ເມື່ອໃຊ້ນ້ຳເຜິ້ງລ້າງໜ້າຜົນອອກມາຈະເປັນແນວໃດ ?

- advert banner 728 90 728x90 - ເມື່ອໃຊ້ນ້ຳເຜິ້ງລ້າງໜ້າຜົນອອກມາຈະເປັນແນວໃດ ?

ຄຸນປະໂຫຍດຂອງນຳ້ເຜິ້ງນັ້ນມີຫລວງຫລາຍ ນອກຈາກຈະມີສັບພະຄຸນທາງຢາຫລາຍແລ້ວ ຍັງສາມາດເອົາມາໃຊ້ເປັນສ່ວນປະກອບຂອງເຄື່ອງສຳອາງໄດ້ນຳ ແຕ່ໃນປັດຈຸບັນນີ້ການຈະຫານຳ້ເຜິ້ງແທ້ມາໃຊ້ນັ້ນອ່າວຍາກ ຖ້າເຮົາບໍ່ຮູ້ຈັກວິທີເບິ່ງນຳ້ເຜິ້ງ ເຮົາອາດຈະກາຍເເປັນເຫຍື່ອຂອງແມ່ຄ້າໄດ້. ປະຈຸບັນມີຜູ້ນິຍົມເອົານຳ້ເຜິ້ງມາຊ່ວຍໃນການຕື່ມຄວາມຊຸ່ມຊື່ນໃຫ້ແກ່ຜິວ ໂດຍການເອົານຳ້ເຜິ້ງສົດໆມາລ້າງໜ້າ, ແຕ່ຫາກໃຜຍັງບໍ່ໝັ້ນໃຈວ່ານຳ້ເຜິ້ງສາມາດລ້າງໜ້າແລ້ວດີແທ້ຫລືບໍ່ ມື້ນີ້ພວກເຮົາມີຜົນຈາກການທົດລອງມາບອກ.

– ມື້ທີ 1 : ຜູ້ທົດລອງເລີ່ມໃຊ້ນຳ້ເຜິ້ງມາທາໜ້າ ແລະ ຄໍ 5 ນາທີໃນຕອນເຊົ້າຫລັງຕື່ນນອນ ເມື່ອລ້າງອອກກໍພົບວ່າໜ້າອ່ອນນຸ້ມຊຸ່ມຊື່ນຫລາຍ ແລະ ບໍ່ເຮັດໃຫ້ຜິວໜ້າແຫ້ງເຄັ່ງຄືກັບໃຊ້ໂຟມລ້າງໜ້າປົກກະຕິ. ສ່ວນຕອນແລງນາງກໍລ້າງໜ້າໃຫ້ປຽກກ່ອນ ຈາກນັ້ນກໍທາໜ້າ ແລະ ຄໍໂດຍນຳ້ເຜິ້ງ 10 ນາທີ ເມື່ອລ້າງອອກແລ້ວກໍພົບວ່າຜິວນຸ້ມຂຶ້ນ.

– ມື້ທີ 2 : ຫລັງຈາກຕື່ນນອນນາງກໍພົບວ່າຜິວຍັງສຸຂະພາບດີ ແລະ ຊຸ່ມຊື່ນຢູ່, ແຕ່ເວລາລ້າງໜ້າຈະຮູ້ສຶກວ່າບໍ່ສະອາດເທົ່າກັບໃຊ້ໂຟມລ້າງ ແລະ ພົບວ່າມີສິວຂຶ້ນ 5 ຕຸ່ມ, ແຕ່ນາງກໍຍັງຕ້ອງທົດລອງລ້າງໜ້າໂດຍນຳ້ເຜິ້ງຕໍ່ໄປ ໂດຍເອົາມາທາໜ້າ ແລະ ຄໍປະໄວ້ 15 ນາທີ ກໍຮູ້ສຶກວ່າຊ່ວຍຫລຸດການອັກເສບຂອງສິວໄດ້ດີຢູ່.

