າຢ້ານກົວເກີນເຫດ - lattana 1 - ມີສະຕິລະວັງຕົວແຕ່ຢ່າຢ້ານກົວເກີນເຫດ
error: Alert: Content is protected !!