ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19

ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19 - 203 1 - ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19
ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19 - Untitled design - ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19

     ສຳນັກ​ຂ່າວ​ຊິນ​ຮົວຂອງ​ທາງ​ການ​ຈີນ ລາຍ​ງານ​ວ່າ: ທ່ານ ຈາງ​ຊິນ​ໝິນ ຜູ້ອຳນວຍການ​ສູນ​ການ​ພັດທະນາ​ເຕັກ​ໂນ​ໂລ​ຊີ​ຊີວະ​ພາບ​ແຫ່ງ​ຊາດ​ຈີນ (CNCBD) ສັງກັດ​ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ອອກ​ມາ​ຖະ​ແຫລ​ງຂ່າວ​ໃນ​ວັນ​ທີ 19 ມີນາ​ວ່າ: ຢາ “ຟາ​ວິ​ພິຣາ​ເວ​ຍ” (Favipiravir) ທີ່​ໄດ້​ຮັບ​ອະນຸມັດ​ໃຫ້​ໃຊ້​ງານ​ທາງ​ຄລີ​ນິກຢູ່​ຍີ່ປຸ່ນ​ໃນ​ປີ 2014 ​ໃຊ້​ໄດ້​ດີ​ໃນ​ການ​ປິ່ນປົວ​ຜູ້​ປ່ວຍ​ໂຄ​ວິດ-19 ​ແລະ ບໍ່​ມີ​ຜົນ​ຂ້າງຄຽງ​ໃນ​ການ​ທົດ​ລອງ​ງທາງ​ຄລີ​ນິກ. ສຳນັກງານ​ບໍລິຫານ​ອາ​ຫານ ​ແລະ ຢາ​ແຫ່ງ​ຊາດ​ຈີນ (NMPA) ຈຶ່ງ​ອະນຸມັດ​ການ​ຜະລິດ​ຢາ​ຟາ​ວິ​ພິຣ​າ​ເວ​ຍ ອອກ​ມາ​ໃນ​ປະລິມານ​ຫລາຍ​ຢ່າງ​ຮີບ​ດ່ວນ.

      ​ໂດຍ​ໃນ​ການ​ທົດ​ລອງ​ດັ່ງກ່າວ ມີ​ຜູ້​ປ່ວຍ​ຕິດ​ເຊື້ອ​ໄວຣັສ​ໂຄ​ວິດ-19 ຈຳນວນ 80 ຄົນ ທີ່​ເຂົ້າຮ່ວມ​ການ​ທົດ​ລອງ​ໃນ​ໂຮງໝໍ​ປະຊາຊົນ​ແຫ່ງ​ທີ 3 ຂອງ​ເມືອງ​ເສິນ​ເຈິ້ນ ມົນທົນ​ກວາງຕຸ້ງ ​ເຊິ່ງ​ໃນ​ຈຳນວນ 80 ຄົນ ມີ​ຜູ້​ປ່ວຍ​ທີ່​ໄດ້​ຮັບ​ຢາ​ຟາ​ວິ​ພິຣາ​ເວ​ຍ 35 ຄົນ ​ແລະ ຜູ້​ປ່ວຍ​ກຸ່ມ​ຄວບ​ຄຸມ (ບໍ່​ໄດ້​ຮັບ​ການ​ປິ່ນປົວ​ຈາກ​ຢາ​ຟາ​ວິ​ພິຣາ​ເວ​ຍ) 45 ຄົນ ພົບ​ວ່າ ຜູ້​ປ່ວຍ​ທີ່​ໄດ້​ຮັບ​ຢາ​ຟາ​ວິ​ພິຣາ​ເວ​ຍ ມີ​ຜົນ​ການກວດ​ຫາ​ເຊື້ອ​ໄວຣັສ​ໂຄ​ວິດ-19 ​ເປັນ​ລົບ​ໃນ​ໄລຍະ​ເວລາ​ອັນ​ສັ້ນກວ່າ ​ເມື່ອ​ທຽບ​ໃສ່​ຜູ້​ປ່ວຍ​ກຸ່ມ​ຄວບ​ຄຸມ.

ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19 - favipiravir - ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19

    ນອກຈາກ​ນີ້ ຜົນ​ການ​ທົດ​ລອງ​ທາງ​ຄລີ​ນິກ​ແບບ​ສຸ່ມ​ໃນ​ຫລາຍ​ສະ​ຖາ​ບັນ ນຳ​ໂດຍ​ໂຮງໝໍ​ຈົງ​ໜານ ຂອງ​ມະຫາວິທະຍາ​ໄລ​ອູ່​ຮັ່ນ ກໍ​ມີ​ຂໍ້​ບົ່ງ​ຊີ້​ວ່າ ການ​ປິ່ນປົວ​ຜູ້​ປ່ວຍ​ໂຣກ​ໂຄ​ວິດ-19 ຈາກ​ຢາ​ຟາ​ວິ​ພິຣາ​ເວ​ຍ ສຳລິດ​ຜົນ​ດີກ​ວ່າ​ເຊັ່ນ​ດຽວ​ກັນ.

