ບໍ່ວ່າຈະອາຍຸເທົ່າໃດກໍສາມາດສະໝອງດີໄດ້

- 020206 - ບໍ່ວ່າຈະອາຍຸເທົ່າໃດກໍສາມາດສະໝອງດີໄດ້
- Untitled design - ບໍ່ວ່າຈະອາຍຸເທົ່າໃດກໍສາມາດສະໝອງດີໄດ້
  1. ສະຫລາດອອນລາຍໃຫ້ໄດ້ປະໂຫຍດ : ຄົນຍຸກອອນລາຍມັກຈະມີນິໄສຕິດໂລກອອນລາຍ ເຊິ່ງໂລກອອນລາຍນີ້ຄືຂຸມຊັບທີ່ດີສຳລັບຄົນທີ່ຢາກຫາຄວາມຮູ້, ບໍ່ວ່າຈະແມ່ນເນື້ອໃນເສີມຄວາມຮູ້, ບົດຮຽນອອນລາຍແລະອື່ນໆ ມັນຈຶ່ງກັບມາເປັນຄຳຖາມທີ່ເຮົາມັກຈະລົມກັນເລື້ອຍໆວ່າມື້ນີ້ທ່ານໃຊ້ປະໂຫຍດຈາກໂລກອອນລາຍຫລາຍປານໃດ ?
  2. ຮູ້ຈັກບັນທຶກວ່າທ່ານຮຽນຮູ້ຫຍັງແດ່ : ທຸກຢ່າງໃນຊີວິດຂອງເຮົານັ້ນສາມາດກາຍເປັນບົດຮຽນທີ່ດີໃຫ້ກັບເຮົາໄດ້ ຂຶ້ນກັບວ່າເຮົາຈະເບິ່ງມັນເປັນບົດຮຽນຫລືບໍ່ ນັບແຕ່ເລື່ອງນ້ອຍໆໃນແຕ່ລະມື້ ເຊັ່ນ : ບົດສົນທະນາໃນຫ້ອງປະຊຸມ ຫລື ການໂອ້ລົມກັບໝູ່ ແລະອື່ນໆ ສິ່ງເຫລົ່ານີ້ທ່ານສາມາດເອົາໄປເປັນຄວາມຮູ້ພັດທະນາໂຕເອງໄດ້.
  3. ເຮັດລາຍການສິ່ງທີ່ໄດ້ເຮັດໄປແລ້ວ : ປົກກະຕິແລ້ວເຮົາມັກເຮັດລາຍການທີ່ເຮົາຢາກຈະເຮັດ ຫລື ວາງແຜນວ່າຈະເຮັດ, ແຕ່ມັນກໍດີຖ້າໄດ້ລອງເຮັດລາຍການສິ່ງທີ່ທ່ານໄດ້ເຮັດໄປແລ້ວ ເພາະສິ່ງເຫລົ່ານີ້ລ້ວນກາຍເປັນເຄື່ອງເຕືອນໃຈໃຫ້ຮູ້ວ່າທ່ານກ້າວຂ້າມສິ່ງໃດມາແດ່ແລ້ວ, ບາງປະສົບການອາດຈະເປັນສິ່ງທີ່ມີຄ່າກັບທ່ານ ແລະ ຫລາຍໆຄົນອາດຈະບໍ່ມີມື້ໄດ້ມີ.
  4. ຫລິ້ນເກມ : ເກມຕ່າງໆທີ່ເນັ້ນການໃຊ້ຄວາມຄິດຫລາຍໆບໍ່ໄດ້ມ່ວນແຕ່ຢ່າງດຽວ ເຮົາຈະເຫັນວ່າຄົນເກັ່ງໆຫລາຍຄົນມີກິດຈະກຳຍາມວ່າງຢູ່ກັບການຫລິ້ນເກມເຫລົ່ານີ້.
  5. ມີໝູ່ສະຫລາດໆ : ຖ້າທ່ານມີໝູ່ທີ່ສົນທະນາກັນແຕ່ເລື່ອງທີ່ມີປະໂຫຍດ ທ່ານກໍຈະຊຶມຊັບຄວາມເກັ່ງເຫລົ່ານັ້ນໄດ້ຈາກຫລາຍໆຄົນ ແລະ ຫາກທ່ານຫຍຸ້ງຢູ່ແຕ່ກັບໝູ່ທີ່ສົນທະນາກັນແຕ່ເລື່ອງບໍ່ເປັນປະໂຫຍດ ທ່ານກໍຈະຊຶມຊັບເອົາລັກສະນະນິໄສຂອງໝູ່ໃນຮູບແບບນັ້ນມາໄດ້ຄືກັນ.