– ມື້ທີ 3 : ເມື່ອຕື່ນຂຶ້ນມາກໍ ພົບວ່າສິວຕຸ່ມໃຫຍ່ຂຶ້ນ, ແຕ່ເວລາ ແຕ່ງໜ້າແລ້ວໜ້າບໍ່ແຫ້ງເຄັ່ງຄືແຕ່ ກ່ອນ ທັງຍັງແຕ່ງໜ້າໄດ້ງ່າຍຂຶ້ນ ເມື່ອຮອດຕອນກາງຄືນ ສິວກໍບໍ່ໄດ້ ເຊົາ ແລະ ເມັດໃຫຍ່ຂຶ້ນກ່ວາເກົ່າ.

- Tiger Head 728x90 - ເມື່ອໃຊ້ນ້ຳເຜິ້ງລ້າງໜ້າຜົນອອກມາຈະເປັນແນວໃດ ?
- 1 1 - ເມື່ອໃຊ້ນ້ຳເຜິ້ງລ້າງໜ້າຜົນອອກມາຈະເປັນແນວໃດ ?

– ມື້ທີ 4 : ມື້ນີ້ຜິວໜ້າກຳລັງນຸ້ມຊຸ່ມຊື່ນ ແລະ ສຸຂະພາບດີ, ບໍ່ແຫ້ງເຄັ່ງ ແລະ ບໍ່ມັນ, ສິ່ວທີ່ເກີດມາກໍເລີ່ມຫລຸດລົງ ແລະ ຫາຍໄປ ແລະ ສິວກໍບໍ່ຂຶ້ນມາໃໝ່,​ ແຕ່ກໍຍັງຮູ້ສຶກວ່າໜ້າບໍ່ສະອາດຄືກັບຕອນໃຊ້ໂຟມລ້າງໜ້າ.

– ມື້ທີ 5 : ຜູ້ທົດລອງຮູ້ສຶກໄດ້ວ່າຜິວໜ້າດີຂຶ້ນຫລາຍ ແລະ ຄິດວ່າຈະໃຊ້ຕໍ່ໄປ ເຖິງວ່າຈະມີສິວຂຶ້ນກໍຕາມ, ແຕ່ນຳ້ເຜິ້ງກໍຊ່ວຍປິ່ນປົວສິວໃຫ້ເຊົາໄດ້. ຕອນນີ້ຜິວໜ້ານຸ້ມ ແລະ ສຸຂະພາບດີຂຶ້ນ ພ້ອມທີ່ຈະເຊົາໃຊ້ໂຟມລ້າງໜ້າໄດ້ແລ້ວ.

ຈາກຜົນການທົດລອງທັງໝົດຜູ້ທົດລອງກໍບອກວ່າບໍ່ມັກເວລາທານຳ້ເຜິ້ງເທິງໃບໜ້າ ມັນຮູ້ສຶກໜຽວໆ ແລະ ຕິດຜົມນຳອີກ. ສິ່ງສຳຄັນກິ່ນກໍບໍ່ຫອມ, ແຕ່ມັກທີ່ນຳ້ເຜິ້ງຊ່ວຍໃຫ້ຜິວໜ້ານຸ້ມ ແລະ ສຸຂະພາບດີຂຶ້ນກ່ວາເກົ່າ ທັງຍັງຮູ້ສຶກດີທີ່ບໍ່ໄດ້ໃຊ້ສານເຄມີກັບຜິວໜັງທຸກໆມື້, ແຕ່ສຳລັບສິວຍັງບໍ່ສາມາດຕອບໄດ້ຈະແຈ້ງ ເພາະຕ້ອງໃຊ້ເວລາທົດລອງໃຫ້ຫລາຍກ່ວານີ້ ສ່ວນສິວທີ່ຂຶ້ນມານັ້ນອາດເປັນຍ້ອນຮໍໂມນ ຫລື ການປ່ຽນການລ້າງໜ້າໃໝ່. ສະຫລຸບແລ້ວກໍຄືຈະໃຊ້ນຳ້ເຜິ້ງລ້າງໜ້າຕໍ່ໄປ.

error: Content is protected !!