     ທັງ​ນີ້ ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ຂອງ​ຈີນ ​ເປີດ​ເຜີຍ​ວ່າ: ຢາ​ຟາ​ວິ​ພິຣາ​ເວ​ຍ ຫລື ​ໃນ​ຊື່​ທາງ​ການ​ຄ້າ​ວ່າ: “ອາ​ວິ​ແກນ” (Avigan) ​ເປັນ​ຢາ​ຕ້ານ​​ໄວຣັສສຳລັບ​ການ​ປິ່ນປົວ​ໄຂ້ຫວັດ​ໃຫຍ່​ສາຍ​ພັນ​ໃໝ່​ທີ່​ຄິດ​ຄົ້ນພັດທະນາ​ໂດຍ​ບໍລິສັດ​ຢາ​ຂອງ​ຍີ່ປຸ່ນ (ບໍລິສັດ​ຟູ​ຈິ​ຟີມ ​ໂຕ​ຢາ​ມະ ​ເຄມິ​ຄັລ ​ເຊິ່ງ​ເປັນ​ບໍລິສັດ​ລູກ​ຂອງ​ຟູ​ຈິ​ຟີມ) ມາ​ແຕ່​ປີ 2014 ​ໃຫ້​ຜົນ​ລັບ​ທີ່​ໜ້າ​ປະ​ທັບ​ໃຈ​ໃນ​ການ​ທົດ​ລອງ​ທາງ​ຄລີ​ນິກຕໍ່​ຜູ້​ປ່ວຍ​ຕິດ​ເຊື້ອ​ໄວຣັສ​ໂຄ​ວິດ-19 ທັງ​ຢູ່​ເມືອງ​ອູ່​ຮັ່ນ ​ແລະ ​ເມືອງ​ເສິນ​ເຈິ້ນ. ຜົນ​ການ​ເອັກສະ​ເຣຍັງ​ສະ​ແດງ​ໃຫ້​ເຫັນ​ອີກ​ວ່າ: ປອດ​ຂອງ​ຜູ້​ປ່ວຍ​ທີ່​ໄດ້​ຮັບ​ການ​ປິ່ນປົວ​ຈາກ​ຢາ​ຟາ​ວິ​ພິຣາ​ເວ​ຍ ຟື້ນຟູ​ດີ​ຂຶ້ນ 91% ​ເມື່ອ​ທຽບ​ໃສ່ 62% ຂອງ​ຜູ້​ທີ່​ບໍ່​ໄດ້​ຮັບ​ການ​ປິ່ນປົວ​ຈາກ​ຢາດັ່ງກ່າວ​.

ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19 - Wave100S AD to Website 2020 0 - ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19

     ​ເຖິງ​ຢ່າງ​ໃດ​ກໍ​ຕາມ, ນອກຈາກ​ການ​ເດີນ​ໜ້າ​ຜະລິດ​ຢາ​ຟາ​ວິ​ພິຣາ​ເວ​ຍ​ແລ້ວ ຈີນ​ຍັງ​ໄດ້​ຊຸກຍູ້​ການ​ໃຊ້​ປະ​ໂຫຍ​ດຈາກ​ເຕັກ​ໂນ​ໂລ​ຊີ​ນະ​ວັດຕະ​ກຳ​ບາງ​ສ່ວນ​ເຊັ່ນ: ການ​ປູກ​ຖ່າຍ​ຈຸ​ລັງ​ຕົ້ນກຳ​ເນີ​ດ (ສະ​ເຕັມ​ເຊ​ລ) ຕັບ​ທຽມ ​ແລະ ການຈັດ​ສານພິດ​ໃນ​ເລືອດ ຫລື ການ​ຟອກ​ເລືອດ​ເພື່ອ​ປິ່ນປົວ​ຜູ້​ປ່ວຍ​ໂຣກຕິດ​ເຊື້ອ​ໄວຣັສ​ໂຄ​ວິດ-19 ທີ່​ມີ​ອາການ​ຮຸນ​ແຮງ​ນຳ​ອີກ.

ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19 - WhatsApp Image 2020 05 27 at 5 - ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19
ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19 - WhatsApp Image 2020 05 27 at 5 - ຈີນເດີນໜ້າຜະລິດຢາ “ຟາວິພິຣາເວຍ” ປິ່ນປົວຜູ້ປ່ວຍໂຄວິດ-19
error: Alert: ເນື້ອຫາຂ່າວມີລິຂະສິດ !!