  6. ອ່ານຫລາຍໆ : ການອ່ານໜັງສືແມ່ນການເປີດໂລກກະທັດໃຫ້ກັບຄົນທີ່ສົນໃຈ ແລະ ຢາກຫາຄວາມຮູ້, ເປີດວິໄສທັດໃຫ້ໂຕເຮົາ, ຮຽນຮູ້ແນວຄິດຕ່າງໆຈາກຄົນຂຽນຢ່າງຫລວງຫລາຍ ເຊິ່ງເປັນພຶດຕິກຳງ່າຍໆທີ່ທ່ານເລີ່ມເຮັດໄດ້ທັນທີທຸກບ່ອນທຸກເວລາ.
  7. ຝຶກອະທິບາຍໃຫ້ຄົນອື່ນຟັງ : ຄົນທີ່ອະທິບາຍສີ່ງທີໂຕເຮົາຮູ້ໃຫ້ຄົນອື່ນໄດ້ເຂົ້າໃຈໄດ້ ຈະມີຄວາມເຂົ້າໃຈທີ່ຫລາຍຂຶ້ນກ່ວາເກົ່າ ແລະ ໃນທາງກົງກັນຂ້າມ ຖ້າທ່ານຍັງບໍ່ສາມາດອະທິບາຍໃຫ້ຄົນອື່ນເຂົ້າໃຈໄດ້ ກໍສະແດງວ່າຍັງມີບາງສິ່ງບາງຢ່າງທີ່ທ່ານຍັງຄິດບໍ່ຖີ່ຖ້ວນ ຫລື ຍັງເຂົ້າໃຈໄດ້ບໍ່ພຽງພໍ.
  8. ລອງສຸ່ມເຮັດຫຍັງໃໝ່ໆແດ່ ບາງເທື່ອການລອງໄປເຮັດຫຍັງແປກໆໃໝ່ໆກໍອາດຈະເຮັດໃຫ້ໄດ້ຕໍ່ຍອດຄວາມຄິດເກົ່າໃຫ້ດີຂຶ້ນໄປອີກໄດ້ ແລະ ນັ້ນກໍຄືອີກຂັ້ນຂອງການພັດທະນາຄວາມສະຫລາດ.
  9. ຮຽນພາສາໃໝ່ : ອາດຟັງຄືເປັນເລື່ອງຍາກ, ແຕ່ການຮຽນຮູ້ພາສາທີ່ອາດຈະເປັນພຽງພື້ນຖານພໍໃຫ້ທ່ານສາມາດຟັງເຂົ້າໃຈ, ຮູ້ຄຳສັບພື້ນຖານແດ່ ຢ່າງໜ້ອຍແລ້ວມັນກໍຄືການບໍລິຫານສະໝອງອີກວິທີໜຶ່ງມີປະໂຫຍດຕໍ່ທ່ານນຳອີກ.
  10. ພັກຜ່ອນແດ່ : ຫລັງຈາກທຸ້ມເທຝຶກສະໝອງຢູ່ສະເໝີແລ້ວ ທ່ານກໍຕ້ອງບໍ່ລືມໃຫ້ສະໝອງໄດ້ພັກຜ່ອນນອນຫລັບໃຫ້ພຽງພໍ.
- Wave100S AD to Website 2020 0 - ບໍ່ວ່າຈະອາຍຸເທົ່າໃດກໍສາມາດສະໝອງດີໄດ້
- WhatsApp Image 2020 05 27 at 5 - ບໍ່ວ່າຈະອາຍຸເທົ່າໃດກໍສາມາດສະໝອງດີໄດ້
- WhatsApp Image 2020 05 27 at 5 - ບໍ່ວ່າຈະອາຍຸເທົ່າໃດກໍສາມາດສະໝອງດີໄດ້
error: Alert: ເນື້ອຫາຂ່າວມີລິຂະສິດ !!